#سـَ يتحـقق المستحيل '
"مقتبسة من الواقع"<<1>>
_صارت الساعة وحدة وطلعن بنات الثانوية ..وكل وحدة مع رفيقتها وبهالطريق كانو ماشيات صديقتين ..كان يجمعهن حب وشغف وحلم مشترك كان من الصعب انو يتحقق ..والكل كان يحكي عنو مستحيل وانو انتو غبيات وشو عم تخبصو والي عم تفكرو فيو مو الكن ولا لصالحكم ..بس هل البنتين ما كانو يوخذو حكي الناس ب عين الاعتبار ابداً وكانوا يقولوا لو شو ماصار الله كريم ومارح ينسانا ..
كانت مايا ونايا ماشيات وعم يحلموا ويقررو شو مستنيهم للمستقبل..انعرفكم على مايا ..مايا بنت عصبية وطموحة وعنيدة بس قلبها ابيض وطيوبة ومحبوبة ،شعرا اسود طويل بعيون بنبة وبشرة سمرا وملامح حلوة وجذابة
نايا ..بنت مهضومة ومزوحة وطموحة بس مرات بتكون سريعة الغضب وطيوبة لدرجه،شعرا بني طويل ببشرا بيضا وعيون بنية وملامح ناعمة وملفتة ..
على كثر مو قريبين من بعض كانوا الناس يفكروهن توأم او اخوة كانوا اكثر من رفقة واخوة كان من المستحيل يتخلو عن بعض علاقة حلوة وغريبة بتجمعهن حتى اسمائهن بتشبه بعض وطريقة التفكير ..والحلم ..اهم شي الحلم الي كان مشترك من هما صف اول كان يجمعهم ولو شو ما كان رح يحققو وبعدو..الحلم هو انو يصيرو محاميات كبيرات ومعروفات وانهن يشتغلو بهالتخصص هذا بكل اخلاص رغم انو فرعهم علمي! بس مادخل كلشي كانو يحلمو فيو
مايا(وهي عم تنفخ بغضب):لك ايمت بدنا نخلص امتحانات وبكالوريا ونصير اهم محاميات بهالبلد ايمت!!!
نايا(ابتسمت واطلعت على السما):قريباً قريباً ..ضل شهرين وانشالله منخلص ومنصير بعدين مو بس بالبلد مو بدنا نطلع على دبي؟!
مايا(ابسمت):اي اكيد انشالله بس والله خايف لك نايا محدا يطلعنا ونضل هون وحتى مانقرا الفرع الي بدنا ياه..
نايا:لك لا اتفائلي اتفائلي طول ما نحنا سوا ايد بأيد وعم نحارب المجتمع وندعي ل ربك ربك ما رح ينسانا
مايا:انشالله الله يسمع منك..
نايا: ها شوفي اجت رفيف يمكن ما لقت باص بدها تروح مشي
-رفيف رفيقتهن وكثير رفقة هما الثلاثي ،،رفيف بنت قلبة طيب كثير بتنحب غصبن عنك ع كثر مو طيوبة طويلة ببشرا بيضا وعيون خضر بجننو
بس رفيف كانت عكس نايا ومايا بالحلم كان حلمها انها تصير دكتورة وتقهر كل حدا حكالها ما رح تصير دكتورة بس الي كان يجمعهن انو هي حابة تتطلع على دبي بس هي الها خالة هناك وحابة تصير اهم دكتورة
اجت رفيف لعند الصبايا..
رفيف(وهي عابسة):مرحبا صبايا ..ما لقيت باص..
نايا(ابتسمت):ولا يهمك ..بتمشي معنا اعملي روجيم هالمرة
مايا:ايه صح شو ناقص عليكي
رفيف (ابتسمت):تضربوا بس يلا امري لله ما في حل..
مشيوا البنات وراحو على بيوتهن ومر شهر على الدراسة وشهرين وقرب موعد الامتحانات وامتحنو الصبايا والكل نجح بمعدلات عالية والحمد لله يعني تعبو ولقو طبعاً هن علمي وبطبيعا الحال رح يفوتو فرع علمي مرتب بالنسبة ل علامتهم رفيف جابت علامات طب الشي الي خلا الكل يطق والناس الي قالولها انك مستحيل تحيبي طب مايا ونايا علامتهم كانت قريبات من بعض بس مايا اختارت العلوم التطبيقية ونايا اختارت المخبري طبعاّ هي الفروع بالشام بطبيعة الحال قريبة من بعض فكانو كثير قراب من بعض وما افقترقو ابداً ..الي خلا مايا ونايا يدخلو غير فروع بعض مو رغبتهم ابدا كانت رغبت اهلايهم لانو هنا في ب راسهن موال ثاني..غير الي بفكرو اهلايهم اطلاقاً
بعد مرور 3 اعوام
المحاضرة الرابعة والاخيرة طلعت الكليات فتحت نايا الجوال واتصلت على مايا فوراً
نايا:مراحب ميوش مايا:يا اهلاً كنت بدي دقلك والله
نايا : طيب ميوش دقي على رفيف وتعي نطلع على المطعم تبعنا الي منطلع عليه كل مرة تعبان شوي
مايا:سلامتك يعمري كلنا من حالتك ورح انجن ..هلأ بتصل على رفيف وبقلها. .وانا جاي ع بالي افضفض رح طق
نايا:تمام ناطرك باي
التقو بالمطعم الي ع طول بروح عليه بفرحهن وزعلهن وكلشي
على الطاولة كانت نايا ومايا ورفيف والصمت سائد والكل مبين على ملامحو الانزعاج كسرت هالصمت نايا وبلشت
نايا:شو صبايا بدنا نضل ساكتين فضفضو شبكن نفس علتي ولا غير
مايا(اخذت نفس وزفرة بأنزعاج):بالنسبة الي نفسك ورح طق بعد صح شاطرين بالفرع الي نخنا فيو بس مو مصدق تخلص هالسنة ونسجل حقوق.ااافف
رفيف(بحزن):ياريت هيك انا ..
مايا :خير شو في رفيف:بابا مو مأمن بقدراتي وقال انا فتت واسطة ولحد الان مو مصدق اني اجتهدت ع حالي كل يوم بسمعني بدن مرتب وبصّر انو يزعجني
نايا (بحزن):بسيطة انشالله رح تطلعي على دبي وتخلصي منهم
مايا:صح ايمت خالتك قالتلك رح تطلعي
رفيف(حطت راسها بالارض):مابعرف حتى خالتي بتحكيلي انو لحتا اختص جراحه حتى لو سنة عشان ما عاد ترجعني على هالبلد ابداً
ودمعت وكانت رح تبكي..
نايا(ابتسمت):روقونا ولووو بعدين تعي مين رح يعمل عملية الزايدة ل مايا هاا مين
مايا(ابتسمت):يا حبيبي اكلناها
رفيف(ابتسمت من بين دمعاتها): انتو الي مصبيرني على الوضع والله ..بعدين لاتهكلو هم عملية الزايدة علي وحتى القلب المفتوح ووجهت نضرها على نايا .واطلعو على ناي
ا وصارو يضحكو
*اما عن قصة رفيف مع اهلا والمحيط تبعها انو كانو يستحقروها وما يآمنو بقدراتها ابداً والاستهزاء على طول موجود من ناحية انها هي مستحيل على الطب ومش قدو ومحدا رح يتطلع بوجها ومن هالحكي المجرح طبعاً هذا كلو عدا انهم كانو يتدخلو بحياتها العاطفية والشخصية وكلشي كانت بدها ياه يرفضوه رفض تام..وكانت خالتها المشجع الوحيد الها وعدتها تطلعها لعندا على دبي مشان تكمل دراستها
مر شهر وثنين وخلصت السنة الرابعة الي فيها ب تتممو مايا ونايا الفروع الي كانو فيها ..اما رفيف ف بتكون بالسنة الاولى اختصاص جراحه
ومر كثير على هالسنة ومايا ونايا ما اشتغلو بشهاداتهم ابداً ومن اول نا بلش التسجيل لقبول الوافدين للجامعات الحقوق سجلو فوراً سجلو وبلشو من اول سنة اجتهاد ودراسة على عكس ما كانو بالفروع العلمية ههه طموحن غير سبحان الله ..اغتنمو الوقت كلو وكانو ب فترة الدراسة يروحو يوخذو دورات عند محامي شاطر ومتمرس لامور الادارة بالشركات والجرائم وقضايا اختلاس الاموال..ما كانوا يقصروا بالمجهود ابداً الطموح بقلبهن ما مات ابداً رغم انو كلشي بمحيطهم بيدل عكس هيك تماماً الكل كان ماخذ وضع الاستهزاء وما عاطين اهمية لوضعهن وطموحهن ابداً
وبهالسنين الي عم تمر بالاصل هما الصبايا مرو بحالات كثير وياما مرت عليهم ايام ما نامو من الزعل والقهر على حالهم واليأس الي وصلولو بس مع هيك يناضلو مشان الحلم الي نخلق معهم واتعرفو على ناس جديدة واخذو منهم عبرة من كل شي حولهم وما كانو ناسين موضوع دبي ابداً الشي الي كان مشجعهم بهالفترة ومن ناحية كانو متأملين عسى وعلا انو رفيف تقدر تساعدهم اذا طلعت..
وبالسنين الي مرت قدرت رفيف تختص وبسرعة طلعت لعند خالتها على دبي
اما مايا ونايا خلصو حقوق واتوجهو لاقرب شركة ولكل مشروع حتى لو كانت الشركة عادية كانو حابين يثبتو وجودهم بآي شكل وكل مسابقة كانو يقمدن السيڤي تبعهن وماحدا قبلهن لحتى بيوم..
بليل عند مايا قبل ما تنام كانو يحبو يحكو مع بعض بس المرا كان في موضوع ضروري اتصلت مايا ب نايا وردت نايا
نايا:اهلا ميوش كيفك اليوم
مايا: الحمد لله شو بدو يحكي الواحد..
نايا:بعين الله اليوم لما ما قبلونا بالمقابلة كنت رح بطل وانتحر احسن شي
مايا:طولي بالك ع اساس انا حالي احسن رح انفجر بس الي صبرني اليوم انو اتصلت بنت عمي وحكتليانو بكرا نروح على المقابلة بشركة مهمة
نايا:افف شركة مهمة؟؟!!
مايا:انا مثلك استغربت بس قالالشغلة عاظية يعني مو مهمة وفي عندهم نقص بالموضفين بقسم التحقيق والمراجعات..
نايا:طيب انشالله رح نروح والله يوفق يارب صح شو اسم الشركة.
مايا:اسمها شركة المسار وع فكرة كثير مهمة وبتقلي الها اكثر من فرع برا البلد
نايا(جلست قعدتها وحكت بلهفة):جددد؟؟؟ يعني ممكن يكون الهم بدبي او بمكان ثاني
مايا(بأبتسامة رجاء):لك انشالله يا رب بكرا جهزي حالك ويارب المرا نا نفشل لانو النرا رح شلخ كلشي معي شهادات
نايا:طولي بالك انشالله والله انا متفائل
مايا:طيب تصبحي على خير بكرا بشوفك
نايا:تمام تلاقي الخير بااي
ومن ثاني يوم الصبح
عند نايا فاقت مستعجلة وكثير كانت فرحانة بدون سبب حاسة انو انشالله رح شي يتحقق ولو شي بسيط لانهم كانو واثقات من دراستهن وشغلهن وانو رح يقدرو يثبتو وجودهن لبست نايا شي قريب للرسمي وكانت بكامل اناقتها وشربت رشفة من القهوة الي عملتها اختها واهذت اغراضها وطلعت وتوجهت لعند المكان الي تواعدو يلتقو فيو
وعند مايا لبست نفس نايا تقريباً اصلاً كانو بكلشي نفس الشي بكلشي..
وتأنقت وسلمت على امها وفوراً طلعت ..
التقو وفوراً راحو على مكان المقابلة ..كان في عدد هائل من الوافدين وكلهم ناطرين الفرصة مرق كثير من الوقت والتوتر واضح وخايفين مثل كل مرا تفشل ويرجعو خايبين
كانو يفوت ثلاث ثلاث على المكتب الي بستقبلو فيو الوافدين واجا درو الصبايا وفاتو مع وحدة فاتو كان في ثنين بالكتب واحد اصلع وطيوب وبأخذ وبعطي وهو الي بحكي مع الوافدين واسمو شوكت..اما الثاني كان قاعد على الكرسي وحاط اجر على احر وموجه نضرو للشباك وعم يدخن بشراهة ومو عاجبو حدا..كان بشعر بني ودقن بنية غامقة مهذبة بعيون وسيعة وطول حلو وعندو عضلات وكان شخصية جذابة بالمجمل بس واضح انو عصبي ..انتبهوا الصبايا على هالشخصية وفوراً تقدمت البنت الاولى الي معهم وصارت تحكي مع شوكت
شوكت:وشو معك تجارب
البنت(بنفسية):ما معي اي تجارب من قبل ابداً ليش ضروري ولا ما بزبط
شوكت(وهو عم يهدي حالو):طيب اشتغلتي قبل هون او محصلتك بالمجمل قديش كانت
البنت(اتصنعت العصبية):معلش اسأل ليش هيك كثر الاسئلة بدك تقبلني اقبل ما بدك قول واخلصني
شوكت(تمالك حالو): هدي حالك يا مدام عم تغلطي..الاسئلة طبيعية لانك جاي تشتغلي ولا بدك نشرب معك فنجان قهوة
البنت(ب بلاهة):اي شو فيها قهوة ولا اسئلة ناشفة
وفجأة قام الشب الي كان على جنب والي اسمو نيار وطب على الطاولة بأديه وحكا من بين سنانو وعيونو بتقدح شرر
نيار:يعني انتي هون جاي ل طق الحنك
اسمعي هني كلمتين يا بتروحي برضاكي يا اما بتشوفي شي ما بيعجبك انت بعدك ما بتعرفيني ورما السيڤي بوجها
البنت (حكت ببرود تام):ومين حضرتك بلا صغرة
حط جان ايدو على وجهو ومرر ايدو بشعراتو بعصبية تامة وكان بدو يحكي لما حكا شوكت وهداه
شوكت:يا انسة الي قدامك مدير شركات المسار بكافة افرعها ..
