أروع القصص والروايات |قصة الصداقة

 #قصة الصداقة 😍

 : الجزء الأول...♥
ياسمين كانت بالصف الخامس انتقلت على مدرسة جديدة بسبب انتقال سكنها و راحت هي و امها سجلت بالمدرسة و اول يوم وتاني يوم و تالت يوم كانت امها تجيبها و تاخدها من المدرسة لان مابتعرف تروح عالمدرسة بعد هي الايام فكرت حالها انها حفظت الطريق
ياسمين : ماما كأني حفظت الطريق خلينا اليوم ارجع لحالي عالبيت
امها : متأكدة انك حفظتي الطريق؟
ياسمين : اي ماما
امها : لكن مالح اجي آخدك من المدرسة
ياسمين : اي ماما
كانت ياسمين ماعندها رفقات ابدا بأول فترة المهم منرجع ..
داومت الدوام متل كل يوم بتمش لحالها بتطلع بعيونها العسلية برفقات صفها بس مشكلتها كانت فاقدة ثقتها بنفسها بسبب الاهانات يلي كانت تتعرضها بسبب نعومتها كانوا ينصدموا وقت يشوفوها بالباحة
طلاب : انتي صف خامس!
 ياسمين : اي صف خامس!

  الطلاب :مبينة صف اول
كانت كتير تزعل بس ماتحكي لحدا
صار وقت الانصراف و هي قايلتلها انو لح ترجع لحالها عالبيتها
طلعت من المدرسة
 على باب المدرسة وقفت ماعرفت كيف بدها ترجع عالبيت صارت تبكي كتير لقت صار قدامها رجال سألتو بكل براءة صار يعيط انو شو هل الاهالي بيتركوا ولادهم هيك و انا عم تطلع فيه و عم تبكي و هو عم يطلع فيها تحت النظارات الشمسية العريضة مابعرف ...
بهدول اللحظات لحسن حظها لقت انسة العلوم يلي عم تدرسها دلتلها عالطريق وراحت عالطريق تاني بعدين لقت بنت طريقها على طريقها رجعوا سوى عالبيت بعد مدة حفظت الطريق و صارت تروح لحالها و ترجع لحالها ...
مرقت هي الايام بصعوبة شوي
يوم من الايام وقت نزلت عالباحة لقت في كم بنت عم يتخانقوا و فجأة في وحدة قامت بنترة و بحزن وصارت تمشي لحالها لقتها فرصة حلوة للتعرف عليها ...
سألتها سؤال واحد شبك زعلانة صارت تحكيلها و تفضفضلها حكي انها كتير مدايقة
 الجزء التاني..♥
وصارت تففضلها و تحكيلها انها كتير متدايقة
 ياسمين : انتي شو اسمك؟
صبا : اسمي صبا
ياسمين : عاشت الاسامي
صبا : الله يسلمك
صارت تتمشى ياسمين و صبا و تقريبا فينا نقول انو صاروا رفقات
 و اخيرا صار عندها رفيقة و كتير حبتها
 و بعد مدة عرفتها صبا ل ياسمين  على رفيقة اسمها آلاء كتير حبتها بس لسع بهي الفترة بتحب صبا اكتر من آلاء كانت تحس آلاء انها جدية اكتر من صبا و كانت آلاء متفوقة
كتير بدراستها حاولت ياسمين تتقرب من آلاء بس لقتها كتير حبابة و بتنحب و لما عاشرتها بس طلع غير يلي كانت مفكرتوا عنها من قبل
 و بعد هيك تشجعت ياسمين و صارت تحاكي من الصف اكتر و تتعرف عليهن و قويت شخصيتها لانو كانت عندها  مشكلة بالنطق وهي ما تسمى ( التأتأة ) صار معها هيك بسبب تأخر نطقها و بسبب الرعبات القوية و الظروف القاسية لما مرت معها بس حاولت كتير تدارك هاد الموضوع لانو كتير تتعرض لاهانات منشان هاد الموضوع بس صارت تتعرف على رفقات و حاولت تمارس حياتها متل اي طفلة بتعيش طفولتها بس بالعلم انو طفولتها غير كل الطفولة يلي مروا فيها بهي المرحلة لان طفولتها كانت قاسية كتير
