#قصه جديده واقعيه ب عنوان : عـٰٰٰٰٰٖٖٖٜٖٖٜ۬۬ـٰٖٜ۬ـٜہدّ الཻـأصـدّقᮭـاء💙
#الجزء الاول _________في بيت من بيوت حارات الشام العتيقه
سارا : بابا يلا فتح المعهد امشي نسجل يلاا
ابو سامر (ابو سارا ) : يلا جاي امشي لشوف هديك السنه رسبتي وماطلع منك شي حتى هلا تنجحي بس امري لالله امشي يلاا
سارا عبست من حكي ابوها بس سكتت ومشيت بس كانت متأكده انو درست بس اكيد صار تشابه اسماء وعلامات وهيك ..،، بعدين راحو وسجلو
_____________
روان : ماما انا رح امرق لعند مرام اخدها ونطلع نسجل بالمعهد ماشي
ام روان : ماشي بس لا تطولي
روان : اي اي ماشي يلا بخاطرك
ام رؤى الله معك بنتي انتبهي ع حالك ،، روان بتمشي وبتروح عند مرام بتكون عم تستناها عند راس الشارع ،، مرام : ولك بسرعه امشي امشي يلا
روان : اي امي مسكتني ساعتين انتبهي ع حالك وبسرعه ومدري شو امشي يلا منحكي ع الطريق
__________
و بحارة تانيه
اسيل : لك يا جمييييله خلصينا امشي شقد بتحطي مكياج هاد و ع المعهد اففف لك خلصيييي جننتيني
جميله (ببرودة ومياصه ) : ورصاص طولي بالك شوي بس لحط الروج دقيقه ..... يلا خلصت امشي بسرعه بلا ما نتأخر
اسيل :😳😳من الصبح عم قلك يلا وعم استناكي وهلا عم تقولي امشي بلا ما نتأخر 😑 والله لنتفك يا جمولي بس لنرجع
جميله : اي اي مشي يلا 😏
عند المعهد
روان : هلا اسيل كيفك حبيبتي شو اخبارك
اسيل : الحمد لله انتي كيفك . كيفك مرام
مرام وروان : الحمدلله امشو نفوت يلا نسجل
الكل : (روان واسيل و مرام رفقات من ايام الابتدائي ) بفوتو البنات بسجلو بالمعهد وبداومو وبيتعرفو ع بعض كلن وبتصير سارا من الشله تبع روان واسيل و مرام
(بعد اسبوعين )
بتحط الطيارة بمطار الشام لتعلن بدايه حياه جديده لبنت
شغف ا (عم تسحب هواااا بعمق وكانو بدها تاخد كل الهوا الموجود ) : ااااه ع ريحه الشاام ياامي بترد الرووح
ام احمد (ام شغف ) : اي والله يا شغف الشام بتجنن امشي يلا
شغف ا : يلا ،، بتروح شغف وامها واخوها الصغير احمد ع البيت تبع جدن برحبو فيهن وبياخدو وحده من الغرف وبيقعدو فيها وبيستقرو وبعد اسبوع من وصلت شغف بتقرر تروح تسجل بالمعهد ،،، شغف : ماما اذا بتسمحيلي معلش بكرا روح سجل بالمعهد حاجتي عم طول بالي يلا لحق ادرس
ام احمد : ماشي وشوفي التفاصيل وخبريني يلا قومي نامي مشان تفيقي بكرا مصحصحه
شغف : يلاا ت ع خ
بتفوت شغف بتنام بفرح لانو بكرا رح تبلش حياه جديده
الصبح
شغف: صباحو مامي كيفك
ام احمد : صباح النور قعدي فطري مشان تروحي
شغف : يلا ،، بتقعد شغف بتفطر وبتلبس تنورة بيضا طويله وقميص لون كرزي وبوط ابيض وحجاب ابيض وكرزي وبتطلع بتوصل عالمعهد بتفوت بتسجل وبتفوت ع القاعه بتسلم وبتقعد بتكون مو جايبه الملخص لهيك الانسه بتطلب منها تتبع الدرس مع سارا ، بتحكي هيي وساررا وبيتعرفو ع بعض شوي وبعدين بيطلعو بتعرف سارا شلتها ع شغف وبيحكو شغف ا بتحبن كتيير وهني كمان بحبوها بتمرق الايام وصارو هالصبايا علاقتن قوويه كتيير خلوني احكيلكن عن البنات شغف بنت بيضا متوسطة الطول بس مايله ع قصر جسما معبى وحلو احلى شي فيها ضحكتا عيونا بنيه ومحجبه حساسه بتبكي فورا وبتضحك فورا وبتوثق بايا حدا ،، سارا بنت قصيرة سمرا عيونا سود وحلوين نحيفه وشعرا اسود حبابه وحنونه ما بتبخل ع رفقاتا بشيي ، روان قصيرة حنطيه جسما احلى شي بينهن رموش عيونا بجننو وحركاتا وحكياتا زادوها جمال ، اسيل قصيرة نحيفه كتيير بيضا محجبه وهي هيي ورؤى الله خلقهن للضحك وبس ،، مرام طويله جسمى معبى مايل للسمنه شوي حنطيه وجديه مابتحب الزايحه بس احيانا بتحسا طفله صغيرة ،، ونرجع لقصتنا ____
سارا : يا بنات يا بنات احمد 😍😍
شغف وروان واسيل : سارااااا نحنا شو قلنا ااه !
