أروع القصص والروايات قصة عشق

  #قصة عشق 

#الجزء_الاول
ماتتغير كرمالي انا رح غير الدنيا كلا كرمالك انا بحبك متل ما انت .. ( اي هاد الحب المستحيل الي بنسمعو بقصص الي بكون بلسنين .. احساس الدموع الي بسموها دموع الفرح سردات العشق وكلام الغزل الي بنسمعو والمعنى الي بيكون فيهن ... ماكنت بتوقع ابدا اني حب بجنون .. بخاف من فكرة حتى او شعور يخليني حس انك مو الي بحبك بشكل انا بستغرب منو بستغرب من قلبي انو كيف هيك حتى وجع قلبي بيحبك وكيف متمسك بشغلات فيك الناس بسموها سيئات وانا عشقانة حتى رفة عينك معقول انو في حدا سحرني فيه ?!  ... }
براءة: ليكي هون في زحمة كتير
ماسة: اي يالطيف شو عجقة ... ليكي هاد المحل تعالو عهد: اي يلا
{يمكن لو بدها تشتي الدنيا شوك رح نروح ع السوق مافي شي بيمنعنا .. ليل نهار ع الانستغرام وفولو وصور وطلعات وبث مباشر ولايكات كتير شغلات ماشية فينا بس الاحلى الصدف الي مانا حاسبين حسابا }
عهد: ليكي براءة هاد اللبنطلون
براءة: ماسة حلو !
ماسة : حلوووو... ناخد نحنا التلاتة ?
عهد: يلا
براءة: حطوهن ع طرف في شال عجبني بدي ورجيكن ياه ( تعبنا من السوق وصار وقت الاكل لانو فرطنا)
عهد:بيتزا ولا همبرغر ولا شاورما
براءة: بيتزا
ماسة : لااا شاورما
عهد: حجرة ورقة مقص {بترفع راسا وهي عم تجاكرهن لانو خسرت ماسة وبراءة } يلا رح نروح نختار ع كيفي
ماسة: براءة قولي الحمدلله انو عهد مارح تطبخنا
براءة: ههههههه
عهد: ايي حتى لوكنت بعرف مارح اطبخلكن لانه شرنات
الكرسون : تفضلي انسة
{ كنا بحالة قتال ع شكل نقاش بس قعدنا عاقلات لبينما اجا الطلب وخلصنا اكل ...اكلنا ودفعنا وطلعنا كانو تعبينا شحن وبدنا نرجع عالسوق }
براءة: صبايا لسا بدي اشتري شي لعرس رفيقتي بس يمكن ماما هلق رح تسأل عليي وتخاف
ماسة: اي ..  صحي اليوم لبسي الي شتريتيه قدام بيت الاح { وبتغمزا 🙊😉} وبعدا بغنولا ماسة وعهد * شبت بضلوعي نار الحب يما الحب يما 💃 محبوبي جوا ضلوعي وناوي اضمه ويلي هههههه\
براءة وهي عم تضحك : يااي ع الغلاظة يعليكون ماسة ماشافت حالا لما خطبا سعد وانتي عهد بكرا بنشوف حبيب القلب فارس الاحلام
ماسة : هههههه وليك تعي نفقس عليها من هلق
براءة : عهودتي اول شغلة  بتعمليها بعد الخطبة بتتعلمي الطبخ
عهد بتشلح الكعب : ههههه تعو لهون