واخيرا...♥
صار عندها رفقين صبا و آلاء و حبتهم كتير
 و خلص صف الخامس و نجحت بعلامات مقبولة بالصف السادس ماكتير كانت خايفة متل كل سنة لانو مرت فترة كل صف بمدرسة اما هي المرة بالمدرسة نفسها و كانت متشجعة لان معها صبا و آلاء تقويت علاقتها فيهن
بالصف السادس
وقت بدهم يفرزوا الصفوف كانو هنن لتلاتة واقفين مع بعض مع العلم انو قالونا و قفوا تنين تنين بلش العناد..
 و هنن بدهن يوقفوا مع بعض اجت الانسة و شدت صبا و حطيتها بغير شعبة
 صبا : لا تركوني بدي ضل مع لرفقاتي
ا يلا امشي و بلا مياعة
صبا  :تركوني
وعم تطلع و عيونها لعند رفقاتها
: الجزء التالت...♥
لحسن الحظ طلع صف صبا مواجيه صف آلاء و ياسمين
 بس صبا صارت تطلع فيهم و تبكي ما صدقوا ايمت صارت الباحة من شان يتلاقوا مع بعض
 و يحكوا نزلوا على الباحة وصرت تحكي معهم و هي معصبة كتير و قررت تطلع معهم عالصف
و اعدت معهم بالمقعد و بدون ما تحاكي حدا من الانسات
 قعدت بالمقعد مع آلاء و ياسمين اجت الانسة على على صف صبا منشان تاخد التفقد بس ما لقت صبا دورت عليها بعدين لقتها خانقتها كتير لصبا و صبا صارت تبكي
 بس بعد مدة قصيرة  تنقلت صبا لصفهم يعني صاروا صبا و آلاء و ياسمين بصف واحد و خصصيصا بمقعد واحد وصاروا رفقات كتير قراب لبعض و تعلقوا كتير ببعض
و كانت هي السنة كتير حلوة كانوا يطلعوا فيها مشوير و كتير ينبسطوا مع بعض تعرفت ياسمين بهي الفترة على و حدة اسمها بشرى حبتها كتير وصارت  تروح لعندها لان بيتها قدام بيتها و يدرسوا سوى بس اول ماتعرفت عليها سألتها بشرى لياسمين
انتي وين بيتك جاوبتها ياسمين وطلع بيتها قدام بيتها و في يوم قالتلها بشرى ل ياسمين
 بشرى :تروحي معي عالبيت لان بيتك قدام بيتي
ياسمين : اي بروح معك
زعلوا صبا و آلاء انو ياسمين مالح ترجع معهم اليوم
( نتبع في ا

لجزء الرابع...♥ )
 الجزء الرابع...♥
زعلوا منها انها مالح ترجع اليوم معهم هي ماعرفت انهم زعلوا منها بس عرفت بعدين بعد ما بعتت رسائل و ما ردو عليها،
 زعلت كتير هي و صارت تبكي معقول تخسر الرفقة؟!
لا مالازم هيك يصير شو بدها تساوي؟!

 راحت اشترت هدية رمزية بعدين حتى رضيوا و صاروا رفقات اقوى من الاول راحوا عالحديقة هنن التلانة : آلاء و صبا و آلاء و عم يتمشوا مع بعضهم ركبت آلاء على المرجوحة كانت عم تهز حالها فجأة داخت بعدين ما حست على شي شو بدهن يساوا ياسمين و صبا تلبكوا كتير لانهم هنن صف سادس يعني ماعندهن ادراك عالموضوع ركضت صبا و حملتها هي و ياسمين حطوها عالكرسي و صاروا يحطوا فوق وجها مي
 كانت صبا معها قنينة عطر بختلها  فوق انفها
بلشت تصح شوي فتحت عيونها لقت رفقاتها التنتين فوق راسها و عم يبكوا زعلانين عليها بعد ما فيقوهها و اعدوها