سارا : والله بحبو مو بأيدي😔
مرام : سارتي خلص ولا يهمك احمد بحبك ياروحي خلص تركيكي منهن روحي شتريلي شي اكلو ،، راحت سارا تشتري من الدكان
روان وشغف واسيل: مرام لي عملتي هيك كلنا منعرف احمد ما بحب سارا .. مرام : اي شو بعمل ما شفتوها كيف طابسه فيه وبتعشقوو حرام ولوو
البنات : اي اذا ضليتي هيك رح تتأمل اكتر وبعدين بس تعرف انو ما بحبا رح تصيبا خيبه(سارا بتكون عم تسمعهن بلا ما ينتبهو )
سارا: شووو مرام يعني ما بحبني انتي كمان كزبتي عليي 💔 ليش عملتي هيك لييش 😭 بتروح تركض وبتلحقا شغف وروان لانو اكتر شي بتسمع منهن سارا
روان : سارتي حبيبتي شبك اهدي خلص روحي بيجيكي احسن من احمد انتي بتستاهلي واحد يحطك تاج ع راسو مو متل احمد الله وكيلك انحف حتى من اسيل مدري كيف ركبو متحملينو.
سارا : بس بحبو يا روان بحبوو😭 شغف : سا تي من ايمت انتي ضعيفه لك انتي قوتنا نحنا مناخد القوة منك لاتضعفي انتي قدوتنا كيف فيها تكون قدوتنا ضعيفه ضحكي لك ريتو الي بدو يمسح ضحكتك ينمسح من وجه الكرة الأرضية
سارا :🥺😍 شو بحبكن هههه
الكل : هههه ونحنا منحبك
#الجزء الثاني
شغف : يلا نقوم نروح عند البنات
سارا : اي يلا امشي
روان :😑 هييي كأنو انا موجوده يعني بتوقع اني معكن 🙂
شغف و سارا :ههههه اي اي معنا يا غيورة امشي لشوف
بروحو البنات محل ما كانو واقفين كلهن بس مابلاقو اسيل و مرام
سارا : وين البنت لتكون مرام زعلت مني لاني عصبت عليها 🥺
شغف : لا لا مرام ما بتزعل منك اكيد بكونو ب حارتنا (كافيه البنات المفضل اسمو حارتنا ) روان : اي اكيد هنيك امشو نشوفن ،،، بوصلو البنات وبلاقو اسيل و مرام قاعدين وفي معهن شب بس ماعرفوه لسا قربو لعندن ،، شغف سحبت الكرسي وقعدت وحكت بحده : سلام اسوله شو مرام ماعرفتينا عن الاخ !🤨
مرام : أ أأ هاد (بتضل تحاول تطلع الحكي بس ما بيطلع )
شغف : شووو احكي ميين وكيف بتقعدو مع شب مبتعرفوه
الشب : عفوا منك بس انا رفيق مرام و اسيل وبعرفن من الطفوله ماشي واسمي يامن .. شغف عم تحكي بجديه : اووووه اهلا وسهلا وانا اسمي شغف ورفيقتن من وقت كانو ببطن امهاتن 😊 ، بس ليش متلبكه اسيل في شي ؟! ،،، اسيل : لا ابدا بس وقت حكيتي كنتي بتخوفي لهيك ماعرفت شو احكي
الكل : هههههه 🤣🤣
شغف: 😑😑😑 انا بورجيكون ،، وقامت شغف وصارت تركض ورا اسيل والكل عم يضحك علين
بتمرق الايام وبصير يامن واحد من شلتهن بحبوه كتير وبيعتيرن اخواتو ماعدا وحده بكون طابس فيها وبخجلا وبهدوئها وهلا منعرفا بالاحداث الجايه 😉 (بعد شهرين )
#تكمله الجزء الثاني
(بعد شهرين )
بيجتمعو الشله مشان يتناقشو بدراستن وهيك للعلم يامن بكالوريا بس البنات تواسع بس ماشالله الي بشوفن وبشوف حكين بفكرهن ختايرة 😂 .. ( بكافيه حارتنا )