ماسة: وربي الي رح يشوفنا رح يفكرنا من شي مشفى مجانين { براءة وماسة وعهد عم تسفق "جني جني ياعيوني شو بحبك انتي ومجنونة وجني ولا لحظة تروقي ليغلي الدم الي بعروقي انا بدي انا هيك تكوني مجنونة بحبي مجنوونة 💓🙈😂/بتروح براءة وماسة بتتصل بسعد وبيجي بياخدا ... عهد بتقعد بلحديقة بدها تحكي تليفون بعدا بتروح ع طرف الكافتيريا ع الحمام مشان تزبط شعراتا بتتصل بلشوفير وبيجي بياخد الغراض وهي بتخلص بدا تطلع بيدخل شب عيونو حمر ومعصب كتير بتتطلع عليه عهد بخوف بترجع بتكمل بسرعة بروح الشب بيغسل وشو وبيمسح شعرو الي متل الدهب وعيونو بغمضهن وبحط ايدو ع وشو بعدا بيرجع بيغسل وشو بلمي وعهد صافنة بعيونو العسليات بيقعد الشب ع الكرسي وبيحط ايديه ع وشو بتعب }
عهد: عفوا ... فيك شي { بتقرب عالكرسي وهو منزل راسو} عفوا منك فيني ساعدكك? انت منيح ! /بتحط ايدا بخوف عليه بيرفع راسو
صفا: شو اسمك
عهد : اسمي عهد
صفا: عهد ممكن تتصلي ع الاسعاف /وهو بيحكي وبعدا بيغمض بيكون رح يوقع بتمسكو عهد وقلبا بيطب من الخوف بتمسك موبايلا وهية عم تتصل وايديها عم يرجفو بتتصل مرتين وهي داقة الرقم غلط بعدا بيزبط وبتحكي وهية عم ترجف لانو اول مرة بصير قدامها هيك ... بيجي الاسعاف وبيدخل بحطوه ع النقالة وبيدخلو ع السيارة وبتمشي
..وبتجي سيارة الشرطة }
الممرض : ممكن تحكيلنا شو صار
الشرطي : فيكي تجي معنا ع المشفى مشان تحكي افادتك للشرطة
عهد : كلشي كلشي بس ليش الشرطة
 الشرطي :  محاولة انتحار !
عهد بيصير وشا اصفر : اوك تكة بس احكي مع اهلي وطمنهن
الشرطي : خدي وقتك
{بتتصل بماسة وبراءة بيجو لعندا عالمشفى بيدخلو لعندا }
عهد: شو قلتلو للماما
ماسة انا حكيتا وقلتلا انو عاملين جمعة رفقة بلمطعم وانو ماتاكل هم مارح نتأخر
براءة :بس عهد شو صاار للشب
عهد: محاولة انتحار
ماسة: كريك عاطفي
الشرطي : عفوا انسة ممكن تجي هلق مشان الافادة
عهد : اوك
{بينطروها ماسة وبراءة وبتدخل عهد لعند الضابط وبتحكيلهن كلشي وبياخد الشرطي اقوالها وبيكتب كلشي وبيطلب تلفونا بفتشو بعدا بيعطيها ياه وبروح بيقدم الافادة \ بتطلب ععد تشوفو بعد ماعملولو غسيل معدة }
عهد : فيني شوفو
الممرض : طبعا بس شخص واحد
 بتروح عهد وماسة وبراءة بيحكولا انو تخليه يهدا وبيحكولا انو ترتاح لانو بتضل خايفة / بتدخل عهد ع الغرفة وبتسكر الباب شوي شوي تا ماتزعجو بتقعد قبالو ع الكرسي وهي عم تتطلع عليه بكون حالتو تعبانة كانو من شهر مو نايم غريب الي عم تحس فيه بتتطلع عالجهاز الي لدقات قلبو وبتطلع ع السيرون بتنزل راسها وهي عم تفكر بكلشي صار معاها ... بتنطلع عليه بتلاقيه مركز بعيونا وصافن فيها

#عشق
#الجزء_الثاني
عهد: فقت !!
صفا: يسلمو عهد
عهد: الله يسلمك بس ع شو ?
صفا: انك اتصلتي بالاسعاف لولاكي كان انا هلق مو موجود
عهد: الحمدلله ع سلامتك بعيد الشر
صفا: عهد !!
عهد : احكي !
