أروع القصص والروايات قصة أول عداوة وأول حب

  

  أول عداوة وأول حب 

الجزء الأول.. والجزء التاني

الجزء الاول

اوووووف يا ربي ايمت رح اخلص من البكلورياا والله تعبببتت تعبببببت هفففففففف 

رح شوف عمو فيثاغورث شو عم يحكي بهل معادلة يقطع عمرو اديشو سميك هوي وفلسفتووو 

يعني  بس بددي افههههم لشووو كللللل هلل خربيش .......بشو رح يلزموناااااا طالما في الة حاسبة والكترونيات حديثة اوووف ياااااه 😤

الله يخلصني منك يا قاتل زهرة شبابي ويا مدمر حياتي ويااااا....

ماما: فتووووووون .... فتووووون ...

لك فتوووووووون .... وينك يا بنتي ...

يعدمني ياكي اكيد كالعادة عم تتخانقي مع الكتب وتنتفين عحسبتك عم تنتقمي من سيد ابو تفاحة وابو دويخة لك تعي يا فتنة جيبيلي من تحت سكر بدي حطو للرز بحليب 

لك ويييينننك ... يا فتووووون ...

فتون: جااااية جاااية حاااااج تصرخي يا نبع الحنان سامعتك والله 

مالي بالصين لتصيحي كل هل صووت جاااااااية جاااااية

ماما: واخيرا" رديتي لك بنتي يعدمني ياكي شو سلحفة لك بعجلة شوي رح يشوط الحليب والله اذا بشوط لشوطك كول عالمريخ وييينك

فتون : ليكني هااا هاتي مصرات شو بدك جيب 

ماما: المصرات جنبك عالرف مدي ايدك وخدين و جيبي كلوين سكر واذا الخضرجي فاتح جيبي من عندو كيلو تفاح لانو اخوكي حمودة مشتهي وجيبيلو كم بسكوتة خطي يؤبرني ما عم يطلع من البيت وما عم اعطيه مصروف بكون داق خلقو 

فتون : اي والله تقطع قلبي عليه اليوم ماضل حدا من الحارة ما شكاه الي وانا جاي من المعهد سودلي وجي مقصوف الرقبة قلتيلي ما عم يطلع من البيت مووو 

وفوقا ما مخلي دكان مو سارق منها من بسكوت للشبس ولا لا لا يعدمني ياه لاخلص منو بدفع كل يوم مصروفي حتى صلح من وراه لهل مفعوص وبتقوليلي خطي ومدري شو لك والله انا يلي ببكي مو هل دراكولا 

انا رايحة...

نسيت عرفكن عن حالي انا اسمي فتون واوقات فتنة هي نبع الحنان مدري ليش بتقول فتنة عني يمكن لانو دااااااائما"  بكت كلام امي وتصرفات اخواني باردة سخنة عند ابي وخيي حازم الكبير يلي الو هيبة  وكلمتو ما بتصير تنتين متل عمو العكيد ابو شهاب الله يخليلو احفادو شكلين ما بيحكي ومن بعد ما يحكي منحط نقطة عالسطر لانو ممنوع حدا يحكي بعدو او يضيف شي اخي عمرو 22 سنة صااااارووووخ بكل معنى الصواريخ الحمدلله مافي بنت مو طابسة فيه وهوي متل الدب  مو شايل حدا من ارضو والعقدة تاعيتو بتحرق الاخضر واليابس كترت الحكي عن اخي مع انو هوي اكتر شخص دب بحياتي يلا دوري احكي عن  (انا)   بعد شوي هيك خااااي اذا سمحت من بعد اذن طربوشك يؤبشوني صوابع رجليك انا 😁

عيلتي من زوج وزوجة يلي خلفوني وبنتين وصبيين ترتيبي التانية من بعد خيي حازم وفي حمودة المشطوط المدلل المايع يياااااع قرفت مجرد تذكرت مياعاتو عمرو 7سنين ومتل ما شفتو معاناتي فوق اخي محمد مشيب الحااااارة بأكملاااا من الكبير قبل الصغير الله يصبرن ويصبرني على ابتلائنا اصلا" انا واثقة انو رح ندخل انا واهل الحارة الجنة بدون حساب لانو متحملين اخي

 يلا كلن كم سنة وبيحرقنا خيي مو مشكلة بتاتا" 😌

وصلنا لاخر العنقود يلي هي فاتن عمرها سنة لسا ما شفنا خيرا من شرا بس باينتا شريرة لاخوها محمد دوم بتاكلي محاياتي وقلامي يمكن فيهن غذا عمو ابو تفاحة كان مشغول بتفاحتو وما اكتشفلنا سر هل محايات والاقلام والغذاء يلي فين الله يهدي ويصلحو بس 😔

المهم وين وين ... رايحين .... مستعجلين كأنو 😏

منرجع لعندي انااا...  عمري 17 طولي 160 لا بأس وزني 55 كيلو متناسقة والحمدلله عيوني شهل اوقات زرق واوقات خضر واوقات عسلي بيضا كتير وشعري بسواد الليل وطويل ومتل الحرير  بملامح بريئة وبجاذبية الاطفال كما سمعت من يلي شافوني يعني الحكي مو من عندي هههه بدرس بكلوريا الله يخلصني منها عن قريب يااااا رب قووولو امييين  مشان حليكن  ايوااا هييييك   تؤبشوني حلوين 😍

من بلشت الحرب عنا بسوريا راح علي دراست الصف السابع والتامن وضليت بالبيت عم ادرس الحيطان لانو مافي مدارس بما انو عمو الطيار ما يفارق سمانا من جميع الاسلحة والحمدلله    لما صرت صف تاسع قلت لازم ادرسو رغم انو ما عندي فكرة عن الفصلين يلي راحو 

بس ما قدرت ادرس ااااببببددداااااا" بسبب الاجواء الرااائعة    سجلت للفحص ودخلت متل الاطرش بالزفة 

ومتل العروس يلي بمسلسل باب الحارة بيعطوها عجينة تلزقا بالحيط يا بتلزق ياما بتلزق 😂

اي والحمدلله    الله طلع بوجي وكانت العجينة سميكة ولزقت بس معدلي عالحد فيكن تقولو نجحت شحط مع رشة معجزة لمعلوماتكن انا كنت الاولى بالابتدائي وكانت علاماتي دااائما" تامة بس هل حرب خربتطنا شوي وهلأ انا بكلوريا وكمان ما عندي فكرة عن الفصلين يلي مضو بس يلي بعرفو انو البكلوريا بدا هز مو بس كتاف وبدن لحتى جيب معدل منيح وحقق حلمي وصير صيدلانية لو اضطر الامر ارقص عالتوب البني والله جنني ييي ييي ييععع 😂

منرجع للقصة Sooory منكن طولت عليكن بس نبع الحنان يمكن خربطت وبلعت مزياع لما حملت فيني عن غير قصد الله يصلحا 🤕

فتون : اوووباااااا

واخيييرا" خلصت من عمو ابو تفاحة ورح شم هوا ربي ريتو يؤبشني الرز بالحليب انا شبحبو لولا كنت عم شد جلد الكتاب وطحبشو طحبشة    وين صارت دكان ابو عبدو 

هااا ليكاااا ...

فتون: مرحبا

ابو عبدو: يا اهلين بفتونة الحلوة 

شو طلبك يابنتي

فتون: عمو عبيلي كلوين سكر اذا بتريد

ابو عبدو : اي مو تكرمي من عيوني 

وهاااي احلى سكر للسكرة فتونة

فتون: تسلم عمو وهاي المصريات عن اذنك 

ابو عبدو : اذنك معك يا حلوة 

طلعت من المحل وبلشت سب على ابو عبدو ابو عيون زايغة وعلى ابو تفاحة لانو هل شخصين اكتر شخصين بحقد عليهن بحياتي الله لا يرحمك يا ابو تفاحة 

وشو قالتلي امي كمااان جيب.... اممممم..... شو شووو .... شوووو.. 

لك اي تفاح     وينو ابو تحسين ان شاء الله يكون فاتح      والله وفاتح ابو تحسين يخربيتك يا محمد على هل حظ دائما" بهل وقت بكون مسكر ابو تحسين مشان قيلولتو المقدسة بس لانو محمد افندي بدو التفاح بتفتح الابواب السبعة كرمالو 

فتون: مرحبا عمو ابو تحسين

ابو تحسين : اهلين يا بنتي بشو بقدر ساعدك

فتون : بدي كيلو تفاح من هاد الاحمر 

ابو تحسين : تكرم عينك   تفضلي 

فتون : يسلمون وهي حقن عن اذنك 

ابو تحسين : الله معك 

فتون: يووووه تأخرت هلأ امي بتشوطني للمريخ بسبب السكر لازم اركض لوصل بسرعة بركدن بلحق قبل ما يشوط الحليب 

ركضت متل المجنونة حتى الحق ما اسمعلي كم بهدلة من امي وتجنبا" اني احضر مصارعة حرة مع امي جون سينا الله يديما 

وقبل ما وصل لطرف بيتنا وانا عم اركض بضرب بشب طووووويل ما شفت غير عصفير عم تزقزق فوق راسي وتغنيلي فتحي ياااا وردة  غمضي ياااا وردة هاااي فتنة الحلوة بدنا اليوم نزفاااا 

وقعنا عالارض تنيناتنا بس ما شفت وج الشب وما لحقت اني اكد  فيه وقف دغري وقلي

 

مجهول : اااااااخ يا رااااسي ماعاد لحق   شوووو هاااد تفاااح يا سلااام 

اخدت وحدة لانو ما معي وقت تعتذريلي والتفاحة تعويض بدالها ركبي كزلوك(نظارة)  ههه سلاام يا حوبة

وركض مأسرع وكأنو عزرائيل لاحقو وانا لسا عيوني داخلين ببعض متل توم لما جيري يضربو عراسو 

 طيب عالاقل استناني لرد عليك طيب انا ما بدي اعطيك التفاحة لك لحظة بدي ردلك الصاع صاعين بس مو مشكلة منلتقا بسيطة 

وبردلك ياها يا ابو تفاحة 😑

قمت من عالارض ونفضت تيابي ولملمت التفاحات وشديتها ركدة عالبيت 

ماما : وينك لهلأ  لك بقلك بسرعة انا مستعجلة عالسكر بتجيني بعد نص ساااعة شو اعمل فيكي اناااا ااه  قوووليلللييي ششوووو اعمممللل 😡

فتون : امممم خدي السكر واعمل الرز بحليب قبل ما يشوط ويجي بابا يعصب 😁

فتت على غرفتي ولسا صياح امي ومحاضراتها ما خلصو ومعبي البيت كلو فتحت اول كتاااب وسميت بالله وسبحانك يا ربي اول ما فتحتو تذكرت كلام هداك الطويل الهبيل ابو تفاحة وعقدت حواجبي وصرت احكي مع حالي 

لك الله يفركزلك كل شغلك يا ابو تفاحة لولا انك ضربت فيني ما كنت سمعت هل محاضرات وفوقها اخد تفاحة وقاااال شووو بدو ياني ركب كزلوووك ليش مين البهيم يلي ما شاف التاني يعني اذا انا كنت مأسرعا ومعمي على عيوني هل جدبة وين كانو عيونو الله يغضب عليك ويهز بدنك هزيتلي بدني يقطع شكلك يا هبيل لك حتى خلقتك ما طسيتها متل الخلق 

ضليت ساعة عد ورش  على ابو تفاحة نمبر 1  وابو تفاحة نمبر 2 حتى غفيت وصحيت على المنبه عم يرن 

فقت متل المجنونة عم اطلع عالساعة لقيتا رايحة عالتمانة وانا لازم كون بالتمانة بالمعهد وإلا بيفصلوني ركضت وجهزت حالي واول ما فتحت الباب بدي اطلع وانا عم البس برجلي شفت ابن جارتنا يلي كل هل ايام ما شفتو حتى هل مرة ما شفتو فيها   لانو كان عتمة ومقطوعة الكهربا اطلعنا ببعض وتنيناتنا عم نعقد الربطة الاخيرة من حذائنا وركضنا مين بيسبق بالاول 

فتون : لك بعد هيييك انااا مستعجلة كتيير 

مجهول : بربك .... اي انا مستعجل اكتر منك زيييحي هييك ياااه

دفشني وانا مسكت بجاكيتو من ورا وسحبتو لجهتي وكان حيوقع  عالارض وانا ضحكت 

فتون : ههههه سابقتك يا سيد ههههه😏

مجهول : لك انتي على طول مستعجلة طييييب مااااشي 😑

جلس وصار ينزل بطريقة جنونية رغم العتمة بس دعسات رجليه متل الدبابة عم تضرب بالارض وانا كنت سابقتو بطابق كامل وصل بلمح البصر ومن شدة سرعتو  وقعت عالارض  نزل هوي كم درجة وانا لساتني بالارض رجع طلع ومد ايدو بإتجاهي وقلي 

مجهول : جلسي ما معي وقت اخدك عالمشفى ونعمل طنة ورنة 

كان في شق بالحيط متسلل منو اشعة الشمس وضارب على عيونو وكانو عسليات عم يبرقو برق بوسط هل عتمة اول مرة بشوف جمال العيون العسلية هيك مع انو عيوني اوقات بصيرو عسلي حسب الاضائة بس عيونو كانو غير فيهن سحر سبحااان الخالق

 ما شفت منو غير عيونو 

وانا لسا صافنة بعيونو صحيت ودغري استغليت الفرصة وحطيت ايدي بإيدو واول ما اجا بدو يشدننننني شديتو ووقعتو عالارض وفورا" تبادلنا الاماكن هوي بالارض وانا واقفة وكملت رقض وانا عم صرخ 

فتون : نانانانانانا خدعتتتتك هههههه 

انننننننننن ههههههههههههه نانانانااا

ا خدعتتتتك انننننننننن ههههههههههههههههه 

ما بعرف شو صار بعدا او كيف صارت ملامح وجو بعد هل مقلب بس يلي بعرفو انو سمعتو عم يصرخ ويقول 

مجهول : لك والله انك مجنونة وبدك عصفورية انا بورجيكي ياااااا مجنونة الحق علي قلت خطي ساعدهاااا اديشني حمار 

لما سمعتو عم يقول اديشني حمار دغري لفيت ووقفت وصرخت من الطابق الارضي

 

فتون : ااااي اننت حمممماااااار ههههههههههههههههه

وركضت وطلعت بالباص وانا رافعة راسي ومفتخرة وحاسة اني كنت بمعركة ميسلون وانتصرت 😎

صرت اتذكر واضحك كيف كان صوتو وهوي عم يحكي 

والله ما كنت بعرف انو ابن جارتنا نهفة هل قد بس المهم انا انتصرت 😂

لك صحي نحن ولا مرة عملنا لجارتنا زيارة او هي عملتلنا زيارة مو معقووول لازم حدا يعمل زيارة للتاني  كل يلي منعرفو انو في جيران مقابيلنا ساكنين هههههههههه   نهههفة

خلصت من معهدي ورجعت عالبيت ونسيت الشب يلي خبط فيني اول يوم ابو تفاحة  بس عيونو لهل ضرصان ما راحو من بالي  وبلشت ادرس دروس ابو تفاحة نمبر 1  

تاني نهاار كان عنا فحص رحت والحمدلله ما كنت متأخرة وما تشابكت مع الحمار المقابيلنا 😂

دخلت القاعة ونحن عم ننطر الاستاذ ليبلش الاختبار      فجأة بيدخل شب طوووووويل و....

*يتبع*

الجزء_الثاني*

فجأة بيدخل شب طوووووويل ابيض بحلة سودا بعيون عسلي وساع وعضلات مفتولة لابس قميص ابيض وبنطلون اسود ورافع شعراتو السود وعامل دقنو بطريقة جذابة وبإيدو اليمين  ساعة جمالو ما 

بينوصف وعمرو بحيطان العشرين بس انا ما اكدت كتير فيو لانو عيب  كلنا كنا مبهورين فيو وبشخصيتو الله يحفظو ويبعت لكل مشتهي منو ☺

مجهول : يسعد صباحكن يا أنسات 

الطالبات : وصباحك 

مجهول : انا اسمي ملهم  اكيد كلكن عم تسألو ليش انا هون و وين استاذكن  انا رح قلكن...    استاذكن بكون خالي وهوي تعبان وبعتني انا محلو لوقت يتعافى لراقبكن وساعدكن بمادة الهندسة كوني انا بدرس هندسة وعن قريب حأتخرج 

اي سؤال قبل ما نبلش صبايا 

الكل بس كانو عم يطلعو فيو ورح يغمة عليهن ع شوي 

الطالبات : لا استاذ ملهم 

ملهم : حلوو  خلينا نبلش 

بلش استاذ ملهم يوزعلنا الورق ولما وصل لعندي ريحة عطرو سبقتو وعششت بأنفاسي    وانا عم اطلع عالمقعد بإنتظار الورقة تهبط بأمان على مقعدي وبلش شحورها بالشخبيط المطلوبة  وقف استاذ ملهم شوي مقابيلي وريحة عطرو زاااادت وما عطاني ورقة رفعت راسي بدي شوف شو عبصير معو هاد  لقيتو مبتسم بسمة خفيفة 

فتون : استااااذ .. الورقة 

ملهم عرض ابتسامتو وعقد حواجبو وتبدلت ملامحو من المسالم للواثق المغرور  وكأنو عم يقلي جاااك الموت يا تااااارك الصلاااااة 😈 

ملهم : اي طبعا" وهي ورقتك تفضلي 

فتون بإستغراب : يزيد فضلك يزييد فضلك 🙄

ملهم : يلا صبايا فيكن تبلشو 

بلشنا نحل وما بخفيكن الامر انو تلت ارباع الصف كان مشتت وغميان بسبب وجود هيك شخصية ادامنا 

يعني الحمدلله تأكدت انو كل الطالبات رح ياكلو معي العقاب بسبب ملهم  بس انا مو بسببو رح اتعاقب  انا رح اتعاقب لانو ما بفهم بالهندسة  طشمة يعني 😂

رفعت راسي لشوف ديكور الصف مو لشوف ملهم هههه لقيت ملهم عم يطلع فيني ومغمض نص عيونو وابتسامة خفيفة كلا الغاز 

تلبكت وماعدت عرفت شو اعمل نزلت راسي وصرت حرك الورق والاقلام يلي معي و وقعت مني محايتي يلي كانت على شكل تفاحة 

نزلت عالارض لجيبا وفردو شعراتي على كتافي رفعت شعري بطريقة عشوائية ومديت ايدي بدي اخد المحاي نزل ملهم وكرفس 

ملهم (بهمس) : مافي اطيب من التفاح الاحمر   واخد المحاي وحطها بجيبتو ورجع لمكانو 

وانا لساتي مكرفسة عالارض وعم اطلع عليه وشعراتي مفرودين ومنزلة حاجب ورافعة حاجب وعاملة بوز تمي على طرف (شو عم يصير معو هاد 🙄)

تجلست ورحت على مقعدي وانا ملخبطة وخدودي موردين يمكن لانو شوب 😁

بلشت فكر بحل المعادلة واندمجت معها بكل حواسي 

ملهم : انتي ليش عم تطلعي لوراكي 

فتون : ا... ا.... ااانااااا   نعم .... ميين 😥

ملهم( عبس ) : اي انتي يعني مين غيرك !

فتون بكل قوة : لا انا ما كنت عم اطلع لحدا 😑

ملهم : طيب ماشي هاد اول واخر انذار الك فاهمة 😒

فتون (بعصبية) : بس انا ما تلفتت حولي 😐

ملهم : يلا كملي رح يخلص الوقت 

فتون : حاااضر 😑

تابعت حل المسألة وفكري مشتت من يلي عبصير اول شي المحاية تاني شي اتهامو الي زور ليش حاتط حطاتو من حطاتي ومو مصلي عالنبي منوووب 

بلشت بدي اكتب الحل وبلمح البصر بتنسحب ورقتي   رفعت راسي شفت ملهم عم يطلع فيها والاحلى انو عم يوجها للشمس عم يفصفصا فصفصة 

نطيت وسحبت ورقتي الكل عم يتابع الاحداث بصمت وتفاجئ 

فتون (بنترة ) : رح يخلص الوقت وانا مو حالة شي بسببك 😒

ملهم : فتون اخر مرة بتعملي هل تصرف فهمانة 

فتون .....

ملهم (بثقة) : كملي حل

فتون .......

ما بخفيكن الامر خلص الوقت وانا ما قدرت اكتب كلمة حليت يلي قدرت حلو وضليت مشتتة بهل ملهم الله يألهمو ويسافر عالمريخ لاخلص منو 

طلعو الطالبات وانا ضليت عم ضب اغراضي 

طلع م

لهم تفاحة من شنتايتو يلي كان حاملا وصار ياكلها 

قرب لعندي وقلي ...

ملهم : بتعرفي انو انا اليوم لقدرت اكل التفاحة 

فتون : استاذ ملهم صحة انا بدي روح عن اذنك 

طلع ملهم ورقتي يلي كنت عم حلا 

ملهم : كأنو مسلمة الورقة شبه بيضا انسة فتون 😏

فتون : اي معك حق بسبب واحد انت ما بتعرفو اول حرف من اسمو ملهم خلاني مشتتة طول الحصة 

ملهم : هههههههههههههههههههه نهفة 

عكل حال شو هاد يلي كاتبتي ههههههههههههههه شو هل رسمة هيك بينرسم القطع المكافأ ههههههههه حاسو قوس قزح مجلغم هههههههههه

ركضت لعندو متل المجنونة وصرت الحقو من مقعد لمقعد لاخد الورقة منو  حاصرتو بمقعد وبلشت نط لأوصل لورقتي لانو انا قزمة جنبو وهو رافع الورقة بإيدو وعم يضحك 

نطيت وتفركشت من ضيق المحل واستندت على صدرو وانا رافعة راسي وايدي لأوصل للورقة 

تشابكت عيوني بعيونو واختلطت انفاسي بأنفاسو كنت عم اطلع بعيونو العسلية وهوي عم يطلع بعيوني وكأنو وقف الزمن عند هل ثانية صحيت على حالي بعد ما ابتسم بخجل ودفشتو و وقعت عالارض 

ملهم (بخجل) مد ايدو وفتل وجو للجهة التانية : خليني ساعدك 

حسيت بإحراج كبييييير من يلي صار بس قلت لازم  اتماسك وفرجيه انو عادي وكأن شيئ لم يكن 

مسكت ايدو وشديتو متل ما عملت بإبن جارتنا بس يلي صار من زكائي الزايد عن حدو انو نحن كنا بين المقعدين يعني المساحة ديقا كتير وبدل ما يتبدل الدور وصير انا فوق وهوي عالارض بلشت اوقف بعد ما مسكت ايدو بس وقع علي وتناثر شعري على وجي وضرب اطراف من خصل شعري بوج ملهم وصار قريب مني كتيييير بيفصلنا بس كم سنتي ولو دخل حدا كان فهم الموضوع غلط وقال عم نتبادل البوسات بين بعض بس الله لطف وما حدا دخل 

رجع وقف الزمن وكأنو انشلت حركتي وما عدت عرفت شو اعمل 

ملهم ابتسم بسمة خجولة مع غرور وثقة وخجل وبرود

 كتير كانت بسمتو بتعني اكتر من معنى واحد وقلي ..

ملهم : شكلا عجبتك الحركة قبل شوي وشديتيني لترجع تتكرر فتون خانوم 😏

اي حدا بمحلو رح يفكر بنفس الطريقة لانو عنجد كنت غبية وما انتبهت لضيق المحل وما توقعت ما تنجح حركتي الولبية  

فتون : اناااا ..... كان يعني .... انت ... انااا.... كنت ..... بسس...

كان بدي قلو انو انا ما كان قصدي هيك ويلي صار ما حسبتو منيح بس عيونو وريحة عطرو عقدتلي لساني وما عدت قدرت احكي وصرت تأتأ بكلماتي 

استجمعت قوتي وبلشت فيق من الصدمة لك انا ام شهاب مو حايلا 😏

فتون (بقوة ) : اذا بتريد قوم من فوقي واصلا" انا...      قاطعني ملهم وبلش يحكي 

ملهم : هووووس قايم بس ريحة عطرك و وجك الطفولي وخصل شعرك هنن يلي خلوني طول .....       بتريدي شي قبل ما قوم هههههه

 

قام عني وانا تلونت بكل الالوان من خجلي متل قوس قزح  ويمكن لانو شوب 😁

وقفت وصرت انفض تيابي من الغبرة وحملت كتابي وطلعت بسرعة وكان لساتو واقف عم يتبسم وباين على وجو الخجل 

ما بعرف ليش ما بقيت لاشرحلو وبررلو  يمكن لانو اضعف بس شوفو عم  يطلع بعيوني او لما تضرب الشمس بعيونو 

ركضت بسرعة ودغري وقفت باص وطلعت وانا ملبكة وملخبطة وعم ارجف 

ما كان في مقاعد لاقعد واهدا وكان في كتير ناس واقفة متلي وقفت ومسكت بالعلاقة للباص حتى ما اوقع 

ضرب الباص فراااام قوي وكنت رح اوقع على ضهري  بس مسكني شب من خواصري وقلي ....

مجهول : والتقينا من جديد ههه 😏

التفتت لعندو وبدي اتشكرو وكااااانت الصدددمة ... 😵

لك هاااااد موووو ملهم كيييف هييييك    يوووه شو عم يصير  انا سبقت ملهم وملهم بالمدرسة كيف هييييك ماذا يحصل يا اللهي ضليت فاتحة تمي وعم اطلع عليه وعلى رجليه وفكر وطلع معي انو هوي سريع لانو رجليه طوال لهاد السبب وصل للباص قبلي 🙃

مجهول : هاااي هاااييي وصار يلوح بإيدو الوووو وين رحتي 🙄

انا بقيت هيك 😵

نزل راكب من الباص وفضي مقعدو 

اطلعت بوجو لملهم وهوي اطلع بوجي وتنيناتنا عيونا عم يقدحو شرارة مين حيصل للمقعد اول 

ركضنا وضربنا ببعض وكل مين راح بجهة على الارض 

بس هوي وقف بلمح البصر واخد المحل يلي كان لازم من قسمتي وانا يلي اقعد عليه 

مجهول : هههههههههههههههههههههه نانانانا 😜سبقتك انننننننن😝

كنت عم اتفرج عليه واعطي نظرة لا مبالا وكنت مصدومة وكنت صافنة بوجو ما بعرف ليش 

مجهول : جنت الله يثبت علينا العقل والدين انا لله وانا اليه لراجعون 

ولله في خلقه شؤون 😶

وانا لساتي  شوي هيك 😵 وشوي هيك 😒

حط ايدو على كتفي وصار يرج فيني وانا اتلولح يمين شمااال شماااال يمييين 

مجهول : لك وين صرتي فيقي بقاا ما بعرف حالي كل هل قد حلو وغميتي بس شفتيني لك فيقي وصلتي على بيتك  😮

رجيت وجي وصحيت على حالي وطلعت من الشباك اي والله وصلت ونزلت من الباص بس لسا اثر الصدمة معلقة فيني 😵

اول ما نزلت جيت بدي فوت على بينايتنا دارتلي 😳

لك هاااد من وين بيعرف بيتي لك شو عم يصييييير رح يجنني هل تافه  لك ميييييين سمييييير 😫

طلعت عالبيت ودخلت وكالعادة كان اخي من حيط لحيط متل القرود واختي مو مخلية جراب بالبيت ما اك

لتو وامي بالمطبخ عم تطبخ وتصرخ بهاد وهاد و وصل الدور لعندي لتصرخ علي واكل يلي فيو النصيب ....

*يتبع*

أول عداوة وأول حب 

الجزء التالت... الجزء الرابع 

الجزء التالت**

ماما : فتوووون جيتي بنتي تعي لعندي بسررررعة 

فتون :  اي يلا جاية 

  

ماما : لك يعدمني ياكن لاخلص منكن روحي يا فتون شوفي اختك ما خلت شي إلا وحطتو بتما وتعي ساعديني بشغل البيت 

فتون : حاااضر حااااضر 

كالعادة رحت اخدت اختي عالحمام حممتا ولبستا وعملتلا شعراتا  وتحولت اختي من ماوكلي فتى الادغال لبنوتة متل اميرات عالم ديزني 

رحت عند اخي يلي كان مكركب البيت وعاملو مزبلة ضليت اركض وراه حتى مسكتو وربطو بالحبل يلي كلما ادرس او نظف البيت بربطو فيها عالكرسي 

عملت البيت متل الفلة وفكيت اخي بعد ما خلصت وحطيتو على تختو لانو نام عكتر جنونو  وطليت على امي لشوف اذا بدها مني شي  

فتون : ماااامااا  بدك شي بدي فوت ادرس 🙄

ماما : اذا خلصتي البيت روحي درسي ولوقت تخلصي دراسة بكونو الغسيلات نشفو دخلين من البلكون وطويهن ورتبيهن بمحلاتن 

فتون : ايييييه حاضر حاااضر بتؤمري امر حجة 😪

فتت على غرفتي وبلشت طلع كتاب ورا كتاب بشو بدي بلش اممممممم بشو بشووو اممممممم فيزياا لاااا  كيميااا لاااا عربي لاااا هندسة ..!

هننننندسة هههههههههه تذكرت يلي صار معي انا و ملهم شوي اضحك وشوي عصب وشوي سب عليه لهل المقوص منيح مارح يرجع يجي يخربيتو شو حلووو هههههه شو عم يصير معي قال حلو قاااال هههه بس للصراحة اي هوي حلو وخاصتا" عيونو يعني لا بأس فيو ما بعنس عند امو ههههههههه خليني ادرس كم كلمة يفيدوني احسن من ستميت ملهم بس لحظة اليوم كان كتير غريب المفردات يلي حكاهن ملهم كتير غريبين لما اخد المحاي وقلي

 (مافي اطيب من التفاح الاحمر)

ولما طالع تفاحة وصار ياكلا كمان قال 

(بتعرفي انو انا اليوم لقدرت اكل التفاحة)

شو قصدو انو اليوم حتى قدر ياكل التفاحة شو قصتو مع التفااااح هاااد اوووووف يا ربي ما بتحط بطريقي غير الجدباااان بس يلي مجنني هل جدبة كيف وصل عالباص قبلي لا وقلي (والتقينا من جديد ههه)

لك والله ما عم افهم عليه في شي غريب عم يصير طيب كيف عرف انو بيتي هون اوف اوووف اوووووف رح جن خلص ما عاد فكر في بدي نام 

نمت ساعتين وصحيت عالتمانة المسا تذكرت الغسيل يلي من المفروض كون لاممتو ومرتبتو محلاتو 

طلعت عالبلكون وصرت لم الغسيل سمعت صوات ضحك من بيت جيرانا 

فتون : لك هدول صايرلن حس كل هل ايام ما سمعنا حسن غريبة صوت ضحك شباب خليني قرب واسمع بلكي بعرف كم شخص في جوا 

قربت وحطيت ادني على الحيط يلي بيفصلنا عنن بس ما سمعت شي غير ضحك لشباب وسمعت صوت مرة باين انو كبيرة بالعمر ما قدرت اعرف شي لميت الغسيلات وفتت رتبتن وتعشيت ورجعت لغرفتي ونمت 

صحيت عالسبعة ونص كالمعتاد لبست تيابي وفتحت الباب بدي انزل شفت ظل لشب طويل نازل ما لحقت شوفو بس هاد اكيد ابن جارتنا المصونة ستي الله يخليلا ياه بس لازم نتعرف عليهن ونقوم بالواجب 😬

رحت عالمدرسة وكانت مطبولة الدنيا بهاد يلي اسمو ملهم وسيرتو على كل لسان وعم يحكو عن جمالو وما بعرف شو ماتو البنات فيه يفضح كبرتو 

دخلنا عالصف والكل بسيرتو 

رغد : كيفك فتون !