آلاء : عنجد ما بعرف كيف بدي اشكركن انتو احسن رفقة برافقهن

ياسمين و صبا : هاد واجبنا و مالازم تشكرينا ابدا لان نحنا متل الاخوات

آلاء : اسفة كتير ياسمين وقت زعلت منكن فكرتك انك مابتحبينا و بتحبي بشرى اكتر منا بس هلأ اتأكدت انك بتحبينا
ياسمين : مافي داعي تعتذري قصة و مضت

رجعوها عالبيت و بعدين ياسمين و صبا كل وحدة رجعت عالبيتها
خلصت السنة تبع صف السادس و صاروا الجلاءات و صار تكريم لبعض الطلاب من بيناتهم آلاء و بعدها كل واحد اخد جلاءو
 و اخدنا المرحات و ودعنا الانسات لانو هي آخر سنة بالمرحلة الابتدائية و بعدها ودعوا صبا لانها بدها تسافر و في رفقات لح يتسجلوا بغير مدرسة ...
( نتبع في الجزء الخامس..♥)
: الجزء الخامس...♥
قرروا ياسمين و صبا انهم يتلاقوا عند منطقة محددة بس مامعهم آلاء لانها كانت هي الفترة تعبانة شوي
تلاقوا عند المكان المحدد (ياسمين و صبا ) لانهم قرروا يروحوا عالمطعم
و هنن عالطريق ما ظبتت معهم انهن يروحوا عالمطعم و آلاء ببيتها و تعبانة دقولها تلفون
 ياسمين : الو 
مرحبا آلاء
آلاء : اهلين
ياسمين: كيفك ان شالله تحسنتي؟
آلاء :  الحمد لله تحسنت شوي                      ياسمين :  لكن تعي لعنا نحن بهي المنطقة
آلاء : لسعتني شوي تعبانة
  ياسمين :مابدك تشوفي صبا قبل ماتسافر؟!
آلاء : مبلا كتير مشتاقة
ياسمين : اي تمام مع السلامة
 آلاء :مع السلامة

قرروا ياسمين و صبا يروحوا لعند آلاء، يعني بيطمنوا عليها و اذا حسنانة بياخدوها عالمطعم
لح نوصل
يلا و صلنا...
مين بدوا يدق الباب ؟
 ياسمين : صبا انتي دقي
صبا : اي ماشي
دق دق دق
مين؟
نحن ياسمين و صبا...
 صبا و ياسمين :اذا مابدك يانا منرجع
آﻻء : لا تفضلوا يامية اهلا و سهلا
صحي آلاء كانت تعبانة بس لما شافت رفقاتها نسيت وجعها
بعد الترحيب
صبا و ياسمين : شو رأيك تروحي معنا
 آﻻء :اي يلا بس غير لبسي
غيرت لبسها و لبست منطرون جنز و كنزة طويلة و ياسمين ضفرتلها شعرها
ياسمين كانت لابسة كنزة و تنورة و فاردة شعرها 
صبا كانت لابسة فستان و رابطة شعرها
بعد ما خلصت لبست راحوا على المطعم و اعدوا على الطاولة المناسبة و طلب آلاء اوزي و صبا وجبة بطاطا مقلية ياسمين طلبت كريسبي
خلصوا اكل
اجا الكرسون و عطاهم الفاتورة و طلعت 15 الف كانت صبا بدها تتدفع يعني هي عازمتهم عالحسابها بس مالها حاملة كل هاد المبلغ شو بدها تساوي؟!
طلع مع آلاء الفين و مع ياسمين الفين و هي معها 6 آلاف يعني طلعوا كلهن 10 آلاف يعني بقيان 5 آلاف
تركت ياسمين و آلاء بالمطعم من شان ترجع تجيب المصاري و تجي طبعا بين ماراحت ضلوا تنين فوق راسهم
 رجعت صبا و معها المصاري عطتهم ل الكرسون
طلعوا بعدين تمشوا بس تعبت آلاء و اضطروا يرجع كل واحد على بيتو                                ( نتبع في الجزء السادس 🌻 )
 الجزء السادس...♥
تمشوا شوي بعدها ودعوها ...
هلأ صاروا ياسمين و   آلاء بمرحلة جديدة، و هي المرحلة الاعدادية
 يعني في شي تغير
تغيرت المدرسة و تغير الصف تغير الرفقة ...
تلاقوا ياسمين و آلاء منشان يروحوا لعند المدرسة الجديدة