صفا: ليش عم تتطلعي هيك حاسك رح تبكي
عهد: هي اول مرة بشوف حدا بيعمل بحالو هيك انت كتير تعبان ماشفت حالك بلمراية ليش حاولت تنتحر وتقتل حالك
صفا: خانتني
عهد بتشوف صفا رجع تدايق وملامح وشو تعبت : خلص هس رتااح
صفا : عهد ممكن اطلب شي
عهد: اكيد اي شي بدك ياه
صفا: عملتي خير معي ممكن تكمليه .. هلق انا عايش بسببك .. خليكي هون /بحط ايدو ع ايدا وبيمسكا
عهد بتبتسم انو موافقة وهية عم تتطلع عليه
{ مابعرف انو انا قبلت ضل جنبو لانه طلب بشكل كتير لطيف او اني متعاطفة مع الي صاير فيه ... ماسة وبراءة ضلو يجو يومين معي وبعدا صار وقت طلعتو من المشفى واجت الشرطة / حققت الشرطة مع صفا وكانت بدا تحبسو لانو الانتحار جريمة بس ماسة وعهد وبراءة بيشهدو انه ماكان بوعيو لان عهد كانت متأكدة انو لما شافتو بلحمام وكيف كان وكيف داخ وكيف كان وشو ماكانت مسدقة ابدا انو بوعيو لهيك ماسة وبراءة وقفو بصف عهد ولهيك الشرطة ماكتبت محضر توقيف لصفا }
عهد: الف الحمدلله ع سلامتك / بتحط الورد جنب التخت وبيكون صفا عم يجهز حالو ليطلع }
صفا : هلق حياتي لو بتطلبيها ما بتغلا انا بسببك كملت حياتي بلحظة بدون وعي كنت رح روح كلشي من ايدي {وهنة عم يمشو بيحكو }
عهد : ليش كنت هيك بدك تموت حالك الموت ابدا مو لعبة {بيحكيلا صفا وقتا كلشي ... سيلين "حبيبتو خطبو عن حب حكالا وانو كانو رفقة بلجامعة من الروح للروح وتحولت الرفقة ل حب وضلو سنتين خاطبين ستغربت عهد اكتر بس كانت متشوقة تعرف .. كانت سيلين بنت كتير تصرفاتا غريبة تحكي مع صفا بس بليل وتروح بلنهار تحبس حالا بغرفتا وتطلع بلسر ويراقبا ولما يسالا وين كنتي تقلو بلبيت كان يفكر انو بدها شوية خصوصية بس لا ..كانت بعلاقة تانية لما عرف انها بعلاقة مع شب غيرو وطبعا مو حكي وحب علاقة جنسية تركا بس ماكانت هون المصيبة والوجع الي كان قاهرو انو الي خانتو سيلين معو كان احمد رفيقو بنفس دفعتو بلجامعة لما تركا وفسخ الخطبة ضل شهور مسافر كان بدو بس يخلص من هلوستو فيها لانها كانت تتهيئلو بكلشي كانت حبيبتو هو كان يحبا كتير مع انو اهلو ماكانو حابينا ولا عاجبتهن ... وهيك حاول يكفي حياتو بعيد عن الكل ويجرب يحب ويتعرف ع بنت تانية ولما عرفت سيلين كانت حاسة بلانانية مع انو ع اساس خلص بدها هداك الشب بس ماكانت حابة انو يرتبط بحدا تاني من بعدا وجابت هدية من مليون هدية هداها ياهن وعملتلو عمل ... انو كانت مو مكتفية انها دمرتلو ثقتو بلكل لا ... كانت بدها يكون بس الها حب سيطرة بدها يموت وهو الها صفا ماكان بيعرف شو عم يصير معو غير انو حياتو نقلبت قلب ومشاكل ولما رجع عالبلد تعب اكتر ومحاولة الانتحار كانت بسبب العمل الي عملتو سيلين تحكمت فيه لحتى خلتو يشرب جرعة حبوب بدون وعي .. بس قلبو كان مو كتبلو العذاب وطلعتلو عهد ... لما كان عم يحكيلا لعهد كان عم يحاول يوصلا انها شي بيشبه الملاك بحياتو الي تلونت بلاسود بسبب سيلين }
عهد: طيب اديش صرلا هي الحكاية
صفا : صرلي سنة فاسخ الخطبة كنت بفرنسا ونزلت الشهر الي مضا
عهد : وسلين هلق شو صار فيها
صفا : هههههه
عهد : هههه شبكك
صفا : خانتو ل رفيقي مع شب تاني وحملت وقبل مايعرفو اهلا عملت عملية واجهضت
عهد : يالطييف ياربي دخيلكك
{كانت تسمع كلشي بحكيه وحس اني بعيونها غرقان وضميري يئنبني ليش ماتعرفت عليها من زمان كنت عم اتعلق فيها مع انو بقلبي كان جرح كبير بس الراحة الي حسها معا تعادل العالم ... حس انو بدي شبعها غزل واحكيلا المهم والي مو مهم وعقلي عندها وضل فكر فيها كانت بنت حساسة وبنفس الوقت عندها لمعة قوية كانها مخلوقة من كبرياء ... يمكن حبيتا او تخطيت مرحلة الحب وصرت اتنفسها / صح اني بعرفا من شهر ونص بس صارت مخلدة بقلبي كانو ماحبيت من قبلا /
عهد: ماما انا رايحة شوف ماسة وبرأءة اوك
ماما : ماشي بنتي الله معكك ❤
{طلعت لشوفو كانت رسائلو فوق المية ... انو بيمزح معي بس هالمرة شكلا جد في شي / رحت شفت رفقاتي ونبهتن مشان ماما وبعدا طلعت شوف صفا /
صفا: طولتو ولوو..