فتون : يااااا اهليييين غريبة من اول السنة ما حكيتي معي شو خطر عبالك تسلمي علي هلأ

 

رغد : لا عادي ولا شي بس كنت بدي اسألك انتي والاستاذ ملهم ليش هيك كنتو امبارح اه 

فتون : كيف كنا ما فهمت وضحي ..😶

رغد : يعني كنتو متل الجاجة والديك وحسيت من نظرات الاستاذ ملهم انو بيعرفك من قبل في من هل حكي ولاا... 😏

فتون : نعم متل الجاجة والديك ولا متل القصاب والجاجة  هههههههههه اي يمكن وبخصوص انو بيعرفني من قبل انا ما بعرفو وامبارحة اول مرة بشوفو بحياتي واكيد هوي ما بيعرفني 😄

رغد : لا لا انا متأكدة انو بيعرفك من قبل احساسي لا يخطئ عكل حال اليوم يمكن يجي ورح اثبتلك كلامي😌 

فتون : ههههههههه اي ماشي ناطرة استنتاجاتك يا ام احساس 😂

قعدنا كلنا ننطر حصة الهندسة بحماس يلي كلنا ما منحبا بس حبيناها بسبب ملهم بس انا كنت عم ادعي ما يجي لانو لسا خجلانة من يلي صار امبارح 😬

فتح الباب ببطئ شديد وفات منووو الاستاذ محمد استاذنا الختيار الله يطولنا بعمرو انقذني بس كنت متأكدة انو رح يعاقبني عالورقة البيضة يلي تركتلو ياها وخااابت امااال الطالبااات نيهاااااهاااااهاااا  😄

استاذ محمد : صباح الخير

الكل : صباح النور 

استاذ محمد : اي يا صبايا شو هل علامات يلي شفتا 

الكل : ........

استاذ محمد : انا هيك علمتكن هيك ضيعتولي تعبي ليش لما اسألكن فهمتو تقولولي اي فهنا ليش ماخليتوني عيد الدرس مرة وتنين وتلاتة بس ما تجيبو هل علامات 

انا رح عيد الامتحان ورح راقبكن بنفسي وشوف اخطائكن ويا ويلها يلي بتجيب تحت نص العلامة 

ما بقبل ولا علامة تحت التلاتين فهمتووووو 

الكل : فهمناااااا 

صرت احكي بيني وبين حالي استاذي يا فلذة كبدي انت

 ليش بعتت ملهم والله كانو البنات جابو احسن العلامات الله يعينك على جدبتك يا حج محمد شو انك على نياتك 😂

استاذ محمد : يلي رح قول اسمو بيطلع

لعندي هون 

فاطمة    نور     حسناء    سلمى  فتون    فادية   

انتبهتوووو انتبهتوووو قال اسمي 😱

طلعت لعندو ورجلي عم يرجفو😥 

استاذ محمد : سمعو انتو  الستة علاماتكن ادنى شي بين البنات اذا الجمعة الجاي بتجيب وحدة منكن تحت الخمسين رح يكون عقابها مميز بين المدارس 

رفقاتكن حدن تحت التلاتين اما انتو الخمسين حتى تبذلو جهد اكبر فهمتو 

ستتنا : فهمناااا

مضى اليوم على خير ورجعت عالبيت واول ما وصلت لباب بيتنا سمعت صوت جاي من طرف بيت جيرانا فضولي ما سمحلي ادخل لبيتنا قبل ما شوف مين في بهداك البيت مشيت ببطئ باتجاه جيرانا وحطيت ادني على الباب حتى اسمع 

سمعت صوت شباب عم يحكو ويضحكو وبعدون صوت باب تسكر وبعدا اختفى كل الصوات ضليت حاطة ادني على الباب بلكي بسمع شي ولااااشفلكن إلا حداااا صار ينقر عالباب بأصبيعو طق طق طق ....

فنجرت عيوني وتيبست بأرضي وصفريت وبلعت ريقي 😶

التفتت نحو بيتي العزيز وشلت اول رجل ودعست اول خطوة 

رجع طلع صوت تنقير خفيف نقرتين طق طق ....

بلعت ريقي ودعست التانية 

ورجع الصوت طق طق ....

سارعت خطواتي تدريجيا" 

وكلما سارعن تزيد النقرة 

انخطف لوني وصرت ارجف و وقفت بأرضي لا حول ولا قوة 😥

اختفو النقرات بوقفتي وعدم حراكي 

جيت بدي ارفع رجلي ولا شفلكن يا اعزاااء بلش التخبيط عالباب وكأنو في راجمة وعم تخبط عالباب 

دج دج دج دج دج دج دج دج دج دج دج دج دجججج دججج دجججج دجججججج دجججج

ومن اول خبطة صرخت واااااااااااااااااع مااااااااماااااااا توووووووبة جنييييييييييي دستوووووووووور     وركضت وصرت خبط على باب بيتنا انا خبط وهنن يخبطو بزيادة واضعاف خبطاتي 

فتحت امي الباب وانا دخلت بسرعة وسكرت الباب واطلعت من العين الساحرة وحط ادني عالباب لاسمع اذا في صوات كنت عم ارجف من الرعبة بس تمالكت اعصابي حتى ما تشتلق امي وتبلش سين وجيم من خوفا علي 

ماما : فتون لك فتوووون يا فتوووون لك يا بنت....ي

فتون : هوووووووس هووووووس ولا حرف امي 

ماما : لك الله يصبرني عليكي لك ايمتا رح يجي هل مغضوب وياخدك من وجي لك ااااااخ بس شو بدي احكي لاحكي 😩 

فتون : امي ليش عم تقولي عن زوزي مغضووووب لسا ما شفنا خيرو من شرو ما بسمحلك اعتذري يلاااا

 انا متل السيف بضهرو  لزوزي حبيبي ☺

 يؤبشني صح تأخر بس يمكن عم يجمع حق البغل يلي رح ياخدني فيه ادعيلو امي ادعيلو ☺

ماما : لك لو امو رضيانة عنو ما كان ربنا كتبك من قسمتو لهل دب 

لك الله يعينوووووو ربي يكون معو ويدخل الجنة بدون حساب على ما رح يبتلي 😑

فتون : هلأ هيك يا نبع الحنااان يا نهر دجلة ويا نبع بردا   امي في نبع بردا  هههههههههه

حاولت ادمجا بالحديث معي حتى ما تسألني ليش كنت بخبط بهل طريقة 

ماما : لك اااااخ بس وليك مقوصة ليش كنتي عم تخبطي عالباب متل المجنونة اه     والله فكرت اجا ابو جابر وبدو ياخد اخوكي لانو فتحلو راسو لجابر 

فتون : لاااا  مافي شي .. انا  بس كنت بدي فوت عالحمام لانو مدايقة شوي بس ليكني دفيانة ما بعرف ليش عالعموم احميلي الحمام بدي اتحمم 😁

ماما : الله يصبرني بس ....  رح احميا 

فتون : صحي ماما بدي اسألك ..

ماما : اي تفضلي شوفي كمااان 

فتون : يزيد فضلك يااارب    هلأ مين ساكن مقابيلنا !....!؟

ماما : انا يلي بعرفو انو ساكنة ختيارة كبيرة بالعمر وعندا ولاد ومسافرين وبيترددو لعندا بس ما بعرف كم ولد او كم بنت بس بقولو انو كتير طيبة وادمية وعندا شغالة اندنوسية بتعتني فيها وبتشوف طلباتا بس ولا مرة شفتا او حكيت معا وحتى ما بعرف صورة وجا 

بس خير ليش عم تسألي انتي اه .....

فتون : لا ولاشي بس انو يعني النا عمر ساكنين هون وما منعرف جيرانا والرسول عليه الصلاة والسلام قولي عليه الصلاة والسلام امي حرام ما بجوز   المهم اوصانا بالجاااااار قبل الدااار 

ماما : عليه الصلاة والسلام شو رأيك بنتي تعطيني كم درس ديانة محسوبتك مسيحية ادامك 

فتون : والله يا امي بعد يلي سمعتو كنت شك فيكي انك مسيحية بس هلأ ....

هلأ متأكدة انك يهودية كماان 🤕

ماما : ......😶

فتون : اي يهودية متل ما سمعتي  لكن حدا جارتو ختيارة وما بطل لعندا كل فترة والتانية وبشوف اذا محتاجة شي    يا عيب الشوم علينا بس         مافينا نخوة 😓

ماما : وليه حمارة والله ما عرفت ربيكي   بدك ترباي من اول وجديد يا فصعونة عاملتيلي فيها شيخة وعم تتسلفني علي يا مقصوفة الرقبة اه 😑

فتون : امي تتفلسفي مو تتسلفني هي شغلة 

شغلة تانية اثبتيلي انك على دين محمد ودين الصرااااط المستقيييييم وانك مسلمة ومو مسيحية ولا يهودية يلا اثبتيلي هااا 😏 

ماما : طييييب يا قليلة الترباااااي 

انا بورجيكي 😐 

لقد كانت اخر كلمة استوعبها من الفاظ نبع الحلبة قصدي نبع الحنان هههههه اكلت كم بوكس وكم رفسة وشوية عضات وشعري يمكن صفي نصو   الله يهديكي يا امي مليون مرة بقلك ما تتفرجي على عمو جون سينا مضر بصحة الاولاااااد  😔

بعد ساعتين من الحوار والنقاش والجدااال  اصدرت امي بيان عفو عني واطلاق

سراحي وكما اصدرت بالمادة 366 اننا سنذهب لزيارة جارتنا المغدور بها طول هذه السنين لنحتسي كوبا" من القهوة عندها 

وكما اصدرت بالحكم لي  بالاشغال الشاااااقة بالمقابل ان احتسي عند جارتنا القهوة مع امي قرارا" وجيهيا" غير قابل للطعن رفعة الجلسة  🔨

انهيت اشغالي الشاقة وكانت الساعة بحدود التلاتة العصر جهزنا وطلعنا من البيت رنينا  الجرس تنننن تنننننن 😞

فتحتلنا الباب صبية وباين من شكلا اندنوسية الشغالة يلي حكتلي امي عنها 

صوفيا : اهلين مدام سو بتحبي اخدمك 

ماما : اهلين بنتي والله نحن جايين بزيارة لجارتنا اذا ما عندكن مانع او حنعطلكن عن شي 

صوفيا : انا ما اعرف   انتو استنو اسأل ماما اذا استقبلكن او لا 

دخلت ورجعت لعنا ونحن عم ننطر متل الشحادين 

صوفيا : ماما قالت تفدلوو تفدلووو اهلا سهلااا فيكن نحن مسرورين بزيارة نحن 

فتنا وكانت امرأه ضعيفة و وجا كلو تجاعيد وجسم هزيل وقاعدة على كرسي متحرك بس كان وجا كلو نور وضحوكة والتفائل بعيونا عم يبرق اهلت وسهلت فينا كتير وبان عليها اديش انبسطت بزيارتنا 

ماما : اهلين فيكي والله نحن من زمان كنا حابين نجي ونزورك بس اشغال وانتي بتعرفي هم الولاد والبيت وعيلة وبدن ركض كتير 

انا ابتسمت وكتمت ضحكتي وكنت على شوي رح طق من الضحك بس مو حلوة ادام المخلوقة تفكرني ليبسني جني والعياذ بالله قلت بيني وبين حالي له يا نبع الحنان والله لولا السيناريو يلي عملتو مشانك ما كنتي جيتي

 والله وطلعتي منافقة كبيييييرة هيهيهيهيهيهيهيهي😆

ام ايهم : يلا مو مشكلة المهم انكن عنا هلأ ولو تعرفي اديش انبسطت فيكي وبهل حلوة يلي معك ومتل مالك شايفة انا مرا كبيرة بالعمر ما بقدر اطلع وادخل كتير بهل كرسي مقضيتا  

الحلوة هون بنتك 

ماما : اي والله بنتي تؤبش قلبي 

بتصدقو صرت خاف من امي لما حكت( تؤبش قلبي) انا متأكدة انو تأدت ولازم نعرضها على شي شيخ يطلع الجن منها ويرجعلنا جون سينا او يمكن لازم تاكل سنكرز 

نبع الحنان انتي مش انتي وانتي جوعانة خديلك سنكرز 😶

ام ايهم : ما شاء الله عليها وجها متل قرص العسل اية الكرسي تحميها شو هل حلاوة بسم الله ما شاء الله كاملة مكملة الله يحفظا 

فتون (بخجل) : تسلمي خالتو ☺

يمكن بهل لحظة امي عم تحكي بقلبا علي الله اعلم شو بس الله يهديا ويعينا على عقلا هههههه 😌

ام ايهم : شو اسمك 

فتون : فتوون اسمي فتون ☺

ام ايهم : عاشت الاسامي يا فتون اسم على مسما وجك فتنة ربي يحفظك 

واديش عمرك 

فتون : 17 ونتفة ☺

ام ايهم : العمر كلو يااا رب وعم تدرسي ولا بتساعدي الماما بشغل البيت 

فتون : خالتو التنتين بدرس بكلوريا وبس ارجع بساعد الماما 😊 

ام ايهم : ما شاااء الله وكيف البكلوريا معك ان شاء الله مو صعبة هاتي لشوف احكيلي 

فتون : والله يا خالتو ما بخفيكي الامر كتير شايفتا صعبة وحاسة اني رح اسقط هل سنة لانو دخلت فرع العلمي وانا ما بحب الرياضيات وخاصتا" الهندسة والفيزيا كتير معقدين وصعبين وحتى الاستاذ اعطاني مهلة لاتحسن لاسبوع الجاي ويعملي اختبار وطلب مني جيب علامة عالية وما بعرف كيف بدي حلا عم قول لحالي هج من البلد شو بتنصحيني خالتو اي بلد روح 😢

ام ايهم : هههههههههههههههههههههه الي زمان ما ضحكت هيك ولا يهمك حبيبتي انا بقول لابني يدرسك المواد يلي بدك ياهن لانو هوي كتير شاطر ودارس هندسة وعن قريب حيتخرج    طبعا" من بعد موافقة اهلك 

اطلعت بوج امي انو شو قلتي  كزتلي على سنانا وغمضت نص عيونا وزورتني 

فتون : خالتو بستشير بابا وخيي وبردلك خبر 😢

قعدنا دردشنا واحتسينا القهوة مع ام ايهم وعرفنا انو عندا اربع ولاد بنتين و ولدين البنتين مزوجتن ومسافرين مع زواجن وحدة عالكويت والتانية على دبي وبيجو كل سنة زيارة وعندا شبين بطول الحيط بسافرو وبيرجعو مشان يكفو دراستن ودعنا خالة ام ايهم ورجعنا عالبيت 

فتون : يا ماااامااا الحلوة يا امووورة انتي شو قلتي مشان يدرسني ابن جارتنا 

ماما : فتون روحي من وشي 

فتون : يعني ليش اه جاوبيني عطيني سبب او مبرر صغير بتعرفي انتي اذا الجمعة الجاي بجيب تحت الخمسين وعدني الاستاذ بعقاب مميز بين المدارس يعني يمكن يعطيني لبس قرد ويدورني على مدارس المنطقة كلا وقول اوبا اوبا اوباا با باا

ماما : انا مالي علاقة بالموضوع بوافق اذا وافق ابوكي واخوكي 

اقنعين وانا ما عندي اي مانع 

فتون : يعني الشغلة تعجيز لأفهم 

دخلت على غرفتي وصرت فكر كيف بدي اقنع اخي  ابي بعرفو ما بعارض لشي بس اخي ابو شهاب يعدمني جراباتو عنيد متل الحيط لك الحيط بيندار وعقلو ما بيندار 

فكرت كتير كيف رح اقنعو مشان روح وادرس عندن انا كل هدفي من القصة بدي انتقم من الدب يلي كان واقف ورا الباب ويخبط ويمكن بطلت جيب ولاد من الرعبة بسببو  وبنفس الوقت ما بدي اتشرشح بين المدارس 😞

*يتبع*

الجزء_الرابع*

اجا المسا اخي على البيت 

فتون : اووووووووه اي شو هل حللللللللا يا ارض احفظي ما عليكي لك خاي اديشني انا محظوظة عندي اخ شخصية متلك ومشيب البن

ات بعقدتو تؤبشني هل شبوبية ريتك تطلع على قبري وتمشي وتتمختر على رمشي بتريد شاي ....قهوة ....متة..... نسكافيه..... عصير ايا شي ........ 😃

حازم(بنتورة) : فتوووووووون هاتي من الاخر اختي حافظ هل حركات الزبدة وبسرعة شوي بدي نام تعبااان 😒

فكرت بسرعة ولقيت الحل😃💡

فتون : اخي بدي مساعدتك بحل الهندسة والله الاستاذ رح يشرشحني بين المدارس اذا بجيب تحت الخمسين انت بترضاها على اختك تتبهدل اه جاوبني بترضااااهاااا اهئ اهئ اهئ 😭😭

اطلع فيني من فوووووق لتحت 

حازم : الكديش الي ادامك اختصاصو انكلش مو هندسة دربلي من هوووون 😒

فتون : طيب حاول الله يخليك الله يوفقك يستر على احفادك ابوس صوابع رجليك اهئ اهئ اهئ 😭

حازم : طيب جيبي الكتاب وتعي لعندي لشوف اخرتا معك😒 

فتون : لك تؤبشنننيييييي احلا ابو شهاب والله  برموشي رح جبلك ياه 😊

فتت وجبت الكتاب وعطيتو اصعب معادلة فيو ليحلا😏 

حازم : امممممم ... هون ....... لا لااا .... هيك ..... مو صحيح .... اممممم ...... تربيع ....... لا لاااااا .....قسمة ......😥 لك اوووووف حلييييي عننننني عجزتني وما كانت تنحل شيلي هل الكتاب من وجي احسن ما شوطك انتي وياه عالاسكيمو😒 

فتون : طيب حاول حل هي الله يخليك والله بتبهدل حرام انا والله حرااااام اهئ اهئ اهئ 😭😭

حازم : هاتي لشوف اممممممممم 

خدي هل الكتاب من وجي احسن ما اعملو طيارات وزتو من الشباك هاااا😤

لازم هلأ ضاعف الجرعة قعدت وعملت حالي عم ابكي وشوح ونوح متل الارامل والمطلقات واندب حظي على هل عيشة 

فتون : شو اعمل ياااااربببييي ليش هييييك رح انفصل من المدرسة واتبهدل وما عم اعرف حل شي احسن الشي انتحر والله لانننننتتتتحر اهئ اهئ اهئ اههههههئ😭

حتى دروس خصوص ما بقدر سجل واخي ما بيعرف بالهندسة الله يااااخدني لاااارتاااااح من هل عيشة البتقرررررف اهئ اهئ اهئ اهههئ 😭😭

بعد جهد وعنااااااء كبير بالتمثيل وتعبت على قد ما عصرت بعيوني لتنزل كم دمعة جاااااء الفرج🤕 

حازم : طيب تعي اختي سجلي دروس خصوصي وانا بدفعلك من مصروفي حق الدروس بس اذا ما شفت تحسن بدي الغيلك المدرسة كلا فهماااااانة 

نطيت متل المجنونة وصرت بوس اخي ولفو 

حازم : لك بعدي عني متل الدبة انجلئتي قومي هيك احسن ما الزقك بالحيط بشي مخمسة من كفوفي

فتت على غرفتي وانا فرحانة ورجعت طلعت واقنعت ابي انو حازم مقتنع وهوي رح يتكفل بالدفع كان كتير سهل اقناعو لابي بمجرد سمع انو حازم موافق دغري عطاني موافقتو 

اتفقت مع امي انو نروح لعند جارتنا ونحتسي مجددا" كوبا" من القهوة ونخبرا موافقتنا واديش بدن حندفعلن 

رحنا لعند جارتنا وخبرناها وهي خبرت ابنا عن الموضوع واعتطنا موعيد الدروس يلي رح اجي فين لعندا وادرس انا والمصون ابنا 

باليوم التالت اجا وقت الموعد الساعة تلاتة لبست بلوزة بربع كم زهر وبنطلون جنز  وفردت شعراتي وحطيت بروش ناعم على طرف شعري وعملت الغرة على طرف وجي كان كلشي اخترتو ناعم وحملت كتابي وقلمي  وطلعت من البيت

 

طق طق طق 

صوفيا : اهلين انسة فتون تفدلي من هون  

فتت واستنيت بغرفة استاذي يلي حيساعدني بالهندسة 

كانت غرفتو فيها تختين وطاولة كبيرة وكرسيين ومن كل شي تنين تنين وبنفس اللون والشكل استغربت كتير من هل شي وكان في ريحة عطر مألوفة عم تغرز غرز بأنفي غمضت عيوني وصرت استنشق واسحب نفس عميق لاتلذذ بالريحة 

فتون : اوووووووف شو حلوة هل ريحة ساحرة بكل معنى الكلمة انا بعرفا من قبل بس وين ويبين ويييين امممممم لك هي رررريييحة ... اممممممم ما اطيبااااااا كل مالها عم تقرب الريحة مين صاحبااا امممممم شو طيبة هي الريحة بتشبه عطر مل.. 

طق طق طق انفتح الباب وهووووون كانت الاجوااااء تي رش رش 💃🏻

فات ملهم من الباب وريحة عطرو انتشرت بكل مكان هديك الريحة يلي اربكتني وعقدتلي لساني اول مرة وهلأ رح ترجع تربكني وتشتتني لتاني مرة   ضلينا تنيناتنا عم نطلع ببعض  وكان ملهم مندهش زيااادة      تنيناتنا  مصدومين من هل صدفة كيف جمعتنا وملتزمين الصمت وكل واحد فينا عم يترجم عيون التاني ... صحينا على حالنا بعد دقيقة كااااااملة

فتون : هاااااااااااااد انتتتتتتتت 😵 

   مع بعض

ملهم : هاااااااااااااد انتتتتتتتتتتتتي 😵

فتون : انت استاااااااااذي 

  مع بعض

ملهم : انتي طاااالبتيييي

فتون : انت جااااارناااا وابن اختوو لاستااااذنا  اي شو هل صدف قلي هااد كابوس وفيقني منو 😒

انا دغري بلشت اتنتور فيه وحاكي من روس منخيري حتى ما يفكر انو يلي صار هداك اليوم بعدو مأثر فيني مع انو  وردو خدودي اول ما شفتو يمكن لانو شوب 😁

ملهم : قلتيلي كابووس هه 😏

لا حبيبتي مو كابوس حقيقة بس اذا بدك بضربك كف لتصحي عالحالتين انتي مجنونة ههههههه

لما قال حبيبتي ما بعرف من وين اجتني هديك البسمة الخجول الله يلعنا مو وقتا 

انتبه حازم ليلي حكا وابتسم ونزل راسو للارض قلت ولي لك هاد هلأ بفكر انو عم اتوددلو بابتساماتي لازم احكي شي كلمة انو عادي يلي حكا 

فتون : لا

عيوني خلي ايديك على جنب بيلزموك لتاخد محايات البنات وتاكل تفاح فين هه 😏

ابتسم وعرف انو حكيتلو عيوني عن قصد لطمنو انو عادي حكيو

  

ملهم : ههههههه نهفة بس اذا لساتك غاصة مشان المحاي بنزل بجبلك دزينة محايات وتفاح كمان 

فتون : لا شكرا" 😏

ملهم : اصلا" انا متأكد انك مقهورة لهلأ بخصوص التفاحة يا بخيلة 😌

فتون : ما فهمت شبها التفاحة بعدون انا بخيلة اه 😐

مهم : اي اي التفاحة يلي اخدتا منك لما ضربتي فيني وقلتلك ركبي كزلوك بعدون تعي لهون ليش لهلأ ما ركبتي كزلوك (نظارات) 

فتون : اااااهااااااا انت هدااك الهبيل يلي ضرب فيني وسرق التفاحة هلأ بلشت توضح الاموووور كنت عم قول بيني وبين حالي ليش قلي هلأ حتى حسنت اكل التفاحة بالمدرسة 😒

ملهم : اي اذا بدك بجبلك كيلو تفاح بدال التفاحة يلي اكلتا بس انا ما سرقتا هي بدال الاعتذار يا بخيلة😌

فتون : لك انت يلي لازم تعتذر مو اناااا واصلا" مالي بخيلة ما تخليني اضربك 😠

ملهم : يا ماااامااااا خوفتيني بدك تضربيني ههههههههههه اي ديري بالك على اصبيعك ادامك حديد 😏💪🏻

فتون : طيييييييب مااااااشي انت جنيت على حالك اتحمل لشووووف 😡

ركضت عليه متل المجنون وصرت اضرب  على بطنو بكل قوتي بس يخربيتو فعلا" طلع حديد كان عم يضحك ويتكركر وانا هدني التعب عكتر ضربي بالاخر شفت انو مافي نتيجة وقفت عالكرسي واطلعت فيه 😑

ملهم : شو شبك ليش طلعتي لفوق تعي كملي ضرب ههههههههههههه

ولا جنيتي احجزلك بالعصفورية 😂

فتون : لا ما جنيت بعرف حالي شو عم اعمل بس ما تلغي الحجز بالعصفورية رح تلزمك الك 😈

ونطيت عليه متل اخي لما بقلد طرزان وبنط من حيط لحيط 

ايااااااااااااااااااااااااع هوووووووووو  

ومسكت بشعرو وصرت شدو وعضيتو من راسو وكأنو همبرغل ايياااااااااع هوب هوب هوب هوووووووو ههييييييييييي ياااااااااااااااع هو هووووووو

ملهم : لك اااااااخ لك راااسي لك انا بني ادم مالي شاورما لك اااااااخ نزلي شعرررييي لك فتوووووون بسيطة خدي لقلك انتي حجتيني 

مسكلي شعراتي وبلش يشد فين وقدر ينزلني بس رجعت طلعت وانا حاطة رجل على بطنو ورجل التانية لافة خصرو فيها حتى ما اوقع ومتثبتة فيو وعم احكي 

فتون : انااااااا ...... مااااااا ..... بخييييييلة ..... فهماااااااان ..... ولاااااااا.......... ضلني  ....... اضرب لتفهممممممم ااااااااه

ملهم : بخيلة بخيلة بخيلة بخييييييلة 

كنا تنيناتنا عم نضرب بعض لوقت انفتح الباب وكان شب وكان خيو لملهم توووووووئمووووو

ايهم : مرحباااااا 🙃

 

جمدت واطلعت بوج ملهم وانا فاتحة تمي وشعرو بين ايدي وعم اضرب فيو ولفيت واطلعت ب ايهم ورجعت كررت نفس الحركة من وج لوج خمس مرات  😵

فتون : ملهههههم جني شبااااااح هههههههههه ولييي يا اميييييي !؟          واغما علي من المنظر لك انا من ملهم واحد مو خالصة يجيني ملهمين وقعت ودغري حملني ملهم وسطحني على تختو 

صحيت وكانو تنيناتن فوق راسي عم يطلعو علي 

ملهم : لك شبها هي ليكون ماتت خلينا نأااااجر لنلحق الدفن 

ايهم : لا ما بتموت يمكن اجاها الفالج الله يسترنا 

ملهم : ليكون ما عم تتنفس اعملا تنفس اصطناعي بتفيق متل المجنونة لتضربني 😂

ايهم : ما شاء الله شو انك فاعل خير مافي لزوم هلأ بسدلا انفا واذا ادايقت وتحركت معناها كانت عم تتنفس وقطعنا عنها التنفس شو قلت 😄

ملهم : واذا ماتت انا بوزع الصفيحة 😃 

ايهم : اتفقنا خلينا نستنا دقيقتين كمان واذا ما تغير شي منعمل العملية

ملهم :  طولت نخبر اهلا !؟

ايهم : لا لاااا اوعك خلينا نستنا شوي بلكي بتصحا 

ملهم : طيب 

ايهم : ليش كنتو عم تضاربو منظركن بفقع من الضحك 😂

ملهم : خليها على ربك هي وحدة مجنونة 😂

ايهم : صدقت صح لسانك مجنونة هههههههههه😂

ملهم : بتعرفا من قبل 

ايهم : اي شفتا مرتين او تلاتة مرة وانا نازل الدرج ووقعتني وقالتلي حمار ومرة كنا بالباص وتخانقنا عالمقعد الفاضي ومرة وانا نازل شفتا فتحت باب بيتن وكمان عملت فيها مقلب خليتا تكوبس وتمشي بالمقلوب  هههههههه نهفة

شو جابا لعنا وانت من وين بتعرفا 😂

ملهم : ليكا صحيت واخيرا" 

ايهم : اي والله صحيت الووووووووو يا بنت يا مجنونة فيقي بقا دببببة 😮

ملهم : لك لاااااااا لا تحكي هيك هلأ بيرجع بيغما عليها استنا لتصحصح واحكيلا انها مجنونة حتى تستوعب🙄

ايهم : اي اي صح الووووووووو هل من احد هنااااااااااا هل تسمعينني 😮

فتحت عيوني وانا عم شوف اربع روس وبعدون يصيرو راسين وشوي اربعة وبعدون يدخلو بالراسين ويرجعو تنين 

فتون : ااااااااخ يااااا راااااسي   اااااااخ وين اناااا .. نجحت .....شوو😣 

ملهم : اي اي نجحتي وجبنا كاتو اصحي  ناكلو يلااااا رح يخلصو اخي 😂

انتفضت متل المجنونة 

فتون : وين انااااااا شو صاااار لساتي عايشة يعني ما رحت لعند ابو تفاااااااحة 😳

ملهم ايهم : الحمدلله عالسلامة 😂

ملهم : كنتي برحلة عالهند بس نسيتي فردة سكربينتك ورجعتي تاخديا يلا قومي 😂

ايهم : ما تصدقي كنتي رايحة على م

اليزيا مو عالهند 😂

ملهم : الهند 😶

ايهم : ماليزيا 😶

ملهم : الهند😡

ايهم : ماليزيا😡

فتون : لك خلااااااااااص بكفي انا كنت رايحة عالصين لا مليزيا ولا الهند 😪

ملهم ايهم : هههههههههههههههههههه نهههههفة 

*يتبع*

أول عداوة وأول حب 

الجزء الخامس**

فتون : ما ازنخخخخخخكن فهموني مين ملهم ومين ايهم يلا 

ملهم ايهم :  انا ملهم 😐😐

فتون : ....😶

اطلعو  ببعض والتفتو لعندي 

ملهم ايهم : انا ايهم 😐😐 

فتون : لك شبكن شبكن انتو مجنين شي والله شتتوني رح اعرف بطريقتي 😐

شلحو يلا 

ملهم ايهم : نشلح يووووو😶😶

حمر وجي بعد ما استوعبت شو قلت ونزلت راسي و رجعت رفعتو 

فتون : لك ما تطلعو فيني هيك ما تفهموني غلط شلحو البلوزة بس 😳

ملهم ايهم : جنت 😐😐

شلحو بلوزاتن وجبت كرسي وطلعت عليه لانن ما شاء الله طولن بطول النخلة 🌴🌴

فتون : انت افتل ..... اممممم تمام وقف   

دورك انت افتل .... اممممم اي اي تمام ثبات 

لبسو بلوزاتن وباين عليهن داخلين بستين حيط 

فتون : انت ايهم وانت ملهم صح 😏

اطلعو بوج بعض ملهم وايهم والتفتو لعندي وهنن مستغربين ومندهشين 

ملهم ايهم : صح كيف عرفتي 😮😮

فتون : بسيطة كتيييير ملهم كان عم ياكل قتلة وانا عضيتو من كتفو ولساها معلمة بينما سيد ايهم مافي علامة عضة على كتافو وببساطة حزرت شلوني معكن 😏

ملهم ايهم : مجنونة ههههههههه 😂😂

فتون : احكولي يلا كل واحد فيكن ايمت شافني والمكان بدي رتب افكاري 😒

ملهم ايهم : انا اول 😊😊

فتون : هفففففف بدكن اضلو تحكو متل بعض وبعدون يعني اتفقو خلصوني 😤

ملهم ايهم : رح احكي انا اول ههههههههه ما معقووول 😂😂

فتون : لك لو مقعدة معي ولاد صغار كانو فهمو حكي 😑

انا رح حدد مين حيحكي اول 

ملهم انت بالاول تفضل بس قبل عطيني الدفتر والقلم من جنبك بدي سجل افادتك 😌

شكرا" يلا بلش 

ملهم : والله يا سيدي انا مظلوم وبربئ مالي دخل هوي كان يعطيني الحشيش ويقلي حطن بخزان المي تبع بيت فتون والله انا مظلوووووم 😭

فتون : وبعدين معك 😑

ملهم : خلص حأحكي هههههههه 😂

شبنا روقنا ابو فوااااز ههههههههه

هاد يا سيدي اول مرة شفتك فيها لما ضربت فيكي بالشارع وكان معك كيس فيو تفاح احمر من لون خدودك المهم ضربتي فيني بس انا كنت مستعجل وما وقفت لاسمع اعتذارك لهيك ما كنت فطران قبل ما انزل من البيت واخدت التفاحة واعتبرتا بدل الاعتذار بس بسبب ضربتك ضيعتي علي اكتر شي بحبو بهل دنيا وشفتك من بعدا بالمدرسة بس انتي يا هبلة ما اتذكرتيني 

فتون : ليش لحقت طس خلقتك

 كمل 😑

ملهم : اي قلت فقس عليكي بما انك ضيعتيلي حلمي يلي عم ابني من سنتين وبلشت فيكي طول الحصة من المحاي لاتهامي الزور الك لسحب الورقة حتى اعرف اسمك للتفاحة بس من يومها ما رحتي من بالي وكيف كنتي عالارض وانا...... 