البنت(وبعدها بتجادل ومصرة):وليش هو لحتى يستقبل الوافدين مو غيرو مثلاً
شوكت:طبع فيو ما بحب اي غلط بالشركات فهمتي ..ولو سمحتي احملي درب طريقك وامشي
البنت(عم تصيح بوجه نيار):رح اطلع وانت يا حضرة المدير رح قلك شي ع فكرة على وضعك هذا رح تصير الشركة مليانة موضفين حكتها بمسخرة وطلعت
والصبايا بعدهم مفلوجين من الي صار قدامهم تقدمت مايا وحكت ل شوكت
مايا(بأنزعاج):اذا سمحت نحن منقدر نمشي خلص مشي الحال
وتوجهت بدها تطلع لما استوقفها صوت نيار
نيار: يا انسة لو سمحتي اطلعي فيني
اطلعت مايا بنيار وهو انسطل ما عرف شو يعمل ولا شو يقول راح الكلام حس بشي غريب بس ما ضهرو ابداً كذالك الامر عند مايا الي ما عرفت شو صارلها وما عاد قدرت تشيل عيونها وهو بسرعة وبأرتباك قال
نيار: مـ ما في داعي انتو تروحو هي اخذت جزاتها لانها بتستحق ووجه نضر على شوكت وقال..شوكت اهتم بالامور انت ومشي الوافدين وانتبه ماشي
شوكت:ولا يهمك طلع نيار على برا ومايا بعدها مو مركزة شو صار والي اهتم بالامور هي نايا حكت مع شوكت واتفقت معاه وشرحتلو كلشي ومايا عم تتطلع ع نايا وهي تشرح ومو قادرة تحكي تخربطت كثير ..
وبالفعل نزل اسماء الصبايا من بين اسماء الوافدين الي رح يتم اختيارهم حسب التجربة وكانو كثير فرحانين اخر شي قبل ما يطلعو سئلت نايا شوكت
نايا:لو سمحت الشركة مو الها اكثر من فرع وشركات اكبر؟
شوكت:اي الها
نايا: فيني اعرف وين
شوكت:اي طبعاً النا شركة بدبي وبالقاهرة وشركتنا هون الي بسوريا
نايا:طيب شكراً الك كثير
شوكت:واجبنا
طلعو من الشركة وما راحو ع البيت الفرحه مو واسعيتهم راحو فوراً على المطعم الي كانو يحبو قعدو هنيك بس كانت مايا اكثر الوقت شاردة
نايا:مايا شبك مو ع بعضك حاسستك في شي ولا ما عجبك الوضع
مايا(ابتسمت):لا يا ام الاحاسيس انتي بالعكس والله مو واسعيتني الدنيا من الفرح انت متخيلة ننقبل بشركة المسار لك هي من اهم الشركات
نايا:اي والله بس انا شفت غير هيك
مايا:شو شفتي
نايا: ميوش وبصراحه انتي تخربطتي من لنا كان السيد نيار
مايا(حطت راسها بالارض وحكت):بتعرفيني ما بخبي عليكي شي بس جد حسيت حالي تخربطتت شوي ومبعرف شو صارلي على كلاً ماصار شي وبتعرفي طبعي
نايا(ابتسمت):اهم شي شغلنا والحلم بدنا نطرد كلشي من افكارنا
مايا(حكت بحزم): اكيددد ولوو شوفي نايا نحن بالاصل قايمين هل الفكرة من راسنا لا تهكلي همي من هالناحية
نايا:انا الي بعرفك..
اتناست تماماً مايا الي صار والي هو شي ما صار من اصلو بطبيعتها هي بنت جبارة وبتقدر تدعس على كلشي بقف قدامها لحتى تحقق الي براسها وكذالك الامر نايا بتعمل اي شي وبتتحدا العالم لحتى تصل للشي الي بدها اياه..
وبعد ثالثة ايام من التجارب والاختبارات الي الصبايا حطو كل شغفهم وحلمهم وقوتهم فيها دعو الوافدين لحتا يعلنو عن اسماء الي رح يتوضفو وشغلة ابداً مو سهلة انو حدا يتوضف بشركة المسار الدولية
اتولى هالمهمة شوكت وواحد اسمو انور وكانو عم يعلنو عن اسماء الي رح يتوضفو طلع اسم نايا وفوراً قالو وراها فايا شعرت مايا باليأس وقالت يمكن مو نصيبي
نايا(بتشتت):لا اسمعي اكيظ في شي غلط معلش نروح نساأل..
راوحو وكان شوكت وقف ولما شافهم اتذكرهم
شوكت:مبروك يا انسات مبروك انسة مايا وانتي انسة نايا
مايا:بس انا ما طلع اسمي من الوافدين
شوكت:شو هل الحكي انا نزلت السيڤي تبعك بين الموضفين الجديدين انتي والانسة نايا
مايا:بس الاسم الي بعد نايا كان فايا..
شوكت(ابتسم):اي يمكن غلط مطبعي ..اهلا وسهلا واسفين على سوء التفاهم
نايا(بأبتسانة عريضة):ولا يهمك عمي شوكت حصل خير شوكت (ضحكك):عمي شوكت عجبتني ههه اهلا وسهلا
حست نايا بالحرج بس ما همها وصارو يضحكووا
ماضيعو اي فرصة من السعادة لانو هاليوم والوقت الي نطرو يتوضفو وبشهادات الحقوق ما كان سهل ابداً
مر أيام على وجود الصبايا بقسم التحقيق والمرجعات والصادرات والواردات ولو انو الوضيفة بسيطة مبدئياً كانت بس صعبة ومو سهلة ابداً ..بالوقت الي كانو يشتغلو فيو الشركة كان عندها نقص بالموضفين والسبب كان انو في قصة كانت عم تنطبخ والقصة قصة تزوير واختلاس..ومو اختلاس اموال بس اختلاس املاك الشركة واقسامها ..بس للاسف محدا كان عارف هالشي وعرفوا مؤخراً
بالمكتب الصغير قدام الحاسوب كانت مايا ونايا عم يراجعو شوية ملفاتوكل ما قربو لملف من النواحي القانونية كان في شي مو زابطوهما حسو وبين النلفات ضعر ملف مصرفي وحبو يعرضو غلى المختص ليتأكدو من شي..اخذت الملف نايا ومايا ضلت قدام الحاسوب عم تراحع الملفات المسجلة..طلعت نايا من المكتب وتوجهت لمكتب الشؤون المصرفية وهي رايحة بتلاحظ على ح
دا فات من باب الشركة الكبير ومبينين اخوة عرفت نايا هالشي من لما شافت نيار لانها بتعرفوو اما الثاني كان شب طويل بملامح حلوة ببشرا حنطية جذابة مع شعر اسود ودقن سودا مهذبة ..كانو ماشين بكل ركازة واناقة ودقة ..مشت نايا وما اهتمت ونزلت من الدرج الي طلعو من وعي ما بتعرف عيونا كانو بالارض ومعها الملف..وعي ماشيه بسرعة خبطت بكتف اخوه للسيد نيار وتبعثرت اوراق الملف ومن الحرج نزلت فوراً تلمهم نزل لعندها وسألها
_:فيكي شي يا انسة
نايا(بأرتباك):لا ابداً بعتذر
_:انا الي بعتذر..شو كان اسمك
نايا(رفعت حالها وزاحت شعراتها عن وجهها بطريقة عفوية): ا سـ سمي نايا وانت
كان بعدو شارد بطريقتها بالحكي وعيونا..وعي على حالو وشاف حالو عم يخبص
_:اه اي اسمي جان السيد جان المدير التنفيدي للشركات اخوه للسيد نيار المدير العام
نايا(اتصنعت الابتسامة):اتشرفنا
وابتسم ورجع حط النضارة وكمل طريقو
وهي كملت طريقها وخدودها حمر من الي صار وعم تخبط بأيدها على راسها وتقول افف وشايف حالو كمان اي لقوي
*بمكتب كبير فخم والي بكون مكتب المدير العام ..نيار ..كان قاعد ورا المكتب وعم يحرك القلم الي بأيدو يمين وشمال من التوتر وكان موجود عندو جان وشوكت وانور ويارا
اما انور ف بكون نائب المدير العام بشركة الي هون
وشوكت المدير التنفيذي ويارا مديرة قسم المبيعات
نيار(بعصبيةو توتر):بدي افهم شو الي عم يصير الي عم يستلمو البضاعة عم يحسو في شي غلط ليش شو الي غم يصير مين ورا هالشي
انور:طول بالك يمكن ما يكون في شي او في شي غلط بالملفات الي قريناها
نيار: قسم الصادر والوارد والتحقيق صارت فيو فوضى وما كان في عدد من الموضفين خايف يكون الي عم يعمل هيك استغل الفرصة..
شوكت:طيب معلش تفهمنا شو المشكلة بالضبط
نيار(بعصبية): الي صاير يا باشا انا ما بعرفو بالضبط وهذا الي عم دور عليه واخطاء كبيرة وواضحة بالواردات
يارا:طيب نحن لازم نتصرف وبسرعة
نيار(وهو شارد):لازم ولازم كتير كمان
طلع نيار من الكتب متجاهل الي فيو وطلع فوراً على اقسام التحقيق والواردات والصادرات وطلعت بوجهو نايا ..
نايا(بحزم):تفضل استاز اي خدمة
نيار:حضرتك هون بالقسم بتشتغلي
نايا:اي طبعاً هون نيار:ممكن تمشي معي وتوجيني الشغل كيف عم يصير
نايا(بجدية تامة):تمام تفضل استاز
مشا ومشت وراه وتوجهو للاقسام تفقدو سوا اكثر الاقسام ووصلو لمكتب نايا ومايا وطبعاً نايا حكتلو بالطريق عن الي حستو هي ورفيقتها وانو في شي مو طبيعي
نيار:مرحبا يا انسة
مايا(لما شافتو ارتبتكت بس تماسكت وحكت بجدية)اهلاً استاز نيار اي خدمة تفضل
كان بعدو شارد صحاه من شرودو الكلمة الاخيرة منها وبطبيعتو جدي شوي فتماسك ورد:اي تمام انا كنت جاي اكشف عن الامور المتعلقة بالشي الي شاكين فيو انتي وحضرة الانسة نايا
قعد نيار والموضفين الي كانو معو من قسم المحاسبة معهم وحكولو نايا ومايا عن كلشي حس انو امن شوي في ناس مهتمة بالموضوع وعم تراقب الوضع
نيار: شوفو انتو اقنعتوني وحسيت في شي ملموس بين الي حكيتو والي انا حستو وعم شوفو على الملفات .. ف لهيك انا رح سلمناكوا هالمهمة انتو وكم واحد معكوا وبدعم منا واكيد مارح نتركوا لانو الشغلة كبيرة بتمنى نطلع منها بأقل الخسائر
''''''''''
#سـَ يتحقق المستحيل'
<<2>>
نايا:معلش استاذ نيار لو سمحت ممكن تسلمنا هالمهمة النا لحالنا واكيد وانشالله رح نكون قدها..
نيار:طيب وشو الي رح يأكدلي هالشي
مايا:ولو انشالله نكون عند حسن الضن وبضل واجبنا
نيار طيب انا رح اعتمد عليكم وبتمنى ما تفشلو بهالمهمة ..
وهم بدو يطلع مشا شوي رد رجع خطوتين لورا ورفع ايدو بتجاه مايا وقال:صح شو كان اسمك يا انسة؟
مايا(بارتباك):مـ مايا اسمي مايا
نيار(بمكر):لازم نعرف مشان القضة بتعرفي انتي
مايا(اتصنعت الابتسامة):اي اكيد ردت عبست
نيار (وجه نضر ناح نايا): وانت كان اسمك نايا ما هيك
نايا(بجدية):اي استاذ اسمي نايا
نيار:تمام
وتوجه ناح الباب وطلع
قعدو الصبايا على الكراسي وحطت نايا ايدها على راسها بتوتر ونفخت وضحكت: هففف لك نحن استلمنا اول قضية مهمة وصعبة ههه والله مو مصدق حالي
مايا(ابتسمت بتوتر):اي ولازم نكون عند حسن الظن عنجد
نايا:شي اكيد ما لازم نضيع دقيقة من يومنا ل حتى نكشف هالشي
استلمت مايا ونايا هالمهمة الصعبة وطبعاً بدعم من ادارة الشركة كانوا خايفن كثير انو ما تزبط معهن هالشغلة ويفشلوا فيها ويرجعو لنقطة الصفر
_الساعة كانت٧:٠٠ فاقت نايا على صوت المنبه وبسرعة لبست السبور وطلعت على الشركة ..