عهد: هههه شو هية المزحة كنت عم اتسهسل لانو فكرتك عاملي مقلب بس هلق تاكدت يلا لشوف شو في احكي
صفا: غمضي عيونك يلا
عهد: ولي شكلا جد
صفا:ولكك غمضي ...ماتغشي شايفكك
{بيحطلا سندوق كبير قدامها والو ريبانة حمرا وبخليها تفتح عيونا وبيمسك ايدا وبقلا فتحي السندوق .. بتقرب وبتسحب الريبانة وبينفتح السندوق بيطيرو نفخات بلهوا وبينفتح من كل الجهات وبيكون مليان ورد ومكتوب عليه #بتتزوجيني_ياعشق_صفا
وكانت قصة اعجاب صارت حب وعذاب ولييي"...
بتلتفت عهد ل صفا بتلاقيه قاعد ع ركبتو وفاتحلا علبة فيها خاتم وهو عم يضحك }
عهد: عم تمزح هههههههه
صفا: يلااقبلي لشوف
عهد: ههههههه /بتخبي وشا/ياربي بتحبني
صفا : اي بحبك

#عشق
#الجزء_الثالث
صفا: وبجنووون بحبككك ... يلا ركبتي صارت توجعني
{عهد بتلبس الخاتم وعيونا عم يدمعو وعم تضحك ...خلص كلشي حاسة فيه حقيقي ..اهتمامو فيني فاضحو لك عيونو عليي وين مارحت وشوو ماكنت عم اعمل بيروح لعالم تاني وهو عم يتطلع فيني /لك فكرتو مجنون ماتوقعتو يكون حبيبي ونصي التاني الي رح حبو بجنون / طلبا صفا لعهد من اهلا والحمدلله صارو خاطبين عن حب قدام 7 مليوون نسمة ...لك عيونا الي قلبا الي حبها الي احساسا الي .. بحباا ...كنت كل ما شوفو مايخليني احكي شي قبل ما قلو اني بحبو.... واخجل كتير منو ومع هيك مايخليني روح ع مكان قبل ما قولا }
عهد : انو بربك 6 ولاد 😒
صفا: اي بدنا نعبي الدنيا ولاد
عهد بترفع غرتا وبتفنجر عيونا عليه : ولك كيف لنعيش بلبيت ازا 6 ولاد فيه
صفا : بتسكني بعيوني
عهد: انو لاقيت حل .../ بتطلع فيه بحنية/ مجنون ورح تجنني معك
صفا : مجنون فيكيي
عهد : خليلي ياااك ... اي عنجد كم ولد بدكك?
صفا : 6 ولاد
عهد: ولك وين بدنا نسع مع ست ولاد 😱
بيتطلع فيها صفا بحب وبيحط ايدو ع قلبو : هون حبيبتي عهد: ياقلبي انت
برأءة: فسسسستق
ماسة : ليكي عديناها... خطبت وصرنا نقدر نتمسخر عليها
سعد : يلا خدي حقي وحق خطيب براءة ماخلت علينا نكتة لما خطبنا
ماسة : مارح قصر حبيبي ههههههه
عهد: ليكن بقوم بكسركن
براءة : ست ولاد 🚶😂
[بتقوم بتلحقهن وهنة هربانينن منها / بعد اشهر ]
ماسة : ليكي هاد الشال ياااي
عهد: ولييي احمر بجننن
براءة :وينوو ورجوني ياه !