قاطعتو دغري لانو بعرف شو حيحكي ورح اتلخبط وادخل بستميت حيط وتروح الهيبة

فتون : هوووووس بكفي لهون 

اخر سؤال الك شفتني من بعد هداك اليوم 

 

احمرو خدودي ونزل شعري على وجي رفعتو بطريقة عشوائية ورفعت راسي

ملهم ابتسم ونزل راسو للارض وصار يحك دقتو (لا ما شفتك لليوم)

فتون : حلو   دور ايهم 

تفضل بلش 

ايهم : والله يا اختي الفاضلة انا اليوم  حتى عرفت اسمك كل يلي بعرفو انو انتي ساكنة مقابيلنا و نزلنا سوا من البيت وكنا مستعجلين تنيناتنا وانتي اخدتيني غدر مع انو انا حبيت ساعدك ومديتلك ايدي بس المعاملة مع الله وقعتيني وسبقتيني وبالاخر كافأتيني وقلتيلي حمار 

فتون : بس يعني انا سمعتك عم تقول عن حالك انا حمار فا ما حبيت خجلك وقلت اعمل توكيد وصرخت اي حمااار يعني عادي كمل😁

ايهم : رجعت شفتك بالباص وقلتلك بيومها     والتقينا من جديد 

وكان لونك مخطوف صاير معك شي !! 

خجلت من سؤالو واطلعت بملهم ودرت وجي انتبه ملهم من صياغة الحديث وكيف خجلت

 وعرف انو بنفس اليوم يلي شفتو فيو شفت ايهم 

ضحك ملهم ضحكة غريبة واطلع فيني ورجع ضحك وبصوت عالي نفس الضحكة 

خجلني كتير وحسيت انو ضحك هل ضحكة وبدو يوصل من خلالها شي بس تابعت حديثي مع ايهم 

ايهم : بسم الله الرحمن الرحيم شبك ليكون انعديت من هي المجنونة وجنيت لك خااااي 😂

ملهم (مبتسم) : ولا شي ولا شي هههه

فتون : تابع 

ايهم : حاولت ردلك كلمة حمار بس ما طلعت مني اكتفيت وانا عم اتفرج عليكي واقفة ومالك مكان بالباص وعم تتلولحي يمين شمال ههههههه ولما وصلنا على بينايتنا كنتي مدري شو صايبك كأنك اخدة ابرة حشيش مو بوعيك كنتي بعالم تاني انتي وصفناتك قلتلك وصلتي نزلتي متل الخوتة وانا كملت بالباص لانو كان عندي مشوار لهيك ما نزلت معك 

وشفتك مرة كنتي بدك تنزلي على مدرستك وانا كنت سابقك بس اخر مرة مستحيل انسا شكلك كيف كان اااااااااخ يا بطني كلما اتذكر شكلك كيف كان افقع ضحك 😂

وليه خوتة ليش كنتي عم تتنصتي على بابنا اااااه 

احكي يلا وبلا لف ودوران مين جماعتك 😏

فتون : هاد انت يلي عملت فيني هيك عنجد انت اغلظ انسان بشوفو بحياتي مو معقول عنجد 😒

واصلا" انا ما كان قصدي انو اتنصت بس انو يعني ولا مرة سمعنا صوات من ناحية بيتكن او شفنا حدا فايت او طالع من بابكن وفجأة صرت اسمع صوت ضحك اي فضولي قتلني على ما اعرف مين جوا وريتني ما اعرفت 😒

عكل حااال انا سجلت اقوالكن ت

نيناتكن رح اربط المعلومات ببعضا 

ملهم : سيدي وبعدا شو رح تعمل معنا ههههههه 😂

فتون : لا ولاشي بس قلتلك بدي رتب افكاري لانو ضعت بيناتكن وما كنت بعرف انو انت الك اخ توأم بس اذا بدك بسلخكن انتو التنين وبملحكن بملح انكليزي وبحطكن عالشواية وبعدا عالشمس شو قلتو 😏  

ملهم ايهم : سفااااااحة 😮😮

فتون : طيب انا صار لازم روح تأخرت كتير 

ورح اجي حسب البرنامج مشان الدروس ولا بطلت تستقبلني سيد ملهم 😏

ملهم : لا ولا يهمك ايمت ما بتحبي تعي رح كون ناطرك وخبرني خالي شو عمل فيكن وشو طلب منكن لهيك لازم نشد الهمة وما خجلك معو 😌

فتون : يكتر خيرك يلا بالاذن منكن 

طلعو معي ليوصلوني عالباب موجبين الله يرضى عليهن العين تطرقن😂

ورجعت عالبيت مرق الي عند الجارة 4 ساعات وما درست فين فتت على غرفتي وبلشت عوض الكسر يلي علي 

اخدت بريك بعد ساعتين متواصلات من الدراسة ورجعت بذاكرتي يوم الي كنا بالمدرسة انا وملهم وكيف كنا متمددين عالارض وكيف كانت عيوني متشابكة بعيونو اللماعة وكيف نفسي مختلط بنفسو وريحة عطرو وكان في دقات قلب سريعة ما بعرف هدول دقات قلبي او قلبو بس يلي بعرفو واحد منا كان عم يدق قلبو بسرعة او يمكن نفس السرعة بس لانن دقو مع بعض عملو هل ضجة رجعت وتابعت ساعتين تانيات دراسة ومن بعدا نمت وصحيت عالمدرسة عالموعد المحدد 

اول ما نزلت من البيت شفت عالرصيف التاني مدري ملهم مدري ايهم واقف ومستند عالحيط وريحت عطرو مختلطة مع ريحة الصباح والياسمين اخدت نفس عميييق حسيت حالي عم اخد وقودي من ريحة عطور لكمل يومي 

ابتسملي وابتسمتلو وكأنو عم نصبح على بعض بلهجة الابتسامة 😊

 وتابعة مشيي وصلت للمدرسة والحمدلله مضى النهار على خير وصار موعد روح لعند جارتنا تؤبش قلبي ابش ابش ابش 😍

*يتبع*

أول عداوة وأول حب 

الجزء السادس**

وصار موعد روح لعند جارتنا تؤبش قلبي ابش ابش ابش 😍

لبست بلوزة لون توتي مخنصرة وبنطلون اسود وحطيت على شعري قشطة توتي وفردت شعري الاسود على ضهري وفردت غرة البدر على جبيني بدقة  وتناسق 

وتناولت روج زهر وحطيت على شفايفي 

وقفت عالمراي وصرت دندش بحالي 

لك تؤبشيني يا انا ما احلاااكي لك قممممممر مصووووور نياااالوووو

ولك نيالو صاحب النصيب

 شو بدو احسن من هيييك ادب واخلاق ولطافة وقطافة وحلااااوة بس جحش شوي بعض الاوقات بس  كاااملة مكملة عسسسسل مو مشكلة بتاتا" بتاتا"

 وهلأ رح شوف ردة فعلك بس تشوفني  يا سيد ملهم بسييييطة تؤبشني شو حليوا وشخصية ☺

حليوا و شخصية .!?.!؟ 😳

لك شو عم يصير معي انا جنيت لشو كل هل تشيك والروج لاااااا عنجد انا جنيت رح امسح البطيخ من وجي وانقلع لعندو لهل تافه 😑

مسحت الروج وانطلقت نحو بيت ام ايهم ودقيت الباب 

طق طق طق 

فتحلي مدري ايهم مدري ملهم 

أهليييين وسهلييين بست فتون عالموعد تماااما" دقيقة بجيتك لعنا غير مواعيد مدرستك 😂

فتون : هي هي هي  هييي بعد هيك عن طريقي انا من يوم يومي منتظمة و وقتي من ذهب 😌

حكيت هيك وكان في شخص جواتي عم يقلي فتووون لك حاااج كذب انتي لازم يدخلوكي موسوعة غنس باهمالك لمواعيدك واهمالك 😂

يفضح كبرتك يا جواتي ما عرفت ربيك يا واطي

 

فتنا عالغرفة وكان مدري ايهم مدري ملهم متسطح عالتخت وعم يقرأ بالكتاب واول ما شافني سكر الكتاب وجلس 

اهلين بفتون اي شوو هاااد اووووووه يا ارض احفظي ما عليكي يلي بشوف هيكلك ما بيتوقع انك من مصارعات الحلبة الحرة ههههههههه تفضلي تفضلي 😂

فتون : هلأ بعرف انو تنيناتكن دمكن سميك بس انت سماكت دمك زيادة حبة عن التاني اكيد انت ملهم 😏

لا انا ايهم 😂

كذاااااب هاد ملهم 😂

ملهم ايهم : هههههههه

فتون : لك انتو بدكن تجننوني لافهم 😤

ملهم ايهم : عالعصفورية وحياتك ههههههه 😂

فتون : طيب ماشي منروح سوا اذا هيك

 بس قولولي مين يلي رح يعطيني الدروس مشان نبلش

 عندي امتحان اسبوع الجاي 

ملهم ايهم : انا 😶

فتون : لك اووووووف اوووووف اووووف 

ملهم ايهم : اوووف 😂 بلشي موال وطربينا هههههههههههه

فتون : طيب ماشي رح اعرف لحالي وانتو خليكن عم تتمألسو هيك حيضيع مستقبلي بسببكن 😒

ملهم ايهم : اتحفينا 😂

فتون : ملهم معو محايتي 

مين فيكن ملهم يطلعا يلا 😒

ملهم ايهم : المحاي معي 😶

فتون : لك مجنين انتو 😤

صبرك يااا رب صببببببرك 

انا رح جيبا خليكن على ما انتو 

بلشت فتح الخزن وانكت بهل غرفة  وقلبتا على تما وصار كأنو اعصار مر فيها 😂

تعبت وعلى شوي كنت حاستسلم بس خطرلي طلع تحت مخداتن 

رفعت اول مخدة ما لقيت شي رحت عالتخت التاني رفعت المخدة لقيت المحاي واخييييييرا" بعد جهد وعناء كبير لقيتااااا مسكتا وصرت صرخ متل المجنونة 

محااااايتي محااااايتي لقيتااااا لقيتاااا

وهييييييي وهييييييي وهييييييي لقيتا 

كانو عم يطلعو علي ويضحكو على منظري 😂 

بس فكرت انو طلعت فهيمة وخلصت وكشفت الجريمة بزكائي الخارق الحارق بعد ما لقيت المحاي 

بس طلعت غلطانة ودخلت بدوامة جديدة وصار لازم اعرف هاد التخت لمين 😞

فتون : اي يلا لمين هاد التخت 😃

ملهم ايهم : الي 😮😮

فتون : يا ربي صبرني على هل بلوات والله انا ما بستاهل كل هاد 

 شو عاملة معك يا الله لحتى بلشت تحاسبني قبل ما اطلع لعندك😩

ملهم ايهم : صبرها يا رب صبرها ههههههه 😂

فتون : اي لأ بقا ما عاد ينحمل الوضع منووووب انا بورجيكن انتو الجوز 😑

طلعت من الغرفة وسكرت الباب بقوة 

ملهم ايهم : شبها هي  جنت 😂

رجعت وكنت ماسكة بايد صوفيا الشغالة الاندنوسية

 والدخان عم يطلع من داناتي وكأنو في حدا عم يشوي كباب بمخي 

فتون : صوفيا حبيبتي هاد تخت مين 😤

صوفيا : هاد تخت بابا ملهم 

فتون : تمام لهون 

هلأ اطلعي على هل دبين المقابيلك ايا واحد فين ملهم 

صوفيا : هاد بابا ملهم وهاد بابا ايهم 

انتي ما تعرفي تميزي بين بابا ملهم وبابا ايهم

 بوكرة بس تتعودي علين رح تميزي بين البابات 😮

فتون : هااااااا هاااااااااا واخيرا" عرفت مين ملهم 😑

عطيني ايدك سيد ملهم يلا 😤

ملهم : بلا سووو انا ما بعتي ايدي لمين ما كان 

بعدون روحي تلبيني من ماميتو بشكل رسمي وعلى بركة الله ☺

جن جناني وهجمت عليه ومسكت ايدو وغرست سناني بجلدو لنزل الدم 

ملهم : لك اااااخ لك اااااااخ ايديييي ايدددييييي لك بعدي يا مفترسة لك ولييييييي قطعتا لك اااااااااااخ ايدي ايدي بعددددددددي لك خلصووووونييييي  ايهههههم صوووفياااااا لك تعو بعدوااااااا ااااااااااااخ 😫😫

صوفيا : ماما  انتي تاكلي لحوم بسر 

هيدا ما بسير

 بابا ملهم منو جاجة 🙄

ايهم : ياااااالطيف تلطف طلعت اكلت لحوم بشر 😶

فلتت ايدو وكانو شفافي الن دم من ايد ملهم مسحت بمنديل كان عالطاولة واطلعت عليه 

كانو عيونو مدمعين وعم يتألم كنت رح ازعل عليه 😢 

بس لاااا لاااا بيستاهل كان لازم طلعلو اللحم كمان 😤

ملهم : لك اااااااااخ

شو عملتيييي لك عنجد انتي وحششششة لك شووووفي كيف ايدي عم تنزف لك صارت زرقاااااا لك ليكي ليكي صارت خضرة

 لك شو هل السنان      سناااان ديناااصووور 

الله لا يوفقك عم توجعني 😭

فتون : اي شبك شبك طول بالك ما عملت شي 😒

بعدون انا عملت هيك مشان ميز بيناتكن وما ترجعو تتبايخو اننننن 😝

فيك تقول انو هي علامة 😌

ملهم : الله لا يسامحك ليش ماعضيتي الو 😢

ايهم : شو انا ما انا 😂

انا كلي على بعضي كنت طالع من البيت يلا عن اذنكن عن انفكن  سلامات 

الله يكون بعونك يا اخي خليني انفد بريشي 😂

طلع ايهم وصوفيا وبقينا انا وملهم لوحدنا 

ملهم : اااااااخ... 

فتون : عم توجعك... 😬 

ملهم : لا ابدا" بس حاسستا انشلت 😒

فتون : اي حاااجتك دود وزعبرة كلو على بعضو خدش صغير ما بينحكا فيو 

 خلينا نبلش ضل كم يوم وبشرشحني خالك المصون 

ملهم : طيب هاتي لشوف من وين بتحبي انبلش 

فتون : من هون 

بلشنا بالدرس وقضيناها مناقرات طول الوقت بس بالرغم من هيك كنت مستمتعة بالدرس جداااااا وكان شرحو واسلوبو بادخال المعلومة سلس كتير وممتاز بس رغم هيك كان مخي شوي سميك وما افهم من اول مرة وكان يعدلي المعلومة مرة وتنين وتلاتة وينتفخ معلااااقو لوقت افهم 😁

 مر اسبوع وانا فايتة طالعة من عندن وكنت كلما ادخل امسك ايديهن واعرف مين ملهم واشحطو عالغرفة ونبلش دراسة ومناقرات واوقات نضحك ونمزح لنطلع شوي من جو الدراسة كانت فترة كتيييير حلوة  وهييييييك لوقت اجا يوم اختبار استاذ محمد وفتت لعند ملهم ليعملي شوية مراجعات 

فتون : مسا الخير استاذ ملهم 

ملهم : مسا النور انسة فتون تفضلي 

فتون : بكرة خالك رح يعملنا الاختبار 😬

ملهم : اي والمطلوب مني اعملك مراجعات صح 😏 

فتون : الله عليك شو زكي مزبوط مشان تعملي مراجعات 😆

ملهم : اي بعرف اني زكي لا جديد😎 

وانا عملت حسابي وعملتلك ورقة اختبار لاختبرك 

رح اعملك مراجعة سريعة وبعدون رح تبلشي بحل الاسئلة 

فتون : شو مغروووور يكتر خيرك 😏

بلشنا مراجعات وبس خلصنا عطاني ورقة الاسئلة واول ما اطلعت فيها حسيتها سيناريو رعب او عبوة ناسفة وبدي فككا 

سميت بالله وبلشت حل 

بقيت ساعتين حل فيها 

دخل ملهم ومعو كاستين نسكافيه 

ملهم : يعطيكي العافية 😊

فتون : الله يعافيك 😊

ملهم : تفضلي حسبت حسابك بالنسكافيه بلكي بتصحصحي شفتك دبلتي 

فتون : يسلموووون اجت بوقتا والله

 عراسي والله حج ملهم 😏

ملهم : هههههههههههه يلا يلا خلصي بقي معك نص ساعة بس 

فتون : اي بقي مسألتين وبخلص ما تاكل هم 

خلصت وملهم بلش يصحح الورقة 

فتون : شو ...لك .... شووو قلي... اديش جبت ادددييش .....😥

ملهم : مو معقوووول ما توقعت هيك بعد كل هل تعب خيبتي امااالي سامحكي الله رااح كلشي عالارض 😔

فتون : عنجد.... بربك... والله انا كتبت منيح ....كيف هيك.... ما بصير في غلط .... 😭

ملهم : لك شبك شبك حتبكي الا شوي  😂

عم امزح معك علامتك 55 من 60 

ممتاز تحسنك بهل سرعة بالنسبة لوضعك 

فتون : لك يخربيتك من حالك وقفتلي قلبي عنجد دب 😑 

عكل حال يعطيك العافية استاذ ملهم عنجد مارح انسالك هل معروف 😊

ملهم : ههههههههه شكيتك ل الله شو دبة 😂

 الله يعافيكي وميت السلامة

قرب علي وبعدلي شعراتي بأصبيعو عن ادني ومسكها وصار يشدلي ياها 

ويهمسلي 

ملهم : بتعرفي بكرة اذا بتجيبي تحت ال 55 شو رح اعمل فيكي اااااه 😏

فتون : ااخ إيخ اوخ   لااا لااا   ما بعرف 

لك عم توجعني  😓

ملهم : اي هاد الوجع مسطرة عن يلي حأعملو فيكي اذا بتجيبي علامة واطية 

فتون : لك اي اي خلص فهمت ادنني 😓

قرب من ادني وسحب نفس طويل وهمسلي 

ملهم : اوووووف شو ريحة شعرك طيبة 

خجلت وصرت اضوي احمر واخضر وبنفتحي واصفر واورنج يمكن لانو شوب 😁

انتبه ملهم للالوان يلي شعلتا وابتسم ورجع استند عالكرسي وتنهد 

ملهم :  اييييه يلا انصراف       عالبيت

 بكفي دراسة لليوم ولا تفتحي الكتاب اليوم وتضغطي على حالك وبكرة بتروحي وانتي واثقة من حالك متل ما تعودت عليكي وبتجيبي علامة منيحة واذا عجبتني رح كافأك   😌

فتون : اي تكرم عينك رح ابذل جهدي 😎

ورح كلفك وخليك تكافئني 

ملهم : هههههههههههه انصراف 

طلعت من عندو وفتت على غرفتي وحطيت راسي ونمت 

صحيت تاني نهار عالموعد وجهزت حالي ونزلت من البيت بكل نشاط وحيوية 

وشفت ملهم ناطرني تحت 

ملهم : صباح الخير 😊

فتون : صباح النور 😊

 ملهم : جاهزة !؟

فتون : اي اكيد جاهزة😎

ملهم : تمام يلا انطلقي 

فتون : شو كأنك عم تمشي معي ناوي توصلني يعني ههههه 

ملهم : اي هيك شي هههه

فتون : بالله جد ولو ليش ماشي معي 🙄

ملهم : بدي روح اوقف على باب مدرستك نويت كمل نص ديني الله يباركلي 😌

فتون : هاا بالله جد  😒

ملهم : اي اي جد 😎

فتون : ليكني وصلت     انت خليك هون تفرج براحتك سيد ملهم 😒

ملهم : اي اي ما تاكلي همي روحي يلا 

وفوتي برجلك اليميييين 😆

فتون : غليييييييييييييظ 😖

ملهم : ههههههه طالعلك 😂

فتون : عكلن مارح جادلك هلأ

بس ارجع منحكي سلام 😒

ملهم : سلاااااام 

فتت وانا معصبة من كلامو

وعم حاكي حالي 

 قال شو بدو يكمل نص دينو هل اهبل ليش هوي عندو النص الاول ليكمل التاني يقطع عمرو شو تافه ودب وغليظ

انا بورجي رح اخطبلو وحدة بقرة سودا زرقا محنتشة حتى كل يوم يدعيلي بس يتصبح بغوريلا متلا بسيطة يا سيد ملهم بسيييييطة   😤

دخلت عالصف ودخل استاذ محمد و وزع الورق 

وكانت الاسئلة سهلة بفضل الله ومن بعدو فضل ملهم البهيم حليت وسلمت الورقة ولحيت عالاستاذ ليصلحلي ياها لانو ما عاد عندي صبر استنا بس ماسمع مني وقلي لبكرة 

صار وقت الصرفة وانا عم ضب غراضي بتجي رغد .. !  ...؟

يتبع...

أول عداوة وأول حب 

الجزء السابع والجزء الثامن 

الجزء_السابع*

رغد : فتون .....فتووون.... فتوووون 

لك فتوووووووووون 😍

فتون : اي اي شبك شو صرلك شوفي احكي شوبدك 😳 

رغد : لك اطلعي من الشباك شوفي مين في لك شوووفييي 😍

فتون : بعدي هيك لشووف اممم 

اي شو يعني الطالبات عم ينصرفو بس ليش متجمعين هنيك شوفي🙄

رغد : لك يا مجنونة اطلعي منيح هنيييك شوفي مين في اكدي منيح لك حوبة 😍 

فتون : يووووووووووووو 😶

لك هاااد ملهههم شووووو بدووو من كل هل بنااااات  حدا قلو انو الجواز بالجملة يعني 😑

رغد : شو قلتي ما سمعت خرفتي 😂

هلأ شيلينا من جدبنتك وخلينا ننزل نسلم عليه ولييييي على قلبببببي رح موووووت شو هااااد لك نيااااااال اموووو الي بااااست تمووو 😍

فتون : ولك تضربي منك الو اااااي 😒

روحي لحقي حالك سمعت بدو يخطب بلكي بتكوني تعيست الحظ قصديي سعيدة الحظ 

رغد : عنجد ...  بربك .... مين قلك هل حكي 

يعني انتي بتعرفيه ... لك شو احكي 😍

فتون : ما بعرف سمعت بنات وانا جاي اليوم عالمدرسة عم يحكو انو بدو يخطب

بعدون  انا من وين بدي اعرفو

 اصلا" ما بهمني لا هوي ولا غيرو 😒

يلا خلينا نمشي انا تأخرت وصار لازم روح 

نزلنا انا ورغد وهي ما وقفت حكي عن ملهم وشخصيتو وشكلو للحظة كنت بدي قلا روحي عرضي عليه يتزوجك بس خفت تصدق وتروح متل الهبلا وتقلو  حرام يبتلى ملهم بهيك حرباية يعني للصراحة هوي ساعدني ما بنكر فضلو لهل بهيم😏

نزلنا وطلعنا من باب المدرسة وكان ملهم واقف عالرصيف مقابيل المدرسة تماما" واكتر من عشرين بنت واقفين معو وعم يتمايعو ويتمايلو عليه وقفت واطلعت فيه من فوق لتحت وانا عالرصيف التاني ودرت ضهري ورفعت راسي ومشيت طبعا" رغد ركضت لعندو لتشوف اذا بيتزبط معا 

انتبه ملهم علي اني طلعت وكان مرتكز  عالحيط وعم يحاكي البنات ويضحكو  تجلس ونزل نضاراتو السود على عيونو 

ملهم : عن اذنكن صبايا ..... بعدو شوي ....عن اذنك... عن اذنك  عفوا".... عفوا....." اذا بتريدي ....