يامن : اي صبايا شو آخر مشاريعكن. ؟
مرام : والله عم ادرس كل نهاري اففف ختنقت ولوو
اسيل : انا مقضيتا خناق مع اختي جميله 🤦🏻♀ وبقرا عن التمريض وهيك 😌
روان : وانا مقضيتا عم اسمع خناقات اهلي مليت ياجماعه لسا كل كم يوم امي بتطلع حردانه تعبت💔
سارا : وانا والله عم ادرس واحيانا الانستا . (شغف صافنه وساكته وباخر عالم )
ياامن : وانتي انسه شغف مو حابه تحكي (شغف بعدا صافنه ومو سامعتو ) يامن : لك هييي شغف فيكي شي ؟ الوووو
شغف : اه .. عم تحكي معي ؟
يامن : لا مع جدي شبك ولوو
شغف : اسفه بس كنت شاردة شو عن شو عم تحكو
اسيل : كنا عم نحكي شو اخر مشاريعنا وهيك
شغف : اي وشو طلع معكن نشالله
سارا : والله كلنا حكينا وضليتي انتي لانو حضرتك بدنيي تانيه
شغف :(بقلبا : شو بحكي يا سارا اااخ شو رح اعمل يارب ): انا مفي شي مقضيتا اكل شوكولا عطول واندومي ووقت بدرس بحط شوكولا حدي وبقعد ادرس مشان اتحمل منظر الكتب
يامن : امممم اي الله يكوون معكن
شغف: وانتا استاز يامن شو اخر مشاريعك 😉 اجا دورك تحكي
يامن : والله يا بنات بيني وبينكن انا عشقان 😁 وطابس فيها ع الآخر 🤤
البنات : شووووو 😳🤯 عشقان !!! ونحنا آخر من يعلم
يامن : لك انتو اول من يعلم لك حتى هيي بعدا ما بتعرف اح احممم
البنات (بنظرة انو ماصدقت ): امممم اي صدقناك 😒 ومين هيي؟
يامن : لا بعد بكير ع فكرة بكير كتيير لتعرفو
البنات عصبو وزعلوو منو وكانو مرتبطين فيه 😂 . بتمرق 3 اسابيع ويامن ماعاد رجع فتح موضوع حبو لحدا بنووب وسارا واحمد ارتبطو مع انو الكل نبه يارا انو بلاه احمد بس حبا اعمى ع عيونا ومرام رتبطت بقرايبا بس مسافر واسيل رتبطت ب شب معن بالمعهد وشغف بتحب واحد صرلا سنتين بس في مشاكل بينهن كتير من ورا اهل شغف وهيك اما روان بتضل متل ماهي بتضل ضايعه بين مشاكل اهلا وطلاقن وهيك
المسا : شغف عم تحكي مع حبيبها ساري : ساري انا تعبت ماعاد فيي حارب اكتر من هيك وانتا كل فترة بتطلعلي بقصه جديده لتبعدني عنك واحيانا بتجي وبحسك بتعشقني انا ضايعه حاج تعبني كرمال الله ،،، ساري : شغوفتي والله بحبك يشهد الله بس شفتي شقد صار معنا مشاكل احيانا بفكر انو اتركك مشان ما عزبك اكتر بس ماعم اقدر بعد عنك وبرحمه ابي بعشقك يا بنت الناس والله رح تكوني الي بس تحملي شوي صرلك سنتين متحمله بس كم شهر بس كم شهر ياتقبريني انتي دخيل روحك 😚 ،،، شغف : انتا بتعرف انو حكيك هاد نقطه ضعفي بس عنجد ماعاد اضعف ماشي الحكي ماعاد يأثر فيي انتا ماعملتلي شي ولا ابدا لهيك انا اسفه رح اضطر اقطع علاقتي فيك لبين ما تكون جاهز تجي تخطبني حتى لو منعرف انو اهلي رح يرفضو بس وقتا فيي وقف بوجهن ماشي