ماسة : ليكو 👈👇👉👆
براءة : شررنة
{ونحنا بلمحل عم نتخانئ بتكون صبية عم تمشي ب اتجاهنا من بعيد بخطوات ثابتة ...وقفت حدنا وسلمت علينا وهية عم تصافحنا وحدة وحدة وببتوصل لعهد وبتمد ايدها وو..}
سيلين : عهد موو!
عهد : صح بس مين انتي وكيف عرفتي اسمي ?
{ قبل ما تكفي حكيها بيكون صفا اجا بوقف ناح عهد وبيمسك ايدا... وبيبعدا عن سيلين وبيمسك ايدا وبيتطلع بحقد ع سيلين وبيسالا }
صفا: شو جابك !!
سيلين : اجيت باركلك مو خطبت
صفا : خلي مباركتك لالك مابدي ياها من وحدة وسخة متلك
سيلين : اممم يعني انتي المنقذة البطلة ل صفا
عهد : صفا حبيبي ولو بدو روحي بعطيه ياها بدون ماعد للعشرة او اتردد
سيلين : بس انا كنت خطيبتو
عهد : مابهمني ماضيه لانه ماعرف الحب الا فيني
سيلين : الحب فجأة وبوقت قصير مانو حب هاد تسلاية
عهد : اولا الحب مانو عشرة ولا بيخلق بعد فترة... وتانيا انتي اخر وحدة بتحكي عن شي اسمو حب !
سيلين : شكلو نافخ براسك كتير وولله هه
صفا : سيلين عم. بمسك حالي... لو انك مو بنت لخليكي عبرة وشرشحك .. كل مالك عم تزيدي بوساختكك {بتشد ع ايدو عهد انو طول بالك }
ماسة : نقلعي وليك احسن ماشحطك بكل المحل
سيلين : هههه خوفتيني {بتحكيها وهي عيونا ع صفا }
براءة : جنيتي ع حالك مع العلقة معنا
ماسة : تعي لاسحبلك كرامتكك
{ ماسة بتكون عم تمسك حالا ولما بتحكي هيك سيلين بتصير متل البركان الي بينفجر بتضحك وهي عم تطلع بتغمزا ل براءة.... وبتهجم عليها بتنط ماسة ع سيلين وبتصصير بتشد بشعرا وبتقع سيلين ع الارض وبراءة بتشلح كندرتا وهون بيوجعك وهون مابيوجعك.... هون بتصير سيلين بتتوجع لانو كسرناها تكسير بيجي صاحب المحل ومعو الامن... وقتا بيبعدو عن سيلين وبيقولو انها سراقة وبيكون الشال الاحمر عليها ل سيلين😹  وهو من نفس المحل وبيقولو انهن ضربوها لانها سراقة... ولما بتكذب سيلين صاحب المحل ما بيسدقا لانو الشال لسا ع تيابا وبيشحطوها الامن ل برا وبقلعوها ... بكونو وبراءة مبسوطييين بلنصر وعم يغنو ويرقصو ☻ وعهد بتتطلع ع صفا بتلاقيه مزعوج بتسحبو من ايدو ع طرف بتخليه يوقف وبعدا بتقرب عليه بتقلو بحبكك وبتغمرووو ....وهي بتغمرو ولما بتغمرو بشد عليهااا وبيرفعا بلهوا وهو عم يغنيلا *
لما مافيك تفررق بين الوهم والمنطق
يعني بتحب ❤
لما بتغيب عن وعيكك وتعمل اشيا مش طبعكك
لما فجأة بتتغير يعني بتحب 💖
هو الحب منو عشرة ولا بيخلق بعد فترة✨
لما مافيكك تسيطر لحتاا تعد للعشرررة وااااه ♪ .....