اجا وصار يمشي جنبي 

ملهم : هاااااي انتي شبك ليش مالك متل هدوليك البنات تعلمي شوي منن 😏

ولا بس شاطرة تضربي وتعضي ايدين الناس 

فتون : شو ليش جيت خليك معن 😒

نقيلك شي عروس     بتعرف عم فكر اخطبلك رفيقتي رغد دمها سميك متلك بتناسبو بعض متل الطنجرة والغطا 😒

ملهم : يعني حلوة رفيقتك هاي يلي اسما رغد 😍

كيف شكلا اوصفيلي ياها 

وسبحانك يا ربي لسا بدي اجي اوصفا نطت متل الفارة 🐭

رغد : هاااااااااااي استاااذ ملللهم ☺

كيفك توتو ☺

ملهم : هااااياات 

فتون : ارخي حنكك كمان حياتي 😒 

يقطع عمرك 

بعدون تعي لهون شو هاي توتو  انا اسمي ام زيكووو 😏

واذا بترجعي بتقوليلي توتو بدي اربطك بسكة القطار وخلين يعملو فوقك توووت تووووت 😒

رغد : هه اديشك مهدومة ولزيزة فريييييش من يوم يومك  ☺

شكلكن بتعرفو بعض حتى ماشين سوا 😏

فتون : لا  ما منعرف بعض ابداااااااا بس كنا عم نتناقش بخصوص المحاي يلي سرقلي ياها يوم الاختبار الاول 

ملهم : ولك يخربيت سنتك رجعتلك ياها  وما خلصت من لسانك يا ام لسان  😶

رغد : اهااااا معناها بتعرفو بعض من قبل 🙄

شدتني من ايدي رغد وكزت على سنانها 

رغد : قلتيلي ما بتعرفي موو 

بسيطة عم بطبقي شباب من ورا ضهرنا بس بكرة وشوفي شو حأحكي بالمدرسة 😒

لعما الي يضرب جوز عيونا شو حرباية شايفين كييييف

انو يعني الله ما بحط بطريقي غير البهاااااايم 😢

لازم اعمل شي خلي شكوك هل الحمارة يبعد عني 😥

ملهم : هاااي انتي وياها شو عم تتوتوتو 😬

رغد : لا ولاشي بس كنت عم قلا انو بدي رافقكن للبيت لانو بيتي جنب بيت فتونة ☺

فتون : بتعرفي يا رغد انو قبل ما تجي كنا بسيرتك صحي انك بنت حلال 😌 

رغد : ييياي عنجد وشو كنتو عم تحكو ☺

ملهم : لك دقيقة يعني انتي يلي اسمك رغد   

رغد : اي انا رغودة ☺

فتون : كنت عم قلو للاستاذ ايهم انو ما حيلاقي احسن واحلا منك للارتباط 😏

رغد : ياااااي.... بربك ...عنجد...... احرجتوني☺

 اسفة قاطعتكن عن حديثكن بس عادي رح كفي الطريق معكن 

ولفتلكن هل حية لجنب ملهم وجنكلتو اي جنكلتووووو 😓  وهوووووون اناااا كاااااان فييييييني عقل وطااااااار  خلاااااااااااص بححححح

 

انا يعني مافي شي من الي ببالي بالكن 😬 

بس انو يعني عيب تعمل هيك رغد بالشارع ما حلوة مشان سمعتا بضلها جاهلة وغبية ودبة وحمارة وما بتفهم وقليلة حيا وبلا ترباية وتفو عليها ناقصة الله يلعنا شو شايطة ومايعة وسايخة😤😤

 انفعلت شوي موو 😥

فتون : ملهم انت مو من هون طريق بيتك

 بعدون استاذ محمد بعدو بالمدرسة ما طلع منها وكان شكلو تعبان

 ما لازم تخلي لوحدو وانت ابن اختو روح وقف جنبو 😑

ملهم : لا هوي بدبر حالو ما تاكلي همو خليني امشي برواق واتعرف على رورو  😌

يموووووووو انا هون خلاااااااص اكتفييييت وصرت صيح بالشارع 😡

فتون : عم قلك خالك مريييييض بتقلي بدبر حااااالو مو عيييييب عليك 

يا عيب الشووووم بس 😡

ملهم : شبك شبك انبحتي فرد بحتة خالي مااانو

مرييييض انتي ما عم تشوفي منيح قلتلك ركبي كزلوك بس الله يشفيكي ما بتفهمي متنحة وقايمة  😑

فتون : انا بدي ركب كزلووك اناااااا 

انا يلي ما بفهم انااااااا  طييييييب مااااشي اي خوووود لقلك تعا لهوووون 😡

هجمت عليه بالشارع وصرت اضربو بس بما انو هوي متل الحديد ما كان متأثر بالضرب ما لقيت غير اني عض فيو لهل بغل 😤

  والطلاب والحارة التمت وصارو يتفرجو علينا  والبنات عم يتفرجو على ملهم  وعيونن  هيك 😍

ملهم : لك شبببببك جنيتييييي لك يااااا مجنووووونة شوووو صرلك لك طووووولي باااالك خلينا نتفااااهم لك حاااااج تعضي ولك اخ اخ  أي أي ايدي لك نحن بالشارع الناس عم تطلع علينا ولك هسترتيييي 😡

فتون : اناااااا ...... مااااااااا.... جنييييييت....  وووو ....ماااالي..... مهستراااااا...... وبددددي..... مووووووتك..... كماااااان ...... موووو عضك بس .... وهاااااا خوووووود لقلك 😤

وقفت على حرف من الجنينة ونطيت عليه بكل قوتي وعزمي   بهديك اللحظة ما تخيلت حالي الا جاااكي شااان 😎

وقع عالارض ملهم ووقعت فوقو وكان عم يشدلي شعري 

اطلعت عليه وانا بحالتي الهستيرية وعم خبط بإيديي على وجو واضرب فيه  كان عم يحاول يتجنب ضربي بس كان عم يشدلي شعري ويحكي حكي انا ما استوعبت حكيو لانو كنت مشغولة بحركات جاكي شان هيييييييياااااااااع هووووووووووو ياااااااااع ايااااا   ايااااااااااا هووووو يااااااع 

 فيكن تقولو كان صايبني جنون البقر والعياذ بالله   الله يبعدو عنا وعن امة محمد اجمعين قولو امين يا جماعة هاد المرض خطير  مالو دوا 😂

استنفر ملهم وفتلني بحركة سريعة  وصرت انا عالارض وهوي فوقي ومسكلي ايدي وثبتن عالارض 

ملهم : لك شووو صررررلك جنيتيييي شببببك وييين عقلك حلو منظرنااااا هييييبك بين الناس يعني شووو رح يحكو عنا هلأ  ردييي شوووو

 

خفت من تعابير وجو لملهم 

اول مرة بشوفو جدي هل قد دائما" بكون هداك الشب المرح الي بجنني بحكيو 

و بيسحرني بنظرة من عيونو اللماعة  وابتسامتو يلي بتكركبني كلما بيبتسملي  ما كانت موجودة اختفى ملهم يلي بعرفو وصار في شخص تاني اطلعت فيه بحزم  وما حسستو بخوفي والتفتت لعند الناس يلي كانوا عم يتفرجوا علينا وانا لسا مبطوحة عالارض وملهم مثبتني عقدت حواجبي... وتابعت   

فتون : اااااي يلاااا قولولي شو بدكن تحكو عنااااا   اااااه 

يلاااا ردوووو     لييييش ساكتين  يلي عندووو حكي يحكيييي هلأ بوجنا مو بقفااانااااا        شوووو     مارح تحكووو    حدااا عندو حكييي

 ما حدااااا  حلووووو هيك تمااااام

الكل كان عم يتفرج علينا  منن عم يتبسمو ومنن معصبين من منظرنا فوق بعض ومنن عم يضحكو ويتهامسو بين بعض 

لفيت وجي لملهم واطلعت بعيونو بكل ثقة وحدة 

فتون : شوف ما حدا حكاا معناها مارح يحكو شي علينا قوم عني و خليني اضربك بلكي بتموت وبخلص منك 😠

ابتسم ملهم هديك البسمة يلي داااائما" بكركبني فيها وببقا ساعات لنظم دقات قلبي من بعدا 

ورجع عقد حواجبو وبلش يحكي بصوت عالي 

ملهم : بتعرفي انك اكتر حدا مجنون بهل بلد 

وبتعرفي انك احلا بنت بالكون كلو 

وبتعرفي انك بتشبهي ولاد الصغار  ببرائت وجك وعفويتك  وعصبيتك وطيبتك وجنانك وهبلك 

وبتعرفي انك  ملاك مفترس ماشي عالارض

وبتعرفي انو من اول مرة شفتك فيها ما عاد عرفت طعم النوم وانا فكر فيكي 

وبتعرفي انو هديك التفاحة كانت اطيب تفاحة باكلا بحياتي ولهلأ مخبي حز منها لطعميكي ياه بايدي 

كنت عم اسمع كلامو وقلبي عم يدق بكل ثانية ميت مرة صافنة بعيونو وعم حس بكل حرف عم يقولو ضعت بين حروفو وكلماتو

 تشتت عيوني وما عاد رف جفني ولا مرة

 ما بدي ضيع  ولا ثانية  بهل لحظة 

ملهم : فتون سمعيني منيح 

وانتو يا بشر  كونو شاهدين عالكلام الي حأحكي 

فتوون .. انااا ....  بح...

يتبع....

                  

*الجزء_الثامن*

ملهم : فتون سمعيني منيح 

وانتو يا بشر كونو شاهدين عالكلام الي حأحكي 

فتون .. انااا ....  بح...

ايهم : مللللللهم هاد انت هووون 😮

ما هذا يا اخي !..؟ 

لما لا تأخد قيلولتك في المنزل بدلن من الطرقااات 😮

ملهم  .....

ايهم : ابوووووووو مينو هاااي تحتك 

فتوووون 😳

خخخخخخخخخ ليش هيك منظركن😂

وصلت مواصيلكن تتخانقو بالشااارع هههههههههه قومو قومو بكفي فضايح لليوم بكرة بتكملو  😂

هات ايدك لك خاااي 

نعم يا سادة نعمممم  يا احبتي انه ذاك الكائن اللعين (ايهم) 😑

لقد افسد هذه اللحظة لي ولكم يااالا غبائه 

رووووح يا ايهم يا ابن حفيظة السمحاقي ان شاااااء الله بتسهل بليلة  عرسك وتقضيها بالحمام وما تلاقي دوا 

 يا قاتل اللحظات الجميلة👐🏻🙄👐🏻

قولو امين احسن ما قول ولكم بالمثل هااا😑

كل الموجودين في الشارع  انصدم من الي صار وما توقعو يكون هيك نهاية المشهد متلكن يعني

كانت صدمة خماسية الابعاد الله عليك يا ايهم 

 سحب ايهم ملهم من عن الارض وبقيو عيون ملهم عم تتطلع فيني 

ياااالطييييف على عيونو شو كانو  حلوين وعم يبرقو برق و  يحكو كلمات 

ما قدت ترجم منن  ول

ا حرف غير جملة وحدة بس كانت واضحة

  ( الله يلعنك يا ايهم ) 😁

معو حق صراحتا" انا لو علي بقوصو وبلفو بسجادة وبزتو بالنهر  😌

ملهم : هاتي ايدك 

فتون .....

ايهم : شبها هي مسطولة  وقعت بالساعة يعني 😂

يلا يا جماااعة كل مين على شغلو خلص العرض لليوم بكرة منكمل ان شاء الله الله معكن نورتوناا 😂

ايهم : فتووون يلا قومي حاج دلال ولا عجبتك القعدة  بالشارع ههههه

قمت وغضيت نظري عن ملهم وحاولت جاهدة انو ما خلي عيوني يتلاقو بعيونو  وما سمحتلو يساعدني ومشيت بسرعة  عالبيت ورجعو هنن معي بس انا كنت بالمقدمة وتنيناتن عم يمشو وراي 

كان كل الطريق ايهم عم يحكي ويضحك ويحكيلنا كيف كان يومو وملهم ملتزم الصمت ولما يحكي ما تتجاوز كلمتو الحرفين  وانا كوني عم امشي لوحدي ما شاركت باحاديثن  وصل كل واحد فينا لباب بيتو 

وانا عم فوت لبيتي كان ملهم عم يطلع علي وعم يسكر الباب ببطئ

اطلعت فيو ودرت وجي وسكرت الباب ومن بعدا سمعت صوت بابن 

دخلت غرفتي وصرت فكر بيلي صار بيناتنا 

اطلعت على وجي عالمراي وصرت حاكي حالي

لك اديشني حمارة وغبية  لك ليش ضربتو

 يعني واذا جنكلتو الست رغد

لا ما بصير تجنكلو  😐

لك معقول انا كون بحبوووو لملهم 

لاااا لاااا مستحيل انا ما بعملا من ورا ضهري اصلا" انا بكرهو هوي وابو تفاحة نمبر 1 😌 

طيب  ليش انحمقت عليه هل قد 

ليكون عم غااار عليه 😱

لا اكيييد انا جنيت شو غار ما غار بس يعني كل ما هنالك انو كنت بدي صون ابن جارتنا من هيك حرباية مشان خالتو ام ايهم والله حرام ما بتستاهل هيك سرنوة اي هاي كل القصة 😌

 لك ويعلى جدبتي شو بهيمة وهبلة وما بعرف اتصرف 😞

رميت حالي على تختي وتخبيت تحت الغطا ورجعت بذاكرتي و وقفت عند عيون ملهم ايييييييه شو حلوين وهنن عم يبرقو

 وانعادو كلماتو  بادني متل الالحان 

كنت عم اسمع صدا صوتو  كيف كان عم يحكي معي وهوي معصب ادام كل الناس وبدون ما يستحي 

مضى النهار وانا عقلي مو معي 

في اليوم التالي 

صحيت وجهزت حالي ونزلت من البيت 

اطلعت على باب جارتنا والتفتت ونزلت 

اول ما وصلت للشارع 

اتفحصتو من اولو لاخرو لعلي اجد ملهم  بس ما كان موجود متل امبارح واقف عم يستناني

حتى ما كانت موجودة ريحة عطرو  

تابعت مشيي لوقت وصلت للمكان حادثة امبارح 

وقفت وصفنت بالارض ورجعت بزاكرتي 

كيف كنا مبطوحين وكيف كانو الناس عم يتفرجو علينا وكيف كانو عيونو عم يبرقو وريحة عطرو الي تعلقت بتيابي 

وقفت وسحبت نفس طوييييل بلكي بتكون ريحة عطرو بعدا عالارض 

بس عبس ما كان في ريحا غير ريحة البقدونس والجرجير فايحة من الدكان الي عم يفتحا صاحبا وكان في ريحة بتأكد انو مر قبل شوي مدري حصان مدري حمار هوي وعربيتو لانو في دعبيل عالارض فواحة شكلو عاملا ابن المنظومة  🙄

تابعت طريقي لوصلت عالمدرسة وريتو دعسني الحنتور وما كنت وصلانة 😔

فتت عالمدرسة وكانو البنات عم يطلعو علي بزيق عيونن ويتهامسو 

بين بعض 

اكيد عم يحكو عني بالخير لا شيئ سوى الخير    الخييير فقط 😌

وصلت لصفي وبلش مسلسل الدراما 

رغد : اهلين فتون خانوم والك عين تجي كمان 😏

رهف : مو معقوووول شو وقحة 

بتتمسكن لتتمكن ورا هل وج البريئ😒 

غصون : يلي مثير فضولي بدي اعرف كيف قدرتي تخدعي الاستاذ ملهم وعاملتي متل الخاتم باصبعك 

اديشك وحدة مخباية بتيابك اااخ بس لو يعرف الاستاذ ملهم شوفي ورا وجك البريئ هاد لكان دعس عليكي من زمان 😒

كنت عم تابع حكين وملتزمة الصمت وعم رتب كتبي واقلامي عالمقعد وما قاطعتن ابدا" لوقت فار الدم لراسي  وصار لازم ادخل و وقفن عن حدن

رغد : ليكي حبيبتي امبارحة كان استاذ محمد موجود من اول ما بلشتي حركاتك الشيطانية وكان عم يتابع بكل تمعن واكيد رح يستدعي اهلك ليحكيلن ويربوكي من اول وجديد 

عملتي هيك امبارح و كان هدفك انك تلمسي الاستاذ ملهم

 ونحن مو غشيمين منعرف خبثنتك 

ضميت كفي وعقدت حواجبي وكان وجي احمر وعيوني عم ينقطو سم 

وضربت عالمقعد بكل قوتي وحكيت وانا معصبة  

فتون : سمعي انتي وياها وياها اذا بترجعو بتحكو عني بهل شكل اي والله والي اسمو الله لطلع بلعومكن بايديي  وطعمي للقطط الي عند اللحام بحارتنا 

ولقد اعذرة من انذة

وبالنسبة للاستاذ ملهم مافي شي من الي ببالكن

 وشيلو هل غيمة السودة من راسكن 

رغد : ههههههه والله ضحكتيني قلتيلي مافي شيييي 

التفتت رغد لعند الطالبات وبلشت تعد وترش علي 

رغد : سمعو يا بناااات سمعووو

قال فتووون مافي شي بينها وبين استاذ ملهم 

قال يعني ما شفنا بعيونا كيف كانت عم تحضن فيو مفكرتنا  بهايم ادامها وشاطة ريالتنا 

اي والله والله على شوي وكانت حتبو...س

وقبل ما تكمل جملتها ضربتا كف مخمس خماسي الابعاد و ون وننن بين الحضور ورح يبقو ادنيها يطنو لخمس سنين سلف لقدام 😌

فتون : سمعي وليه وانتو كمان سمعو هل كلمتين وحطون حلق بادنكن  انا سكتلكن كتير بس طفح الكيل 

وعيني احمرت منكن ميكن هااا 

واذا بسمع حدا حكا عني بالمنيح او العاطل اي بدي ادبحو واشطف درج بيتنا بدمو فهماااني

ن 

وانتو لسا ما بتعرفو مين فتون 

و بدكن تعرفوني 

تتجرأ وحدة منكن وتحكي ولخليها عبرة لمن اعتبر 

وانتي انسة رغد شايفة هاد الكف الي اكلتي هاد مسطرة عن الي ممكن اعملو فيكي اذا بتعيديها

هجمت علي رغد وبلشت بدا تضرب فيي والبنات بلشو يبعدونا عن بعض ويخلصو رغد من بين ايديي

لوقت سمعنا ذاااك الصوووت 😶

المووووت قد اقترب المووووت 

استاذ محمد : ولك بسسسسس

شو هااااد   شو هل المسخرة هي 

ليش هل الصوات كلااا 

مين المسؤول عن هل شي 

جاااوبوني 

 بلعت ريقي وبلشو رجلي يرجفو 

وكان عندي يقين انو قربت زيارتي لعند جدي الله يرحمو 😭

جااااييتك يا جدووو جااايييتك 

كان الاستاذ محمد الو قيمتو بين الاساتذة وكان الو هيبة فظيعة بين الطلاب بالرغم من انو حنون وقلبو طيب بس لما يعصب غير ربنا ليفك عقدتو 

استاذ محمد : يلي كان عم يضارب يجي لعندي 

الكل ......

استاذ محمد : ما بدكن تجو طيب ماشي انا بجيبكن بطريقتي

يلا مو مشكلة اصلا" انا اشتقتلو لجدو 😢 ورح اخدلو  معي فستق حتى هوي ياكل وانا اضحك عليه 

مسكت رغد من عكسا و وقفت ادام استاذ محمد 

فتون : نحن  استاذ 😓

استاذ محمد : شي حلو 

والله اول ما فتت  فكرت حالي مخربط  بالشعبة وفايت لعند صبيان مو بنات وقلت اكيد مالي نايم متل العالم والناس طلعو لبرا لوقت اجيكن 

طلعنا انا ورغد وكنا عم نستنا استاذ محمد ليجي ويقيم علينا الحد

فتون : ان شاء الله عجبك الكف انسة رغد 😊

رغد : فتون خرسي مالي ناقصتك😒 

فتون : طيب ماشي حياتي

 بس شفتيلي خدك كيف محمر و ورمان وشعراتك كيف طالعين نازلين ومنكوشين وشايفتيلي هل كم عضة على ايديكي

 هدووول ولااا شي ادام الي رح اعملو بس تفتحي تمك بحرف عني بالعاطل ماشي يا عمري😏  

رغد : يقطعو للسانك خرسي اجا الاستاذ 😒

طلع استاذ محمد وكان لسا معصب 

استاذ محمد : الحقوني عالادارة

فتنا عالادارة والحمدلله ما كان في حدا غير الاستاذ محمد ورغد

استاذ محمد : اي يا حبابات اي يا مأنثات اي يا اديبات مين فيكن بتحب تبلش وتحكيلي من الاول 

فتون رغد ......

استاذ محمد : طيب ماشي انا رح اختار 

تفضلي يا رغد احكي 

رغد : .......

استاذ محمد : تفضلي يا فتون احكي 

فتون : ........

استاذ محمد : ما بدكن تحكو طييييب 

فتون : استاذ انا رح احكي 

رغد : كذابة استاذ كذابة ما تصدقا 

استاذ محمد : شو ياه  انسة رغد ليش كذابة من قبل ما تحكي 

رغد : .......

استاذ محمد : فتون احكي لشوف 

فتون : استاذ رغد كانت مضيعة عقدة شعرها واتهمتني فيها

 بس لقيناها وكانت موقعتا بالارض وليكا معي😷

استاذ محمد : امممم بدك تقنعيني انو نتفتو بعض مشان عقدة شعر 

بسيطة رح حاول صدق 

شو يا رغد بتحبي تعدلي شي او تزيدي او تغيري تفضلي 

رغد : ......

استاذ محمد : استحو ولاد الشوارع ما عملو الي عملتو 

كنت قول عنك يا رغد واعية وفهمانة وعاقلة بس طلعتي غير هيك تماما" 

وانتي يا فتون مارح تبطلي مشاكل ما بيتعبو ايديكي من الضرب 

كل يوم لازم تضربيلك كم شخص 

ما بصير تمرقي كم يوم بلا مشاكل اه 😠

عكلن مارح تفلتو من العقاب ورح استدعي ولي امركن وخليهن هنن يتصرفو معكن بالاضافة للعقاب الي رح تاخدو مني 

فيكي ترجعي على صفك يا رغد 

فتون  انتي خليكي عاوزك

سمعتووو اكيد بدو يسفرني لعند جدي المرحوم 😞

وزعو حلو مشكل على روحي يا جماعة

 وفي عشرة وخمسة بخزانتي وزعوهن للفقراء والمحتاجين بمعرفتكن  😥

استاذ محمد : اي يا فتون احكيلي شو القصة بعرفك ما بتكذبي 

لك هاد مجنون كيف بدي قلو انو كنا عم نتخانق على ابن اختو البهيم الله يحسن كبرتنا ويمدنا بالعقل الصالح🙄

فتون : متل ما قلت قبل شوي استاذ 

استاذ محمد : اممممم وملهم !،،؟

بس قال ملهم وقع قلبي بين رجلي 

اجرووو    يا جماااعة ااااجرو 

وصيتي يكون الكفن الو جيوب وحطولي هاتفي بالجيبة بدي اخد سيلفي انا وجدي  😓

فتون : م....ملهم استاذ😥

استاذ محمد : اي ملهم الي اجا يوم الفحص ابن اختي جاااركن استاذك تذكرتي

فتون : اي تذكرتو استاذ 😓

استاذ محمد : انا خليتك هون مشان اعطيكي علامتك 

صلحتلك هية من بعد ما اصريتي تعرفي علامتك

لفتني حلك للورقة وذكرني  بملهم ايام الثانوية  

متل حل ملهم لما كان بعمرك كان يبهرني بالطرق الي يستخدمن واختصاراتو وتنسيقو للحل كلن واهتمامو بادق التفاصيل شفتن بورقتك وانا كتيير مبسوط من تحسنك بهل سرعة 

وهاي ورقتك تفضلي بس قبل رح حط اسفل الورقة ملاحظة لاستدعي ولي امرك وبتجيبيلي ياها بكرة موقعة فهمانة 

اخدت الورقة وكانت علامتي 58 

لك اي اي 58 😍

 اول مرة بشوفا  ضميت الورقة وبلشت بوسا ونط متل السعدانة من الفرحة   وهيييي هييي هييييي 

لك دخيل ربك يا انا ولك تؤؤؤبشينيي امواه امواه امواه 😍

وانتبهت لحالي شو عم اعمل 

و وقفت ونزلت راسي للارض 

كان الاستاذ حاتط ايدو على جبينو ومخبي وجو وباين عليه كيف بلش يرتفع ضغطو ورح تصيبو جلطة قلبية ثلاثية الابعاد😬

فتون : عفوا" عفوا" استاذ تحمست زيادة 😅

استاذ محمد : بدي منك تبق

ي على هل مستوا وما تتراجعي ورح توعديني بهل شي

فتون : اي استاذ حاضر بوعدك ان شاء الله 😊 

استاذ محمد : بس اذا بضلك هيك عم تضربي بابن اختي مارح تبقي بهل مستوا من امبارحة متهمزلك على بهدلة بخصوص هل موضوع 

انتي كيف هيك بتعملي ادام الناس باستاذك 

خطف البسمة من بين سناني  ينعن حجارو 😓

فتون : .....

استاذ محمد : اجا لعندي ليطمن و يشوف علامتك ويخبرني انو عم يأشرف على تدريسك وبالاخر بتكافئي بقتلة

 سود الله وجهكي

لو اعرف هيك رح تعملي بابن اختي ما كنت قلتلو ينزل للبلد 

فتون : .......

بالفعل سود الله وجهي 🌚

استاذ محمد : انصرفي وما بدي هل شي يتكرر مرة تانية لا بالمدرسة ولا بالشارع 

فتون : حاضر 😓

خلص يومي بالمدرسة ورجعت عالبيت درست ونظفت البيت وقعدت مع امي

*يتبع*

أول عداوة وأول حب 

الجزء التاسع والجزء العاشر

الجزء التاسع

فتون : ماااميتو يا ماااميتو ☺

ماما : من الاخر من الاخر بسرعة 

بعرفا لهل نبرة  شوفي وراها 😒

فتون : له يا عسل انتي يا قشطة 

 مافي الا كل خير 😊

ماما : معناها في شي 😒

فتون : لك امي بتعرفي انو عمرك 35 وما باين عليكي وباين انك اختي او من جيلي 

حتى بتصدقي لما كنا رايحين من يومين عند خالتي بهية

 شافتنا رفيقتي عالطريق وما صدقتني لما قلتلا انو انتي امي ☺

ماما : بربك شو قالت احكيلي 😃

فتون : كانت عم تخطب لاخوها وبدها تختار بينك وبين بنت تانية بس خطبت هديك البنت لما عرفت انك متزوجة بابا ومخلفة منو هديك الحسبة 😌

ماما : ولك مقصوفة الرقبة تعي لهون نحن ايمت رحنا لعند خالتك بهية 

لك اصلا" مينو هااااي بهية 

ليكون امي الله يرحما خلفتلي اخت وما حصلي الشرف وتعرفت عليها 😑

فتون : ااااي شبكي امي تصطفلي ما تصدقي بس اذا زعلانة عالعريس الي راح من بين ايديكي بدبرلك غيرو ما تعتلي هم وبالنسبة لابي منزوجو وبدبر راسو  هاا شو قلتي  😬

ماما : ولك بهيمة تعي لهون بدك تجوزي ابوكي وتجوزيني لك انتي ما ضل عندك حيا اااه 😑

فتون : يعني يا امي يا عيوني يا نضري يا كبدي يا معلاقي ما مليتي كل يوم بتتصبحي وبتتمسي بنفس الاصدار       بدلي على اصدار احدث وصيري كل فترة بدلي شبنا ام حازم😏

اي والله انا مليت عنك شي بطقق ولووو 😌

لقد كانت كلماتي الاخيرة قبل استئصال لساني من شرشو دون اي ادات تخدير

 تمت العملية بنجاح من قبل الجراحة نبع الحنان

 للاستفسار اتصل على الرقم زيرو زيرو زيرو زيرو ستة ستة ستة ستة تمنية تمنية تمنية زيرو

 وشكرا"😶✋🏻

كنت مفكرة حالي عم كحلا وارسملا ايلاينر كمان طلعت عم اعميا واقلعلا عيونا ما كنت متوقعة امي ما بتحب التجديد الله يصلحا🙄

فتون : خدي امي برضااااي عليكي ابوس نبض رجليكي طجيلي توقيعك هوووون 😊

 وبكرة شرفينا بزيارة عالمدرسة سمعت عم يوزعو بيجمات شتوية بالمجان شو قلتي بتجي 😁

ماما : هاتي لشوف شو هل ورقة 

شووووووووو هااااااد احئ احئ احئ جيبيلي كاسة مي بسرعة رح موووت 😵

فنون : شبك شبك وكأنك شفتي جني 🙄 

ماما : بنتيييي اناااا اخدت 58 بالهندسة مو معقوووول مالي مصدقة

بس ليش الاستاذ كاتب هل ملاحظة هون

اكيد لانك غششتي وكشفك وبدو ياني اجي ليشحورلي وجي من عمايلك الناقصة يا ناقصة 🌚

فتون : لا امي بس بدو يهنيكي على هل خلفة ☺

ماما : رح روح بكرة ولشوف شو بدو مني واذا بتكون هل علامة مو انتي جايبتيا من عرق جبينك والله لقول لحازم وخلي يقطع عنك الدروس الخصوصية 😐

فتون : لك يوووم هاي العلامة من عرق ايديي اسألين اذا بدك اسألين 👐🏻🙄

ماما : صحي فتون ما بدك تروحي اليوم تدرسي عند ملهم 

فتون : اي... لأ..... ما بعرف..... 😅

ماما : اي   لأ   ما بعرف 

بنتي وانتي ورايحة عالمدرسة بيوقع منك شي 

 متل مخك مثلا" وبترجعي بدونو 🙄

بدك تروحي إلا لأ مشان اعرف اعطيكي المصريات 

فتون : خلص رح روح هاتي المصريات والورقة مشان فرجي ياها 😌

ماما : المصريات عالرف بالمطبخ جنب الكاسات

فتت على غرفتي وشوي يقلي عقلي روح وشوي يقلي ما تروحي لوقت قررت روح 

طلعت من الخزانة  روب مخنصر لون احمر وشكلت شعري على جنب وفردتو على ضهري وخليت الغرة على عيوني 

وانطلقت لبيت ام ايهم 😁

طق طق طق 

-- أهليييين فتون والله 

فتون : اهلين فيك 😊

-- تفضلي تفضلي 

فتون : يزيد فضلك 

فتنا عالغرفة وقعدنا وما حدا حكا فينا كلمة

 ضلينا ساكتين لمدة ربع ساعة 

واخييرا" تلحلح وبلش يحكي بس فورا" قاطعتو وبديت انا 

فتون : ملهم انا كتيير خجلانة منك عن المرة الماضية انو يعني لما كنا بالشارع انا كنت بس بد...ي

_ فتون انا ما ...😥

 فتون : خليني كفي وبعدون انت بتحكي 😓

_ بس اناااا ... 😥

فتون : لك خراس شوي خليني رتب افكاري ينعن كفرك 😤 

_ بس بدي قلك انوو... انا  😢

فتون : لك شبك ما بتفهم لا تجنني خليني خلص لسا متل الدب بتقاطعني 😠

_ ........ 😶

فتون : ملهم انا وجي اسود منك من الشي الي عملتو امبارح 😔

وكتير ندمانة وخجلانة

بس خلص انا قررت رح اعتذر منك رغم انو الاعتذار بالنسبة الي كتيير صعب بس مو مشكلة وح اعتذر لانو بعرف حالي غلطت معك وما كان لازز...م 

_ فتون فتون انا مال.... 😥

فتون : لك قوم اقتلك ادبحك اشويك افرمك شو اعمل فيك

 بالزور عم جمع هل كم كلمة ورتبن مشان قولن لحضرتك بتجي انت بتقاطعني وبتلخبطلي كل سلسلة افكاري 😤

_ بس يا فتون انا ....😥

فتون : يعني قوم جيب جرابات ايهم وحطن بتمك لتسكت والله عيب عليك خليني اعرف احكي ولووو 😠

_ بس اناااا هو....😥

فتون : الله ربببببببي اللله رررربببييييي ولك هووووووووس 😤

_ .......😶

فتون : ملهم هات ايدك خود هدول 

هدول حق تعبتك معي بالدروس 

وانا خلص ما عاد اجي لعندكن وازعجك 😔

وشوف هاي ورقة الاختبار حصلت 58 ناقصني علامتين بس 

عنجد شكرا" الك ما بعرف كيف بدي ردلك هل معروف 

جيت مشان تكافأني او خلص م

ا عاد بدي مكافأة 😞

انا وحدة ما بستاهل لاني هبلة وغبية وانا خلص قررت ما عاد خليك تشوف وجي بعد اليوم واذا بدك بهج برا البلد او بنتحر وبخلصك مني طول العمر  😔

وانا بدي اعتذر منك لانو ضربتك وخليت الناس يتفرجو علينا 

انا ما كان قصدي هيك بس انو يعني انت ورغد استفزيتوني وكنت انت غليظ زيادة عن الزوم

 متعودة عليك غليظ بس مو غليظ دبل وانت بتعرفني نيرانية ودغري بحما وببلش ضرب يعني الحق عليك انت ما كان لازم تصف لصف رغد وانت بتعرفنا انو تنيناتنا اعداء 😔

اي وبخصوص الحكي الي حكيتلي ياه عنجد شكرا" بس انا ما بستاهل كل هل مجاملات لانو انا وحدة طشمة بس خلص انا عنجد  بحس انو انا وانت لازم...

_ لك فتون سمعيني شوي انا مال..😥 

فتون : لك انا مو عباكل هوا وبلعي خليك سيكت 😤

_ :..... 😶

فتون: ملهم انا بعترف اني كنت غلطانة وبد...ي 

-- لك يا فتون سمعيني والله انا ....😥

فتون : هفففففف امنت بالله على هل النهااااار وبعدون معك قلتلك بالدووووور

 بس خلص انا بيجي دورك انت وبتلعي براحتك 😤

-- تسطفلي ....😶

فتون : ملهم انا عنجد بدي قلك انو اناااا   يعني اناااا بقصد يعني اناااا 

اناا    أ......   أ......    أسس...