ومن جهة تانية كانت مايا طالعة وبالشركة
من ناحية نايا استلمت القضية على انها تجيب كم مليح من المعلومات عن الاشخاص الي عم يلعبو على كيفهن بشركة..وكون نايا فرعها بالجامعة كان كدور ضابط ومحقق قدرت بشطارتها تراقب كاميرات المراقبة وتشوف كل التحركات وقدرت توخذ صورة للمشتبه فيهم وشوية معلومات عنهم وعن طبيعة شغلهم ..وتوجهت مايا
اما عند مايا كونها شغلتهها التحقيق بالامور الدقيقة استلمت كل الملفات وطلعت كل ش
ي اخطاء وزلات واضحه ونطرت نايا لتيجي
وصلت نايا لعند مايا
نايا:جبت كل شي قدرت احصل عليه وانا متأكد بالشي الي بين ادينا رح نقدر نكشف كل شي..
مايا(عيونها بعدها بالملفات):وانا المستندات الي معي خطيرة واحتمال كبير ننجح بهالمهمة..
نايا(بأتسامة نصر):اكيد رح ننجح لانو المختلس غبي
مايا(وجهت نضرها على نايا): شلون..معلش تشرحي وانشالله الي انا حاشو يطلع صح
نايا:الحرامي او المختلس والي عم يحاول يختلس غبي نوعاً ما لسببين ..يا اما اول مرة بجرب وما الو بهالسيرة..يا اما الي عم يشتغلوا معو عم يحاولو ينصبوا على بعض لانو المصاري كثرت بين اديهن وصاروا بدهم يوقعو بعض..لانو الامور واضحه وفي زلات واضحه مثل عدم اهتمامهم ل كاميرات المراقبة وترك بصماتهم بأكثر من مكان
مايا(بأبتسامة):تمام شي ممتاز صار معنا راس الخيط..
كمل بهالقضية يومين مستمرات دون نوم وتحقيقات حققو مع اكثر الموضفين وخلو الشركة هالومين على اعصابها بس طلعو بنتيجه قدروا يعرفو مين الي اختلس والجماعة الي معو للاسف ابن عم الاستاذ نيار كان بس نيار وجان ما رفلهم جفن من هالناحية لانو كان رفيق عمرهم وبالاخير حاول يسرقهم لما شاف المصاري كثرت بين ادي بعد ما كان مسلمو نيار اكبر قسم بالشركة وهو قسم التسليم ..وفكرو رح يهدا من عمايلو الوسخة اذا سلمو هيك فرع
مضا اليوم وكانوا البنات تعابنين كتير تلات ايام ما ناموا ابداً وهما عم يحاولوا بكل قواهن يطلعوا بنتيجة والحمد لله طلعوا ولقوا نتائج تعبهن
عند مكتب نايا ومايا ..مايا كانت طابة راسها على المكتب من التعب ونايا على وشك تنام فات موضف ل عندهم وبسرعة وقفوا..
الموضف:حضرتكم الانسة مايا ونايا
مايا:اي نحن في شي
نايا:اي خدمة
الموضف:لو سمحتو المدير العام للشركة السيد نيار طالبكن بمكتبو
اتطلعت مايا ونايا ببعض وارتسمت ابتسامة على ثغرهن
نايا:طيب رح نيجي دقيقة ومنكون هونيك
طلع الموضف
ولحقوا الصبايا على مكتب المدير
وبالمكتب
كان نيار قاعد ورا المكتب وعلى الكرسي كان قاعد جان وانو على الكرسي الي قبالو
فاتوا الصبايا مع الموضف وفوراً نيار انتصب وجان وانور
الموضف:اي خدمة استاز
نيار:لا شكراً الك انصرف يا ابني
الموضف:حاضر استاز
قربوا الصبايا وسلمو على نيار وجان وانور
نيار:تفضلوا لو سمحتوا في موضوع حاب احكي معكم فيو تفضلوا..
جلسوا الصبايا وكانوا متوترين شوي
تكلم نيار بجدية وحدة وحكا:اول شي شكرتكم انا مرة وحابب اشكركم مرة ثانية على الشي الي عملتوا سوا ..وبصراحه ما توقعت يطلع منكم
انزعجت مايا وحكت:ولو لازم كنت تتوقع استاز نيار حكيتلك نحن قدها..
نيار:معلش خليني كمل كلامي ..
مايا:تفضل..
نيار:برجع بقلكم شكراً الشي الي عملتو كبير كتير ومو اي محقق او اي حدا بقدر يعملوا ..
وبهالاثناء كان جان قاعد وعم يتطلع على ردود فعلهم وخاصة نايا وحس انو كان شايفها..
كمل نيار:واسمحولي كافئكوا على الشي الي عملتو نحن بحاحة مااسة ل الناس من امثالكم ..وحاب يكون مكانكو مو هون ف َشو بتقررو..
نايا:لاتشكرنا استاز نيار واجبنا وعملناه اما بالنسبة للقرار معلش تشرحلنا اكثر
قاطع جان ونيار وهم باحكي:العرض الي عم يحكي عنو الاستاز نيار عرض حلو وبتمنى توافقوا..نحن كان عندنا نقص بالمجمل بشركاتنا باقسام التحقيق والوارد والصادر..وهون من فترة تأمن موضفين بعدد مليح اما النقص صار بالشركات التانية والي هي بدبي والقاهرة ..
كمل نيار بجدية:تمام ..فـَ شو بتقررو اذا بتحبو بنعطيكو وقت بس عنجد نحن بالشركات التانية بحاجة الكن..
والبنات عم يتطلعو ومو مصدقين عنجد رح يطلعو على دبي..معقول وفوراً ردو سوا وحكو بعفوية:طبعاً اكيد بس سوا
نضروا عليهم وكيف حكو سوا وبلهفة للموضوع..
حسو بالاحراج وهمت نايا للحكي وقالت:احم نحن منقصد شركة دبي لانو بصراحه نحن مع العرض او بدونو كنا رح نطلع على دبي
مايا وكانت مستغربة من الكذبة السريعة والفعالة وكملت معها مشان ما يفكروهن قاتلين حالهن:اي اكيد فــ اذا انعرض علينا الخيار منختار دبي
تحمس نيار للفكرة وهم بالحكي:اي اي طبعاً من بكرا اذا موفقين ورح توخذو تكيت الطيارة من هلأ نحن رح نكون هونيك بطبيعة الحال نحن منروح كل فترة على قسم من شركاتنا بس قسم سوريا انا معتمدت على انور فيو وبجي كل ست شهور لهون..شو قلتوا
مايا:طيب شكراً الكوا اول شي ونحن بكرا منكون جاهزين ..مو انسة نايا
نايا:اي اكيد شكراً
مايا ونايا:بالازن..
وهم بدهم يطلعو طلعو لبرا المكتب وفوراً لا ارادياً جان لحقهم
جان:لوسمحتي..
التفتوا الصبايا وشافو جان..
نايا:تفضل ..استاز جان على ما اتوقع مو هيك؟؟
جان:اي جان..انا جان اخوه للاستاز نيار المدير التنفيذي للشركات
مايا:اتشرفنا استاز جان اي خدمة
جان:ابداً شكراً كفيتو ووفيتو بس بدي اسألك سؤال لو سمحتي ووجه نضرو على نايا
نايا(ب فضول):اتفضل..
جان:مو انتي الانسة نايا..
نايا:اي انا في شي
جان:انا شايفك من قبل شي؟
نايا(بحرج):اي اي انا اتصطدمت فسو على الدرج اول ايام وضيفتي ههه
جان(ابتسم):اه اي طيب يسلمو
ل الثانية..
بهالاثناء كان نيار هو وخطيبتو عم يتشاجروا على البطيء بمكتبو..
نيار(بنفرزة): خلص تالة بترجعي بعدين لانو في عندي مراجعة مع اكم موظف..
تالة(بدلع):اممممموضف ولا موضفة
نيار(كز على سنانو وحكا):لك انتي ما.. شو بدو يحكي الواحد
وهو عم يحكي بدق الموظفة الباب وبتدخل..
الموظفة:استاز بعتذر على المقاطعة بس الموضفات الي طلبتهن وصلوا فوتهن
نيار(صار يفرك بجبينو):فوتيهن يلا
فاتوا نايا ومايا..وسلمو على على نيار واما تالة فسلمت عليهن بقرف وما كان عاجبها الوضع ابداً لانو كنا بكامل اناقتنا وهي اول مرة بتشوفنا كانت رح تفجر من من الغيرة لأ هي اصلاً ما كانت تحب نيار كانت طمعانة بالمصاري والشركات وفكرتنا رح نوخذ الشركات..صرنا نحكي مع نيار
نيار(بكل جدية):انتو خالياً وبسبب الشطارة الي عندكن رح حطكو بالقسم الي حكينا عنو من قبل والقسم كثير كبير ومسؤولية وبتمنى تكونو قدها..بتعرفو نحن شركة إعمار شركات وابنية وفنادق ..طبعاً كل وحدة العا سيارة من الشركة للشغل ..والبيت رح يكون ملك انشالله
تالة(بقهر):ليش البيت بيبي يعني خلص بكفيهم السيارات ..مو هما اول عن تالي موضفين عادين
نيار عصب وحكالها:معلش تالة هي الامور مدخلك فيها
ووجه نضر على الصبايا
نايا:استاز لو سمحت بالنسبة للسيارة في هي مبقولة لانها من الشركة وشكراً اما البيت ف اسمحلنا فيو نحن رح نشتري بيت خاص النا وبمصارينا..
نيار:طيب ...براحتكن
نايا:بالازن انا عرفت شو شغلي كفي شغلك مايا والحقيني
مايا:تمام..
تالة: ليش شو ضل شغل الك انتي يا انسة
مايا(بأستفزاز):اكيد الي بعد بدي اعرف اكم شغلة من الاستاز نيار
(واتصنعت الابتسامة بوجها )
صار يوخذ ويعطي نيار مع مايا بأمور الشغل وهو بطبيعتو عصبي ما بوخذ وبعطي غير بأمور الشغل والاشياء المهمة
كانت تالة رح تنفجر وهي عم تحرك رجليها يمين وشمال
وفجأة قامت وطبت بأديها على المكتب وحكت:وبعدين لايمت يعني......
مايا(بأستفزاز):شوي شوب بعدين بيخربو المانكير ..
اما نيار كتم الضحكة وما حكا وطلعت تالة دون اي ردة فعل..
وجهت مايا نضرها على نيار الي حاط ايدو على ثمو وحكت:بالازن استاز نيار..
نيار:ازنك معك شرفتوا..
طلعت مايا..وضل صافن نيار بالباب وعم يبتسم..وحكا بهمس:شو عم تعملي فيني..وانا شو عم خبص..ليش ما تصرفت وحكيت هي خطيبتك يا اهبل الي ما بحكي حدا عنها على اساس حط راسو بين اديه وزفر وابتسم..
وطلعت مايا من المكتب وتوجهت على مكتبهم لعند نايا .. كانت نايا بتحكي مع السكريترة عن طبيعة الشغل..طلعت السكريترة من المكتب بعد ما خلصت وكانت مايا عم تضحك على الهادي انتبهت نايا عليها
نايا(بأبتسامة):شو طولتي ..وشو سر هالضحكة ..
مايا(عم تبتسم):جد شي بضحك..
نايا: احكي يلا شوقتيني
وبالفعل حكت مايا ل نايا كلشي..وبلشو ضحك بصوت مسموع..وفجأة بيندق الباب..
نايا (عم تضحك):تفضل..مين؟
جان:ممكن ادخل
مايا:تفضل استاز جان
جان:مرحبا
البنات :اهلاً
جان:شو عجبكو الشغل
مايا:اي تمام كتير مرتاحين
نايا كانت شاردة معرفت شو صارلها..
وجان مو عارف يحكي مع مايا كلمة ويسرق نضرو على نايا الي كانت تحط راسها بالارض من توتر مش معروف اساسو
ومايا تطلع على نضراتهم على بعض وبدها تنهي الموقف كسرت الصمت وحكت
مايا:بتحب تشرب قهوة استاز جان..
حس جان على حالو وطلع من شرودو وحكا(بتوتر):ا..اي ياريت
مايا:اي لكن طالعة اطلب قهوة
جان:ليش تطلعي اطلبي من السكرتيرة
مايا: لا معلش لانو الي شغلة وبدي اطلع مشانها..
جان:طيب ماشي
طلعت مايا
اما ناية سارحة ووجها احمر ضل الصمت فترا. وقطع هالصمت جان..
جان:صح اديش عمرك انسة نايا
نايا:اه..اي عمري٢٧ وانت
جان: انا ٢٨ قريبين من بعض..مرتبطة شي او مخطوبة؟
نايا(بحزم): لا لانو بتعرف شهادتين والدراسة والحلم اخذو كل وقتنا..وبصراحة انا شايل هالموضع اصلاً من راسي
بان على جان ملامح الانزعاج والتوتر..بس نايا ما حكت شي هي الحقيقة
بهالاثناء اجت مايا وبلشو يشربو قهوة ..
جان:صح من شوي كانت اصواتكن طالعة وتحكو شو في
وحكولو السيرة وطبعاً جان ما كان متضايق ابداً على خطيبة اخوه لانو ما بحبها وكان معترض على الخطبة وصار يضحك معهم..
خلصو قهوة
جان:بالازن صبايا بس صار لازم روح على مكتبي
(ابتسم)وفينا نكون اصدقاء من اليوم؟!
نايا:تكرم استاز جان
جان:معلش رفقة دون استاز..