فاتوا لهي المدرسة و كانوا بقمة التفائل،
بس ماكملت...
وقفوا عالاصطفاف منشان تنظيم الصفوف طلعوا كلهم بس ما جابوا سيرة السوابع ابدا
بس طلعوا ياسمين و آلاء عم يدوروا عالصف في سابع يطلعوا لفوق ينزلوا لتحت مافي جدوى

حتى صارت الساعة 12 و ماحدا جايب سيرة السوابع لسعتهم كلن بالباحة اعدوا على الدرجات بعدين اجت الانسة
واخيرا
صارت تفرز كل شعبة الها طلابة ...بس للاسف طلع صف ياسمين غير صف آلاء و لقت رفيقة بتعرفها طلعت بصفها بس آلاء مابتعرفها لهي الرفيقة
 وهي الرفيقة اجت و قعدت بمقعدها  .
و المشكلة انو هاد المقعد بدهن يقعدوا ياسمين و آلاء وبس
بس ماحبت ياسمين تخجلها ...
قررت آلاء تنتقل لعند ياسمين ...
وانتقلت
 بس هي انتقلت منشان تقعد بالمقعد
بعدين انتقلت لعندها
يعني صاروا ياسمين

و آلاء و رفيقة ياسمين بمقعد واحد
بس صارت مشكلة...
آلاء ما حبت رفيقة ياسمين...
ولا هي حبتها ابدا
بس هي بتحب التنتين و ما بدها تخسرهن ..

بس لازم يكون ياسمين و آلاء بمقعد واحد
حاولت ياسمين تقنع رفيقتها انو بدها تقعد هي و آلاء بمقعد واحد
اجت امها لياسمين و حكت مع الموجهة لان فقدت الامل ياسمين منها .صارت تقلها آلاء انتقلت من شان تقعد بهاد المقعد بس مافي  جدوى
و حاكت الموجهة من شان تنقلها يعني تظبت المقاعد كلها و مشي الحال و اخيرا بس صار في حزازيات شوي بس بعد مدة لقت رفيقة حبتها هي و آلاء كتير و كتير شكلها طيوبة اسمها سلام
( نتبع في الجزء السابع ..♥
 الجزء السابع...♥
ماعرفت رفيقتها ل ياسمين انو امها يلي قالت هاد الشي للموجهة هي بتعرف انها هي يلي قاليلتلها للموجهة انو تنقلها
المهم...
تعرفوا على و حدة اسمها سلام حبتها ياسمين و آلاء و صارت رفيقتهم لانو هي بنفس صفهم
بس الصراحة لسعتهم زعلانين على فراق صبا و بشرى
بس كل يوم بيحكوا معها
بس صاروا رفقات ياسمين و آلاء و سلام
  خلوها ل سلام تحكي مع صبا و  تتعرف  عليها