أسسسس ااانااا أسس.... أسسف...

ملهم انا أسسس... أسسسسفففة 😖

واخيرا" قلتا  😃

وبخصوص هدوليك الحرفين (ب_ح)

الي ايهم ما خلاك تكملن انا عرفت شو بدك تقول

 ملهم وانا كمان بح..

- لك يا مجنونة انا ايهم مالي ملهم 😡

قاطعني ايهم وانا متل الجدبة مو صاحية على حالي شو عم احكي وعلى شوي كنت رح اعترفلو انو انا بحب البحيرة اي اي البحيرة شبك انتي وياها ان شاء الله مفكرين رح قول بحبك هئ ما حزرتو 😌

فتون : دييييي بربببك😶

ايهم : اي بربي شو الي ساعة بدي غني بالطاحون وانتي متل الدبة مستلمة الطاحون من بابو لمحرابو 😒

فتون : ما عرفت تقلي من الاول 😠

ما شايفني اديش تعذبت وتعصورت لوقت قلت هل كم جملة 😭

ايهم : قال كم جملة قال

  اي قولي خطبة جمعة مو هيييك 😒

فتون : لك شو اعمل فيك انا هلأ اقتلك كبك من الشباك دجلك راسك بالحيط لاشفي غليلي منك شو اعمل ااااه ليش ما حكيت من الاول انك بطييييخ 😠

ايهم : لك الي ساعة احاول اقلك اني ايهم وانتي تشعوطي متل المجنونة وتسكتيني وكنتي رح اطعميني جراباتي كمان😒

ملهم ما هون عندو شغلة ويمكن يطول ليجي 

فتون : اممم طيب هات هدول من ايدك لانو بعرفك رح تخرجن على كرشك 😒👊🏻

ايهم : ههههههه اي خدين 

 

فتون : ايهم ليك انا يعني بدي منك انو ... يعني انا .. ما ...   انت .. لا  😥

ايهم : خلص فهمت عليكي رح اعتبر حالي ما سمعت شي يلا دربلي من هون ههههههههه 😂

فتون : يكتر خيرك 😷 

ايهم : رياااان احمر يا ريااااان 😆

ليكو كيف احمرت 😂

فتون : غليييييييظ 😳

طلعت من عندو وانا حاسة حالي قد الكمشة من الي عملتو 

واضرب على خدودي على هل جدبنة 😤

يعني حتى لو كان ملهم ما لازم احكي هيك وبااا  اديشني حمارة

وانا عم سكر باب بيتن اجا ملهم من وراي بلمح البصر ووقف ادامي 

ملهم : يسعدلي هل مسا 

فتون : ومساك 

ملهم : كيفك !¿ 

فتون : تمام وانت ،!

ملهم : هلأ صرت منيح 😏

فتون : اي تمام بعدلي  هيك بدي روح على بيتي😶 

ملهم : شه شه شه على هل حكي ليش مستعجلة😮 

فتون : مالي مستعجلة بس تاخرت 😶

وقف ادامي ولزقني بالحيط جنب باب بيتن وحط ايديه على الحيط وحاصرني وصار يطلع بعيوني ويبتسم 

انا حسيت نااااااار وشعلت بجسمي وارتفعت حرارتي يمكن لانو شوب😁 

وصرت حس دقات قلبي من قوتن حيطلعو من ادنيي

وريحة عطرو شلتني شلللل ما عاد طلع معي ولا حرف  جمدتني بارضي وكانها ابرة مخدر

 عيونو نظراتو عطرو انفاسو حكيو برودة اعصابو قربو ابتسامتو سحرو كلشي فيو كان مكركبني وكأنو مغناطيس ادامي بيسحب كل قوتي لما يقرب مني 

ملهم : بما انو صرنا لحالنا واخيرا"

رح كفي الحديث الي ما قدرت كملو امسيات بسبب اخي الجحش 

بس قبل جاوبيني وبصراحة

 ليش ضربتيني ؟

 كل هل قد بتغاري علي ،!؟،!؟ 😏

فتون : ا.. انا .... اناااا مااا ...😶

ملهم : شبك شبك ارخي حالك ليش متوترة هيك           عم نحكي بس

لسا  ما بلشنا 

فتون : انا .... اناا ماااا ... مااا   متووترة وماااااا.. بغار عليك😥

ملهم : اممممم ما متوترة لكن 😏

قرب علي وانا على شوي حيغما عليي واوقع من طولي

ملهم : امممم مبلى بتغاري 😏

فتون : لا ... لاااا ما بغار 😶

ملهم : يعني بكرة اذا عزمتك على خطبتي انا ورغد مارح تلبسي حزام ناسف وتفجرينا 😏

بس قال اسم هل حرباية رغد دغري انتفض جسمي وعقدو حواجبي وانفكت عقدت لساني 😤

فتون : لا مارح البس الحزام انا

بدي حط عبوة ناسفة ببوكي الورد ومفخخة عالاسكي وخليكن تفقعو لحالكن وانا اقعد اشرب عصير بالتفاح واتفرج عليكن من بعيد 😐

ملهم : هههههه كل هاد حتعملي وقلتيلي ما بتغاااااري  

اي لأ يا سيدي بتغاري ومو شوي كتيير 😏

فتون : لأ ما بغار 😤

ملهم : طيب ماشي ما بتغاري بس شوي 😏

فتون : ولا حتى شوي 😤

قرب عليي  اكتر وضل

فواصل صغيرة بتفصلنا عن بعض وانا صارت حرارتي فوق ال  40 درجة مئوية يمكن لانو شوب وقلبي صار بدو عداد ليحصي عدد دقاتو بالثانية 😷

مسك بايديه خصل من شعري واخد نفس طويل 

ملهم: اللللللللله شو حلوة ريحتن 

فلتن من ايدو وقرب اكتر 

ملهم : فتون انا من لما شفتك اول مرة جذبتيني لانتقم منك صراحتا" 

بس كلما قرب منك اكتر تسحريني و انسا كلشي

 وحتى صارت غايتي اني احتويكي الي 

فتون سمعيني اناا.. بحب...

ايهم : يوووووووووووو ما هذااااا هل هذا فلم رومااانص ام انه وثائقي😮

متل مالكن شايفين يا سادة

 ملهم من جديد

 يعود هوا وسماكته😞

فتح باب بيتن وشافنا بهل منظر وقطع عنا اخت الفلم 

هذا الكائن مطلوب حيا" او ميتا" بمكافأة تبلغ قيمتها 5890975690 مليون دولار لمن يأتي به 🙄

ايهم : شكلي جيت بوقت غير مناسب صح😁

ملهم : لك بربي حمار معبا ببنطلونو 😡

ايهم : خلص رح اترككن تكملو خدو راحتكن

 واذا بدكن بشغللكن الوناسة الحمرة بعملكن جو يعني 😁

ملهم : اااااييييييههههههممممم 😡

سكر الباب ملهم بايدو وحط ايد عالعين الساحرة وايد خلاها عالحيط محاصرتني 

ملهم : خلص رح قولا وبدون مقدمات  وارتاح بقا 😠 

فتون انا بح...

فتون : انت... انت... بحيرة بحيييرة بحيييييرررراااااا 😣

ملهم : بسم الله عليكي شبك 😟

شو بحيرة ما بحيرة فيكي شي 

خلص اهدي 

فتون انا بح ..

قاطعتو ودفشتو وركضت لبيتي و سكرت الباب وانا لسا عم قول بحيرة بحيرة بحيرةةةةة 😫

والله لطف وما شافني اخي يلي كان ملتهي بتنفيض تيابو  😞

حازم : اهليين جاار 

ملهم : اه.. اهلين فيك 😶

حازم : شو انت ساكن جديد هون اول مرة بشوفك 

ملهم : لا انا بيتي هون من زمان بس مقضيها سفرات وبتردد كل فترة والتانية مشان دراستي واطمن عالوالدة 

انا ملهم بدرس سنة خامسة هندسة 

حازم : اهاااا اي   وانا حازم مدرس مادة الانكلش 

تفضل اعزمك على فنجان قهوة عنا 

كنت واقفة ورا الباب وعم اطلع علين من العين الساحرة وقلبي رح يوقف من الرعبة 

لك شو عم يحكو هدووول اي بدفع نص عمري لاعرف شوووو 😭

 لا ياربي بكفي  ربع عمري بعدي شباب 😥

ولي معقول يكون شافنا اخي 😱

لا ما معقول كان قتلو دغري وعبا خزان المي تبعنا بدمو وتحمم فيو وما كان ضحك معو هلأ

ولك شووووو عم يصيييييير 😫

ملهم : لا غير مرة ان شاء الله 

حازم : لا ما بصير بما انك انت ملهم معناها انت بتعطي اختي دروس خصوصي وما بصير تخجلني هي اول مرة بطلب منك طلب مو هيك 

ملهم : ههههه طيب ماشي مارح خجلك 

لك لعما هدول جايين ناحية بيتنا وللللي وصلو😱  معقول كان ملهم عم يقطع فيي وجايين ياكلو مشاوي على لحمي والله وطلعت واحد واطي يا ملهم 😫

ياااااا اميييييييييي 

فتت على غرفتي وسكرت الباب وقفلتو وحطيت خزانة ورا الباب وقعدت عليها وبلشت اكل باظافيري من خوفي من اخي 😭 

حازم : تفضل تفضل 

ملهم : يزيد فضلك 

حازم : عن اذنك بينما خبرن يعملو قهوة 

ملهم : خود وقتك 

حازم :   طق طق طق  فتون وينك طلعي عمليلنا قهوة الي وللاستاذ ملهم 

هدول اكيد عامليلي كمين وبس اطلع رح ينقضو على فريستن ويشووني على سياخ الكباب 😫 

فتون : اخي انا ما هون مافي حدا بالغرفة 😞

حازم : لك شو صايرلك عم قلك طلعي اعملي قهوة ليش قافلة الباب فتحي 😕

فتون : اخي روح بقا قلتلك مافي حدا هون انا مع امك رحت عند خالتي شو ما بتسمع 😷

حازم : ولك والله لموتك يا كذابة فتحي الباب ما حلوة استاذك عنا 

يعني اتركو واعمل القهوة انا 😡

فتون : اي اخي اعملا انت انا ما موجودة خارج النطاق توت توت تووت توووت يرجى المحاولة لاحقن وننننننننننننننننن 😌

حازم : قسما" بالله اذا ما بتطلعي لكسر الدنيا فوق راسك لك فتحي 😡

فتون : ما بدي ما بدي ما بدي وها 😣

حازم : طيييييييييب يا فتون رح اكسر الباب واشحطك من شعرك خليكي تعملي القهوة عشر مراات مااااشي 😡

بلش بدو يكسر الباب واجا ملهم 

ملهم : استاذ حازم خير في شي بعتذر على تدخلي بس سمعتك عم تصرخ 

فيني ساعدك بشي 😥

حازم : لا مافي شي بس مدري شو صايرلا فتون عم تنكت زيادة اليوم وما راضية تفتح الباب وتعملنا قهوة 😤

ملهم : طيب خليني حاول انا معا بلكي بتفتح 

حازم : بعتذر منك بس متل ما شايف اختي شكلا صايبا جنون البقر 

ملهم : لا عادي انا متعود على جنونا 😄

ولي هدول عملو تحالف ضدي وانا ما معي حدا بالغرفة لاعمل معو احتلاف ضدن 😭

احسن شي جيب دبدوبي ونعمل انا وياه تحالف 😥

ملهم : فتووون يا فتووون 

لعما هاد صوت ملهم عم يندهلي 😱

فتون : ما هون 😪

ملهم : شو فتون يعني ما بدك تعمليلنا قهوة وتاخدي مكافأتك

 خالي خبرني عن علامتك 

اذا مالك هون خلص عندي طالبة اسما رغد حأعطيا الهدية الها لانها كمان شاطرة 😏

بس سمعت اسم رغد فزيت على حيلي وقلبت الخزانة وفتحت هل باب و وقفت ادامن 

فتون : لا خلص ليكني جيت 😤

ملهم : هههههههههههههه يلا عمليلنا قهوة ما حلوة اخوكي طلبا منك 

فتون : يعني مارح تاكلو اليوم كباب 😢

حازم : لا اجلتا للمسا لوقت تو

صل امك مشان تاكل معنا خطي ناكل نحن لوحدنا 😤

ملهم : طولو بالكن خلص مرقوها اليوم زيت وزعتر وغير مرة بتاكلو مشاوي 😅

حازم : تفضل معي استاذ ملهم

وانتي اعمليلنا قهوة بسرعة 😒

عملت قهوة وحطيت بفنجان ملهم ملح ليمون ومعلقتين ملح انكليزي

فتون : لشوف يا سيد ملهم كيف حتشربا هه هه هه نهاا هااااي 😈

قلتلي رغد اي خلي رغد تنفعك يا تافه 😌

فتت ومعي صينية القهوة وضيفت ملهم 

فتون : تفضل 😒

ملهم(بهمس) : حاطة اصبعتك فيها هه

فتون : حاطة اصبيع رجلي كمان 😈

ملهم : نعم 😥

فتون : هيهيهيهيهي 😈 

فتون : تفضل اخي 😔

حازم : يزيد فضلك 😒

قعدي بما انو الاستاذ ملهم استاذك 

قعدنا وبلشت راقب ملهم كيف حيشرب اول شفة من الفنجان الساحق الحارق الفالج وناطرة لشوف تعابير  وجو😈

حازم : اي استاذ ملهم احكيلي عم تعذبك فتون 

واول ما سألو اخي كان الفنجان واصل لشفايف ملهم 

تغيرت تعابير وجو وبلش بدو يكح 

بلع بصعوبة وهوي عم يطلع علي و وجو ما بيتفسر 😂 

بتستاهل بتستاهل خلي رغد تنفعك ما حدا يشفق عليه امانة😂

ملهم : ف...تت.. فتت فتوون ما.. ماافي منها😷

حازم : وكيف شايفلي مستواها رح تطلع منها هل سنة 

ملهم : فتون بنت زكية وما بينخاف عليها بس لولا هل كم حركة من الي بتعملن وتشد على حالا شوي وتعقل كنت ما شكيت منها منوب 😑

اي ما احلاك وما كون زكية 😏

جاي عبالي يجي هل مسا وشوف كيف حتكون على ملح الانكليزي هاد

حازم : شو استاذ ملهم كمل فنجانك 

ملهم : اه اي اي يلا عم اشربو 😥

فتون : اي استاذ ملهم خلصو لجبلك فنجان تاني وتشربو😊

ملهم : نعععم.. 😰

صحي جيبي الورقة وخلي خيك يشوف تحسنك 😒

فتون : حااااااااضر 😊

تفضل اخي وهاي الورقة 

حازم : اممممم شي حلو ممتاز 😌

بس شو هاد المكتوب بالاحمر كانو استدعاء ولي امرك اه 😡

فتون : اي هاي ما دخلا بالعلامة والله 😰

حازم : وليه ليكون غششتي 😑

فتون : لا لا بس يعني انو... 😥

اطلعت بوج ملهم وكملت حكيي 

تخانقت مع وحدة تافهة لعينة حقا فرنكين بسوق الغلا لهيك الاستاذ طالب اهلك 😑

حازم : وان شاء الله ما كرسحتيا اختي 

حاكم بعرفك همجية وطايشة والله اعلم ماتكوني مطلعتيلا اللحم بسنانك متل عوايدك 😑

ملهم : ليش الها بالعادة تعض 😬

حازم  : والله مجننتنا بهل عادة يا استاذ من وهي صغيرة لهلأ

ملهم : اهااا اي امممم ههههههههههه مجنونة😂

فتون : شو قلت اه ما سمعت 😕

ملهم : عم قول دايمة عالقهوة خلصت الفنجان وجليتو عنك 😏

خلصو للفنجان وكأنو عم يتحداني حتى الطحل والملح الي لساتو مرسي بارضية الفنجان شربو بس لسا ما شاف شي 😏

ملهم : يلا عن اذنكن صار لازم امشي 

حازم : شو لسا اعدين 

ملهم : لا لا تأخرت وعندي شغلة ضرورية لازم امشي 😅

حازم : طيب براحتك خلينا نشوفك 

ملهم : ان شاء الله 

اجا تلفون لاخي و وصلتو انا لملهم عالباب 

ملهم : شو ياه حاتطيلي بالفنجان ملح 😏

فتون : اي والله بس بتعرف لسا ما خلصت مفاجأتي لليوم 😏

ملهم : وشوفي لسا اكتر من هيك 😕

فتون : خلي رغد تحكيلك 😌

ملهم : عكل حال بكرة عم استناكي لاعطيكي درس 😏

فتون : ماشي رح اجي وجهزلي مكافأة بدل الي حتعطيا لرغد 😏

ملهم : يلا سلام فوتي درسي ولا عاد تعضي حدا ههههههههه 😂

فتون : غليييييظ سلام 😒

سكرت الباب من هوووون وبلشت الاشغال الشاقة من هون 😞

قعد اخي عالكرسي وقلي اعمليلي قهوة 

عملتلو اول فنجان دفشو بايدو وقلي وقع بالغلط عملي واحد تاني عملت التاني وقلي حلو كتير سكرو زيادة عمليلي التالت عملت التالت قلي خفيف عملي الرابع عملت الرابع قلي متقلتي عملي الخامس وهييييك لصار عملتلو عشر فناجين وتكوم علي جلي للسما 😞

فتون : اخي والله تعبت رايحة جاي بهل الصويني وما كان يعجبك شي وبالاخر بتقلي ما بدك تشرب شربت مع استاذ ملهم 😣

حازم : عكل حال حأكتفي لهون اليوم جزاء عن الي عملتي من شوي بس اذا بترجعي وبتعيديا اي والله لخليكي تعملي طنجرة قهوة بالمقادم وخليكي تاكليا دفعة وحدة بالشرمونة  😒

فتون : لك خلص خلص ما عاد عيديا 

والله التوووووووبة 😫

اجت ماما وساعدتني بالجلي وعملتلنا ملوخية 

استغليت الفرصة لروح عند ملهم وشوف كيف صار بعد الملح الانكليزي 😏

فتون : مامااا عطيني صحن ملوخية اخدو لام ايهم خطي اكيد صوفيا ما بتعرف تطبخلا ياها وبتكون مشتهيتا حراام☹

ماما : اي معك حق خدي وحكترلن ياها مشان ولادها خطي تعبو معنا وعم يتحملوكي 😏

اخدت هل صحنين ودقيت فين لعند ام ايهم تؤبش قلبي 😍

طق طق طق 

فتون : اهلين ايهم كيفك 

ايهم : وشو عرفك ما كون ملهم متل المرة الماضية 😏

فتون : لا لا انت ايهم   ملهم مو فاضي 😌

ايهم : معك حق 😂

اخي من اول المسا بالتواليت ما طلع المسكين ابصر شو اكل 

فتون : بعدلي هيك بدي فوت لعندو اطمن عليه

ايهم : لوين عالتواليت 😶

فتون : لك لاااا... بدي حط هدول جوا 😷

ايهم : اها اي يا سلااام شو هاااي ملوخية 😍

فتت وسكرت الباب وكان في صوت غميق انين  باين لملهم ابصر شو عم يصير معو ي

مكن اعراض الولادة  مغص واسهال سوا  

طقت مية الراس يا جماعة ابعتولنا عالداية ام زكي😂

فتون : امسكلي هل الصينية ايهم بينما  اجي 

رحت عالمطبخ وجبت معلقة 

ورجعت وقفت جنب ايهم 

ايهم : اي وبعدين معك خدي الصينية من ايدي وهاتي المعلقة 😒

فتون : لا لا خليك ماسكة هلأ بتاكل اصبر شوي🙄

طلع ملهم من التواليت ووجو اصفر متل لون التكسي وحاتط ايدو على بطنو وعم يقول اااااااخ 😶

فتون : شو خير شبك شبك😟 سلااااامتك يا استاذي وجاري سيد ملهم 😏

ملهم : لك من وين بدو يجي الخير وانتي موجودة الله لا يوفقك حاتطيلي ملح انكليزي بالقهوة 😣

فتون : يوه على هل حكي انا حاتطلك ملح انكليزي انااا😟

 الله يسامحك بس

 ظلمتني 😔

ايهم اطلع بوجي انا خرج اعمل هيك عملات ☹

ايهم : لاااااااا مو عيب عليك يا ملهم ليش هيك عم تحكي عنها

 ما حبيتا منك منوووب  

فتون ما بتحط ملح انكليزي فتون بتحط سم فيران اجل  😌

فتون : ها شفت متل ما قال هاد الكديش الي ادامك انا بحط سم فيران مو ملح انكليززززي 😌

ملهم : وشو هاد الي بايد ايهم اكل مسمم ولا خالصة مدة صلحيتو 

اخي شيلو كبو برضاي عليك ما ناقصنا ننقل غرفتنا عالحمامات 😒

ايهم : لا اخي هاي ملوخية الي انت بتحبا مافيها شي 😋

فتون : وهاي احلى لقمة لاحلى ايهم وطي وطي ما بوصل لتمك حتى طعميك يخربيتك طولك بطول الزرافة 😊

وهااااااااا همممممم طيبة مو😊

  ايهم : اي اي تيبه به على مهك هوي هوي ما عم لهك بلع عمهل😮 

ملهم : هلأ هيك مارح تخلولي حصة 😶

فتون حطي من ايدك وروحي من هون تاخرتي يلا عالبيت 😡

فتون : ماني رايحة لاطمن على خيك انو شبع 😝

كول كول هاي من ايدي وتغذا 

مطرح ما يسري يمري و يبني ويأسس ويعمر

 ريتو صحة والف هنا 😊

ملهم : فتووووووون روحي على بيتك يلا 😡

فتون : هئ ليخلص الصحن 😊

فتاح تمك فتاح وهمممممممم

ايهم : تركا اخي شو بدك فيا 

هاتي هاتي 😋

ركض ملهم علي ومسكني من ايدي و وجو عم ينقط سم وسحبني لعند الباب فتح الباب وحطني برا 

ملهم : الله معك تأخرتي 😡

فتون : شو يعني هاي تقليعااا 😕

ملهم : اي اعتبريها متل ما بدك 😡

فتون : طيب ماااشي يا ملهم 😡

ملهم : الله معك يلا احطي 😏

فتون : رايحة رايحة 😡

ملهم : روحا بلا رجعا😡

فتون : هاااد الحكي الي 😑

ملهم : في حمارة موجودة غيرك بالطابق   اي الك يعني لمين 😌

فتون : طييييييب يا ملهم بتشوف 😡

ملهم : انتي الي بلشتي الحرب وانا الي حأنهيا 😡

فتون : يا انا حأجلطك يا انت حتجلطني بس الاكيد انو انا الي حأربح وابعتك عالدويرينة  بايديي هدول وبتشوف 😑

ملهم : ايه حنشوف 😑

فتون : باي😡 

ملهم : بايات 😡

رجعت عالبيت وانا نازلة سب فيو 

الله يلعنك شو دب وغليظ بسيطة عم تقلعني انا بورجيك  يا ملهم افندي 

والله لاحرق الارض تحتك 

يا انا يا انت بهل بيناي 😑

وبالفعل بلشت الحرب بيناتنا  وكل واحد فينا يستعرض مواهبو عالتاني 

المسا قبل ما نام طلعت من البيت وتوجهت لمكان صباط ملهم 

 

فتون : لك يا ربي اي واحد فيهن لملهم تنيناتن نفس الديكور والمنظر 😥

حط بالتنين يعني لا لا ايهم خطي ما عمل شي انا رح اكتشف بطريقتي 

اممممممممم لقيتا رح شمن ويلي بكون الو ريحة جرابات بكون لايهم ويلي مالو ريحة لملهم لانو ملهم على طول بيسرق جرابات خيو المغسولة وببدل كل يوم جوز جرابات جديد

 بينما ايهم من السنة للسنة حسب طقوس مخو ليبدل جوز جرابات جديد 

مافي ادامي غير هل طريقة  

ارجيني هاااد يااااااااع اووووووع اوووووع لك شو هااااد كيماااوي ولي على قامتي رح افطس من هل ريحة هاد ل ايهم اكيد وبدون شك😣

رح شم هاد   اممم في ريحة بس خفيفة معناها هاد هوي 😃 

هههههههه لشوف بكرة بس تلبس صباطك وفيو هل  بودرة شو رح يصير فيك هيهيهيهيهيهيهي😈

فتت عالبيت  ونمت وصحيت وكان عندي عطلة لهيك ما طلعت من البيت وقضيتا من العين الساحرة للبلكون حتى شوف كيف حيكون منظرو واضحك 

شفت مدري ملهم مدري ايهم طالع من البيت وبعد ربع ساعة شفت التاني طلع من البيت 

ايواااااااا وهلأ صار دور الخطة -ب-

رحت لعندن عالبيت لشوف شو ممكن اعمل هنيك واستغل غيابن😏 

فتون : هاي صوفاية 

صوفيا : اهلين ماما فتون 

فتون : لك يعملوكي مامونية نهار الجمعة اللهي انا ماما 🙄

صوفيا : انا احترم انت وقول ماما 

كل مامات انا حبن واحترمن 😊

فتون : روحي اعمليلي فنجان قهوة بس ما تقولي لام ايهم اني هون ماشي صوصو  😊

صوفيا : تؤمر امر ماما فتون بس سو يعني سوسو انا ما اعرف اعمل سوسو 😥

فتون : ولك يعدمني ياكي عم غنجك وقلك صوصو هاي مانها اكلة 

روحي اعملي قهوة احسن ما شوط حالي عالصين لاخلص منك 😕

فتت على غرفتن وكنت عم اتأمل شو ممكن اعمل فيها 😈

وابليس واحفادو واقاربو واجدادو واحد فايت واحد طالع بملف شكل من مخي عم يقترح علي افكار

 يكتر خيرن ما تركوني لحظة صحي انهن عالمره قبل الحلوة  😊

اممممممم شو ممكن تعملي يا فتون شوووو 😈

هلأ اول شي لازم طلع العدة الي معي حتى بلش خطوة خطوة وتاني شي لاز

م شفلي شي محل حط فيه هل كاميرا بحيث ما يشوفها حدا منن 😓

لقيتا بهديك الزاوية ما حدا بقرب عليها كتير ورح غطيها بهدول التياب 

امممم هيك لا لاااااا باينة 

امممم اها اي هيك تمااااام 😃

وهاي خلصت من قصة الكامية اجا دور البقية 😈

رح رش شوية بودرة هون عالمخدة وشوي عالفرشة اي هيك تمام ههههههههه والله بدي ابعتك هل ليلة عالعصفورية يا ملهم  😈

الصمغ نسيت الصمغ وين رح حطو هااد وين وين ويين..... 😓

اها كتابو 

شو هاااد (مشاعر مباعثرة) باينتو حلو هل الكتاب بس رح يصير احلى لما حط صمغ عليه😏 نيييييييييييهاهاهاهااااااييي 😈

يا ترا وين بحط تيابو الداخلية 

اممممممم  وينن 

قميييص قميييص كيلووووت كيلووووت اين انتم يا اعزاااائي وينكن ولوووووو😮📢

ها لقيتن ولي شو هااااد 

لك حتى بتيابن الداخلية بيلبسو متل بعض الله يثبت علينا العقل والدين 😂

اكيد انتو عطشانين يا كتكيت تعو اسقيكن شوية حبر تعووو

اوباااااااااا ممتاااز شو حلوين وانتو ملونين بالاحمر والازرق لشوف شو بدو يلبس بس يجي هل هبيل 😌

وين الكيلوتات يلي عاملينن ممسحات وللتعزيل وييينن والله بتذكر جبتن معي 😥

 

هااا واخيرا" لقيتن 🙃

رح حطلك هدول جنب الوسخين لشوف شو بدك تلبس 😂

هااااد لجارتنا ام فيصل موقعتو من منشرا لعنا الله يهديها 

احمر جخ يا ملهم  😮

وهااااد لحمودة صغير شوي ومنقب شوية كتيرة بس لازم تصلي عالحاضر 😮 

وهاااااااد للبااابااا 😮

كبير شوي بس مو مشكلة خلي ايهم يلبسو معك وتقاسمو قسمة حلالية 😂

وهي حتى ما تقول عني شريرة تركتلك تلت خيارات فيك تختار منن وتلبس 😮

بس بنصحك البس تبع جارتنا ام فيصل باين لسا جديد وما مدعوك  😌

وهلأ صار دور العطر 

وين عطرك يا ملهم ويييين 

ها لقيتو...   ولك اووووووووف يا اميييييي شو طيبة ريحتا  لك ااااااخ بس اديش بحب..😶

شو بحبو ما حبو لك انا جنيت😥 شو هل تخبيص هاااد اكيد حرارتي مرتفة اليوم

 ولازم شفلي شي بيطري يشخصلي حالتي ويعرف شو عم يصير معي لاني عنجد صايرة ما عم انحمل كديشة بكل معنى الكلمة 😤

هاتي لنشوف

لاااا  كلشي الا العطر بلاها 

مافيي اعمل هاي الخطوة 😣

خلص حاحذفا من القائمة ما طاوعني ضميري 😞 

لا لاااااا ما بصير احذف شي معلش رح دوس على ضميري برجلي اليمين وبدل الريحااااا 😭

وهااا يااااااااع اوف 😖

وخلصنا من شغلة العطر نسخة طبق الاصل عن ريحة ال...... 😆

شو بقي عندي كمان اممممممممم اي تذكرت 😃💡

رح بدل كريم الشعر بكريم تنظيف 😬

الله يعينك يا ملهم والله تقطع قلبي عليك بس معليش معليش ليلة وبتمرق رح تكون متل اهوال القبر😂

 اللهم قدرني على فعل الخير وثبت خطاي يا حفيظ يا سميع يا جبار يا قادر يا قهار 👐🏻امين يا رب امين قولي امين انتي وياها وياها 😌

صوفيا : تفدل ماما فتون اهوة صار جاهز 😊

فتون : لا حبيبتي تأخرت بدي ارجع عالبيت بس قبل بدي منك شغلة صغيرة وخايفة ترديني وما تلبيني وازعل منك وروح على بيتي ابكي بسببك ☹

صوفيا : اؤمرني ماما فتون انا في خدمة انت 😊

فتون : خدي هاد الكيس من ايدي وبس يجي ملهم وتشوفي معصب بتغليلو باكبر كاسة عندكن بالبيت منها وبتقوليلو هاي مهدء للاعصاب وبتخلي يشربا كلها وما تقولي انو انا عطيتك ياهاااا والا بتنزعيلي كل شغلي واذا عملتي متل ما قلتلك بالحرف وبدون اي غلط رح اعطيكي شغلة بكرة تفرحك كتيييييير كتييير وكتييير حلووووة شو قلتي😃 ؟!!؟