نايا:تكرم احلى جان..
مايا:هههه تمام رفيق
جان(رجع لوضع النزعاج ):اي صح اي صعوبة بتواجهوها احكولي ..وجه نضرو على نايا ونضر نضر كانتمثل الغضب او مو عاجبو الي صارطلع جان لمكتبو وحكت نايا
نايا(بعدم فهم من الي صار):شبو هيك نضرلي
مايا:وانا استغربت حكيتي انتي شي زعجو
نايا:ابداً..بس سألني عن عمرري واذا مرتبطة او لا
مايا:وانتي شو حكيتيلو؟؟
نايا:حكيتلو انو لا مو مرتبط والاسباب الي خلتني ما ارتبط وتنو شايل هالفكرة من راسي..وانزعج
مايا(ابتسمت):افف لازم ينبسط لانك مو مرتبطة
نايا(بمكر):مـااايا..مو ناقضني زناختك
مايا(بتضحك):شكلو غرقان ..
نايا(رمت عليها ملف):ماااايا
..
نايا:اتشرفت فيك استاز جان (ابتسمت ومدت ايدها)بالازن منك
جان:انا الي تشرفت اذنك معك.. وبعدو ماد ايدو وشارد
وضل مراقبهن لحتا غابو عن الانضار.. بعدين صحي على حالو وحكا مع حالو..:افف اهبل شبك شو صرلك
ومشا وهو مبتسم
البنات ما صدقو الخبر انو عنجد رح يطلعوا على دبي وكأنو السنين الي تعبو فيها الله عم يعطيهم اجر تعبهم بكل خير انتضروه .. وشلون اترتبت الامور من مقايلة صغير بتعبهم وعرق جبينهن قدرو يثبتو انهن قد كل شي
"لما رب العالمين يحط فيك الاصرار على شي ..كل بشر الكون ما بتقدر تشيلو من راسك وقلبك وعقلك وكيانك ..والاصرار يتحول ل حلم مشترك ..وحتى لو مريت بالف محنة صعبة ..بتضل تقول اكيد بكرى احلى والحلم رح يتحقق..والمستحيل اكيد رح يجي يوم ويتحقق..لانو عند ربك مافي شي مستحيل خلي املك بربك كبير..والله كريم"
-بمكان راقي وبسيط وهادي بعيد عن ضجة السيارات وقاعدين فيو ناس حبابة ومحبوبة..بمطعم السلام..كانت نايا ومايا قاعدين على طاوليتهم المعتادة وعم يشربو قهوة والفرحه واضحة على وجوهن وطريقة كلامهن..
نايا(بسرور):لك مايا انتي مستوعبة معي ..نحن ح نطلع على دبي..لك والله ح نطلع وبكؤا كمان
مايا(بأبتسامة عميقة):لك اي اي رح نطلع والله ويا ننوش زبطت معنا الحمد لله يارب الحمد لله ...سبحانك مر على راسنا شي وشوي مصايب وكنا رح نترك بس بالنفس الاخير زبطتت
نايا:اي الحمد لله ..لك صح مو لازم نخبر رفيف وزمان ما حكينا معها ..
مايا:اي والله ما شفتي الثالث ايام الي مضو كانوا صعبين..هلأ رنيلها سكايب..
نايا:يلا تمام..
رنة نايا ل رفيف وفتحت الخط وكانت كثير مبسوطة وهي عم تحكي مع رفيقات عمرها.. سلمو على بعض ولما عرفت رفيف بالموضوع طارت من الفرح
رفيف(بفرح):انتو عنجد عم تحكوا والله مو قادر صدق
نايا:لا صدقي حبيبتي صدقي
مايا:اي ورح نستقر هونيك انشالله
رفيف:انشالله وكيف رح تقنعوا اهاليكن ..
مايا:انشالله يرضوا يارب وحتى لو ما رضيو مستحيل نضيع فرصة متل هي مستحيل
نايا:لك اكيد تخيلي والله بموت ما بضيعها رح اعمل كل جهدي كلو ل حتى يقتنعوا..
مايا:وانا ما رح قصر
سلمو على رفيف وطلعو من المطعم على المهمة الصعبة الي رح يتلقوها من اهاليهم..طول الليل كانت نايا ومايا يقنعوا باهاليهم..وما كان حدا يرد او يقتنع يئست مايا بسرعة وعصبت كتير دقت على نايا
نايا:اهليين مايا
مايا(بعصبية):لك شو اعمل احكيلي لك شو راضين يقتنعو ولا بأي شكل..لك شوووو
نايا(بنفرزة):لك والله رح طق رح انفجر لك شو صارلهم...مايا اسمعي ضل معنا حل وحيد مافي غيرو يا اما منطلع يا اما ممنقبر هون
مايا(بلهفة):احكي شو هو مشالله اي شي احكي
نايا:نحكي مع الاستاز نيار يتصرف ويقنعهم مو هو حكا انو متكفل فينا..
مايا(تخربطتت):لك لا شو الاستاز نيار ما نحنا قلنا انو رح نطلع فيهن وبلاهن
نايا:ولا يهمك بقلو السفرة الاولى خربوها والسفرة هي كمان ح يخربوها لازم يتصرف وازا اعتزر ف بكون نصيبنا..
مايا(وهي مو مقتنعة):طيب ماشي احكي معو ورديلي خبر بأسرع وقت
نايا:انشالله يلا باي
ومباشرة رنت على رقم نيار الي عطاهن رقمو مشان السفر وهمت بالحكي:مرحبا استاز نيار عرفتني
نيار:لا والله مين؟
نايا:انا الانسة نايا
نيار(جلس قعدتو):اي اي اهلين انسة نايا خير في مشكلة.؟
نايا(بحزن):اي صراحه في وطالب مساعدتك..
نيار(ب لهفة):اي اكيد اتفضلي احكي شوفي..
حكت نايا ل نيار الي تقبل الفكرة بسرعة كونو اهاليهم من عائلات محافضة ومن حقهن انهن يخافوا على بباتهن..وهم فوراً وقام لحتى يتصرف..
كانت الدنيا مسا على الساعة5 تقريباً..
_لبس نيار وتأنق بس هو بعمرو ما رح يترجى حدا ل يتوضف عندو ما بيعرف شو صارلو اليوم ابداً وحاول بكل وسيلة انو يقنع اهااليهم..
طبعاً اخذ معو مرة عمو لانو امو بدبي ..وحاول يقنعهم بالاول رفضو بس لما عرفو نيار مين وانو رح يأمنلهن سكن وعيشة مضمونة وبعيدة عن المشاكل وافقوا نوعاً ما ..وتقبلوا الامر وانو هذا هو طموح بناتهن
#سـَ يتحقق المستحيل'
<<3>>
_من بعد هالخبر الحلو الي نزل على قلوب الصبايا الشي الي ما خلاهم ينامو الليل وهما يحكو مع بعض ويجهز لسفرة بكرى بكل حماس وطاقة
*الساعة 9:30ص
كانو مجتمعين عند المطار اهل نايا ومايا وعم يودعو فيهم ما هان على نايا ومايا هالشي انو يتركو اهاليهن بس كمان هذا حلمهن من اول ما خلقوا ..
ودعو نايا ومايا الاهل وطلعة بالطيارة على دبي مباشرة..طبعاً كان في فندق محجوز فيو غرفة كبيرة مؤقتاً ل حتى يتركنوا ..
وصل على الفندق بعد رحلة شاقة بالطيارة وناموا فوراً لانو معهن يومين راحة بس ل حتى يباشرو بالدوام الرسمي ل شركة المسار بدبي..
ارتاحو يومين كانو طايرين من الفرح ومو مصدقين انهن بدبي والتقوا مع رفيف الي وعدتهن تزورهن بس يتركنوا..
بالفندق كانو الصبايا عم يلبسوا لبسو تنورة طويلة سودا مع كنزة كفت تفاحية ومعها جاكيت رسمي والملابس كانوا بيشبهوا بعض وطالعين كتير انيقات وتوجهو على الشركة مع موضف اجى لعندهن ع شان يدلهن على موقع الشركة والتفاصي
ضحكو وبلشو شغل لانتهى الدوام الرسمي..كانت الساعة 3 ركبو بسياراتهم وراحو على الشوبر ماركت وجابو غراض مشان يطبخو ووصلو البيت كانو تعبانين كثير من الشغل
بلشت نايا تطبخ ومايا تساعدها شوي لا نو ما بتعرف تطبخ
نايا(بضحك):الله يعينو يلي بدو ياخذك..لا بتعرفي تتطبخي وعصبية والله غير يفل يرجع لحضن الماما😂
مايا:يصحلو اصلاً😌
كملو طبخ ومناقشة وحكو مع رفيف على الماسنجر وقرر ينامو ليرتاحو شوي وقبل النوم ضبو البيت الموزع عليهم بتساوي مشان ما يصير مصارعة
الصبح بكير لبست مايا واتأنقت واجت بدا تصحي نايا
مايا:نايا..يلا قومي نااايا قومي لا نتأخر..
ونايا نايمة من التعب وغرقانة
مايا:لك قومي اصحكي ..ولا نومها خفيف ع اساس
وقامت نايا من نومها وصارت تلحق فيها بالبيت وترمي عليخا المخدات
بعدين جهزو الفطور فطرو وشربو قهوة وطلعو على شغلهم
وصلو على الشركة وصبحو على الموضفين وفاتو على مكتبهم واجت السكريترة على مكتبهم
السكرتيرة:هي انسات تقارير المبيعات والاستيراد مشان تشتغلو فيهن
اشتغلو بالملفات وكانو اكثرهن سليمات
انتهى الدوام وهني طالعين التقو بجان ونيار..سلمو عليهن وكان كل وا حد منهم مهتم بوحدة من الصبايا..وهني حسو واجن بدهن يستأذنو وحكا نيار
نيار:عندكو شي المسا؟
مايا:لا..
نيار:لكن منلتقي بشي مكان ..
طلو مايا ونايا ببعض وحكو :منشوف ومنردلكن خبر وطلعو ..ويعدهم نيار وجان سارحين..بعدين حسو على حالهم..
جان(بجدية): احم ..ليش حكيتلم انو نلتقي
نيار (بتوتر):لا ولاشي هيك بس لانهم جداد وما بعرفو المناطق هون خليهن يتعرفو عليهن
جان كان عارف شو بدور براس اخوه اول مرة بشوفو الو لهفو ونضرات الحب الي بعيونو اول مرة بشوفها..عرف قديش مبسوط..
بس حب يحرجو..
جان(ابتسم): اه..اي صح
وكاالعادة وصلو الصبايا على البيت كانت نايا تعبامة على الخالص..وطلبت من مايا تطبخ
مايا بالمطبخ:شو بدي اطبخ انا 🙁
اجو ياكلو حطت الاكل مايا وندهت ل نايا
نايا(متفاجأة وبتضحك):مايا شو هاد شو طابخة
مايا(مبتسمة):شو بدي اعملك كلي ولا بالاحلام بتكلي مثل هيك
نايا(بتضحك):اندومي مايا 😂🤲🏻
اكلو الصبايا واخذو دوش
وقعد يسولفو بعض وكان ملل
نايا(بتأفف):ملل اففف ياربي..جد ملل شو بدنا نعمل
مايا:ما بعرف رح طق
نايا:صح بدنا نروح المسا
مايا(شردت وابتسمت):بتعرفي..بلاها خلص بفكرونا دلقين حالنا زيادة
نايا:بلاعا احسن
وفجأة رن موبايل نايا ونايا اتطلعت على مايا واتلبكت
مايا:شبك نايا ليش هيك صار وجهك الوان
نايا:جان الي بتصل
مايا:اي ردي
نايا:وبلكي سأل ازا بدنا نروح ..رح احكيلهم اتصلت فيما رفيقتنا وبدا تيجي علينا
مايا: اي تما افضل حل
ردت نايا وحكت ل جان..وجان ما كان مبسوط
جان(بأنزعاج): مو مشكلة ولا يهمك غير مرة
سألتها مايا ل نايا شو سألك وحكتلا
مايا:وكانو ما كان مبسوط
نايا:ما بعرف!
_عند جان ما كان مبسوط ابداً كان قاعد على التخت ويتمتم ويحكي لحالو:الحق علينا يلي عزمناكو ..
وبهالاثناء بفوت نيار
نيار:لك جان شو صاريلك انجنيت اخي بتحكي مع حالك
جان (بعصبية):لا لسا
نيار:لكن شبك
حكالو انو ما رضيو يطلعو وفشلونا نيار:بسيطة ولو اخي ليش مزعوج
ونيار من داخلو مزعوج اكثر منو ورح يطق..
*كلو مو عارف شو عم يحس وشو عم يخبص..من ناحية مايا ونيار..مايا كانت تكابر على حالها ما بتنكر انو انجذبت ل شخصيتو..وشكلو.. عصبيتو وحنيتو..
بس ما قدرت تعترف بهالشي حتى لحالا كانت تكذب احساسها..
ونيار ..اول مرة بينشد لبنت هيك عجبتو بكل تفاصيلها..ومرات ما بكون مسؤوال عن كلامو معها خاصة سحرتو وهو مو معترف..
جان ونايا..كان بيناتهم شي غريب حلو نايا بكل مرة كانت تسحر جان اكثر وجان كان كذالك الامر كانو عارفين الي عم يصير وانهم عم يتعلقو ببعض
بس نايا..كل ما يخطر ببالها تشيلو من راسها بكل الطرق ما كانت حطاة اي احتمال انو تقرب اكثر..هي وصلت لهون هي ومايا كرمال شي ماتو حصلو عليه..