ساري : شغف كرمال الله لا تتركيني انا بحبك مافيي اتحمل ضل لحالي مشان الله انتي كل اهلي كرمال الله (ساري عنجد بحبا لشغف من كل قلبو بس ابوه جبرو يتزوج من بنت قرايبو لانو اهل شغف رفضوه لساري لانو من غير منطقه ) ساري: بوس ايدك ما تبعدي عني انا بتنفسك😭💔
شغف : اسفه بس خلص هاد مجرد حكي الحب افعال ي ساري افعال وبس تشوف حالك خرج تثبت حبك تعا لعندي ماشي يلا انتبه ع حالك باي 👋🏼 ،، ساري: لاا لااا ستني شغف ؛ بتسكر بوجهو وبتصير تبكي شغف : والله مو بأيدي بس وعدت امي والله مو بأيدي 😭 بحبكككككك وبعرف انك بتحبني بس هلا مافيي اعمل شي وانتا بعيد سامحني مشان الله سامحني 💔😭 ____
عند سارا : احمد مشان الله لاتتركني كرمال الله والله بحبك هداك ابن خالي ربينا سوا متل الأخوة ... احمد : لا سارا اسف خلص. نبهتك كزا مرة خلص كل شي انتهى بااي ..سارا : كرمال الله لا احمد لا ... بس احمد بيمشي وبيترك سارا وراه مكسورة منهارة متحطمه 💔 ____
عند اسيل
نابغه : كيفك حبيبتي شو اخبارك
اسيل : هلا روح مشتقتلك انتا كيفك ... نابغه: منيح امشي نفوت ع الدرس يلا ... اسيل : بس البنات بعدن مااجو ّّّ.... روان : ليكني اجيت امشي
اسيل : وين شغف وسارا ومرام
روان : حكيت مع سارا قال عنا ضيوف بس صوتا كان مو زابط ابدا مدري شبا ستني لشوف شغف : الو شغف وينك ليه ما اجيتي
شغف(بصوت مبحوح): اهلين روان عنا ضيوف مارح اقدر اجي روحو انتو 😔 روان : طيب ع راحتك حبي مع انو صوتك فيه شي .... يلا متل مابدك باي
اسيل : شوفي هي كمان شبها ؟
روان : والله مبعرف بس صوتا مو منيح يلا خلص خلينا نفوت وبعدين منحكي فيهن_______
اما عند مرام بتكوون بساابع نومه وعم تحلم بحبيبا ماشين سوا ع سجاده حمرا والكل عم يصفقلن والاغاني شغاله بيمسكا من ايدا ببوس جبينا وبيرقصو سوا وبخرب حلما صوت مو بايلا بتقوم بكسل بتفتحو بتشوف رساله من حبيبا : مرام انا تعبان تركيني شوي بدي ارتاح ماشي لا تبعتيلي لو شو ماصار تمام باي ... مرام بتنصدم : لك معقول هاد بشار حبيبي نفسو مستحيل😭💔 ليش بشار ليش
وبتنهار من البكي _
عند شغف قاعده بتختا عم تتزكر كل زكرياتا وموافقا مع ساري كل ضحكن وبكين وكل شي حلو وعم تبكي : شتقتلك والله شتقتلك بدي اسمع صوتك😭 بدي ياك 💔
اما ساري بكون عم يشتغل فجأه بيصرخ : لك تركيني مشان الله مشان الله طلعي من راسي كرمال الله حاج تعزبيني 💔 وبيمسك راسو بايديه وبضمو لاجريه وبيقعد يبكي بيجي بشوفو اخوه رامي : شبك ساري شبك شو صاير معك قووم ساري : قلا تطلع من عقلي تعبت والله تعبت 💔 .. رامي : مين هيي ؟ ؛ ساري : لك شغف شغففف😭💔 .. رامي بيسكت مابيحسن يحكي شي لانو بيعرف اخوه شقد بحبا لشغف رامي : امشي اخي قوم غسل وروح عالبيت انا هون عنك خلص روح .. بروح ساري بيمشي جسد بلا روح بوصل بفوت ع الحمام بغسل وبيطلع ع المرايا بشوفا واقفه وراه وعم تبكي : ساري مو بس انتا موجوع انا اكتر منك مووجوعه بس مجبورة بحبك... ساري بصراخ : ولك روووحي رووحي تركيني خلي طيفك يتركني متل ما بعدتي عني روووحي وبيضرب المرايا لتصير شقف قزاز ع الارض وايدو كلها دم بتجي مرت اخوه ع صوت المرايا وبتشوفو وبتنصدم وبتطلعو بتلفلو ايدو