صوفيا : ماما فتون انت صاير واحد ملعووووون 😏

فتون : ملعون مفتون مجنون مهبول الي بدك ياه بس اعملي الي قلتلك عليه وانتهى😤

صوفيا : ماما فتون انت حب بابا ملهم 😔

انت ليس تعمل فيه هيك 😔

بابا ملهم مزيون وانا حبو وخاف عليه كتير كتير 

فتون : اي بعرف .. قصدييي ...لااا ماحبو لعمو ملهم 😰

وممنوع انتي تحبي كمان مفهوووم ولا حتى اي حدا بصير يحبو فاهمة 😤

صوفيا : انت واحد لازم يجي بوليس يعبي بالسيارة ويمسي 

انت واحد مجرم ماما فتون انت لازم انا خبر بوليس 😌

فتون : لك تعييي شبك شو صرلك اينا بوليس بالخير😅

صلي عالنبي انا لسا ما شفت ولادي وما اشتريتلن تياب والعاب الله يخليكي استري علي😭 انتي شفتي ولادك وعم تشتغلي لتجيبيلن العاب واكلات طيبة😭 بترضيها يتيتمو ولادي ويصفو بلا ماما ويبقا زوزي ضو عيوني لا معلق ولا مطلق وهوا بيستناني اطلع من الحبوس لنتجوز ونخلف

 بترضيها ادمري مستقبل عيلة كاملة انتي ما عندك قلب اذا مو مشاني مشان ولادي خطي لسا ما شافو شي من الدنة 😭

صوفيا : خلص ماما فتون ما تبكي انا بعمل الي بدك ياه انت 😥

فتون : الله يخليلك ولاد ولادك ويجمعك فين يا رب سترتي علي 😭

صوفيا : ما تاكل هم ماما فتون انا لا اسمع لا اسوف لا احكي 🙉🙈🙊

فتون: هاتي فنجان القهوة بشربو ببيتي وببعتو بس خلصو بس ما تنسي اتفاقنا 😊

صوفيا : تكرم عيون انت ☺

الله يخرب بيتك يا صوفاية بدك تخبري عني مشان كم كيلوووت وشوية بوووودرة 

 علاي ما علاي لازم احشيكي دود عايش وادفنك يا شرنة قال بوليس قال😤

فتت عالبيت واتجهت نحو البلكون لتاب

ع احدث التطورااات واخر التجددات

*يتبع*الجزء_العاشر*

فتون : وهلأ صار لازم شغل الابتوب واتفرج شو رح يصير بغرفتو للسيد ملهم بس يرجع😁

اووووووف وينو هاد لهلأ كأنو تأخر 🙄

مرق ساعة وتلت دقايق و34 ثانية على طلعتو من البيت 

وبعدون معو معقول ما حكوه رجليه لهلأ

لك ابوووووووووو شووو هاااد مينو هل اهبل يلي جاي من بعيد كأنو ملهم 😆

واول ما قرب من شارعنا الله لا يرويكن كيف كان منظرو 😂

كان حامل صباطو تحت باطو وعم يركض حافي الرجلين ويوقف شوي ويحكن ببعض ويرجع يكفي طريقو 

وجوه ما بيتفسر ويلي بشوفو بقول طماطم برجلين وايدين عم تركض عكتر ما كان وجو احمر🍅 وكان عم يتمتم اكيد كان عم يغني 

 انت معلم😎

 واحنا منك نتعلم😔

انت معلم😎

واحنا منك نتعلم😞

 نسكت وانت موجود 😌

ما نرضا نتكلم 🤐

نسكت وانت موجود 😆

ما نرضى نتكلم 😞

انت معلم 😂

بتصدقو انو حفظت سقف بلكونا بصم 

لانو قضيتا قالبة على ضهري متل الصرصور يلي عم تطلع روحو وعم اضحك واتشقلب شقلب

ة  اااااخ يا بطني منظرو كان بقع ضحك😂

دخل عالبناية وانا ركضت على العين الساحرة لوثق كل لحظة بلحظتا 

شفتو رافع رجل وعم يحكها ويتطلع على بابنا ويحكي كلمات بالعبري ما فهمت منن شي 😂

دخل لبيتو وانا رجعت واخدت الابتوب من البلكون وانطلقت على غرفتي لاتفرج عالابتوب وسجل المقطع واحفظو 😆

دخل على غرفتو وشمر عن رجليه ونزل حك فيهن يا هالك يا مالك ولسا ما وقف لسانو عن البري كان يطلع عالسقف يحكي ويحكي ويحكي ويرجع ينزل راسو ويكفي حك برجليه 😂

اكيد كان عم يدعيلي كم دعوة من القلب الله يخليلي ياك يا ملهم 

ادعيلي بطريقك اني انجح بالبكلوريا يرحم اجدادك همهومة☺

وبعدا طلع من غرفتو لمدة ربع ساعة 

وخلال هل ربع ساعة فاتت صوفيا وطلعت منشفة من الخزانة ولما طلعت دخل ايهم 

كان بس عم يضحك ويتكركر ويقلب لوراه😂

 

وبعدا فات ملهم ولافف على خصرو المنشفة 

جلست قعدتي هيييك وبحلقت بالشاشة وعيوني عشرة على عشرة ومفنجرة هييك👀 وبظو عيوني مترين  لقدام 

وبلعت ريقي وشطت ريالتي 

كنت متل توم لما يشوف حبيبتو عم تتمختر وتتمايل😍

  وللللليييييي يااا يامووو شو هاااد يبليني بشختي على هل شقفة قلبي يا يابا قلبببببببي😍

طبعا" انا مو مشان ملهم الله وكيلكن  هيك صار بحالتي😁

 بس كان في صحن بيتيفور جنبو عالطاولة هاي كل القصة وما فيها😬

ما يروح مخك لبعيد انتي وياها صفو النية يابنات وبكفي ابتسامات

عيب ما بصير يفضح عينكن ☺

ايهم : لك شو صرلك فضحتنا بالجامعة وانت نازل حك حك برجلك 😂

حتى بعد ما شلحت برجليك وطلعت من الجامعة صرنا نضحك عليك والصبايا حكو عنك انك جربان ههههههههههههههههههههههههه

ملهم : لك ااااااااااخ شو بدو يحكي الواحد ليحكي 😓

ولك بللللوة ونزلت فوق راسي 

ايهم : ههههههههه بلوة شو لك خاي 😂

ملهم : لك حاج تضحك يخربيتك بدل ما تواسيني 😒

هاي فتون شكلا حاطة بصباطي شي شغلة حتى صرت حك بهل شكل 😤

ايهم : فتوووووووون 😂

يعني فتون طلعت سببك 

ولك هي وحدة مجنونة وهبلة يا ربي دخيلك مافي مخ هههههههههههه

ملهم : لك اسكووووت اسكوووت هاي فيها مخ اكتر مني ومنك 

بس اذا بضلك تضحك هيك بدي اضربك مخمسة صفلك سنانك دبكة هاااا 😒

ايهم : لك لاااا هههههههههههه خلص خلص ههههههههه بس والله ما عم يروح منظرك من بالي كيف كنت 😂

ملهم : لك خراااس بقا صوتك عم يضرب عالعصب

 وجعني راسي منك هاا😡

ايهم : روقنا شبناااا مو مستاهلة هل قد 😏

قوم البس وخلينا نطلع عالجامعة لسا الشلة قاعدة 

ملهم : قايم بس مالي طالع لمحل هل فترة مشان ما اعدي حدا بجربي يقطع عمرك 😒

انا كنت عم تابع حديثن وافرط ضحك ومالي مسدقة ايمت يكتشف المخبة والمفاجأت الي محضرتلو ياها  😂

ملهم : ايهم شو هااااد ليش هيك صاير بداخلياتي انت عامل هيك وملطخن بهل الوان😡

ايهم : ورجيني لشووف 😳

واااااااااع يا قلبي لك شو هااااد 😂

ايمت لحقت تصبغن ههههههههههههه

ملهم : اي لا تضحك كتير تنيناتنا بالهوى سوا 

ليك داخلياتك كييف 😏

ايهم : لعما شو هاد انا ما دخلني😳

ملهم : لك شو بدي البس هلأ اه 

كلن ملوتين وما بيلتبسو 😤

ايهم : ليك ليك في على طرف الخزانة داخليات طلعن شكلن ما انصبغو مع البقية 😂

ملهم : لك شوووووو هااااااااااد 😡

لمين هدووووول نحن ما عنا هيك داخليااااااات من وين اجونا 

مافي غيرا هي هية 😳

ايهم : مينو هاي 😂

ملهم : فتوووووووووووووووووووون😫

صرخ اسمي وانا قلو من ورا الشاشة 

يااااااااا نععععععمممممممممم 😆

ايهم : معقول تكون هية ورا هل داخليات 😂

لا ما بظن اكيد في غلط 

معقول يكون في بنت لهل درجة شريرة 😳

ملهم : ولك هي ابليييييس ابلييييييييس 😫

شو بدي البس هلأ ليك شو حاتطلي 

حاطة كيلوت بيوسعني انا وانت ونص الحارة معنا 

والتاني كيلوت لابن سنتين اذا بضل سنة عم البس فيو ما بيدخل باصبعة رجلي 

بس ليك والله طلع قلبا طيب هل فتون حاطة كيلوت نسواني ومقاسو لا بأس ولونو احمر ومرسم عليه كرز وباينتو جديد 😑

ايهم : والله اذا بدك

نصيحتي البس الاحمر كتير كيووت وظريف وناعم هههههههههههههه😂

ملهم : ولك خرااااااااس بقااااا مو ناقصك

 اي ما بلبسو اذا بدي ضل طول عمري بالمنشفة 😡

ايهم : تصطفل حبينا نخدمك بشي نصيحة😆

ملهم : بتخدمني بتخدمني 😏

ايهم : شبك ليش هيك عم تطلع فيي 😶

اوعا تفكر هاااا انو ممكن اشلحلك الي لابسو مستحييييييل من الاخر😷 

ملهم : ولك عنجد انك صاير واحد ما بتنطاق وبايخ وسئيييييل قوم اشتريلي داخليات وتعا 😒

ايهم : بس لسا الساعة عشرة ومستحيل نلاقي حدا فاتح بهل وقت

شو شايفينك بمنامن 😂

ملهم : يعني شو بدك ضل بهل منظر 😡

ايهم : لا اخي ادامك حلين اما بتلبس الاحمر وبتريحنا من هل قصة بقا 

او بترجع لداخلياتك القديمة لبين ما تغسلن صوفيا لهدول 

بس يعني شبو  الاحمر من شو بيشكي والله كتير حلو بحكيك جد 😂

ملهم : اييييييهههههههمممممم خلصنا بقااااااا ولووووو 😡

ايهم : خلص خلص طول بالك انا طالع اعطيها لصوفيا هدول لتغسلن لبين ما تلبس انت مشان نطلع نغير جو 😂

ملهم : ماشي انقلع 😒

طلع ايهم 

وملهم جاب داخلياتو القديمة ولبسن 

طبعا" انا سكرت الابتوب لوقت يخلص لانو بخجل اولا" وعيب تانيا" وليست غايتي ان انظر ثالثا"😌

فات ايهم عالغرفة وبلش ملهم يجهز حالو بدو يطلع مع ايهم بس وين وين 

اي مافي طلعة اذا ما خليتك تتشاهد يا ملهم افندي 😌

اعرف مع مين عم تلعب تاني مرة

 هه هه هاااااي 😏

ملهم : ايهم انت مغير شي نوعية مثبة الشعر 🙄

ايهم : لا مالي مغير شي ليش عم تسأل 

ملهم : لك ما بعرف تعا شوفو ما عم يزبط وعم يزبلطو ايديي منو ليك كيف 😥

ايهم : لك اي والله شم شم ريحتو 

ريحتو معطر ارض كأنو موو

 شم 😐

ملهم : هات لشوووف 😟

فتوووووووووووووووووون 😫

لك الله يخربيتك شو فظيعة ولك اعوذ بالله من فتون وشر فتون 

ايهم : هههههههههههههههههههههههه ااااخ يا بطني اااااااااخ  عنجد فظيعة هل بنت ولييييي دستووور من خاطرك يا ست فتووون دستووور😂

ملهم : تعا ساعدني وجيب منشفة ولحقني وبكفي مألسة

 باينتو هل نهار مو مصلي عالنبي ابدااا'' 😒

ايهم : جاييك جاييك 😂

طلع ملهم وايهم من الغرفة وانا دغري طلعت على التواليت لك رح اعملا عقد ما ضحكت 😂

خلصت ورجعت بسرعة ما بدي يفوتني مشهد وما اتلذذ بمنظرو كيف عم ياكل المقلب ورا التاني 😏

فاتو تنيناتن وكان في منشفة على راس ملهم عم ينشف فيها شعراتو 

وايهم عم يضحك ويتكركر على منظر خيو 😂

ملهم : لك لعما يضربا  والله حاسس انها بكل مكان متل الاخطبوط 😥

ايهم : والله يا خاي هل بنت زكية كتير ولسا الخير ل ادام ابصر شو مخبا لسا 😂

خلينا نطلع من البيت اليوم

 وننفد بريشنا

ملهم : معك حق بس اصبر علي لخلص والله مالي راجع عالبيت للمسا 

ايهم : يلا خلصني حاسس رح يجيني الدور وينوبني كم طرطوشة عنك 😬

مهلم : اطمن مارح ينوبك شي لانو علاقتا معي مو معك واكيد حاسبتا صح هل ملعونة 😒

ايهم : اي يمكن ما بعرف

 خلصني بلا هلأ العطر تأخرنا هلأ بكون نص الشلة فاتت على محاضراتن

ملهم : اي تكة شوي ولو

ايهم : ملهم شو هل ريحة ولاك 😷

ملهم : عم تسألني الي

 اسأل حالك انت شو عملت 😒

ما بتعرف تطلع لبرا يعني والله مانك صغير تفه 😣

ايهم : لك انا مو عامل شي سدقني

بحلفلك  براسك مو عامل شي😰

ملهم : خلي راسي على جنب ولاك😒

ملهم ايهم : لك ليكووون ....😲😲 العطرررر.. 😣

ملهم : فتوووووووووووووون 

لك الله يغضب عليكي يا مجنونة 😫

ايهم : خلينا نطلع من هون مو قادر اتحمل هل ريحة رح صفرن 😣

ملهم : انت ولا انا لك الريحة علقت بتيابي دبحتني دبح

يا الله دخيلك انتقم من الظاااالم

 يااااااارب يااااارب انت عالظالم 😫

ايهم : لك بدل تيابك خلصني وهاتن ارمين من الشباك 

لك اتحرك 😷

ملهم : شكيتك لواحد احد يا فتون

 شكيتك لرب السما فتووووون 😣

بتعرفو انا كتير حضرت افلام كوميدية عالمية وبرامج اطفال من بوب لكامبول للنمر الوردي 

بس متل هل فلم ما شفت 😆

كنت عم اضحك بدرجة هستيرية ما بتتخيلوا 

كلما يوقع بمصيدة من افخاخي حس بدي اقلع معدتي وكلويي وبنكرياسي من مكانن عكتر ما يوجعني بطني من الضحك 

حس بأي لحظة رح افقع متل البلون من الم بطني😂

بدل تيابو بسرعة البرق ورما ايهم تياب ملهم القديمة من الشباك وتنيناتن كان لون وجن اخضر على بنفتحي على كحلي من الريحة

 

يعني هنن مزعبرين شوي كتير 🙄

 اي والله ما عملت شي

 كل ما هنالك حطيتلو عطر "فلة" بدل عطرو خربت الدنة يعني 😒

 مالكن مصدقين ان شاء الله بروح على باريس واغرق بالنوتيلا اذا عم اكذب😅

ملهم : مشااااانو ل الله خلينا نطلع من البيت حاسستو كلو متأمر ضدي ما عاد متحمل ولا نكشة 😫

ايهم : اي خلينا نطلع والله هل بيت ملعون لعنة قوية 😥

طلعو من البيت ولو تشوفو كيف كان منظر ملهم مهركل ومبهدل 😂

طرف قميصو طالع من بنطلونو 

قبة قميصو وحدة طالعة وحدة نازلة 

رجليه فردة مشمر عنها 

والكم التاني متنيها  

وشعرو مبلول و نص واقف ونص عم يدبك دبكة عربية والباقي قاعد عم يصفق 😂

كانت حالت

و لا يرثا لها الله يكون في العون ويحسن كبرتنا

ركضت عالعين الساحرة وشفتلكن ملهم كيف يهجم على بابنا ويجي ايهم يشحطو ويهدي ويرجع يركض ويرجع ايهم يشحطو ويهدي وهيييك لوقت راحو وما رجعو للمسا الساعة 12 بالليل وانا لوقت رجعو كنت افتح الفيديو واتفرج واضحك يمكن شفتو فوق الستين مرة وكل مرة اتفرج عليه حس حالي لاول مرة عم شوفو 😂

فتحت الابتوب لشوف كيف حيقدر ينام مع البودرة السحرية😌

فاتو تنيناتن عالغرفة وهنن عم يضحكو ويضاربو بين المزح والجد وهاد يدفش هاد وهاد يدحم هاد 😂

ملهم : علي الحلال نهفة هل ابو جملو

ايهم : اي والله بس بتعرف يمكن هاد اكتر يوم بحياتي بضحك فيو بديناها من الصبح على فظايع فتون ونهيناها مع ابو جملو 😂

ملهم : يلا خلينا انام انا تعبان كتير

 ما سدقت ايمت نسيت عمايل هل هبلة بتجي انت بتذكرني فيهن 😒

ايهم : حاااجتك بقا ليش انت نسيت اي والله الي عملتو شي ما بينتسا وما بروح من البال 😂

ملهم : تصبح على خير 😒

ايهم : وانت من احفادو 😂

كل واحد راح على تختو وايهم ما شاء الله عليه دغري صار بسابع نومة 

وبقي ملهم فايق 

اتسطح واتغطا بالشرشف واتناول من جنبو كتابو وبلش يقرأ 

طبعا" الصمغ ما نشف لانو كانت نوعيتو كتير قوية 

اجا بدو يحك راسو ما انفكو ايديه من الكتاب 😂

بلش يتقلب ويتشقلب وحسيتو عم يرقص هندي على شوي

 مو ناقصو غير اهل الحارة يرقصو معو 💃🏻

فز على حيلو وما عاد تحمل الحكة وبلش الفلم المكسيكي وتي را رم😆

ملهم : ايهم ايييههمم ايههههممم مشان الله قوم حكلي ضهري لك ايييييييهههم قوم يقطع عمرك شو نومك تقيل طب على الاقل خلصلي ايديي وانا بحك 😫

ايهم : لك اييييه شبك ليش عم تصرخ تركني ناااام ولوو 😴

ملهم : لك قوم ما عاد اقدر اتحمل لك ايييييهههم قوم شوي الله يبعتلك عاروس شقرا بيضا بعيون خضر تسر خاطرك بس قوم شوي الله يخليك لك ضهههري رجليي لك قووووووم حكلييي😭

كان عم يصحي ايهم وفاتح فردة من خزانتو وعم يحك ضهرو وايديه ملزقين عالكتاب

 علاي الطربيش ما زكرني إلا ب ابو غالب لما جرب والكل هرب منو وقضاها داير من حيط لحيط ليحك 😂

 

صار ملهم ينكش ايهم برجلو ويرفسو ويحك ضهرو بالخزانة ويشد بايديه ليخلص من الكتاب 

ايهم : ولك اييييييه اييه شبك شو صرلك  شو بدك 

يعني الواحد ما بيحسن ينام ساعتين بهنا بهل بيت 😤

ملهم : الله يخليك اخي ساعدني والله ما عاد متحمل 😫

حكلي ضهري الله يوفقك يستر عحريماتك 😓

ايهم : بعد عني بععععد 😕

نكون بواحد نصير بتنين حل عني يرحم امواتك واجدادك

روح لعند صوفيا خلي تحكلك ياه انا شو دحشني 😥

بعدون ليه ما تحكو انت شو ناقصك ضهرنا الا ضهرك

ملهم : يا كديش مالك شايف الكتاب كيف ملزق بايديي الله العليم حاتطلي صمغ عليه 😓

طيب لا تحكلي خلصني من الكتاب وانا بحك براحتي 😭

ولك بسرررررعة مو قااادر اتحمممل 😫 

ايهم : هههههههههههههههههههههه😂

ملهم : حكلي حكلي حباااب 😭

ايهم : طيب طيب اهدا شوي شكلو الفلم لساتو قائم ومارح ينتهي 😂

ملهم : اااايييييييههههممممم لك خراااااس ولاك صرماية

 خلصلي ايديي من هل الكتاب بدل هل لعي مو احسن 😡

ايهم : خلص انت استناني هون لوقت اجي ما بطول

 رح حلا بطريقتي 😂

طلع ايهم من الغرفة وبلش ملهم يرقص شكو ماكو 💃🏻

ما خلا لا حيط ولا باب ولا خزانة    ولا رجل تخت إلا حك وحضن فين 😂

رقصلنا شرقي وغربي وجنوبي وشمالي وما خلا لا التوب البني   ولا جنو نطو   ولا تي رش رش

الا ورقص على الحانن 

الله يحرسو طلع فنان موهوب 😂

 

دخل ايهم ومعو سطل كبير فيو مي الله اعلم بدو يحمم اخو بالغرفة ويعملو تفريكة كويسة 😂

ايهم : اصبررر ما بعد الصبر إلا الفرج يا اخي 

اصبر ان الله يحب الصابرين 

تعا قرب جيت خليك تنتعش وخلصك من هل حكة والكتاب 😂

ملهم : ايهم لااااا تجن مو هيك الواحد بحلا فهمان علي

 مستوعب الي عم قولو انا😤

ايهم : لا اخي انت الي مو فهمان 

تعا تعا لحضن اخوك تعا يا ولدي 😂

ملهم : ايييههههههممممم ماااا تج...ن

الاخ لسا ما كمل جملتو وكان متشتش تشتشة 😂

الله عليك يا ايهم صحي انك طلعت بتفهم وكدع وابضاي😎

لايك لملهم يا شباااب على حب النبي👍🏻

ملهم : هه هه هه هه هه هه هه هه  لك قلتلك ما تعمل هيك شو ما بتفهم 😡

ايهم : اخي هسسسسسسسسسس سماع 😶

ملهم : شوفي.. 😶

ايهم : بطلت تحك ههههههههههههههههههه 😂

ملهم : بتعرف انو انا اول مرة بشوف حمار على هيكل بني ادم 😒

انقلع نادي لصوفيا تعمل الغرفة احسن ما وديك على انطاكيا بشي رفسة

ايهم : مقلوع مقلوع 🙂

واخيييييرا" صار دور صوفياا يا عيني عليكي صفصوووف😈

وصلنا لأخر المطاف وضل الخاتمة ورح نام ههههههههاااي 😂

صوفيا : بابا ملهم انت ما بسير تلعب بالمي هاد وقت متأخر انت مشاغب بابا ملهم ولازم عقاب انت 😤

ملهم : بتؤمري امر صوفيا خانوم هلأ برفع رجلي اليمين وايديي وبسند بطني عالحيط 

واذا بدك بحكو لبطني بالحيط ما عندي مشكلة 😒

انا فايت اتحمم

 انتي ضبي الغرفة لوقت اطلع وعطيني الغسيل ال

ي غسلتي الصبح 😒

صوفيا : بابا ملهم انت تحمم وانا نظف هون واعمل حضرتك مشروب ساخن تشربو ريح اعصاب انت 😊

ملهم : ماشي ماشي 😒

تحمم ملهم للمرة الثالثة لليوم وفات لغرفتو 

كانت صوفيا عاملة الغرفة وايهم رجع ينام كالمعتاد

صوفيا : تفدل بابا ملهم هاد ريح اعصاب انت 😊

ملهم : يسلمون فيكي تروحي تنامي اذا خلصتي شغلك

صوفيا : لا انا ما نام حتى اشوف انت شرب كاس كلو 😊

ملهم : خلص انتي روحي نامي وانا بشربا ما تعتلي هم 

صوفيا : لا بابا ملهم ما بيسير 

لازم شوف انا انت كيف تشرب كاس كلو 😊

ملهم : ولك ها ها شوفي 😤

كرعا للكاسة الاهبل دفعة وحدة وما بيعرف شو مستنيه وطبعا" ما شكا من الطعمة لانو هاي خلطة اعشاب ظريفة للكبار بالعمر  يعني ملين امعاء مو اكتر 😂

صوفيا : بالهناء والشفاء بابا ملهم 

ماما فتون قال انو هاي مهدء اعصاب كتير كويس لمخ انت 😊

ملهم : شو قلتيييي ماما فتوووون 😳

صوفيا : اي ماما فتون اليوم اجت وجابت ل انت هاي العشبة 😊

ملهم : الله يخربيتك  يا صوفيا انتي وفتون اي

 ما عرفتي تخبريني قبل ما اشرب هل زمهاري

 الله اعلم ما توديني عالمقبرة هلأ هل كاسة 😤

روحي من وجي احسن ما طلع خلاقي كلا فيكي هاااا 😤

صوفيا : انا ما اعرف انت عصب علي هيك 😓

تصبح على خير بابا ملهم 

ملهم : وانتي من اهل جهنم وخدي معك فتون كمان 😒

هههههههههههههههههه وهيك بكون خلصو مكائدي لليوم 😆

وهلأ رح اترك الكاميرا تعد كم مرة السيد ملهم رح يفوت التواليت وحط راسي ونام 😴

طلع الضو وملهم ما نام ومقضيها من غرفتو للتواليت من التواليت لغرفتو وهييييك للتسعة الصبح 

ايهم : ملهم ملهم قوم اصحى صارت تسعة وانت نايم لسا

 ما عندك محاضرات اليوم 🙄

ملهم : تركني نااام مالي نازل اليوم بطني عم يوجعني 😓

ايهم : خير ان شاء الله ما تقلي فتون كمان وراها 😂

ملهم : اييييييييه الله يصبرني عليك وعلى فتون وعلى صوفيا بس 

شو بدو الواحد يحكي اذا الله عم يمتحن صبرو وبعتلو هل عاهات بطريقو 😒

ايهم : اوف اوف اوف صاير شي جديد 😯

ملهم : لك هاد يا سيدي امبارح بعد ما حضرتك حممتني بالسطل الله يكسر ايديك قول امين 😒

ايهم : امين كمل 😂

ملهم : فتت تحممت وصوفيا ضبت الغرفة وبدلت الشراشف 

راحت عملتلي شي بيشبه الزهورات بس مو زهورات وخلتني اكرعو فرد كرعة وبس خلصتو قالتي انو هاد من عند الست فتون الله ينتقم منها بجاه حبيبك المصطفى

مو اتاريلك اكتشفت انو هاد ملين امعاء وقضيتها بالتواليت طول الليل والصبح

 وعلى شوي كنت رح اخد مخدتي وشرشفي واسكن التواليت 😪

ايهم : ههههههههههههههههه لهون وصلت معا تتأمر مع صوفيا ضدك

لك عنجد شي بضحك 

لك يلي مجنني ايمت قدرت تلحق تعمل كل هدول 😂

ملهم : لك نحن طلعنا عالجامعة من هون هي فاتت لعنا من هون 

لك اذا بدور الكون كلو مارح شوف حدا بجنونا بس بسيطة انا بعرف شغلي معا 😒

ايهم : اي رووووق وقوم نشربلنا فنجانين قهوة على رواق تعدلك مزاجك فيو 😌

ملهم : سبقني لاحقك 

طلعو شربو قهوتن وبعدين نزلو عالجامعة هيك بينتلي الكاميرا عالابتوب 

واول ما نزلو من هون دغري طلعت لعندن لاخد الكاميرة بحجة بدي رجع الفنجان لصوفيا

شنو مو الي هي لاخي واذا بيكشفني اي والله والله ليفصفص عضامي فصفصة ويشرب جنبن متة 🤓 

سحبت منها الفلم لانو كنت حاتطو على وضع التسجيل ونسختو على قرص سيدي وخفيتو

انا هيك اكتفيت وكنت عم استنا رد من العدو لارجع شن هجمة شرسة  من جديد 😌

 مرق اول يوم وما صار شي مرق التاني وما صار شي مرق التالت و الرابع والخامس وكلشي على ما هوي

لوقت اجا هداك اليوم الي كنت بالشارع وضربو عيوني بعيون ملهم 

وقفت وجمدت لا حراك بدي شوف شو رح يطلع معو 

يا عمي سكوتو هيك عم ينرفزني 😤

يصرخ يضربني يكسر يطبش الي بدو ياه يعملو

 بس ما يبقا ساكت 

شفتو من بعيد وكان معو بوكيه ودر وباين عليه انو كان عم ينطرني لاطلع من البيت 

وصار يمشي باتجاهي وانا شديت عزمي وضليت ثابتة بدي شوف اخرتا معو 😤

ملهم : يسعدلي صباحك 😊

فتون : وصباحك 🙄

ملهم : اي كيفك 😊

فتون : منيحة 🙄

ملهم : وهاي بوكيه الورد لاحلى فتون بالحارة 😍

ما بعرف ليش نسيت كلشي وعرضت ابتسامتي وقلبو عيوني قلوب حب 😍

فتون : ياااااااه عنجد هي الي 😍

ملهم : ولك اي الك خديها 😍

ولسا تعي معي بدي ورجيكي شغلة 😍

فتون : عنجد يعني مفاجأة الي ☺

ملهم : اي اي الك تعي معي 😍

والله وما كذبت خبر ودغري لحقتو لهل مقوص وانا طااااير عقلي من الفرحة يعني اول مرة بنهدا ورد وحدا بيهتم لامري وبحضرلي مفاجأة 

احساس حلو لما تحس انو في شخص مهتم لامرك بهل شكل ☺

ملهم : اركبي يلا 😊

فتون : لوين رايحين 

ملهم : فتون اذا بتريدي ما تخربيلي مفاجأتي الي ايام عم حضر فيها 😔

فتون : خلص خلص رح اركب ☺

طلعت معو بالموتور وكنت متمسكة بخصرو وريحة عطرو كلما تزيد سرعة الموتور تغرس بقلبي غرس شكلو اشترى بارفان جديد بدل القديم 😬

ما كنت متخيلة للحظة انو ممكن نوقف وارجع ابعد عنو 

كان شعري عم يطير

بالهوى من تحت الخوذة والهوى عم يتغلغل نسماتو على اطراف جسمي كنت كتير مبسوطة وفرحانة