ومرت الايام ..وبيوم متل الروتين البنات مروحين راحو على البيت وقررو يتصلو برفيف ويلتقو بشي مكان والمسا الصبايا طلعومع رفيف وكانو مبسوطين وانو احلامهم
كلها تحققت
رفيف:والله رح طق شو اعمل صبايا امانة
مايا: بشو لك؟؟
رفيف:ابن خالتي مبارح اعترفلي بحبو الي ..
نايا:اييي
رفيف(بحزن):هو بحبني كثير حكا وكان يبكي..
(ونضرت على البنات نضرة رجاء)شو اعمل والله ما بكنلو مشاعر بالمرة ولا مرة فكرت هيك متل اخي معتبرو شو اعمل امانة
نايا:طولي بالك ..افضل حل انك تحكيلو ..خلص احكيلو اني ما بحبك بس بدون ما تجرحي انتبهي علي حكيك لانو بالهوقت بتأثر فيو اعترفيلو بكلشي وريحي رح يكون على نار لا تحطي بالنص..
مايا:اي رفيف اوعك ..انتبهي واحكي ولا تخافي
رفيف(مسحت دمعاتها):طيب انشالله غير احاول شكراً الكو يخليلي ياكو..
نايا:روقينا ولووو خلص يلا شو بدكو تشربوو.
..
#سـَ يتـحقق المستحيل'
<<4>>
تاني يوم طلعو على الشغل ..كانو مختلفين اليوم..كانو لابسين تنانير وكنزات حفر كفت دون جاكيت والتنورة لعند الركبة وميك اب خيفيف وحلو ل
ملامحهن ..
طلعو على الشغل وتوجهو لمكتبهن وبلشو شغل وكان يستشيرو بعض بالشغل..
نايا(بتعب):ميوش انا تعبت خالض خلينا نشرب فنجان قهوة..
مايا(بتعب):ايي والله يلا
كانت مايا بدها تتطلب من السكرتيرة بس السكرتيرة دقت الباب ودخلت
السكرتيرة: آنسات المدير طلبكو بمكتبو.
استغربو وطلعو مايا نايا على المكتب ووصلو ودقو الباب
نيار:تفضل..
فاتو وسلمو لما شاف لبسهن ما عجبو كان مزعوح طول الوقت..مع انو الموظفات الي معهن بالشركة لبسهن كان ملفت اكتر ..
جلسو وطلب نيار قهوة وطلب جان ل مكتبو
وبلشو يتناقشو مشان الاجتماع وكان جان جان طول الوقت مزعوج
اتلبكو مايا ونايا شوي لانو اول مرة بحضرو اجتماع وكان مثل المفاجأة اجى فجأة..ومع ناس معروفة وكبيرة
استأذنو وطلعو على المكتب
وصارو يطلعو الاوراق اللازمة ويحكو
نايا:شبو الاستاز جان من اول ما فتنا مزعوج
مايا:اي مزعوج ونيار نفس الشي مبعرف يمكن مو منا من حدا تاني
نايا:اي يمكن..بتعرفي ميوش والله خايف الاجتماع هاد فجأة وما حدا حكالنا
مايا:وانا خايف ما نكون قدها..مو مشكلة يلا الله يوفق مشي..
جهزو كلشي وراحو يستقبلو الوفد بغرفة الاجتماعات..
مايا(بلبكة):والله يا نايا هلأ خفت والله لو امتحان مو هيك
ضحكت ناياوكملو طرقهم
والتقو بجان ونيار ..جان ماشال عيونو عن نايا كانت اليوم بالنسبة الو طالعة غير بس طريقة اللبس زعجتو نوعاً ما..وهي كان عقلها بالاجتماع..اما نيار كان يتطلع على مايا وكان يزوها بغضب ويكبت غضبو كملو لقاعة الاجتماع..
بأصرار كعادتهن رغم الخوف الي مسيطر عليهن وقفوا واصرو انهن ينجحو
اجا الوفد وكان معهن شب جذاب وحلو لفتت انتباهو مايا وسلم عليها بشغف وكأنو بعرفها من زمان هيك حس نيار بس احساسو كان خطأ وغيرتو عمت على عيونو وبلش الاجتماع بعد ساعتين من الاجتماع طلع الوفد وراح يمشي معهن نيار اما جان والبنات لساتهن بالقاعة عم يضبو الاوراق وجان فكرو كلو ب نايا..اجا نيار وحكا
نيار(بجدية):انسة نايا اطلعي مع الاستاز جان جولة على المستودع وشوفي الي حكينا عنو بالاجتماع ..وانتي انسة مايا جيبي معك القرارات تبع الجلسة و الحقيني على مكتبي عملو متل ما حكا..
طلعت نايا مع جان وعند نايا الشغل شغل..ومايا اخذت القرارات وطلعت على المكتب نيار ودقت وسمحلها تفوت..فات وجلست وبلش يناقشها بالقرارات وهو مزعوج..خلصو نقاش واجت بدها تستأزن
مايا:يلا بالازن استاز نيار
نيار(بعصبية):لحظة انسة مايا
وطلع من ورا مكتبو وقعد على الكرسي مقابيلها
مايا:تفضل استاز نيار شو في
نيار:انتي والانسة نايا طريقة لبسكن هيك..؟
مايا(بأنزعاج):عفواً استاز
نيار:بس كنت حاب استفسر
مايا(بثقة):اي استاز ومنفضل يكون متشابه
نيار:امم والشب يلي بالوفد شو وضعو ما لاحضتي الاهتمام الزايد فيكي..بتوقع لبسك كان ملفت
مايا(بعصبية): هاد لبسي وانا ما بهمني يلي بيلفت ويلي بينزعج...بعدين ليه مثلاً مو نايا الي لفتت انتباهو لبسا نفس لبسي بالضبط
سكت نيار اجت مايا بدها تطلع واستوقفها صوت نيار
نيار(بجدية): انسة مايا لاتفهميني غلط بس لا تنسو انكن امانة هون
وقفت مايا وصارت مقابيلو
مايا(بحزم):بعرف نحن امانة بس بالشغلات الخاصة متل هي لاتتدخل
واجت بدها تتطلع مسكها من ايدها..وقربها منو صارت قريبة منو واجت عيونو بعيونها وريحة عطرهم اختطلتت ماكان بالعالم اصلاً وحكا نيار:مبلا رح ادتخل ومن اليوم ماعاد بدي اسمع اعتراض على هذا الموضوع..
سكتو شوي وهما عم يتطلعو بعيون بعض ضاع نيار بهي اللحظة وهي كانت مستمتعة بعيونو الي عم تغزل قصص حلوة بعدين بعد نيار وحس ع حالي
مايا نضرة عليه نضرة قرف
بس من داخلها حست بشي غريب وكثير كمان وطلعت دون ردت فعل هالنضرة حطمتو ل نيار
وصلت على المكتب وسكرت الباب وهي عم تلهث وحكت بتوتر:لا تعلقني فيك بترجااك
_عند جان ونايا ..جان كان بعالم تاني عم يستمع لحكي نايا وكيف عم تشرح وهو مو فاهم شي وشارد
نايا:يعني مثلاً هي القطع لازم نصرفها بأسرع وقت حسب ما اتفقنا .. حست عليه شارد صارت تلوح بأيدها قدام جان ..استاز جان انت معي
جان(بتوتر):اه اي اي طبعاً
ضحكت نايا وحكتلو:طيب ماشي خلصت الجولة هي الملف انا صار لازم روح
راحت نايا تاركة جان ضايع ومتضايق
جان(بينو وبين حالو):ليش هيك كل هالاعجاب الي بعيوني ومو شايفتو ..يارب مالي غيرك
_وصلت على المكتب وشافت مايا طابة راسها على المكتب
نايا(بخوف):مايا شبك صاير شي
اطلعت مايا على نايا وحكتلها كلشي
مايا:نايا خربطني..بعثرني من جوا ..صار يتدخل بكلشي شو معناتو هاد الحكي؟؟!!!!!
نايا(بتضحك):وانتي ليش مزعوجة..بكون غيران هههه
مايا:موقادر رد عليكي بتعرفي شو بعمل هلأ
نايا :هههه خلص روقينا ولوو
مايا:ما بعرف شو عم يصير
نايا(بحزم):مايا من الاخر نيار طابس فيكي او معجب الكل عم يلاحظ تغيرو حتى اخو حكالي..شو في انتي حالك واحساسك شو عم يقلك
مايا ما ابدت اي ردة فعل وسكتت وطلعو من المكتب
وخلص الدوام وراحو على البيت ونيار كان مزعوج من تصرفو وليش حكا معها بهي الطريقة ..ب
حس دائماً انو مو مسؤول عن كلامو وافعالو بس يشوفها..
_الساعة 6المسا الجو براد والعصافير عم ترفرف
فات جان على غرفتو وفوراً اتصل على نايا
جان:مرحبا
نايا(ابتسمت):اهلاً استاز جان ..بس ما يكون في شغل.ما صارلنا ساعتين مروحين
جان(بضحكة):ههههه لا ابداً بس قلت بحكي معك..
سكتو شوي
نايا(بتوتر):الله يسلمك يا رب الحمد لله انا بخير كيفك انت
جان:اي الحمد لله انا تمام وهلأ صرت تمام التمام
نايا(بعفوية):هههه انشالله دائماً هيك تكون
جان(ابتسم):انشالله
نايا:بدك شي جان بتوصيني بشي رفيق ؟
جان:لا ابداً ديري بالك ع حالك
نايا:تمام باي
وسكرت الخط ونزل التلفون من اذنو وحكا :بااي.. ههههه وابتسم..انت سر هالابتسامة هلأ انا تأكدت ..
اما عند نايا كانت عم تتنفس بسرعة حست بشي غريب شي حلو وجديد..سكتت وابتسمت.. راحت بسرعة على غرفة مايا ومايا كانت نايمة
نايا: ميوش حبيبي قومي بدي احكي معك..ميوش امانة
مايا(عم تتثاوب): لك شو في امانة خليني نام
نايا:مايا عنجد اسمعيني..
مايا جلست قعدتها وصارت تحك بشعرا المتناثر
مايا: شرفي شو في احكي عم اسمع
نايا:اتصل في جان
مايا:اي
نايا:مايا عنجد ما بعرف شو عم يصير معي بس شوفو او اسمع صوتو عم ضيع واتخربط احكيلي شو اعمل
مايا(ابتسمت):ما بعرف شو بدي قلك بس نايا اصبري شوي لانو جان صادق وعارف شو نيتو
نايا:شو نيتو
مايا:لا تخافي جان كتير مليح نيتو خير كوني مليحه معو بس لا تتعمقي نايا
نايا(ابستمت):طيب ونيار
مايا(بلبكة):اه اي مليح
بعثرتلها شعراتها وطلعت من الغرفة تاركة وراها مايا عم تبتسم..
_اما عند نيار كان جالس على الكنبة وحاط راسو بين اديه ومزعوج والشي الي زاد انزعاجو بزيادة هو اتصال تالة خطيبتو ..
شاف المتصل مرر ايدو بشعراتو وتأأفف وحكا بأنزعاج: ناقضني انتي
رد
نيار:اهلين تالة شو بدك؟؟
تالة(بدلع): هلأ هيك بتحكي مع خطيبتك
نيار(بعصبية):خلصيني في شي؟؟؟؟
تالة:لا ما في شي بس حبيت نطلع انا وانت مشوار سوا
نيار:ما بقدر اطلع مشغول.خلص
وفصل الخط ..
تالة انزعجت ورجعت فوراً اتصلت وحكت
::انا ما بعجبني هاد الوضع نيار ابداً
نيار:هاد الي عندي عحبك عجبك ما عجبك غيري طريقك..
تالة:هو هيك
ننيار(ببرود تام):وانا بأنتظارك
وفصل الخط
نزل جان مبسوط متوجه ل غرفة نيار..حكا مع اخوه شوي وشافو مزعوج
جان:شبك اخي
نيار:اتصلت وهزت بدني..وقررنا انو ننفصل
جان كان مبسوط لاخوه لانو لما يكون مع تالة ما بكون مبسوط ابداً هو وخطب تالة بناء على طلب من امو لانو حبتها..وشاف نضرات الحب الموجه ناحية مايا شاف التغير والاهتمام..حس اخو رجع للحياة لانو كل حياتو كان بالشغل وبعمرو محدا لفت نضرو وعجبو قد مايا
نيار كمل:واليوم عصبت على مايا بالمكتب
جان:ليش شو صار
حكالو عن الشب وطريقة لبسا مبارح انو ملفتة
جان(ضحك): ما لقيت غير مايا..بس بتعرف طنجرة ولقت غطاها هههه
نيار(بحـدة):جااان
جان:طيب بعدين لاحظت انها عنيدة ودير بالك ..بعدين ليش مهتم بالموضوع كل هالقد
نيار(بلبكة):لا اخي مو هيك انت بتعرف انهن امانة برقبتنا واهاليهن ما وافقو الا تا اقنعتهن وانو بأمانتي
جان(ابتسم): اي.. بس ينوجد الحب بروح كلشي من كبرياء وعناد صدقني الله يوفق يارب
اطلع عليه نيار وابتسم وعيونو بيلمعو..