وبتقلو : شو صار معك ليش هيك حالتك : ؛؛؛ ساري : مو انا هيي وصلتني لهون هيي اخدت روحي مني هيي اخدت ساري تركت بس جسم تعبت يا روضه (مرت اخوه اسما روضه ) بحبا بحبا بدي ياها؛؛؛ روضه: ونحنا كلنا منعرف انو هيي بتحبك لانو هيي عملت كتير شغلات بس انتا ماعملت شي انتا خذلتا وكنت ضعيف وجبان ماقدرت تحارب متلا انتا كسرتا وانا ما بلوما بس بقلك انو هيي بتحبك ورح ترجعلك وبتشوف ّ؛؛؛ ساري : بعرف كسرتا وخذلتا بس مجبور كنت والله مجبور 💔 ؛؛؛؛ روضه: خلص اهدا نام شوي ورح ترتاح
___
عند يامن عم يدرس بس سرحان بخيالو وعم يتزكرا كيف حكت اول يوم كيف كانت حاده بحكيا وكيف ضحكتا بتاخد القلب بياخد نفس : لازم اعترفلا قبل ماتروح من ايدي بحبك بحبك لازم تكوني الي .. برن ل سارا وبقلا انو بكرا رح يعترف للي بحبا بس بدو الكل يجتمع
سارا : اي ماشي تكرم عيونك خلص بكرا الساعه 3 منكون بحارتنا هلا بخبر البنات
تاني يوم بالكافيه الكل قاعدين وصمت قررت تكسر الصمت مرام : اي يامن ممكن نعرف ليش جمعتنا اليوم ؟ يامن : اي اكيد .. بس بيقطع حكيو رنة هاتف شغف وبترد فورا بعد ما بتشوف الاسم بتكون مرت اخوه ل ساري : الو شغف كرمال ألله احكي مع ساري لك قافل ع حالو الباب وعم يكسر كل شي مشان الله حكين مبارح كسر المرايه وايدو بعدا مجروحه رح افتح سبيكر وحطو تحت الباب رح يسمعك لو سمحتي احكي شي رح يروح من بين ادينا .. شغف عم تسمع حكيها .ومصدومه ودموعا عم تنزل لحالن بتصرخ : سااري لا ساري 😭 انا بحبك والله بحبك بس اهدا رح كون معك بس اهدا خلص شو مابدك بصير بس اهدا
يامن بيفتح عيونو وبينصدم وبحس قلبو صار متل النار بعد الي سمعوو بقوم وبروح بسرعه وهوا مو مستوعب الي سمعو يامن : لك لك طلعت مرتبطه كيف هيك مابعرف كيف هيك لك ما اغباني كيف بنت متلا لهلا ماحدا بحبا كييف وبيصرخ .. بتكون روان وراه وعم تسمعو بتكون رح تموت بعد ماعرفت انو بحب شغف لانو هيي بتحبو بس ماحدا بيعرف لانو هيي كتومه بس بتمسك حالا وبتروح لعنجو وبتحط ايدا ع كتفو وحكت بغصه💔 : طول بالك اكيد رح يبعتلك الله بنت احسن منها
يامن : لك بحبا يا روان بحبا من الاول اخدت عقلي قبل قلبي أسلوبا ضحكتا عيونا لك بحباا💔 وبيرمي حالو ع كتف روان وبصير يبكي .. روان : لهدرجه بتحبا لحتى تبكي ؟! ... يامن بتعب : بحبا !! هه الحب شي قليل فيكي تقولي عشق وهيام واكتررر 💔