كيف بدي قلك ! انك الشي الوحيد يلي شايلتو بقلبي ... كيف بدي قلككك انكك حب يمكن انا انتهي وهو ما ينتهي ... بدي حبكك بمليون طريقة ..  انت الجزء الي كلو راحة الي بهرررب منو من كلشي ... عبالي اعشقكك عشق يغارو منو عشاق التاريخ عبالي اصفن بعيونكك اشهرر ... مو ساعات .. / الابيض عليكي بيجنن يمكن عنجد انتي ملاك بس بهيئة انسان .. عم تنفسك انا تخطيت مرحلة الحب صاارت ورايي وصرتت مغروم حتا برمش عينكك...  ماتتغيري كرمالي انا رح غير الدنيا كلا كرمالك انا بحبك متل ما انتي ... ادمنت تفاصيلكك ومارح تكوني غير ل صفا... /
مشو ع الورد الموسيقا ع تكة كندرتا .. والعيون كلها عليهن مسك ايدا وعم يمشو .. / ويلي بتغااري وماجيتي تهنينا .. نشالله من قهرك بتطقي وبتمووووتي / مسكت ايدا وعيوني عليها ومابدي حدا يتطلع عليها غيري... عم ترقص قدامي ب الابيض ... عيونا عليي وضحتكتها متل الورد ..

#عشق
#الجزء_الرابع_والاخير
عم تحكي معي بس ماعم افهم .. شارد بحركة شفافها ورفة رمشا وحركة ايديها ... كل الحلا الي فيا الي .. رح اتصبح واتمسا فيها .../ ومافي شي تمنيتو الا وفيها لقيتوو/ كانها شالت روحي لسابع سما وعبالي اعطيها حب من سابع سما لتحت روحة رجعة / مابعرف شو عملت حتا الله بعتلي حدا يفهم عليي حتا اذا تخربط بلحكي... يمكن متل مابيقولو الي بيصبر بدو ينال ❤ وانا سبحان الله الي زرعو بلوريد بكل نبضة بكل نفس ... مابعرف ليش بهرب من الكل عليه .... وين مابروح بتذكرو او بشم ريحة عطرو.... بحس احيانا اني محكومة فيه ومابدي اطلع منوو/  ... بكل ضجة العرس انا شارد بس فيها ... من بين كل الناس ماعم شوف غيرها  وخلص هدولة شكلهن مطولين عنا ...* بيحملا صفا لعهد وبيركد وبيفتل فيها كل الصالة ...والورد الاحمر عم يطير بكل مكان ... بينزل وبقلهن كملو العرس امانة.... الكل بيصير يضحك ويسفق وامو لصفا بتصير بتهلهل .. بيركبا بلسيارة وبروحو ع البيت ... بيشيلا لحتا يوصل على البيت بيقعدا ع الكنبة وبيروح بحط ايدو ع راسها وبيصير يقرالا}
صفا : صدق الله العظيم
عهد : شو عم تقرا
صفا : اية الكرسي
عهد : اية الكرسي !! شو خطرلك حبيبي
صفا : تا محدا يصيبك بلعين
عهد : يانبضي
صفا : ياحلالي
عهد : يا نصيبي
صفا : كلي الك وكلك الي
عهد : مارح تكون غير الي ولا رح كون غير الكك
{ايي مانو شرط نضل نفسر كل شغلة ونفحص الحركة ونستنا كتير ..الحب بيجي فجأة ... بيخلينا نحب السيئات ونعشق تفاصيل صغيرة كتير ... الحب مالو وقت او عمر او افكار متناسقة الحب شغلتين مختلفات تماما بيرتبطو متل اللحم و الدم .... الحب جنون والنصيب حكاية نحنا من هلق رح نكتبا وماحدا رح يسرق الحب الي بين ايدينا ...الي بيحب بيخرق كل القوانين الي متقيد فيها ل يطبق احساس قلبو ... حتا ولو الكل قلو انو الشي الي عم يعملو غلط بس هو مابيشوف هيك هو بيشوف انو حبو الشغلة الغلط الوحيدة الي عايشا صح.. ويانيال الي عندو هيك حب...بختصار مرحلة العشق كتير مجنونة وعشق الروح مالو نهاية حتا ولو الي حابينو مو عايش مانو شرط هو جوانتا ومارح يطلع  / وهيك تسكر باب الغرفة ليتفتح باب العيلة
 وانتو ماتستسلمو ل شي اسمو القدر ...القدر والدعاء بيضلو يتعاركو ليوم القيامة لهيك مسحو كلمة مستحيل من قاموسكن تحياتي
#عشق
#انتهت