بعد اربع ايام التقو نيار وتالة وفسخو الخطبة..انبسط نيار وهبر جان الي انبسط بدورو
وضحكو كثير وقررو يحتفلو ويروحو ل مكان وقررو يروح لمطعم شعبي حلووو يعني كلو مناضر طبيعية وخبرو رفيقهن عمر..
عمر رفيقهن من ايام زمان كانو وبعدهن رفقة للعضم..عمر شب طويل القامة بعيون حور مكحلين وشعر اسود وقن اسود خفيفة وعندو هيبة بمشيتو ..
اما عند الصبايا قرروو يطلعو برفقة رفيف على المطعم نفسو لانو المطعم الوحيد الي بحبو يروحو عليه من اول ما اجو..
طلعو الشباب..وكانت طريقة لبسهن غير الشغل كانو لابسين سبور جينز من تحت وكنزات سبور مع بواط رياضية انيقة
والبنات كان لبسهم انيق نايا ومايا لبسو بنتكورات بس مو قصيرة كثير ولونهن اسود وكنزة خمري فاتح مع بوك اسود وميك اب خفيف بتسريحه شعر لورا بسيطة وناعمة ورفيف يلي كانت لابسة تنورة وكنزة كفت زهر ملائمة مع ملامح وجها الملائكية
وصلو الصبايا على المطعم وطلبو شي بارد مؤقت شوي
ووصلو الشباب وفاتو المطعم وقعدو على طاولة قريبة من الصبايا بس ما بعرفو ابداً انهن موجودين
جاب الكرسون طلب الصبايا وراح ناح الشباب يشوف شو طلبهم والتفت عمر على الطاولة البنات وحكا..
عمر:وليييي على هل الجمال..
طل نيار وجان وانصدمو بالصبايا
نيار:عمر عود عاقل..
والصبايا ما شافوهن لسا..وكانو جالسين على الطاولة وبضحكو وبيتناقشو ..
بس كان عمر يتطلع على رفيف بحدة ..رفيف انتبهت وما اعطت اي مبادرة بعدين كثرو نضراتو وحكت للصبايا..طلو وشافو نيار وحان انصدمو ولكل صار يتطلع ببعض بعدين عمر حكا
عمر:شباب انتو بتعرفو البنات ؟؟
جان:اي هدول محاميات الشركة
عمر(بأبتسامة): لكن خلينا نقعد معهن نيار شافها طريقة حلوة ل يتأسف..بس كان مزعوج من حالو لانو عصب
عليها بس هو هيك طبعو ..
راح عمر وجان ل عند الصبايا.. وسلمو عليهن وحكولهن يجوو يقعدو بس مايا رفضت ونايا ورفيف ضلو ساكتين
مايا:لا يسلمو مرتاحين هيك ..بعدين انبسطو انتو شباب لحالكو
جان:ولو ما نحنا رفقة مننبسط اكتر اذا قعدنا معكو
نايا(بأندفاع):موافقين تفضلو
مايا انزعجت منها بس ما بتقدر تفشلها راحو وعرفوهن على رفيف وتعرفو على عمر وبعدين حكا شوي وكان كل واحد بيحكي مع الثاني مثل نايا وجان و مايا نيار ورفيف وعمر
نيار كان يحكي بأمور الشغل ويحاول يهدي بطريقة غير مباشرة انو بيعتذر
نيار:حاسس حالي صاير عصبي ومندفع
مايا(ابتسمت بتوتر): ولايهمك كلنا هيك هالايام
نيار:شو صار بأوراق المناقصة
جان:بس ابو النكد مو هون الشغل خلينا مبسوطين
ضحك الكل والاكثرية كان مبسوط
قعدو واكلو وخلصو وروحو البنات ووصلو رفيف
#سـَ يتحقق المستحيل '
<<5>>
..روحو البنات على البيت وهننن فايتين مايا كانت مزعوجة
مايا:نايا ليش هيك عملتي
نايا: ليش شو عملت
مايا(بتوتر): ليش وافقتي وحطيتيني تحت الامر بموقف ..انا مشان ما فشلك رت قعدت ..وانتي بتعرفي انو انا ونيلر متخانقين
نايا(ابتسمت):اي فرطت ميوش بس انتي عنيدة زيادة عن اللزوموبتضلي حاطة الحدا براسك
قرصتها من خدودها بخفة..
نايا:روقينا ولوو
ابتسمت مايا وفاتو وبدلو تيابهن وصار يحكو عن نضرات عمر على رفيف..
...اما عند الشباب..كان جان عم يستمع ل عمر وهو عم يحكي عن الصبايا انهن حبابات ولطيفات..ونيار شارد بالعدم وساكت..
عمر:شبك نيار شارد شاركنا
نيار:بشوو
عمري:شوفو عمل حالو ما بيعرف..يعني ما شفتك وانت تنضر على مايا واكلتهت اكل بعيونك
نيار(بلبكة):انا لا ابداً بعدين ما الي زمان بعرفها
جان(بمسخروضحك):يعني مو حب من اول نضرة..وضحك الكل
نيار:ع اساس انت يا فصعون مو طابس بالبنت واليوم كيفت بس طلعت جولة معك ومتأكد انك ما كنت مركز
جان(بلبكة): اي اخي الله يحميهن بتعرف انو امانة برقبتنا
نيار:اكيدد
_مرت الايام على نفس الروتين ..الصبايا كانو حريصات بكلشي على شغلهن وعلى حالهن مشان هيك ما كانو يبادرو ل جان او نيار بأي شي عاطفي.. بس كانو مبسوطين لانهن وصلو للوضع هاد..كانو يتواصلو مع اهلايهن ويطمنوهن عنهن
وحان ونيار كل يزيد اهتمامهن اكتر بس هو ما كان اهتمام كان حب صافي..
وعمر طابس برفيف وخارطة مشطوو كان كل يوم يروح على المشفى بحجة حدا الو مريض او هو مريض
ليوم من الايام كان نيار قاعد والنار جواتو شاعلة انو معقول مايا مو منتبهة لاهتمامي ونضرتي يا عني للهفةاو هي بتطنش او معقول في حدا بحياتها ومو حابة تصرح اسئلة تحيبو واسئلة تاخذو وكان سارح بالاسئلة جواتو..لحتى اجا جان عليه وصحاه من شرودو
جان:اخي هييي لك اخي وين سارح
نيار خاف لانو احا فجأة وهو شارد
نيار:شبك جان
جان:لا اخي انا بدي قلك شبك في شي؟
جلس جان وحكالو كلشي وبشو بفكر وقرر يروح يعترف ويكسر حاجز الكبرياء عندو وعندها..جان انبسط من نيار انو ح يعترف مشان هو يعترف بشي صار اكبر من انو يخبيه
وبالفعل اتصل نيار بمايا
نيار:مايا بدي شوفك..
كانت نايا واقفة ورا مايا وعم تسمع
مايا:ليش في شي ضروري صاير شي
..لانو ما بقدر اترك نايا لحالها بالبيتونايا مستغربة من كلام مايا ..
نيار(بعصبية):بعد نص ساعة بتكوني جاهزة
وفصل الخط..
مايا كانت مصدومة ومخربطة
نايا(بخوف):شو بدك تعملي
مايا(بتوتر):مابعرف
نايا:روحي مايا ..روحي وشوفي شو بدو واكسري حاجز عنادك شوي
مايا:مااشي رح اسايرو بس هالمرة وانتي البسي وروحي لعند رفيف
نايا:لا تشيلي همي روحي(ابتسمت) لانو معك نص ساعة
مايا:بتتمسخري انسة نايا بدي شوفك انتي
نايا:هههه قومي لك يلا
ولبست مايا واجا نيار وركبت بساريتو
وفوراً سألتو
مايا:شو في نيار جبتني في شي
ما رد وضل مكمل بالسيارة وقعدو بمطعم هادي ومرتب
عم السكوت لحضات وهم نيار بالحكي
نيار:سألتيني ليش جبتك موو؟
مايا(بلبكة):اي شو في
نيار(حط ايدو على ايدها): مايا وبكل صراحه ومن قلبي..بحبك مايا انا بموت فيكي انتي عملتي فيني االي ما قدر حدا يعملو..بحبككككك
مايا(بصدمة):اه انا..
ضلت ساكتة ووتحط ايدها على شعراتها وترفعهن وتنفخ مشان تخفف على حالها من حدة الي صار
نبار(بنظرة رجاء):احكي مايا قولي اي شي ..عيونك بتحكي كلشي جواتك فاضحينك..اي شي لا تسكتي
مايا(بـحدة):مافي شي احكيه نيار ..هي مشاعرك الك لحالك..لا تحرجني اكثر
نيار(بفقدان اعصاب وعصبية):في حدا بحياتك جاوبي بسرعةة؟؟؟
انصدمت مايا من طريقة تفكيروو
مايا(بعصبية):ما في وما رح يكون في طمن نفسك
اجا بدو يحكي رفعت ايدها بوجهي
مايا(بحدة دمعن عيونها):لا تحكي شي نيار اكتر شي زعجني انت شلون بتفكر شكراً كتير
قامت ومشت ولحقها وما رضيت تركب معو
لحقها ومسكها من ايدها
نيار:مايا اركبي بدون تكبير راس..ليش عصبتي مافي شي مستاهل
نترت ايدو ومشت وتركتو وضلت تمشي بعدت عنو حكا من بعيد
نيار(بصراخ):اتأكدي ااانيييي بحبببببببكككك وكلشي عمممملتووو من صاااالحكككك بحبببببكككك مااااياا لا تتركيني
مايا كانت تسمع
وتبكي..ومشت وركبت بس ما حكت شي وكانت مقهورة وصلت على البيت وسألتها نايا
نايا(بخوف):شو في مايا ليش هيك عيونك وجهك وشو الموضوع
قعدت على التخت وحطت راسها بين ايديها
مايا:رفضتو صديتو يا نايا
حكتلها القصة وهي بكامل براءتها وحزنها ونايا بهدلتها على طريقتها
نايا:لك ليش يا مايا ليش حدا فتحكلك قلبو هيك بتحكي معو ليشششش ..ليش ما كسرتي خاجز كبريائك وعنادك وانت بتحبيه من كل قلبك ..منعرف حلم وشغل بس حققنا الحلم والحمدد لله لايمت رح تخبي عن حالك حتى
مايا كانت تبكي وما حكت ولا كلمة
اخر شي حكت
مايا:نايا خلص انا رح ارجع على سوريا انتي خليكي هون وبتسكني انتي ورفيف مع بعض
نايا(بعصبية):ما حزرتي ..ابداً ما رح خليكي لك حلمنا يا مايا لك تعاهدنا على كل شي على نضل مع بعض ونحقق كل شي سوا وهلأ بتحكيلي بدي ارجع لك توأمي يا مايا انتي شو بدك تخبصي وين بدك تتركيني
صارو يبكو ورمت مايا راسها بحضن نايا وصارت تهديها ورفيف الي اجت لعند نايا كانت تهديهن و مو عارفة شو تعمل
قاطع هالوضع صوت موبايل رفيف برن بأسم المتضل عمر
عمر:رفيف الكادر الطبي هون طالبينك بسرعة تعي..نيار عمل حادث
سكرت المكالمة
رفيف:ما لازم ضيع دقيقة بكون بين الحياة والموت..
مايا:لككك مييين شووو فييي
رفيف:نيار عمل حادث
نجنت مايا وصارت تهديها نايا وحكت
نايا:يلا خلينا نروح على المشفى..بسرعةةةة
مايا(تبكي):بسبببي يا ربي تنجي بسببي والله بسببي
نايا: مو وقت الندم مايا يلا
راحو للمشفى
وتوجهت رفيف لغرفة العمليات
مر ساعتين على الموجودين جان ومايا وعمر ونايا والكل متوتر وخاصة مايا
مايا تحكي ل نايا:مستحيل سامح حالي اذ صرلو شي مستحيل يا نايا
وصارت تبكي حضنتها وهدتها
جان كان واقق ويتفرج على مايا ولهفتها وساند راسو على الحيط وببكي بهدوء كان عارف الي صار كلو..وعمر رايح جاي بالكيردور
طلعت رفيف بصحبة الدكتور وحكت عن الدكتور
رفيف: تعدا مرحلة الخطر بس رح يضل تحت المراقبة ٢٤ ساعة..طخت راسها بالارض ..واحتمال اذا ما فاق يفوت بغيبوبة لانو ماكل ضرية على راسو قوية نوعاً ما
مرت هالليلة والكل على اعصابو ..ما رضيو يخبرو امو ل نيار عشان ما يصيبها شي..
ثاني يوم الصبح بكير قدر نيار يتخطى هالمرحلة بس بعد تحت تأثير البنج
فرحت رفيف وطلعت خبرت الكل
مايا:منقدر نشوفو
حاليا
رفيف:ما منقدر غير واحد واحد واثل من ١٠ دقايق بس!
والكل سكت ومايا حكت
مايا(مسحت دموعها):انا رح فوت
رفيف:طيب رح احكي الدكتور
الكل استقبل الفكرة انو اول وحدة مايا ورح يشوفو هما بليل بعد ما يصحى من البنج..
فاتت مايا وشافت الاجهزة ونزل دموعها من المنضر
مايا(بتبكي): نيار انت قوي لازم ليش هيك ضعيف اليوم فيق اصحى
نيار وربي انا بحبك بموت فيك ..ما بتصدق قديش انعجبت فيك بكل ايجابياتك وسلبياتك..حبيتك بعيونك المليانين حب نضرتك الي كانت تعنيلي كتير ..(ضحكت من بين دموعها) حتى عصبيتك كانت حلوة ويبجنن اضحى ع شاني نيار اصحى بترجاك..