روان : بس في غيرا بتحبك كتير واكتر من روحا مستعده تتخلى عن سعادتا وتعطيك ياها ... يامن : بدي شغف مابدي غيرها هيي روحي لك.روحي .. وبينهار من البكى وروان بتهديه. بتوصلو ع بيتو وبيطلب منها تفوت تقعد شوي لانو اذا ضل لحالو ممكن يعمل شي بحالو ترددت لانو لحالو بس بعدين وافقت وفاتت راحت عالمطبخ عملت قهوة وقعدت معو حط راسو ع كتفا وصار يحكي عن شغف وعن بدايه حبو الها وروان عم تسمعو بكل حرقه قلب 💔 بعدين بيغفى ع كتفا بتقوم توديه ع غرفتو بس بيمسك ايدها بنعس وتعب : خليكي حدي لو سمحتي
روان بتضعف.وبتضل حدو وبتغفى ____
عند شغف : ساري عمري والله بحبك بس اهدا والله رح ضل معك ماعاد اتركك
ساري عم يحكي وتعبان ومهزوز : شغف الله يوفقك لا تتركني بترجاكي بعطيكي وبعملك شو مابدك بس ضلي حدي كرمال الله 💔 .. شغف : مبدي شي يروحي بس انتبه ع حالك ورح ضل معك ووعدني ماعاد ينعاد الي صار اليوم ؛؛؛ساري :ما بأيدي والله ما بأيدي بس خليكي حدي ومابينعاد
شغف: ماشي حبيبي قوم تحمم وارتاح شوي ماشي
_
اما مرام و اسيل متل الأطرش بالزفه مو فاهمات شي بالاخص ليش يامن قام ووجهو احمر نا بيتفسر بعد ما سمع مكالمه شغف
___________
#الجزء الثالث
(بتمرق 3 شهور بيتغير كتير شغلات مرام بتحاول تتواصل مع حبيبا بس بيحضرا .بتبطل تفرق معها واسيل بتترك نابغه لانو مل وهيك صار يهملها وشغف علاقتا نع ساري عم تقوى وقربت رجعتو من سفرو وسارا بتنسى احمد وبتقرر تبطل شي اسمو حب وتلتفت لرفقاتا ودراتا ومستقبلا وروان بتصير قريبه من يامن كتيير وما بتخبر حدا انو كان يامن بحب شغف مشان ماتخرب علاقه التلاته مع بعض ويامن بينسى شغف وماحكا لحدا انو بحيا غير روان و بصير يحس بشي اتجاه روان و هيك بصير يتقرب منا وبعدين قتنع انو هاد حب )
بيووم بعد ما خلصو البنات دوام المعهد كانو بدن بروحو.ع الكافيه تبعن متل العاده بس كان معهن رفيقتن التانيه بس مالها خلطه كتير بالشله اسمها واني ... و ماكان معن مصاري ع القد بعدين صارو يفكرو انو اذا جمعو حق الاركيله وحده وكاسه كابتشينو وحده بيمشي الحال روان : يا بنات انا عندي 600 لازمنا لسا 800 لنقدر نجيب الاركيله وكاسه كابتشينو وحده ... اسيل : انا عندي 250 .. شغف : وانا 200 ... سارا : وانا 300 ... واني : انا عندي 25 ليرة😂💔 البنات : مكترة والله ...واني : اب شو بعرفني انو بدنا نجي ع الكافيه لهيك شتريت اندومي كنت جوعانه .. بيسكتو شوي بعدين بتحكي شغف بفرح : لك بنات بتزكر معي 25 قديمه اذا لقيناها رح ي
مشي الحال ستنو لدور ... البنات 😍😍: يلاا شو عم تستني ... بتلاقي شغف ال 25 بتكون مصديه ووسخه وكانو صرلها سنين 😂💔 المهم بروحو ع الكافيه بعد ما ضلو شي نص ساعه تحت المطر وهنن عم يجمعو المصاري يحياام 😂💔