ملهم : تمسكي منيح رح زيد السرعة 

شديت على خصرو وابتسمتلو من تحت الخوذة 

فتون : متمسكة 

ملهم : تمام 

وشد ملهم  بهل سرعة 

انا ما بخاف لا من السرعة ولا من البحر هيك كانت طبيعتي

بس ما بعرف ليش بلحظة تخيلت حالي انا وملهم عم نطير بالموتور وشاحنة ضاربتنا غمضت عيوني بشدة وفتحتن بسرعة وبلش قلبي يزيدو دقاتو وكأنو مو مطمن وعم ينبهني انو في شي بدو يصير مو منيح 

شديت على ملهم وضميتو بكل قوتي وغمضت واستندت على ضهرو 

فتون : ملهم اذا بتريد خفف السرعة 

ملهم : ههههههههه خايفة 

فتون : لا مالي خايفة بس هل سرعة مالها لزوم 

ملهم : هههههههه لا الها لزوم 

وشد بسرعتو اكتر حسيت العداد والمؤشرات الي على شاشة الموتور رح يطقو من السرعة 

فتون : طيب ماشي خليك مأسرع واذا بتخف سرعتك عن هيك بدي اضربك 😐

ملهم : هههه وهي خففت سرعتي لشوف شو بدو يطلع معك 

مجاكرتو لملهم وعنادو انو يضل معاند وجهة نظري قدرت اقنعو يخفف السرعة بطريقة غير مباشرة 

فتون : ماشي يا ملهم يعني الشغلة جكر زيد السرعة يلا 😑

ملهم : ماني و ماني وماني ماني ماني 😝

فتون : بسيطة يا ملهم اعمل وكتر حسابك بالبيت عسير 😑

كنت احكيلو هل كلام ليحافظ على السرعة وما يتهور ويصير فينا متل المسلسلات نضرب بشاحنة وتموت البطلة ويبقا البطل عايش وبعدون يحطولن غنية 

أخر نظرة بيني وبينا 

ايدي بايدا وعيني بعينا

هل لحظة مرة علينا 

بألم الم 

لا لا يا حبيباتي ما حزرتو لسا قاعدة ومتربعا قال موت قال فال الله ولا فالكن 😌

فتون  : شو لوين اخدني كأنو صرنا بغابة 😕

ملهم : اصبري ورح تعرفي كلشي وما تنزعي المفاجأة 😌

فتون : لشوف شو اخرتا معك سيد ملهم 😑

*يتبع

الجزء الحادي عشر والنهاية:

الجزء_الحادي_عشر*

                                

فتون : لشوف شو اخرتا معك سيد ملهم 😑

ملهم : هه يلا نزلي وصلنا 😍

فتون : عم تحكي جد وصلنا 😤

والله انا مو شايفة غير منطقة مقطوعة بنص الغابة 

ملهم : فتووون انتي ليش هيك بتحبي تخربي علي كلشي 😔

قلتلك مفاجأة 

يعني احكيها وتصير معتة وبلا معنى اه

فتون : طيب طيب امشي 😢

مشينا انا وملهم بهل غابة يلي شكلا من برا بقول انو غابة بس من جوا بتحسا مسكن للاشباح والجن والعياذ بالله 

كنت كتير خايفة وكل شوي اسألو ما وصلنا يقلي عضة كوساي ومنوصل 

يا جماعة والله حسيت حالي اكلت طنجرة محشي وهوي يقلي عضة كوساي 

جاي عبالي اعرف حجم الكوساي الي عم يحكي عنا

 اي بقص ايدي من فوق اذا ما قد البغل استغفرك يا ربي 😤

ملهم : يي لك وينن انا حاطن هون والله 😥

فتون : شو هدول 😳

ملهم : لك المفاجأة الي محضرلك ياها اختفت 😓

فتون : طب بما انو اختفت خلينا نرجع عالبيت لانو انا ما رحت عالمدرسة مشان اجي معك وصار وقت رجعتي من المدرسة واذا بترجع امي من عند ام خالد وما بتلاقيني رح تتصل بالشرطة وتفتل عالحبوس لتلاقيني حاكم بتعرف شو عندا 

ملهم : امممم طيب مشي 😔

ونحنا عم نمشي بالغابة كنت اطلع بطرف عيني على ملهم ما قدرت فسر تعابير وجو حزين فرحان منصدم عم يعمل حالو مصدوم خايف مو خايف بلشت احكي معو 

فتون : انا اول مرة بجي لهون ما بعرف انو في هيك غابة بالمحافظة

انت من ايمتا بتعرف هل مكان 

يعني بتجو بتقضو كم ساعة انت وايهم هون ...؟

شو ليش ما عم تجاوب..ن..ي😶

ملهم ملهههممم وينك طلاع بلا بياخة 😳

لك ملهم انت عنجد واحد غليظ طلاع ولوووو 😠

انا بدي ارجع عالبيت اطلع وصلني وارجع تخبا 😡

مللللللللللهههههههمممممم يااااا ملللللللللههههههمممممم

حاجتك حركات ولووو انا بخاف لحالي  😢

صرت اسمع اصوات غريية 

الشجر كان في حدا عم يركض وراهن ما الحق شوفو 

وحس اشكال الشجر وجوه عم تضحك ورافعة ايديها وبأي لحظة رح تتحرك وتلف حولي وتخنقني 

وصوات كلاب من بعيد وذئاب وهاد الطير الي ببشر بالسوء الغراب عرفتو 😢

انا صوتو لهاد كان بكفي ليفصل مخي عن راسي 

صرت اركض متل المجنونة وصرخ 

مللللللللههههههههمممممم ساااااعدنيييييي مللللللللهههههههمممم

وقفت وحسيت حالي اني ضعت وصرت الهت من تعبي وكلما ارقض شوف خيال عم يركض معي من ورا الشجر 

فتون : ملهم اذا هاد انت طلاع بترجاك 

حاجة لهون والله تعبت 

ملهم انا بخاف اطلاع الله يخليك 

ملللللللههههههههههممممممم 

صرخت اسم ملهم واجاني صدا صوتي ملهم ملهم ملهم ملهم ملهم

حسيت بحركة وراي التفتت وكان العشب عم يتحرك بقوة وكأنو حدا جاي وبسرعة بدي ينقض على فريستو 

بتتذكرو لما استاذ محمد خالو لملهم كيف استدعاني عالادارة انا ورغد 

وكنت رح موت من الرعبة وكان عندي امل يبعتني لعند جدي بتتذكرو 😢

اي انا هلأ عنجد بدي روح عند جدو 

امانة توزعو مبرومة على روحي وقولو لماما انو انا اكلت الشطي مطي الي اشترتن لمحمد المشطوط وقنعوها تسامحني هااا انا ما دخلني هنن كانو طيبات واصرو اني اكلن😭

التفتت وانا وجي من لون قشرة الليموني ونشفان حلقي من الرعبة وحاسة صار في صحراء جديدة بتمي غير الصحراء الكبرى والصغرى

فتون : مي...ن  ف..ي هو...ن مييين فييي هوووون... 😭

ولا شفلكن الا قرد 🐒 نط علي ومسك بوجي ويضرب على راسي ويصرخ اوبا اوبا اوبا اوبا إو إو إو إوبااا إو إو  اوبااااا اوبااابااااع اوبباا اوباااابااع اوبا اوبا 

ما كان يعطيني مجال اني فهمو انا مالي اوبا انا توا توا توا والله توااااا واللله  😭

صرت اركض وانا مو شايفة شي وصرخ هوبا هوبا هوباا هوبااااا

مومااا مومااا موماااااا 

وهوي نازل دج براسي 😭

ما بعرف كيف اجتني القوة ومسكتو وشلفتو بكل قوتي لابعد نقطة بهل غابة 

وشديتا ركدة وهوي يلحقني لوقت اختفى صوتو 

وقفت واطلعت لوراي وما شفتو 

قلت خليني ارقض بلكي رجع وهجم علي 

وبلشت اركض وانا عم صرخ ملهم ملللللههههممم مللللللههههههمممم مللللللللهههههممممم 

لوقت انصدمت بمغارة كبيرة كتييير 

دخلت قلت برتاح شوي واول ما قعدت لا اسمعلكن الا صوت دب 🐻

واااااااااااااااااااااااااااااااع 

وانا هون احترت اصفرن وادخل بالحالة ويجي هل دب الحنون يحطني جنب اعواد من الخشب ويشعلن لادفا ويطبطب علي وينطرني لاصحا ونصير اصدقاء متل الافلام  ولا اعمل متل توم ابتسملو وبعدون الولحلو بايدي باي واركض 😭

الحمدلله لسا ما خلص البنزين مني ورجليي بعدن شغالات بس ما بعرف مين لازم يحمل التاني انا لازم احملن ولا هنن لازم يحملوني 😢

ركضت متل الصاروخ واسرع 

مااااااااماااااااااااااا بااااااابااااااااااا الحقوووووووننيييييييييي يااااااا اممممممميييييييييي  

الحمدلله الدب ما لحقني ولو  كان لحقني كان تعشا فتون مهموسة بالصحن 😭

ركضت لابعد نقطة ممكن اوصلا وعيوني مليانين دموع 😭

واول ما وقفت انمدت ايدتين ومسكوني منيح من كتافي

 بلعت ريقي وجيت بدي اصرخ 

حط حد

ا ايدو على تمي وقلي 

مجهول : هششششششسشش ولا صوت وحتى لو صرختي مارح ينفعك بشي غير انو تبحي صوتك 

بقا اختصري وبلا لهل الصياح 

فتون : ......😶

كان ملتم وطويل وجهم وصوتو اجش ولابس اسود باسود حتى بايديه كان لابس كفوف اسود

مجهول : اي شو هل رزقة هي 

احلى غنيمة بصتادها بحياتي اوووووووه اي لأ هيك كتييير قلبي رح يوقف 😏

فتون (تبكي): الله يخليك يا عمو ما تعملي شي خدني على بيتي واذا بدك بعطيك امي وابي واخي واختي 

والجيران كمان 

الجيران عندن شبين بطول الحيط 

جوز كلاوي نوعية توب وبنكرياس بتحلم فيو كل صبية ورئتين حديد وفي كتير شغلات حلوة متل القلب والمعدة والعيون 

العيون يا عمو العيون والله ما بتندم بجيبولك بلاوي زرقا كلشي من احسنو عندن سدقني

 الله يخليك الي بدك ياه بعطيك منن وبساعدك بكلشي بس رجعني على بيتي الله يوفقك 😭

مجهول : ههههههه لا انا بدي ياكي عجبتيني

 واكيد اعضائك اظرف من اعضائن 

فتون : والله مو اظرف  طب خلينا نجرب وشوف اعضائن هنن بالاول وبعدون بتقرر شو قلت الله يوفقك 😭

مجهول : لا انتي بالاول هه

يلا قولي بيباي للدنة قبل ما اقتلك واخدك عالمسلخ  😎

فتون : ش..شش..شوو.. ت ....تق... تقتلني مم.....م ...... مسلخ 😳

طلع مسدس من خصرو و وجهو باتجاهي 

مجهول : يلا بلا كترت لعي كلمة اخيرة قبل ما ابعتك لفوق 😏

كنت عم ابكي وماعم فكر بشي غير اني رح موت بمنطقة مقطوعة واذا ملهم ما دور علي هي اذا ما قتلو يلي رح يقتلني مستحيل حدا يلاقيني ويدفن جستي ويشربو قهوة مرة على روحي وبالاخر طلع معي انطق الشهادة وروح عند ربي اشكيه لهل معتوه غمضت عيوني ونطقت الشهادة 😭

فتون : اشهد ان لا إله إلا الله واشهد ان محمد عبده ورسوله 

فتحت عيوني بعد ما نطقتا ودموعي مغسلة بلوزتي 

مجهول : بااااايبااااي فتوووونة 😜

ضغط عالزناد وطلع فقاعات صابون منو 

وانا وقعت بارضي فلت حيلي ما عاد قدرت وقف على رجلي من الرعبة 

نزع الي كان حاطو على وجو وصار يضحك ويعلي صوتو اكتر واكتر 

كان ملهم نفسو هداك الحمار الي بدو يسلخني 😑

وانا كنت اعدة عالارض ودموعي على خدي عم اطلع عليه بزهول 

ملهم : هههههههههههههههههههههه اااااااااخ يا بطني لو تشوفي كيف كان منظرك ههههههههههههههه لا لا مو معقول رح مووووت رح موووووت 

ههههههههههههههههه ااااااخ يا ربي بطنييييييييي 😂

وقفت على رجلي ورجعت وقعت انهد حيلي رجلي عم يقصفو قصف 

رجعت وقفت و وقفت ادام ملهم الي كان رح يموت عكتر ما ضحك 

ملهم : هههههههههههههه بوم بوم شبك 😮🔫

رفعت ايدي وضربتو هداك الكف ومشيت بخطوات سريعة وانفاسي كانت رح تحرق الغابة من عصبيتي

ملهم : ف... فتون ..😶

ركض وراي وهوي عم يندهلي 

ملهم : فتووون يا فتووون  فتوووون شبكي   لك وقفي شوي 

لك استني فتووووون 

فتون : بعد من طريقي احسنلك روح من وجي 😤

ملهم : طيب استني فتون لك فتووون وقفي احكي معي فتووون 

فتون : مافي حكي بيناتنا بعد عني 😤

ملهم : لك يا مجنونة هدي شوي شبكي شو صرلك فتووون

خلص متل ما بدك روحي وين ما بدك مالي علاقة فيكي رجعي عالبيت لحالك يا شاطرة 😒

فتون : هاد الي بدي ياه 😤

مشيت كتير لوقت شي جواتي صحاني وقلي لك يا مجنونة انتي ما بتعرفي طريق الرجعة وبعد شوي رح تعتم العين ويمكن تبيتي لوحدك هون مع الكلاب والذئاب والدببة 

بقا برضاي عليكي رجعي لعند الحمار الي وراكي ولا تكبري راس حتى ما تندمي 😏

هاد بقولو عنو العقل الباطن يخربيتو عندو طريقة ليقنعني مو معقولة 🤔

لفيت ورجعت لمكاني بس ما لقيت ملهم 

فتون : ملهم.. ملهم .... وينك 

لك ملهم خلص انا جيت بدي روح معك 

ملللللهههمممم 😢

بلش قلبي يخفق ودموعي بلشو ينزلو : ملللللهههم

اجا من ورايي وضمني 

ملهم : ولك خلص ليكني هون انا ما رحت 

بس بدي شوف هل راس اليابس لوين بدو يوصلك 

فتون : ملهم انت دب 😔

ملهم : وانتي دبة 😄

فتون : وعدني ما تتركني

ملهم : وعد مارح اتركك

فتون : اديش صارت الساعة 

ملهم : اربعة تمام 

فتون : اوف مستحيل 

كل هاد ونحن هون اكيد امي هلأ بتكون عممت اسمي بالخافر 😳

ملهم : ههههه عم امزح معك الساعة اربعة الا دقيقة 😂

فتون : غلييييييييييييظ 😒

ملهم : ما تعتلي هم انا دقيت لعندكن وخبرت امك انك عنا عم تدرسي وقلتلا انو رح تتأخري لانو عندك فحص 😌

فتون : حاوطك بأية الكرسي شو فهيم مخطط لكلشي 😒

ملهم : تمااااما" متل يوم الي انتي خططي فيه 😏

فتون : بس انا ما خوفتك بهل شكل انت زودتا زيادة 

يعني فيك تردلي ياها بس مو بهل طريقة في مليون طريقة غير هي 😑

ملهم : هاد الي عندي ست فتون المرة الجاي بخفف العيار جخي 😂

فتون : خلينا نمشي داق خلقي من هل مكان ورجليي ما عاد حملوني بدي روح عالبيت 😪

كرفس على رجليه والتفت 

ملهم : تعربشي على ضهري خليني احملك 

فتون : اتعربش😶 !

ملهم : اي تعربشي متل لما كنتي تتعربشي علي متل القردة لتضربيني 😂

فتون : ولك غليييييظ😒

ملهم : ليكي ما تدللي العرض هلأ قائم 

بلغي بعد شوي هااا ?

?

فتون : دب 😢

ملهم : هههههههههههه دبة 😂

تعربشت عليه ولفيت ايديي برقبتو عقدت حواجبي وعملت بوز على طرف ونفخت خدي وكانو خدودي حمر متل التفاح وشعري متناثر على ضهري واكتافي وكتف ملهم 

 وبعدت عيوني عنو قال يعني معصبة تركوني 😌

ملهم : فتون جوعانة 

فتون : امممم اي جوعانة 

ملهم : شو بتحبي طعميكي 

فتون : ضفاضع عايشة مع كبسة دود ميت 😒

يعني شو بحب اكل مثلا" 

ملهم : هههههههههههه تكرمي رح وصيلك عليهن من شي مستنقع 

بس بعدي شعرك عن عيوني هلكني 

فتون : ماه 😌

ملهم : اي بسيطة خليه بس اذا هلأ منوقع بشي حفرة ومنموت فيها ومناكل دود عايش عن جد 

رح تكوني مبسوطة وقتا مو 😏

فتون : اي بلكي بتموت وبخلص منك 😌

ملهم : يلا قومي 

نزلي عني رح يصير معي ابو فتاق من وراكي ههههههههههه

عم امزح لا تضربي هوب هوب 

انا لو فيني بضل حاملك طول العمر 

فتون : اي منيح عم تمزح والا كنت طيرتلك راسك من مكانو 😒

ملهم : اي ما غريبة عليكي بتعمليا 

يلا طلعي خلينا نمشي قبل ما تعتم العين 

طلعنا و وقف ملهم جاب صندويشتين شاورما 

قلتلو يحسب حسابكن بس ما رضي ها

علاقتكن معو 😌

واخدني على منطقة عالية بطل على كل البلد كان المنظر رااااائع و وقت الغروب والشمس عم تزول وتخجل وتغوص بالارض 

ملهم : عجبك المكان 

فتون : اي كتير حلو صراحتا" 

ملهم : وهلأ صار احلى 

فتون : نعم ..

ملهم : انو يعني صار احلى مع غروب الشمس 

فتون : اها اي 

هات صندويشتي جعت 🙄

ملهم : ههههه فجعانة خدي 

فتون : اي فجعانة هات 

ملهم : على مهل على مهل 

طيب تنفسي مارح اطير الصندويشة وصيت عليها ضد الطيران 😂

فتون : ايتيكني بهايي خييني اعيف اكول 

ملهم : خدي صندويشتي اذا بدك 😂

فتون : اي هات هات 

ملهم : نعمش سدقت 😳

فتون : ما بقا يجعيك ياها يح اكلا كلا 

ملهم : يعني اليوم رح اكل زيت وزعتر 😢

فتون : مشكيتك ما مشكيتي 

ملهم : بسيطة بس بنصحك تاخدي نفس وتهدي 

فتون : خييك بهايك 

ملهم : اه صحي دغري صرتي تاجرة اعضاء مشان تسلمي على روحي 😏

طيب بلكي كان جد 

هيك بدك تروحينا انا واخي بشربة مي 

طيب اذا مو مشانا مشان اهلك هيك استغنيتي عنن بهل بساطة 😂

فتون : اه اي يعني انت واخوك مالكن لزمة قلت بأردفكن من وجي 😌

واهلي كنت بدي دلو لعند جارتنا ام فيصل الي ساكنة فوقنا 😏

وهيك سليمة 🙂

ملهم : ما شاء الله عليكي شو زكية 

ههههههههههههههههههههههه

بس بتعرفي والله كان شكلك بفقع ضحك كلما اتذكر كيف كنتي تركضي وتبكي وتصيحي يا ملهم تعا ساعدني بفرط ضحك 😂

ولا لما شغلت المؤثرات الصوتية بقلب المغارة طلعتي متل المجنونة منها 

فتون : اهاااا يعني بفهم منك الاصوات والقرد والدب وبالاخر تاجر الاعضاء من تختيطك 😶

ملهم : لك اي اي كلو انا مرتبو ولسا مخبيلك مفاجأة للأيام 😂

فتون : اي ماشي ياملهم رح ارجع وردلك الصواعي اعاصير وبراكين كمان 😝

ملهم : لااااا لاااا ليكي ليكي انا عندي فكرة احسن يعني صفقة😥 

فيكي تقولي بزنز بيناتنا شو قلتي 😏

فتون : صفقة !    هات لنشوف وشو هي 😏

ملهم : رح نعقد هدنة بيناتنا لينتهي هاد العام لانو انتي عندك دراسة وانا عندي امتحانات

 وانتي ما شاء الله عليكي ما بتقصري فيي وانا مالي مستعد احمل ولا مادة شو قلتي واي خرق للهدنة من اي طرف رح ينفذ طلبات التاني لمدة شهرين ها شو قلتي 

فتون : امممممم طيب اتفقنا😌

ملهم : اتفقنا 😌

فتون : خلينا نرجع عالبيت تأخرنا غربت الشمس ونحن لسا هون 

ملهم : صحي ما قلتيلي اديش رقمي انا من القائمة تبعك

فتون : رقم شو وقائمة شو 🙄

ملهم : لك يعني قصدي انو انا شو بعنيلك 

تلعثمت كتير وتكركبت لما سألني هل سؤال واحمريت يمكن لانو شوب 😁

بس تشجعت ودغري جاوبتو 

فتون : انت ... انت عدو 

قرب علي وثبت عيونو بعيوني وابتسم 

ملهم : متأكدة 

فتون : اي ... اي متأكدة 

ملهم : اها ياعيني عليكي 

وهلأ قوليلي اديش رقمي من لائحة الاعداء عندك 😏

فتون : انت أول عدو 😌

ملهم : وانتي اول عدوة بالنسبة الي 😌

فتون : تمام هيك خلينا نمشي بقا 

ملهم : هاد اليوم كتير مميز وتاريخي بالنسبة الي 

يلا مشي 

فتون : .....😶

ركبنا عالموتور ومشينا وصلنا لموقف السيارات وكان مزدحم كتير والاشارة حمرا وكان في كتير ضجة كلن عم يصرخو ويزمرو وصوت محركات السيارات والشاحنات الا انو لفتني صوت من الجهة اليمنى لسيارة واقفة بقربنا

 غنية لمستني من جوا ورغم كل هل ضجة قدرت حس بكل مقطع من الغنية

ما بعرف كيف بنظرة بتعمل هيك

بتاخدني ليك  ~  وبموت عليك

ما بعرف شو الي عم يسحرني هيك

لمسة ايديك ~  ضحكة عينيك 

حسيت بقربك بالأمان صرت بزمان غير الي كان 

حسيت بقربك بالأمان صرت بزمان غير الي كان 

عم اعشق انا عم اخلق من اول وجديد 

عأسمك انا عم البس خاتم عمري بالايد

عم اعشق انا عم اخلق من اول وجديد 

عأسمك انا عم البس خاتم عمري بالايد ..🌸

عم حس بلون الدنيا احلى صار 

عم عيش نهار   بألف نهار 

عم يضحك قلبي متل ولاد صغار 

صرت المشواار   وعليك بغ

ار 

حسيت بقربك بالأمان صرت بزمان غير الي كاان 

حسيت بقربك بالأمان صرت بزمان غير الي كاان 

عم اعشق انا عم اخلق من اول وجديد 

عأسمك انا عم البس خاتم عمري بالايد 

عم اعشق انا عم اخلق من اول وجديد 

عأسمك انا عم البس خاتم عمري بالايد ...🌸

لما سمعت الكلمات وبلشت الغنية تردد الالحان وريحة عطرو محاصرتني غمرتو وتمسكت منيح فيو وشديت عليه

يمكن انتبه هوي لتصرفي بس ما بهمني 

انا في شي جواتي عم يتحرك وكتير حلو هل شعور الو طعمة ونكهة غير

 مميز كتير ومألوف بخلي قلبك عم يدق بسرعة وبكركبك وبيعمل منك انسان جديد وكلك تفاؤل وحيوية

ملهم : فتون فيكي شي 

فتون : اه لا مافي شي بس يعني داق خلقي لايمت بدنا نبقا عم نستنا هيك انزل مشين انا يعني 😤

ملهم : لا كلشي الا تنزلي انتي خليكي والله بدهورينا 😂

فتون : حبينا نخدم طلع ما بيلبقلكن😒

 

ملهم : اي ما بيلبقلنا خلص خليكي انتي وريحيلي حالك 

وهي رح دبر طريق من بين هل سيارات لتكوني مبسوطة 😊

فتون : اي يا ريت 

وصلنا عالبيت بس ياريت ما وصلنا وكان الطريق اطول 😔

ملهم : يلا نزلي خلينا نطلع هلأ امك بتكون اشتاقتلك يا ام لسان 😂

فتون : اي ليش في حدا انا ما بيشتقلي 😌

ملهم : مغرووورة 😝

فتون : بيطلعلي 😝

ملهم : هههههه بيطلعلك 😏

يلا مشي 

طلعنا واول ما فتحت باب بيتي بدي فوت ندهلي ملهم 

ملهم : فتون فتون لحظة 

فتون : خير استاذ ملهم 😶

ملهم : نسيتي الورد 💐

فتون : اه اي شكرا" 😊

دخلت عالبيت وضميت الورد لصدري ورفعتو وسحبت نفس طويييل منو 

وكنت منسجمة☺ لوقت نط عنكبوت🕷 على وجي وسمعت صوت ملهم عم يضحك من برا ويقول 

ملهم : هاي ما من ضمن الهدنة 

 هههههههههههههههههه😆

فتون : ممممممللللللهههمممم 😫

ملهم : هههههههههههههههههههه

مرقت الايام وكنت روح وادرس عند اساتذتي ملهم وايهم 

ملهم اختصاصو الرياضيات وتوابعو 

وايهم كان يعطيني المواد الادبية متل العربي والانكلش وهل امور كونو بيفهم فيهن اكتر من ملهم

لما يكون وقت حصص ملهم كنت انبسط كتير ونضحك 

اما بحصص ايهم كان صارم بكل معنى الكلمة 

ايهم الي مقضيها عم يضحك ويمزح يصير جدي وممنوع حتى البسمة وقت يعطيني الدرس وممنوع الغلط وممنوع الحركة او الكلام كلو ممنوع فقط الدراسة مسموحة 

ايهم : صرفيلي هل افعال لوقت اجي ما بطول واياكي تلتهي مفهوم 😤

فتون : مفهوم مفهوم 😓

ملهم : ههههههههههه

فتون : ملهم ملهم تعا ساعدني صعبين هدول يلا بسرعة قبل ما يجي اخوك لك ملهم 😥

ملهم : حلال عليك يا ايهم عاملها للمخلوقة متل القملة المفروكة 😂

فتون : ولك تعا ساعدي بدل هل لعي قبل ما يجي 

ملهم : تسطفلي منك لدفترك ل ايهم لقلمك لكتبك مالي علاقة انا 😌

فتون : ولي ليكو اجا ما تقلو انو انا تحت الطاولة ماشي 😥

ملهم : ههههههههههه مارح قلو تخبي منيح 

ايهم : شو وينها هي راحت 😤

لسا ما خلص الدرس وما حلت هدول 

ملهم وينا راحت على بيتا يعني 

ملهم : والله ما بعرف يا خاي بس مافي حدا تحت الطاولة 😌

ايهم : اهاااا امممممممم😑

فتون : الله لا يوفقك يا ملهم شو حمار وما بتفهم فسدت علي ما احيونك 😤

ايهم : بدك تطلعي ولا انزل اعطيكي الدرس تحت فتون خانوم 😑

فتون : هيهيهي هي 😅

لا الجو تحت مو مناسب فوق احسن ليكني طالعة 

ملهم : ههههههههههههههه انا ما فسدت عليكي والله شاهد علي 😆

فتون : خراس بدنا نعرف ناكل هوا 😒

وهيييييييك لوقت اجا يوم الامتحانات وقدمت والحمدلله كنت واثقة انو معدلي ممكن يجبلي الي بدي ياه بفضل الله والجوز الي مقابيل بيتنا 

فتون : ولك اويييييها خلصت امتحانات 

واويييييها خلصت من البكلوريا 

اوييييييها رح صير جامعة 

اويييييها بدي انتقم منك يا ابو تفاحة 

اويهاااااا خلصت الهدنة بيني وبين ملهم وللللللللليييييييييششش😝

ملهم : فتون فتون فتون فتون فتون 🙄

فتون لك اي اي شبك صرعتني 😳

ملهم : كيف كان تقديمك 

فتون : ممممممتتتتااااااز 😆

ملهم : برااااااااافوووووووووو 😆

فتون : وهيك خلصت الهدنة ورح نرجع اعداء 😃

ملهم : اعداء !

فتون : لك اي شبك مالك متذكر كيف تعاهدنا عند التلة العالية عالهدنة لوقت نخلص امتحانات ومنرجع اعداء 😏

ملهم : مبلى ما نسيت بس يعني ..

فتون : بس شو 🙄

ملهم : فتون انا مو حابب نرجع اعداء انا بدي نكون شي تاني يعني انو شي تاني غير الاعداء 

فتون : ....😶

ملهم : ليكي سمعيني انا كنت عم استناكي بفارغ الصبر لتخلصي من هل بكلوريا وافتح معك صفحة جديدة وعنوانها العشاق 

كنت عم اسمع حكيو ونسمات الهوا الباردة عم تضرب فينا 

قرب ومسك ايديي وتابع حديثو 

ملهم : انا من اول لقاء بيناتنا شديتيني جذبتيني الك وكلما كون معك اتمنى يوقف الزمن ونعيش العمر كلو مع بعض 

فتون انا بحب ....

مجهولة : حبيبي واخيرا" لقيتك اشتقتلك 

ولسا ما كمل جملتو وكان في ايدين لصبية لافين على خصرو وضاممتو من ضهرو 

اول ما شفتو هيك سحبت ايديي من ايديه ورجعت خطوتين لورا وانا عم اطلع بعيونو وارجع 

وقبل ما تخوني دمعتي ركض

ت بكل قوتي وتخبيت بمبنى لحتى ضيع ملهم الي كان عم يندهلي لوقف وبدو مني اسمعو بعد الي شفتو 

قعدت عالارض وضميت ركبي لصدري وصرت ابكي مع انو ما بعرف ليش كنت عم ابكي بس انا بكرهو لهل بني ادم ورح يبقى أول عدو بحياتي 

رجعت عالبيت وما لمحت ملهم ابدا" 

مرقو ايام وما شفتو فيها منوب واصلا" انا ما كان بدي شوفو وحتى لو شفتو رح اتجاهلو وكمل طريقي طلعت نتيجتي وكان معدلي بيسمحلي حقق حلمي وكون صيدلانية  وطول هل فترة انا ما شفت ملهم  فيها لانو كنت حابسة حالي بالبيت 

بس باليوم الي طلعت نتيجتي فيه اندق الباب وامي كانت برات البيت عم تحضر لحفلة نجاحي وابي واخي بشغلن وخيي الصغير  عم يلعب بالحارة واختي نايمة 

طق طق طق 

فتحت الباب بدون ما اسأل مين في وراه وكان ملهم الي عم يدق 

فتون : م..ملهم 😳

ملهم : فتون انااا..