كانت ماسكا ايدو وعم تترجا وفجأة ضغط على ايدها
وابتسم من تحت الجهاز الدنيا ما وسعتها من الفرحة
وطلعت وخبرت الدكاترة وحكت للشباب ونايا
والدكتور حكا انو من الطبيعي اجهزة الحسية عم تستجيب والحمد لله
المسا ما كانت مايا قادرة انها تواجهو ل نيار ابداً
اعتبرت حالها هي السبب وخافت هو يحكيلها انو هي السبب
فاتو الكل بالغرفة عند نيار
عمر:الحمد لله على الشلامة شريك
نيار:الله يسلمك
نايا وجان:الحمد لله على السلامة ما ع قلبك شر
نيار :الله يسلمكن يارب
جلسو شوي ودردشو واجو بدهن يطلعو استوقف نايا صوت نيار
نيار:نايا خليكي هون لو سمحتي بدي ياكي بموضوع
طلعو هما وجلست نايا
نايا:اي نيار شو في
نيار:وين مايا ليش ما اجت لتكون سافرت
نايا(حطت راسها بالارض):لا ما سافرت بس ما حبت تفوت لعندك مو قادرة تواجهك ..نيار لا تزعل مني انت كتير عصبي بس حنون بس يتخلي الناس تبعد عنك بدل ما يتقربو منك..اما مايا اتركها علي مايا ما في اطيب من قلبها صحيح عنيدة بس بتحبك انا متاكد
نيار:شكراً كتير طيب وانتي ع فكرة بدي قلك شي جان جاان فيكي ومو تجرأ يحكي ابداً
احمرت خدود نايا وحكت:العفو
ودارت وجها وبدا تتطلع ل برا
نيار:طيب مايا فاتت شي لهون مو قادر اتذكر؟
نايا(ابتسمت):لا ابداً وطلعت
مايا كانت قاعدة بحديقة المشغى ورفيف عندها بدشوي تاخد استراحة مشان ترجع للشغل والمرضى..اجت نايا وجلست معهن ..
نايا: تشربو قهوة
رفيف:لا صحة انا بدي فوت خلصت استراحتي
مايا:....
راحت رفيف وضلت نايا ومايا
نايا(بحزن):انا بعتزر منك لاني عصبت عليك وما كان قصدي ..بس كان بدي ياكي تعرفي اني عصبت عليكي مشان مصلحتك والله
مايا(بتبكي):لا تعتزري
وحضنت نايا ونايا طبطبت على كتفها
نايا كانت متل الوطن والعيلة لمايا ومايا هيك بالنسبة لنايا كانو وطن بعض بالفرح والشتات
..بعد شوي اجا جان وقعد معهن بعد ما فات لعند نيار
وحكا لمايا
جان:انا ما بدي تزعلي مني او ادخل بس لازم تكسري الحواجز مشان تعيشي بسعادة..نصيحة صديق..وهلأ مشاني روحي لعند
نيار احكي معو رح يجن ومفكؤ حالو مزعلك
نيار وجان كانو متفقين وتفوت لعندو وبالفعل ما عاندت وراحت ودقت الباب وماحدا رد فااتت كان نايم
استغلت الفرصة انو تحكي كلشي لانو بالفعل كانت مقرر تسافر بس يتحسن وتترك كلشي وراها وتنسى الشي الي مانعها هي نايا
مايا:نيار بعرف نايم بس حابب احكي وفش قلبي
..نيار انا ما بنكر انو انشديت لشخصيتك انامو بس هيك حبيتك والله حبيتك كلشي فيني حبك عصبيتك حنيك اهتمامك طيبة قلبك بعمري ما شفت حدا بيشبهك ..
(ابتسمت من بين دومعها)حتى عنادك كان يعجبني انت كلك على بعضك بتجنن نجنيت لما سمعت بالحادث ما تخيلت تموت وانا كون السبب الله يحميك يعمري انا رح سافر رح اترك كلشي وراي وانسى بتمنى تنسى رح اخد نايا معي مستحيل اتركها..سلام
خلصت حكي ورفعت شعراتها واجت بدها تطلع بس نيار مسك ايدها وحكا
نيار:سمعتك..
انصدمت مايا وقفت مذهولة وصارت تبكي
نيار(ابتسم):ما بتتركي نايا وبتتركيني..
ما حكت شي وراحت لعندو وحضنتو وحكت
مايا(بتبكي):اسف..اسف اذا انا كنت السبب
بعدها عنو ومسح دموعها وحكا
نيار:طول ما انا عايش ممنوع هالعيون تبكي..
مايا(ابتسمت وحضنتو ):حاااضر هههه
تحسن نيار وصار كل شي بين مايا ونسار على المكشوف والكل شايف قديش بحبو بعض
ورجع الروتين اليومي..وكانت علاقة جان ونايا اقو من علاقة نيار ومايا لانهن كانو عصبين..والمشاكل على اتفه الاسباب
اما بالنسبة ل رفيف كانت تحكي هي وعمر وكان بدو يبعث اهلو يخطبوها طبعاً عمر كان يشتغل مقدم بالامن الجنائي مع انو عندهن شركات وحالتهن مليح بس هذا كان حلم الطفولة ورغم خطورة الشغل كان مكيف
كان في شي مايا ونايا مخبينو عن الكل .. بطبيعتهن بحبو المغامرة والتجارب وبس انكشفو
ل يوم من الايام
#سـَ يتحقق المستحيل'
<<6>>
_كان طالع عمر من شغلو طلع من الفرع وطبعا
هاد غير الي غير الي بشتغل فيو بس كان في الو شغل هون..صدف مايا ونايا طالعين من هنيك
عمر(متفاجىء):خير صبايا شو عم تعملو هون في اي شي احكولي
مايا ونايا ما عرفو يحكو
عمر:الووو شبكن انخرستو احكو في شي
نايا(بتوتر):لـ لا بـ بس في شغلة هون ومشي حالها نحن بدنا نستأزن
عمر:لوين تعو حاس وراكو قصة
واخدهم ل مطعم وما قدرو عمر صديقهن وخافو وحكولو كل شي وعلى الجريمة الي تولو امرها ومن وقت هي الحادثة صارو يشتغلو هنيك بس خفيف
عمر:انتو كيف هيك بتغامرو الشغل الي عم تعملو خطير
مايا: طيب انت لاتخبر حدا..
عمر:ليش
نايا:ما بدنا حدا يعرف
عمر ما رد عليهن ومن تاني نهار خبر جان ونيار
مو نيار الي عصب المرة جاان الي جنن جنانو
توجه جان ونيار على مكتبهن وحكا معهن
نايا(بعصبية): هي حياتنا وما حدا الو فيها وبكرا استقالتنا على مكتبك استاز نيار والاستتتاز جان
طلعو من المكتب وهنن معصبين وما عاد يتحملو اكثر قرررو انو يستقيلو ويرجعو على سوريا بس كانو بدهن يسحبو كلشي الهن من البنك ويخبرو رفيف وهنن طالعين من يلي صار مو شايفين قدامهن اجت سيارة مسرعة وخبطت بسيارة نايا
مايا صارت تصرخ لما شافت من الشباك نايا طابة راسها على الدركسيون وما في اي حركة
توجهت ناح نايا وصرت تخبط على بلور الشباك المكسور
مايا(برعب):نااااااايا لاااااا لا تتركيني ناااايا اصحي..المشفى رح اتصل..
طلعتتت التلفون من جيبتها وهي ترجف وتبكي
مايا(بتبكي وبتصرخ): رفيف بـ بسرعة بـ بـ بسرعة اسعاف نايا رح تروح من بين ادينا واجا الاسعاف واسعفو نايا وكانت رفيف هنيك فاتو على غرفة العمليات لانو نايا كانت بخطر في ضربة على جينها
فاتو ومايا قعدت وحطت راسها بين راحات ايدها وصارت تبكي على باب غرفة العمليات وحكت
مايا:نايا لا تتركيني بترجاكي لا تتركيني رلاك بعيش
رن تلفونها وشافت المتصل نيار
حكت
مايا(بصوت مبحوح):الو
نيار:شبك مايا صوتك ليش هيك
فرطت مايا وصارت تبكي وتحكي
مايا:نايا يا نيار رح تتركني اصطتدمت بسيارة حتى صاحب السيارة ما شفناه وفل
نيار: بأي مشفى انتو بسرعة
مايا: ..
سكر نيار الخط وخبر جان واجو على المشفى
صارو يواسو بمايا رغم انو جان مقهور اكثر منها
طلعت رفيف اخيراً وخبرتنا انو صارت بخير
بس في كسور لانو الخبطة قوية
مايا من الفرحة حضنت جان بطلت تعرق شو بدا تعمل من الفرحة
ثاني يوم سمحولنهن يفوتو لعندا اول ما فاتت مايا حضنت نايا بكل قوتها
مايا(تبكي):كنت رح تتركيني
نايا:ما بتركك ابدايعمريً بس شوي شوي علي الكسور جديدة بعدها
الكل؛ههههه
جان ونيار:الحمد لله على سلامتك ننوش
نايا(بنفسية): الله يسلمكن
جان:لساتك زعلانة منا نحن منعتذر بس مشان مصلحتكوو.انت طلعتو معنا لتشتغلو معنا وبآمان مو بالافرع والخطر الي عليكن
نايا ومايا:...
نيار: وعرفنا الي اصتطدم مع نايا بالسسيارة وكان ناوي يقتلها بكون ابوها للبنت الي كنتو تحققو بمقتلها
جان نضر ل نيار
نيار:مايا معلش خلينا نطلع شوي بدي احكي معك
ضل جان ونايا بالغرفة
جان قرب لعند نايا وقعد على حرف التخت
حط راسو بالارض
جان:انا اسف بعتزر عن كل شي جرحك مني
نايا(تبكي): ولا يهمك حصل خير
مرر ايدو بين شعر
اتها ورفعهن عن عيونها البكيانة
جان:اسف اسف كل العمر
اتطلعت عليه وابتسمت
نايا: خلص صديق سامحتك ..شو بدي اعمل ما بتهونو علي..بس معلش تتركني شوي لحالي
جان:طيب براحتك رح اطلع..
بعد مرور يومين بالمشفى ..تحسنت نايا والكسور كانت عم تتحسن وحست نايا بالخنقة والملل من جو المشفى
مايا كانت عم تتدحشها اكل وحليب
مايا:نايا مو صغيرة انتي يلا اشربي بئى
نايا(بتأفف):ميوش حبيبي خلص والله صار الي كرش لك بكفي
مايا(بضحك):اي معلش على شان تتطلعي من هون بأسرع وقت
نايا:مايا بدي اطلع من هون داق خلقي ..اسألي الدكتور ..انا تحسنت صدقيني
مايا:طيب خلص رايحة شوفو
طلعت مايا واجا جان ونيار
نيار(ابتسم):شلونك اميرة مايا..
مايا(ابتسمت):اهلاً ابو النكد..هههه
جان:كيفك وكيفها نايا
مايا:والله مو طايقة تضل دقيقة وحدة بالمشفى ورايحة شوف الدكتور
جان:طيب انا رح فوت لعندها وانتو شوفو الدكتور
مايا..نيار:ماشي تمام
فات جان لعند نايا على الغرفة
وقرب وسلم عليها
جان:كيفك ننوش
قرصها من خدها الي تورد بلمستو
نايا:تمام ابو شريك
جان:الحمد لله بشكر الله انو ما صابك شي لانو بسببي الي صار
نايا حطت ايدها فوق ايدو بحنية وحكت
نايا(ابتسمت):هاد كلو قضاء ربك مكتوب انت ما الك اي دخل بلي صار
اتخربط جان وماعرف شو يعمل ضاع من حنيتها حتى نايا ما انتبهت على هالشي ما شردتت غير على لمعة عيونو المليانين حب
فاتو نيار ومايا وهما بعدهن عم يحكو وشافو جان ونايا وايد نايا الي فوق ايد جان
نيار كان مبسوط من التفاهم الموجود والحب بيناتهن
كتف اديه وحكا
نيار:احم احم نحن هنا ..شو غرفة مشفى هي
نايا وجان تلبكو وصار وجهن احمر
نايا:ولو صديق غالي علي جان
اتذكر نيار انو بعدهن ما اعترفو لبعض وحكالو جان عن كلشي بس بعد الجرءة ما اجتهن ..وخايفين تخرب العلاقة ..وويواجهو صعوبات
وبهالاثناء فاتت رفيف وتوجهت ناح نايا وباستها من جبينها وحكت
رفيف:رح نطلعك هلأ انبسطي يا حلوة بس بشرط
نايا(بفرح):لك اشرطي الف شرط
رفيف:بدك تسمعيكلمة مايا بكلشي
نايا:موافقة بس طالعوني من هون
نيار:انا شايف نايا خانم غير هيك من شوي كانت ضحكتك واصلة لادنك..وضحك بمكر..
مايا(بحدية):نييااار
نيار:تمام انسة مايا حاضر سكتنا
ضحك الكل ..
طالعو نايا من المشفى بس اهلها ما بيعرفو بشي ما خبروهن مشان ما يقلقو
اما من ناحية مايا ف كانت تهتم بنايا لحتى تصحصح كانت على الموعد كلشي كانا الوطن الها بكلشي..
وتحسنت نايا وقررو الشباب يسهرو عند بيت مايا ونايا ومعهن رفيف وعمر الي قربت خطبتهن..