بيرجعو ع البيت بعد قعده بتجنن كانت قضوها ضحك ومزح وكزا مرة صاحب الكافيه نبهن ينوصو صوتن وهنا ماعم يردو ع حدا😂
بنامو بعد يوم متعب ومضحك وكل يوم عم تقوى علاقتن ب بعض __
تاني يوم بروحو البنات ع المعهد بكل حب ونشاط وحيويه بشوفو بعض وبسلمو ع بعض بفوتو بيحضرو درس وبيطلعو شغف : جوعانه ومالي حامله معي مصاري بتكفي مين بتتبرع تشتريلي اندومي اليوم 🥺
اسيل: اللهم إنني طرشاء صماء بكماء🌚 ... مرام : انا مو شايله وحياتك غير 300 حق علبه اندومي الي ،،، روان : والله متلي متلك مو شايله ولا فرنك 💔😔
سارا : امشو انتو التنتين خلفتكن ونسيتكن 😪😬 ... شغف وروان بفرح وحماس 😍😀 : دخيل روحك سوستي تقبرينا الله لا يحرمنا منك😚 ... سارا اي اي امشو كلو بعقلي حلاوة لقلكن امشوو .. راحو الصبايا شترو وخلصو حصصن ورجعو ع البيت بفرح وحب كانت ايامهن روتينيه ومافيها شي جديد بس مع هيك ماكانو يملو من ايامهن كانو يعيشون بكل فرح وحب ونشاط كانو متمسكين ببعض كتيرر ♾♥️
المسا عند يامن كان عم يفكر يصارك روان بحبو الها وقرر يصارحها تاني يوم نام وهوي متحمس وعم يدعي انو مايصير معو متل هديك المرة
تاني يوم راحو الشله اجتمعت اجت لتفوت ع الدرس بس يامن صاح ل روان ورجعت وقالت للبنات يعتزرو بدالا انها مارح تحضر اليوم راحو البنات وبقيت روان مع يامن .
يامن : رورو بدي احكي معك ضروري ؛؛ روان : اي احكي شوفي
يامن : لك مو هون امشي نتمشى شوي . راحو عم يتمشو يامن : روان شكرا انتي بتجنني انتي ضليتي حدي وما تخليتي عني باصعب حالاتي روان انا بصراحه .. روان : شوفي احكي ... يامن : بصراحه يعني ... روان : لك احكي وقفتلي قلبي شبك .... يامن بيسكت وبوصلو ع حديقه مزينه بالورود الحمر والبالونات واسم روان مكتوب ع المدخل .. روان بتنصدم من الي شايفتو بتفوت هيي ويامن وقلبا طاير من الفرحه وشتغلت اغاني بقرب يامن وبيمسك ايدا وبقلا : روان انا بحبك بحبك متأكد اني كنت معمي وقت ماشفت حبك ااي انت بحبك بتقلبي تكوني معي لآخر العمر ؟ روان عم تسمع وحاسه ح
الا رح تطيررر من الفرحه :😍 اي اي يامن اكيد بقبل بحبك بحبك .. بقرب وبيهمسلا بحبكككك وبيحملا وبدور.فيها
اما مرام بتنسى حبيبا وبتصير كل حياتا دراستا ورفقاتا
واسيل بتعيش لحالا مبسوطه وماعم تفكر بحدا ابداا
وشغف بتبطل معهد لانو امها بتسافر وبيت جدها معقدين وهيك بتقعد بالبيت بتدرس وهيي مقهوره انها ماعاد فيها تشوف رفقاتا بس الي بصبرها ساري كان الاب والام والاخ والأخت وكل شيي .. و سارا بترتبط ب ابن خالها بيعشقا عشق _______
وبيوم من الايام بعد ما تخرجو البنات بمجموع منيح بيندق باب بيت شغف وبتجي مرت خالا لعند شغف : شغف اجوكي خطابين قومي ضيفي القهوة لشوف يلا وبلا صوت حسك نسك تحكي شي او تعملي شي مو منيح فهمتي