سكرت الباب بكل قوتي وانا عم رتب انفاسي الي تلخبطو لما شفتو وقلبي صار يدق بقوة كبيرة 

ملهم : فتون فتحي بكفي ولدنة خليني اشرحلك الموضوع انتي فاهمة غلط ورح اثبتلك هل شي 

بس انتي فتحي وعطيني مجال احكيلك 

كنت عم اسمعو وحاطة ايدي على قلبي شو يلي ممكن يفسر الي شفتو 

اكيد بدو يكذب ويضحك علي متل الولد الصغير 

ملهم : فتون انا جيت باركلك واحتفل معك بنجاحك بس شكلك اخدة على خاطرك من المرة الماضية

 بعرف انك عم تسمعيني بدي منك تبقي واقفة ورا الباب لخلص الي بدي قولو

فتون انا حاولت كتير اني قلك اديش بحبك بس دائما" كانو يقاطعوني لما وصل لعند هل كلمة اول شي اخي وتاني شي اخي واخوكي وتالت شي البنت الي شفتيها  

بس هلأ مافي حدا ليقاطعني 

ورح قلك ياها واذا حدا حاول يقاطعني بدي ادبحو واشرب من دمو 

         ( فتون انا بحبك )

الكلمة المستحيلة يا جماعة نطقها واخيرا" 😆

كنت عم اسمعو بتمعن واول ما قال بحبك كان جاي عبالي افتح الباب وحط رجلي بضهرو ودعبلو دعبلة عالدرج وخلي يطحبش طحبشة لهل كذاب البهيم النسونجي😤

ملهم : انا غلطت ما خبرتك من قبل انو كنت خاطب بنت  اسما ديانا 

خطبنا سنتين وبهل سنتين ما حسيت بالحب معا ابدا" لانو كنت خاطبا مشان امي هي اصرت انها تفرح فيي قبل ما تموت وعلى حسبتها انها بدا تأمن علينا انا وايهم 

وكنت مفكر انو الحياة الناجحة عبارة عن زوج وزوجة وكمشة ولاد ما فكرت انو اساس العيلة لازم يكون الحب لهيك كنت عم حافظ عليها رغم الجفاف الي بيناتنا

سامعتيني فتون !

رح كفي كلامي وانا متأكد انك لسا ورا الباب

بتتذكري يوم الي ضربت فيكي اول مرة 

كنتي متل الملاك الطاير 

لهلأ كل يوم قبل ما نام بتذكر كيف كان شعرك عم ينتثر و يطاير وحركات ايديكي كيف عم تمسحي على وجك وترفعي شعرك عنو  وملامح وجك الطفولية وانتي معصبة لما وقعتي

 

بوقتا انا كان جاييني تلفون من ديانا 

حكتني وقالتلي اذا ما بجي بعد ربع ساعة لعندا بدها تفسخ الخطبة وانا ركضت قال يعني بدي لحق بيتي يلي عم اسسو

 واعتبرت انو انتي سبب فسخ خطبتنا لانك اخرتيني دقيقتين وحطيتك ببالي انو انتقم منك

 مو انتقم بالطريقة الي بتعنيها كلمة انتقام 

لأ بقصد اني جننك شوي مو اكتر

فتون انتي معي !

هي اساسا" كانت تعتبرني راكب اختياط عندا وحطت حجة اني ما بحترم وقتي ومالا  مستعدة ترتبط بواحد مهمل متلي مشان دقيقتين تأخرتن عنا

كل يوم كانت تطلع مع شباب باسم الصداقة لتشوف احسن مني وبعدا تتركني هه كنت حاسس عليها بس ما كان يعنيلي الامر 

اتركا براحتا بلكي بتلاقي هداك الي احسن مني وبتخلصني منها

 

ما مرق يومين على فسخ خطبتنا وكانت مجنكلة واحد ولابسة محبس بايدا فيكي تقولي هوي كان احسن مني باوضاعو المادية بس

 

ومن يومين سمعت انو تركتو لانو افلس ولما كنا بالشارع انا وانتي هي شافتنا وحبت ترجعني بحركاتا

  بس ما حزرت انا بدي ياكي

 بدي عدوتي وما حدا غيرا فهمانة علي 

واذا مالك مسدقا يلي حكيتو اسألي ايهم هوي بيعرف بكلشي 

فتون ما بدك تفتحي 

طيب سمعتي الي قلتو 

فتون يا فتون !!!

امممممممم طيب براحتك 

سمعت كل حكيو والتمست الصدق فيو 

بس ما بعرف ليش ما فتحتلو او حكيت معو 

اختفى صوتو للحظات ورجعت سمعتو عم يحكي 

ملهم : لك اهلييييييين برغد بعد زمان 

اول ما سمعت (رغد) فنجرت عيوني وبحركة خاطفة فتحت الباب 

وصار شكل ملهم هيك 😃

مديت راسي وطلعت يمين يسار وبعدون  اطلعت بملهم من فوق لتحت ورجعت خبطت الباب بقوة 😑

ملهم : ههههههههههه كنت بعرف انك ورا الباب عم تسمعيني 

بس ما بدك تقوليلي انك بتحبيني يا غيورة 

بسيطة لا تردي ولا تحبيني انا زعلت 

بس لسا بحبك سلام 

الله يغضب عليك يا ملهم قال حبك قال 🙄

تفه عليك   هلأ انا غيورة 😑

يا جماعة انا غيورة شي كذب موو كذب😢

مرق النهار واجا الي بعدو 

هاد اليوم كتير مميز بحياتي رح يحتفل فيي كل الناس الي بحبن والي بحبوني  والمكيودين والحساد 

صحيت عالتسعة الصبح بكل نشاط وتفاؤل وحيوية وطاقة اجابية 

صبحت على انا عالمراي واتجهت على المطبخ 

فتون : صباح الخير فتونة الحلوة 😊

عملت كاسة نسكافيه وطلعت فيو عالبلكون لاشربو مع نس

مات الربيع وريحة الياسمين وعصفير السما

وقفت واطلعت لشارعنا لقيت عبارة مكتوبة عالحيط الي مقابيل بيتنا عالرصيف بالخط العريض الاحمر

       ( *حبيني* *ولا* *تتخوتي* )

ضحكت ضحكة من جوا قلبي 

لاول مرة بحس انو الضحكة من القلب بتكون هل قد حلوة 

كان واقف ملهم جنب العبارة مستند عالحيط وحاتط رجل عالحيط وايديه بجيوبو  بس لسا مو منتبه لوجودي واول ما شافني جلس واطلع فيي وابتسملي ومال راسو وكأنو عم يقلي (حبيني ولوو😢) 

اول ما شفتو دغري التفتت وضحكت حتى ما يشوف اني عم اضحك ورجعت برمت لعندو 

مسكت بايديي الكاسة وابتسمتلو بسمة خفيفة وحركت حواجبي وكتافي مع بعض تلت مرات 

هئ هئ هئ 😏

رفعت راسي ولفيت ضهري ودخلت للصالة وبلشت نط من حيط لحيط واضحك وكأنو لاول مرة بضحك وشغلت هل المسجلة وبلشت ارقص لوقت فاقت امي على صواتي مسكتها من ايديها وصرت رقصها 

على غنية

 يضرب الحب شو بذل 

ويضرب الحب شو بذل

يااااه يضرب الحب 

ما منشبع منو مامنمل

يضرب الحب شو بذل

يااااه يضرب الحب

على كيف وبيتحكم فينا 

بضحنا وببكينا 

على كيف وبيتحكم فينا

بضحكنا وببكينا

الي عجبو ينضم لينا 

الي عجبو ينضم لينا 

والي مش عجبو يفل

ويضرب الحب شو بذل

يااااه ويضرب الحب

يضرب الحب وجنونو يا الاعيبو وفنونو 

يضرب الحب وجنونو يا الاعيبو وفنونو

والي بحاول يخونو 

اللعنة عليه بتحل 

يضرب الحب شو بذل 

ياااه يضرب الحب

من فيكن يرتاح في دينو

الا وعلى صدرو قليلو 

مين فيكن يرتاح في دينو

الا وعلى صدرو قليلو

يغنيلو ويناغيلو 

يا حبيبي ياسيد الكل

ويضرب الحب شو بذل

ياااه يضرب الحب

يضرب الحب وسعاتو

ما احلاه في كل حالاتو

في ضحكاتو ودمعاتو 

هوي حبيبنا وسيد الكل

يضرب الحب شو بذل 

ياااه يضرب الحب.🌸

لكاظم الساهر 😆

احلى تحية واحلى سلام لعمو كاظم يا شبااااب

وبينما عم رقص امي على الحان الساهر ومنسجمة مع عمو كاظم اجتني هديك الطيارة على رقبتي من امي 😓

ماما : ولك اصحي على حالك شو صايرلك حدا قلك انو  الحفلة بلشت

الساعة تسعة وفي ناس نايمين مالن سعدين متلك يفيقو من هلق طفي هل مسجلة وتسليلك بشي شغلة تانية😡

فتون : Sory Sory ماما بس تذكرت انو انا نجحت 😊

ماما : ااااااخ صبرك يارب😓 

لك انا بس يلي بدي افهمو معقول يكونو جايبين المصححين من حاضنة المجنين لحتى بنجحو هيك عاهات 😒

فتون : خلص حجة روحي كملي نومتك وتركيلي هل مصححين يستر على بنتك فتون 😌

ماما : ااااه ما اطولو لسانك 

 فيقيني بعد ساعتين لنبلش نجهز 😒

فتون : اوكيتو موميتووو 😊

انطلقت امي الى فراشها وانا انطلقت للبلكون لشوف اذا ملهم لساتو تحت

طلعت بس ما كان ملهم تحت ابصر وين راح 

والعبارة مكتوبة ببخاخ احمر 

كلما اطلع فيها يقلي شي من جوا 

(حبي ولو لعما شو لئيمة😢 ) اي ما حزرت لا انت ولا السيد ملهم 😌

فتت وبلشت زبط للحفلة انا وماما

جهزنا كلشي وجبنا كاتو طبقات والحلويات والاكلات وكتير شغلات وصار وقت زبط حالي 😊

تحممت ونشفت شعري وعملتو تسريحة ناعمة وتركت منو مفرود على كتافي ولبست فسطان ماما اشترتلي ياه مخصوص لهل مناسبة

كان باللون الاحمر وطويل وضهرو مفتوح والو شاحط

 وعند الخصر كان في بروش كتير حلو وناعم 

وماما عملتلي مكياجي بلمسات بسيطة وناعمة من ايديها الحلوين وكان بياخد العقل 

ماما : كانو يقولولي بنتك حلوة ما سدقن بس اليوم حتى سدقتن

ما كنت بعرف عندي قمر 

فتون  : له يا نبع الحنان ما حبيتا منك منوب عم تشكي بانتاجاتك 😏

كل المنتجات الي من عندك ما عليهن حكي 

الا الانتاج الي قبل الاخير بقصد محمد شكلو كان المصنع متعطل شوي مو 😆

ماما : ولك يعدمني هل اللسان ما اطولو 

اصلا" انا ما ابدعت غير لما وصلت لعند اخوكي محمد 😌

فتون : امي ما تحكي هيك لانو القرد بعين امو غزاااال 😂

قد ما حكيتي رح ضل شوفو شمبانزي متحرك من حيط لحيط

ماما : حاجتك لعي وروحي شوفي الطاولة اذا ناقصها شي وشغلي الموسيقا ما بقا الا يوصلو

فتون : امي كلشي جاهز والله 

بس يعني والله مافي داعي لكل هاد 

خلص ام تحسين وام فيصل وام احمد عرفو انو بنتك نجحت يعني حاج تكيدين اكتر من هيك🙄

ماما : اه لا انا يعني مو مشانن عملت هل حفلة بس يعني حبيت احتفل ببنتي الشاطرة مو اكتر هيهيهي 😅

فتون : سادقة امي ما تحلفي 🙄

ماما : ليكو عم يندق الباب روحي فوتي المعازيم وشغلي الموسيقا لوقت اجهز انا يلا بسرعة 

وهيك بلش نهاري 

قضيت وقت كتير حلو ورقصت كتير وطلبوني تلت عرسان بس امي رفضتن قال يعني بنتي بدا تكمل دراستا مو فاضية للجواز ايوا تركوا 😌

عزمنا ام ايهم بس ما اجت واعتذرت منا لانها مريضة وما بتحب الاصوات العالية 

وهييييك لخلص اليوم وبلشنا انا وامي حملة التنظيف 

بس قبل ما بلش انا فتت عالمطبخ واخدت صحن كبير من الخزانة وحطيت من كل نوع اربعة اربعة على عدد سكان بيت ام ايهم 

وعدلت مكياجي ورشيت رشة عطر  وهندسة حالي وطلعت 

 خلص قررت رح استسلم لملهم ونعيش العمر سوا لنصير جدو وجدة ☺

طق طق طق

كنت متحمسة كتير وقلبي عامل دبكة مع الرئتي

ن 

كلن عم يدبكو سوا 

صوفيا : اهلين ماما فتون شرفت انت زيارة نحن 😊

فتون : ص..صوفيا 😳

وين ملهم !

صوفيا : بابا ملهم ما هون بابا ملهم سافر طيارة 

بابا ايهم ما هون بابا ايهم سافر طيارة

ماما ام ايهم هون موزود ماما ام ايهم تفدل ما سافر ام ايهم

كانت عم تحكي كلماتها العبرية وانا دموعي على خدي مغسلين وجي من الصدمة 

تركت الصحن عالارض وركضت على بيتي ودخلت على غرفتي وقفلت الباب على حالي وصرت ابكي وكسر وطبش 

ليش رحت وتركتني 

بعد ما قررت اعترفلك هيك بهل بساطة بتروح بدون ما تخبرني 

ولك ليش ليش 

والله انا حبيتك رغم اعاقة مخك 

وين سافرت بدون ما تستأذن قلبي 

انا الحق علي اكيد هوي زعل مني وتركني لانو الصبح ما قبلت حبو 

بس انا هلأ بحبو ليش رااااح

ضليت عم ابكي لوقت غفيت وامي تخبط عالباب وتسألني شبني وانا قلا مافي شي تركيني بس تعبانة وبدي نام 

فقت الصبح وكان جسمي مكسر من التعب ومالي قدرة اوقف 

بدلت تيابي ومسحت المكياج من على وجي وطلعت عالبلكون بلكي بشوفو 

بس ما كان موجود 

كنت اطلع عالعبارة المكتوبة وابكي 

    *حبيني* *ولا* *تتخوتي*

والله حبيتك خلص رجاع ما عاد كبر راس 

انت بس ارجاع 

ماما : بنتي فتون شبكي شو صاير معك امبارحة كان طاير عقلك وفرحانة ليش المسا قلبتي هيك 

فتون : امي مافي شي تركيني بحالي

ماما : كيف يعني مافي شي ومو مخلية شي الا ومكسرتي بغرفتك ليكي وجك كيف منفخ عكتر البكة 

وبتقوليلي مافي شي

فتون : امي مات استاذ محمد 

ماما : ييييييي على هل خبرية 

حسبي الله ونعم الوكيل 

معلش يا بنتي كلنا على هل طريق 

فتون : ايه ايه امي بس زعلت انو راح وتركنا 😪

ماما : بنتي شو هاد الي مكتوب عالحيط تحت

مين كاتبها

فتون : ما بعرف امي بكون ابنك الحمار كاتبها 😪

ماما : لا ابني ما بيعملا واصلا" ما بيعرف يكتب هل كلام 😌

فتون : ماما بقولو دفتر المجنين الحيط يعني هل شي مو غريب على ابنك  😪

ماما : مارح تقنعيني صحي انو مجنون الي كاتبا

فتون : اي والله يا امي مجنون😪

مرق اربع سنين وما شفتو فيها ورح اتخرج عن قريب وما سألت عليه 

حتى ام ايهم لما امي تروح لعندا ما روح معا 

كنت قضي كل وقتي عالبلكون حتى دراستي كنت ادرسا عالبلكون بالشتة والصيف والخريف والربيع اتصفن بالعبارة الي كتبلي ياها قبل ما يروح

ويوم من ايام الشتوية كانت عم تمطر بغزارة مو طبيعية كنت حب المطر كتير  وعم اسمع غنية لمروان خوري

يا هوى روح وقلو..

قلو كتير اشتقتلو..

لو بدو عمري كلو بعطيه

ردو يا هوى لعندي قصرلي المسافات 

حبيبي يلي بحبو قلبي معلق بقلبو وعم بحلم فيه ..🌸

كانت الدنيا عتمة بالليل وفي ضو خفيف بالشارع 

شفت سيارة وقفت تحت الضو ونزل منها شب طويل التفت عالعبارة ونزل راسو للارض ورجع رفعو باتجاه بلكونا 

اول ما شفت ملامح وجو دق قلبي 

وطلعت من البيت حافية وصرت اركض اركض لوصل لعندو 

حسيت انو هاد اطول طريق بمشي فيه

 وقد ما عم اركض ما كنت اوصل لعندو و وقعت كتير 

لقدرت وصل عالرصيف وكان هوي باخر الشارع والمطر غزيرة كتير 

كنت عم اتنهد واتنفس بسرعة واطلع عليه 

كنا عم نطلع ببعض وتنيناتنا ملهوفين لبعض 

ركضت متل المجنونة والمي غرقتني واصابع رجليي جمدو 

ونطيت عليه بكل قوتي وانا معصبة ومسكتو من قبة قميصو وانا عم هددو 

فتون : اطلع فيي ولا ملهم 

ادامك خيارين 😡

يا اما بتكون ابو ولادي 

يا اما بتكون جد احفادي

ملهم : هههههه مجنونة اشتقتلك 

فتون : دب وانا

ضميتو وصرت ابكي على كتافو تحت المطر

 ريحة عطرو ما تغيرت لساها هديك الريحة الي بتكركبني لما اتنفسا 

ملهم : خلص بكفي بكة ليكني اجيت ما عاد اتركك 

فتون : وين كنت 

ملهم : قصة طويلة بحكيلك ياها بعدون 

هلأ خلينا نمشي هلأ بتمرضي 

بعدون حدا بينزل من بيتو حافي غير المجنين

فتون : اي انا 

مشينا واول ما وصلنا لعند العبارة الي كتبها من اربع سنين 

حنا ضهرو ومسكلي انفي 

ملهم : شو ست فتون حبيتيني ولا لأ اه 😏

فتون : هبيتك هبيتك اتنكني انفي 🤗

ايهم : شو ياه بدكن اضلو واقفين هون 😏

ملهم : الله رببببي ولك حرام نكون نسيانينك انت بدل الشنتاي 😤

فتون : خلونا نمشي تشتشنا تشتشة 😬

بقيو هنن لينزلو الشناتي وانا طلعت عالبيت وكان منظري متل واحد اكل دفشة وغط بالمسبح وطلع منو 

كنت كتير فرحانة ركضت لعند امي وصرت بوس فيها 

ماما : ولك اي اي شبكي شو صرلك 

ليش هيك منظرك 😤

فتون : امي انا اليوم كتير فرحانة ومبسوطة كتير كتير كتير  وينو اخي محمد اشتقتلو لهل سعدان الي ربع ساعة مو شايفتو😍

ماما : الله اكبر اشتقتيلو 🙄

قبل شوي كنتو عم تضاربو وطفشتي منو عالبلكون 

فتون : اي امي بعرف 

بس عندي شحنة ايجابية زايدة بدي فرغا فيو 😍

ماما : الله يصبرني عليكن انتو الجوز 😤

فتون : حمودة حمودة وينك يا حبيبي يا روحا لفتون انت 😍

محمد : انتلعي من وثي احثن ما اذلغملك وثك ها 🙄

فتون : تعا يا حبيبي تعا نلعب مصارعة حرة ثو قلت 😍

محمد : بلعب بث انا ذونثينا وانتي ثينكارا ثو قلتي 😌

فتو

ن : اي اي تعا هات عضة 😍

بعد اسبوع اجا ملهم وامو وايهم ليطلبو ايدي على سنة الله ورسولو 

وابي اصر انو لازم يعملو شي شغلة ليقدرو يميزو بين صهرن وخيو 

وانا قلتلو انو مافي داعي ابي انا بعلمن بطريقتي ما بعرف ليش ملهم صار يكح لما سمعني قلت هل جملة الله اعلم 😌

خطبنا واتفقنا انو تكون فترة الخطبة قصيرة وخلال هل فترة انا تخرجت وحققت حلمي وصرت صيدلانية ورح البس المريول الابيض

لمحة عن ايام الخطبة 

في صيدلية (فتون)

ملهم : مرحبا بلاقي عندك علاج للقلب

فتون : لا مافي عندي 

انا كم مرة قلتلك  ممنوع تجي لعندي اثناء دوامي 😌

ملهم : ما تواخذيني صاير عم انسا 

بلاقي عندك علاج للنسيان 🙄

فتون : بدك تروح ولا قوم شدلك شعرك😤

ملهم : عادي شديلي شعري بشدلك شعرك 😌

مسكنا شعورة بعض وكل مين فينا معند يترك التاني 

ماما : يوه بنتي شو هاد 😶

ليش هيك عم تشدو شعر بعض

ما حلوة هيك بالصيدلية الفايت والطالع يتفرج عليكن 

ملهم : مرت عمي

 حماتي حياتي  احكي مع بنتك تتركلي شعري من اول ما خطبنا لهلأ ما خلت شعرة براسي ومستور بهل كم شعراي للعرس  😔

فتون : خلي هوي يتركني بالاول 😤

ملهم : ما بترك انتي بالاول 😏

فتون : ماني تاركة انت بالاول 😌

ماما : ولك خلص خلص جننتوني متل  ولاد الصغار  

رح عد للتلاتة وبتتركو بعض يلا 

     1.......2.........3 

ولك تركو بعض 😳

ملهم : بنتك غشاشة بعرفا مارح تكسر😡 

فتون : لا انت الغشاش 😡

ماما : فتون فتون اجا ابوكي 😶

ملهم فتون : وينو .... وينوو 😥

ماما : ما حدا اجا بس حكيت هيك لتتركو بعض 😌

فتون ملهم : ههههههههههه 😂

وهيك كنا نقضي فترة خطبتنا 

مناقرات وتنافس وتحديات بين بعض

اه صحي ما خبرتكن وين كان ملهم خلال الاربع سنين هوي وخيو

ابون عندو شركة بدبي طلعو اشتغلو فيها لانن اهملوها سنة وتراكم عليهن ديون ولوقت وفوهن وقدرو يوقفو الشركة على رجليها اخدت معن وقت ورجعو

بعد 6 شهور من الخطبة 

ملهم : الو فتون وينك انتي

فتون : انا عند الكوافيرا نص ساعة وبخلص 

ما بدي اوقف بالشارع انطرك تعا بكير ماشي

ملهم : بتؤمري امر على راسي على نافوخي من فوق ليش انا كم فتون عندي 😓

فتون :  وحدة بس وما احلاك ويكون عندك اكتر😒

ملهم : طيب يلا خلصي وانا عالطريق جاي

فتون : وينك وينك ملهم 

ملهم : اي اي معك شو 

فتون : جيب صندويشتين شاورما ناكلن قبل ما يبدا العرس

ملهم : بس هيك ما منلحق خلص بعد العرس

فتون : لا يعني لا قلت قبل يعني قبل 😤

ملهم : الله يصبرني بس ماشي رح جيب 😒

فتون : باي همهومة 😊

ملهم : هلأ صرت همهومة بسيطة يا فتون باي😒

وصل ملهم واول ما نزلت شافني واجتو السكتة

ملهم : .....😶

كنت متل الاميرات بالفستان الابيض 

فتون : هاااي شبك الووو

 جبت الشاورما🙄

ملهم : اللهم صلي على كومت الانبياء هلأ انتي هيك كلك فتون 😍

فتون : لا والله يا روحي لسا في تونات فوق ما نزلو 😤

اي كلي فتون لكن نصي 

ملهم : ماشاء الله وكان شو هاد يا ارض احفظي ما عليكي  

طلعي طلعي خلصيني 😍

فتون : وهي طلعت جبت الشاورما 🙄

ملهم : اي جبت تفضلي 😍

فتون : لك حاج تطلع فيي هيك انا بخجل 😕

ملهم : شوب مو ههههههه

فتون : اي شوي😁

ملهم : وصلنا خلينا نحط هل صندويشات من ايدينا وننزل

فتون : ايذا ما خيست اليفة ما بينزل

ملهم : فتون الله يخليكي مرقيلنا هل يوم على خير وبلا فضايح مشان الله 😢

فتون : بنزيل به بدي اخد مهي اليفة

ملهم : اخر كلام عندك 😢

فتون : اي اهر كلام 😌

نزلنا تنيناتنا وبلشو يزفونا وتنيناتنا كنا حاملين بايدينا الشاورما 

وانا بايد الورد والتانية الشاورما

كان الكل عم يضحك ومنن عم يتهامسو بين بعض بس كلو مو مهم طالما انا وحبيبي مع بعض ومبسوطين 

فتون : حبيبي مساح الكتشب من على وجك فضحتنا وضحكت علينا الاجانب😬

ملهم : اه والله بتحكي جد يعني عادي الواحد ياكل شاورما بنص زفتو بس مو عادي اذا بقي شوية كتشب على خدو مو هيك ست فتون 😑

فتون : ملهم ملهم ليك هدوليك الصبيتين عم يتهامسو ويأشرولك تمسح الكتشب ههههه بس يا الله ليك شكلن اديش بيشبهو بعض كأنن توأم متلك انت وايهم 😍

ملهم : لك يا هبلة هدول خواتي فرح ومرح توأم

 حاكم حماتك حالفة ما تبظ الا توأم وبكرة بدي كل ولادي توائم😏

فتون : قوم قوم انسلم عليهن ثنائي مرح جديد وحاجتك بياخة😂

ملهم : شو نقوم ما نقوم هلأ هنن بيجو لعنا 😒

ماما : بنتي فتون تعي شوي بريدك😰

فتون : اي امي شو 

ماما : بنتي اطلعي لهديك الجهة 

هداك مو استاذك محمد الي مات😰

فتون : اه اي مبلى مزبوط مات بس عم يقولو انو طلع من القبر بعد فترة لانو ما عجبو الجو تحت وكان شوب وانكر ونكير جننو وما لعبو معو شدة 

هلأ انتي شو بدك بالحكي تركيني روح لعند هداك النسونجي بلشو البنات يلتفو حوليه😐

اخدنا انا وملهم صور ومن بيناتن ونحن ماسكين الشاورما كانت احلا صورة من الالبوم

اه نسيت خبركن انو كان عرس ايهم معنا وكانو العرسان لابسين متل بعض

وانا وسلفتي كل شوي نضيع م

ين ملهم ومين ايهم لما نرقص 😬

مرق على زواجنا سنة وانا كنت حامل بهل فترة كنا كتير مبسوطين انا وعدوي قصدي زوجي المهبول ومناقراتنا ما انتهت وكل واحد فينا بيبس راسو اكتر من التاني حتى كنا نختلف بلون ابنا المستقبلي هوي يقلي رح يجي اخضر وانا قلو بنفسجي هيك اللهم عم نتناقر 😊

ملهم : اصبري حياتي اصبري كم ساعة وبكون ابنا بحضنك 😭

فتون : ماااااااا عااااااد قااادرة اتحمممل توووووووبة هي اول مرة واخر مرة بحبل المرة الجاي دورك انت رح تحمل بدالي 😤

ملهم : شو شو تفضلتي انا احمل جنيتي 

ما بكفي محملتيني بطيخة ببطني من ورا طبخك  يعني تصوريني ببطيختين عالاقل انتي بطيختك تسع اشهر وبتروح اما انا بطيختي راحت معي عمر 😭

فتون : عطيني ايدك عطيني😓

ملهم : لك اخ اخ ايدي تركيني وليييييييييييييييي يا فتون ما عندي غير هل ايدتين الله يخليكي تركين ااااااااااخ😞

الممرضة : مبروك اجاكن صبي وهلأ رح يجيكن التاني 

ملهم : شو قلتيييييي في واحد تاني😓

الممرضة : اي مدامتك حامل بتوأم 

ملهم : اي والله لنكيف

 دخلك هون بوزعو ايدين على روح النبي 

شكلا رح تاكلن لايديي لوقت تبظ التاني 😭

فتون : ملهم اديش صار خلفت عشرين 😭

ملهم : لا حياتي كل هاد لسا واحد 😪

الممرضة : مبروك اجاكن صبي تاني توأم حقيقي 

ملهم : طلعيلك هون هون بالدحشة عاليمين عاليسار من هون لهون بلكي بتلاقيلك شي تلت اربع ولاد كمان 😭

فتون : ملهم اديش صار عددن تنين وعشرين 😫

ملهم : لا يا حياتي تنين بدون عشرين 😢

         بعد مرور 10 سنين

زين : بابا ايمت رح يروح عمو ايهم من عنا😕

ايهم : نعمش شو انك بلا ترباي انا عمو ايهم ولا حمار ليكو ابوك 😑

زين : عمي ما تفهمني غلط بس بناتك هلكوني وهنن يمشطولي شعري🙄

ملهم : لك وينك يا فتون رح يبرد الشاي

فتون : يلا يلا تكة وبكون عندك 

ملهم : شو وين كنتي 

فتون : كنت عم جيب هاد السيدي

بدي فرجيكن ياه ونتسلا شوي 😁

ملهم : شو هاد🙄 

فتون : هلأ بتعرف حبيبي رح يبلش هوس ولا حرف😊

ملهم : *أول* *عداوة*~*أول* *حب*

زين يزن : هههههههههههههههه بابا ليك منظرك كيف انت وعمو ايهم 😂

لجين جنى : بابا ليش عمو ملهم عم يحك هيك ههههههههههههههههه

ايهم : والله يا بابا سألو مرت عمو فتون هي بتحكيلكن ههههههههه

ملهم : لك كيف هيك صورتينا والله انك مجنونة وداهية ههههههه

فتون : ههههههههههههههه كنت مخبية هل سيدي طول السنين هدول وناطرة من زين ويزن ولارا ويارا ليكبرو وفرجين ابون لما ماسمع الكلمة لامن شو صار فيو 😌

ملهم : لك انا ما عملت متلك وصورت فيديو مفصل

 كل ما هنالك اخدتلك كم صورة بالغابة لا وفكرت حالي زكي اني

 اخد ذكرى عن الماضي ورح فرجيهن لولادي امن بس يكبرو ما فكرت انك مصورتيني فيديو ههههههههههه

فتون : ههههههههه *بحبك* *يا*

 *أول* *عدو* *و أول* *حب* *بحياتي*

ملهم : وانا بحبك يا احلا بلوة بحياتي 

                *انتهت*.🌸