دق نيار على تلفون مايا..
مايا كانت بالغرفة وردت
مايا: اهلا نيار
نيار:يا اهلاً فيكي اميرتي..كيفكو
خجلت مايا
مايا:هههه تمام نايا الحمد لله وهلأ صرت احسن نيار:تمام في عندكو شي المسا
مايا:ابداً في شي
نيار:لا مافي شي بس حابين نسهر عندكو انا وجاز وعمر ورفيف ويمكن جيب اختي تتعرفو عليها قد ما حكينا عنكو صارت حابة تشوفكو
مايا:ههه اهلا وسهلا فيكو
نيار(بهيام):وحابة تتعرف على الي قدرت تغير اخوها ..
خجلت مايا
نيار:طيب مايا بدي اطلب منك طلب
مايا:اي اتفضل سيد نيار
نيار(بمكر): ما بدك تحكيلي شي
مايا(بلبكة):متل شو
نيار:لا تعملي حالك مو عارفة شي ..طيب انا رح بلش مااااايااا انا بحبكككك..بحبكككك لك حاب اسمعها منك المرة الماضية ما كنت صاحي..ههه
مايا:.....
نيار:مايا سامعيتني شبك..
مايا(بلبكة):ايييي
نيار:اي شوو
مايا:بحبككك
وفصلت الخط بسرعةة
اما نايا كانت ماشية وسمعت اخر كلمة ومايا مو حاسة
مايا اجت بدها تتطلع اصتطمدت مع نايا وراحت ما توقعها لانو يا دوب مهدية حالها
مسكتها مايا
مايا:افف منك نايا كم مرة نبهت عليكي اي شي بدك ياه بتحكيلي
نايا:مايا مع مين كنتي عم تحكي
مايا(بحرج):اه مـ مع مين يـ يعني
نايا(ابتسمت):شبك لسانك اكلو القط بالعادة ما بتسكتي
مايا بدها تهرب حالها من الجواب
مايا: صحيح الشباب اليوم ومعهن رفيف جاين يسهرو عندنا ومعهن اخت نيار وحابة تتعرف علينا
نايا(بمكر):اخت نيار لحالو مو نيار وجان
مايا(بلبكة وصار تحك شعرها):آه اي صح والله هههه
نايا:مع مين كنتي تحكي نايا
مايا:ما رح خبي عليكي مع نيار
وصارو خدودها حمر
نايا(قرصتها من خدها):وانا اقول ليش موردين هالخدود هههه
ومشيت لحالها نايا وحكت ..نيالو يا عمي
مايا(ابتسمت): مجنونة ههه
وبلشو البنات يجهزو حالهن ويجهزو الضيافة
ولبسو البنات ..نايا لبست فستنا بنفسجي فاتح مفصل من فوق ومن عند الركبة كلوش بقبة ملكية ومفتوح من الضهر وكاز حلو كتير عليها مع ميك اب خفيف وتسريحة شعر لورا وناعمة وطالعة نجمة اليوم
اما مايا لبست فستان من فوق اسود وفيو لمعة ومن تحت فضي مخصر ومعطيها طول زيادة مع تسريحه شعر نفس تسريحه نايا وميك اب خفيف وكانت طلتها حلوة
شوي وصلو الشباب فتحت مايا الباب لانو نايا لسا تعبانة
رفيف:مرحبا ميوش وباستها واعطتها بوكيه الورد الاحمر
وحكت
رفيف:شو هاد والله فكرت حالي مخربطة
مايا:ههه شكراً من زوقك حبيبتشي مو ع اساس انتي طالعة بتجنني
وسلم جان وعمر واخت
هن ميرال وفاتو ضل نيار كان بعدو واقف وحاط واديه بجيابو وناطر يصحلو دور وهو صافن بالملاك الي قدامو
نيار:انت كل دقيقة بتحلي
خجلت مايا وابتسمت
مايا:اهلا ابو النكد نيار:هلأ هيك بدل ما تحكيلي كلمة حلوة حابب اسمعها على الواقع
مايا اتلبكت وحطت ايدها ورا رقبتها:آآه
اجتها الجرأة ورفعت حالها لتوصل ناح ادنو وحكت بهمس
مايا:يا مجنون بحبك..بحبكك
ما بكفي..
وقطع حديثهن صوت عمر من جوا: نيار مايا وينكن
فاتت مايا على جوا
نيار:يسعد الله الي خلقك
وفات وراها
كان جان جالس ومبسوط كتير بجمال نايا ..وعرفوهن للصبايا على اختهم ..كانت اختهن بنت نشيطة مبين من حركاتها كانت لابسة جينز وكنزة سبور وبوط رياضي ..ببشرا حنطية وعيون عسلية وسيعة ورموش طويلة
وطول حلو..
ومشت السهرة وكانت بتجنن قضوها ضحك ومزح وحب
نايا: اي ميرال شو بتدرسي
ميرال: محاماة
مايا:هههه خلص من هلأ معنا بالقسم
جان:اي سبحان الله نفس تركيبة العقل
نيار:خليك ع جنب انت واهتملي بشعراتك زيادة
نايا:ههههه
مايا:اي رفيف شو ايمتا النية انشالله رفيف خجلت وما حكت حكا عنها عمر..
عمر(ونضرو على رفيف):اكيد عن قريب اخر الشهر انشالله الخطبة
نايا:افف ماضل غير ايام..شو بدنا نلحق
ضحكو الكل
جان:لك انتي شو بدك تلحقي
نايا(بضحك):كيف شو جان في شغلات لازم اعملها اكتر من العروس من تسوق واشياء
جان:ههههه لا تخافي بيخلصو بيومين
ومرت الايام حب نيار ومايا عم يكبر طبعاً لا غنى عن المشاكل اليومية
الي مزينة علاقتهن متل ما بحكو
وجان ونايا ما حدا منهن اعترف للتاني ورفيف تجهز لل الخطبة
تحسنت نايا وقدرت تمشي على رجليها من جديد ورجع روتين الشركة من اول ورجعة الهمة للشغل..
كانت مايا غراقانة بالشغل ونايا عم تلم اوراق ملف عشان تاخذ توقيعو من المدير التنفيذي للشركة جان..
لمت اوراق الملف وحكت
نايا:ميوش انا رح اطلع اوقع الملف بدك شي غيرو
مايا(وراسها بالاوراق): تمام سلامتك..
طلعت نايا وتوجهت لمكتب جان دقت البااب
ودخلت
جان(بأبتسامة):اهلاً نايا
نايا(ابتسمت): اهلاً فيك ..في شوية اوراق بدهن توقيعك
جان:اي تمام
راحت لعندو وصار يوقع فيهن وحكو شوي وهو عم يوقع..اخذت الملف من قدامو وهمت بدها تتطلع مسكها من ايدها وقربها لعندو ..وقرب تمو من ادنها وحكا بهمس
جان(بهمس):شو عملتي فيني
وباسها من خدها
بعدت عن ادنو ولتقو عيونهم ببعض وسكتو للحضة رفعت حالها ل تصير بطولو
وقربت تمها من ادنو وهمست
نايا:مو لحالك الي عم تحس ..وتشعر ..شي متبادل..والله
وباستو من خدو .فوراً طلعت
حط ايدو. على خدو وصفن
جان:خليتيني مجنون فيكي اكتر هههه
وتوجهت نايا على المكتب وخدودها حمر من الموقف..شافتها مايا
مايا:شبك
نايا:بعدين مايا بعدين بحكيلك
مايا:هههه طيب طولي بالك خدودك حمرر حمرر
حكت نايا لمايا الي صار
ومرت الايام واجت خطبة رفيف
ومن الصبح بلشو الصبايا جهزو حالهن كانت الساعة سبعة الصبح
اندق الباب وفتحت نايا
كانت لابسا بجامة وشعراتها منكوشين والنوم بعيونها
جان(ابتسم):صباح الورد
سكرت الباب نايا بسرعة ورفعت شعراتها عن وجها وفتحت
نايا(بلبكة):اهلاً جان شو جايبك من الصبح
جان:من زمان عم نجهز ونيار كانو المهضوم مضيع ساعتو الي حب يلبسها اسألي مايا
نايا:طيب يلا
جان:ع فكرة طالعة بتجنني.
نايا(ابتسمت): شو مهضوم
والساعة كانت مع مايا هو حطها معها لما راحو على المستودع جولة
جان:جهزي حالك اليوم بدي ياكي بكامل اناقتك..
نايا:اكيد اكيد
_كانت رفيف بهاليوم مو مصدقة حالها الشخص الي حبتو من كل قلبا والي كان يفهم كلل شي فيها ..اليوم ح تصير على اسمو..
كانت طالعة مثل الاميرات بملامحها الناعمة والحلوة
لبست فستان خمري غامق مناسب مع لون بشرتها البيضا والاكسسوار الناعم على رقبتها مع تاج محلي شعرها
اجى عمر وقرب وباس ايدها
عمر:ساندريلا حتى احلى منها بشوية
ضحكت رفيف وخجلت
اما مايا ونايا ..لبسو فساتين باللون النيلي اللامع ومخصر مع كعب فضي واكسسوار ناعم على الرقبة
ومر ساعة على الخطبة والناس بالصالة عم تتفرج علهن قديش لابقين لبعض
قامو يرقصو سلو وكل واحد صار يجر نصو التاني
بنفس الطالة الي جالسين عليها الصبايا والشباب
قام نيار من مكانو وزبط بدلتو وقدم لعند مايا وفرد راحت ايدو
نيار:بتسمحيلي بهاي الرقصة يا اميرتي
مايا خجلت بس قامت بسرعة وصارو يرقصو
كانت نايا وجان عم يشاهدوهن ومبسوطين نضر جان ل نايا..الي كانت عم تتفرج عيلهن وحس انو اجت الفرصة ل يبوح بمشاعرو المكبوتة
قام وقرب من نايا ومد راحت ايدو
جان:احم احم بتسمحيلي بهالرقصة
خجلت نايا ولا ارادياً قالت اي
صار يرقصو وهنن عم يرقصو قرب جان من ادنها وحكا
جان:يمكن صار الوقت..
نايا(ابتسمت):وقت شو؟
جان(بأبتسامة):والله ما بعرف
_بحبك نايا بحببببك لاأخر العمر بحبك ورح ضل حبك ..
خجلت وحكت فوراً
نايا:فعلاً حان الوقت اسمعها مني وصارت تعلي بصوتها والاغاني شغالة وانا بحبك يا مُتيم بحبك..كل شي فيني حبك وبحبك لاخر العمر
جان(بفرح):نياالي
نايا(ابتسمت ابتسامة عريضة):ع اساس
صديق يا خلوة شو اتغير الرأي بشوف
جان:ما علينا المهم بحبك
نايا:هههه
جان(الدنيا مو واسعيتو من الفرح):سواااااا لاخر العمر
نايا(بفرح عارم):سواااااالاخر العمر
والكل يطلع وشايف الحب الي بعيونهن
_اما نيار ومايا
كان نيار عم يهمس بأدن مايا
نيار(بضحكة):مستعدة بعد شوي للمفاجأة
مايا(ابتسمت):مفاجأة شو يا مجنون
نيار:انطري ل تخلصو الرقصة
خلصت الرقة والكل رجع ع مكانو
وضلو نيار ومايا بالنص
مايا:لك شو في شو بدك تعمل
نزل نيار على ركبو وطلع علبة فيها خاتم الماس وحكا بصوت عااالي
نيار(بصوت عالي وبفرح):بتقبلي تتتتتززززوجيني مايا
مايا حطت ايدها على تمها وصارت تضحك
نيار كفى: بتقبلي تكوني شريكة حياااااااتي
مايا:لككك اااااي بقبل ااااااي
وضمتوو والكل صار يصفق..
والكل مبسوط ورفيف وعمر الي ذابو بعيون بعض ورفيف والي واخيراً حب حياتها اخذتو وربها عوضها بعمر باخر المطاف والتعب
وجان ونايا...
حط جان ايدو على ايد نايا وحكا بحب:بحبك يا بنت بحبك يا ليلى..انا قيس المجنون فيكي
نايا:وانا كماااان يا مجنوني...
باسها من ايدها وطلعو من الصالة
معلنين بداية حياة جديدة كها امل وسعادة
وكملو حياتهن ..بحب وبأمان
'طول ما اللهفة والحب موجودين مارح يكون في اي عائق امام المحبين..هالحب الله بعطينا ياها والناس الي بحبونا رزقة من عند الله لا تفرطو فيهن...اما عن المستحيل والحلم الي كان بنضر الكل مستحيل فـ تحقق..مايا ونايا ماخلو فرصة ولا اي محنة ومنحه ياما مرت عليهن ايام سودا بس الله عوضهن وتحقق المستحيل بدي قول انو مع الاصرار مافي شي اسمو مستحيل..ولما ينوجد الاصرار رح تصل لحلمك ولو شو ما كان ..البنات كان الشي الي مساعدهن على تحقيق هالمستحيل هو الاصرار..والشغف والحب المتبادل الاخوة والحلم المتشابه عملو كلشي لوصلو للحلم..وبدي قلكن لا تتخلو عن احلامكن حتى لو شو ما كان التمن ..كلو الا الحلم..حاول بكل جهدك تحققو لانو ربك كريم💚'
النهاية✨🍁🧡
رأيكن بهمني ..وتفاصيل القصة كانت واقعية ومقتبسة من الواقع..شكراً للمتابعة كل الحب..💜🎶"
ً