شغف واقفه ولو تضربيا ميت سكينه ما بتطلع نقطه دم وحده بتطلع مرت خالا وبتتركا منهارا ع الآخر بتقوم بتدق لساري : ساري مشان الله اجوني خطابين واهلي موافقين اعمل شي كرمال الله 😭
ساري : وشو يعني انا شو دخلني تصطفلي منك.لاهلك ... شغف بتنصدم : شووو ساري عم تمزح صح قول عم تمزح مشان الله ?💔 ساري : لا ماعم امزح يلا باي هه صحيح لا تتأخري ع عريسك ياعروس باي .. شغف بتزت الهاتف وبتقعد تبكي بحرقه وبتستسلم اخر شي وبتغسل وبتطلع تضيف القهوة وراسا بالارض ما تطلعت بوجه حدا ولا حتى بوجه عريسا وهيي قدام عريسا و عيونا. بالارض والدمعه بطرف عينا بتسمع صوت مألوف عليها : مسحي دموعم امي ما بتحب تشوف كنتها عم تبكي 😉 بتنصدم انو نفس الصوت بقلبا : لك اي اي هاد صوتو والله صوتو هاد ساري .. بترفع راسا وبتشوفو هوا وبتوقع الصينيه وبقوم يحضنا وصارت تبكي بحضنووو عن عشر سنين بعدين بهديها وهيي بتصير تضربو ع صدرو كيف بيعمل فيها هيك .. ساري : ههه اهدي شوي لك قلبي رح يوقف يابنت الحلال ؛؛؛ شغف : اي بتستاهل لكا هيك بتعمل فيي 🥺 ساري : خلص روحي انسي المهم انو هلا نحنا رح نصير سوا وهيك بتم خطبه شغف وساري وبعيشو احلى ايام حياتن و اسيل بتعمل دورات تمريض وبتصير ممرضه ومرام تسافر ع السويد وسارا بتضل بالبلد هيي وحبيبا حسن وروان ويامن كل يوم عم يكبر حبهن ورح يخطبو عن قريب
وهيك بعيشو حياتن بكل سعاده وفرح وحب الصبايا عم يزيد لبعض وكل يوم عم تقوى صداقتهن
(بعد 20 سنه)
مجتمعين البنات ب بيت روان
واسيل تزوجت دكتور كان معا وصار عندا 3 ولاد و بنت وسارا نفصلت ع ابن خالا لانو مرة شكت فيه وتركا بعدا وتزوجت ابن عما وصار عندا بنتين و وولدين و مرام تزوجت ابن رفيق خالا وعندا 3 بنات بس وروان تزوجت يامن وعندن 4بنات و 3 ولاد وشغف تزوجت ساري وصار عندا 4 ولاد و3 بنات __
سارا : ايييه مين كان يجي هيك يوم ونقعد هالقعده
روان : نحنا ما تركنا بعض لنرجع نقعد نحنا قاعدين بقلوب بعض ع طول ... مرام : ههه وفوقا ولادنا سوا ههه ... اسيل : ايييه لك شوفي روان من هلا بنتك ندي لابني وائل فهمتي ليكي شو لابقين لبعض 😉🤣 هههه
روان : خرسي وليه فوق ماعم يتحركش ببنتي ماعم تضبيه
الكل : ههههه بس شغف عم تتفرج ومبتسمه . مرام : شبك شغف ليع ساكته ؟ شغف : كتير مبسوطه كتيير وهاد هوا الي بسموه عهد الأصدقاء .. الكل بيبتسمو وبضمو بعض وهيك بتنتهي قصتنا وبعيشو الكل بسبات ونبات 😍
النهايه
"ملاحظه القصه واقعيه بس النهايه خياليه الي صار بعد 20 سنه لانو بعدن لهلا نا طبقو ال20 سنه 🤣 وبتمنى تكون عجبتكن ✨
ليست هناك تعليقات:
إرسال تعليق
نشكرك على اهتمامك 😊 😊 ❤️