و عنجد تعرفت عليها من وسائل التواصل و صاروا رفقات حتى صبا تعرفت على رفيقة و عرفتهن عليها   وصاروا يحكوا مع بعضهم
و قررت ياسمين تعزمهم على بيتها راحوا عالبيتها بس عالطريق شافوا كلب كبير
ارتعبوا كتير هنن التلاتة و وجهن ماعد تفسر
يالله عالهل الورطة الي طلعتنا
شو بدنا نساوي؟!
مالح نحسن نتقدم خطوة او نرجع خطوة آلاء قررت تلهي منشان يروحوا بعدين بتلحقهم هي
آلاء صارت تحاول تلهي الكلب
لقت آﻻء خشبة قدامها وصارت تمسكها بإيدها و الكلب صار يعوي و يهز دنبوا رمت الخشبة لمكان بعيد بس ركض ليجبلها ياها
آلاء : ياسمين سلام روحوا بسرعة عالبيت
 ياسمين و  سلام: وانتي؟
آلاء : بلحقكن لا تاكلوا همي...
ليكوا اجا بسرعة روحوا
ياسمين و سلام : اي يلا
ضلت عم تلاعبوا بالشخبة شي مرتين تلاتة بعدين زتتلوا ياها زتة اوية و ركضت ركضت هيك حتى وصلت
آلاء : افتحوا بسرعة
سلام : مين؟
آلاء : انا آلاء بسرعة فتحوا
فتحوا الباب و فاتت آلاء و عم تلهت كتير لانو كانت عم تركض
سلام : خدي مي هدي شوي
آلاء : اي يلا
اعدوا مع بعض و انبسطوا كتير بس الفرحة ماكملت...
خلصوا زيارة  ...
فتحوا الباب
و المفاجأة هي انو لقوا ياسمين و آلاء الكلب واقف عالباب البت و بتمو الخشبة و عم يطلع فيهن
( نتبع في الجزء التامن ...♥)
الجزء التامن...♥
فتحوا الباب و لقوا كلب كبير و ماسك الخشبة بتمو ...
سكروا الباب فورا..
عزمتهن سلام على النومة عندها بلكي بروح الكلب بهي الليلة ...
اتصلوا ياسمين و سلام بأهليهم و رضيوا بس ماكانت الليلة كلها نوم...
كانت نصها نوم و نصها تخطيط كيف بدهن يطلعوا
ياسمين : خلينا نبخ على آلاء عطر لان العطر بروح الريحة
آلاء : و كيف بدي امرق من قدامو و هو قدام الباب؟!
ياسمين : سلام عندك قطعة لحمة؟
سلام : اي عندي
ياسمين : سلام فيكي تجهزينا قطعة لحمة صغيرة
سلام : تكرمي
ياسمين : الله يكرمك
لنكمل الخطة...

ياسمين : انا بفتح الباب و الكلب لح يكون ب وجهنا و لح تكون آلاء ورايي و لح نحطلها ل آلاء عطر منشان ما يعرف ريحتها و انا لح ارميلوا قطعة اللحمة هو لح يركض منشان ياكلها
بهي الاثناء بتكون آلاء نزلت و راحت عالبيت وانا بمسك قطعة اللحمة و بنزل فيها عالدرج و هو بيلحني و وقت نصير بشي منطقة كبيرة ب رميلوا ياها  لمنطقة بعيد هو لح يروح ياكلها انا برميلوا ياها و بخ عالحالي عطر منشان يضيع ريحتي و مايلحقتي
سلام و آلاء : اتفقنا
نفذوا هي الخطة و نجحت
بس لح تصير مشكلة
انو آلاء لح بنتقل سكنها لمنطقة بعيدة كتير عن المدرسة و لح ينتقل سكنها ...
و اذا انتقل سكنها يعني لح تغير المدرسة لان كتير صارت بعيدة عليها ...
يعني لح تبعد عنهم ..
ياسمين لح تضل هي و سلام...
( نتبع في الجزء التاسع...♥ )
: الجزء التاسع...♥
سلام و ياسمين ضلوا مع بعض بس ...
لانو آلاء انتقل سكنها و انتقلت من البيت و صبا سافرت بس لسعتهم كل يوم بيحكوا صوت و صورة
يوم من الايام غابت سلام استغربت ياسمين ...
مو بالعادة تغيب
اكيد عندها ظرف منشان هيك غابت مالح تغيب لسبب سخيف ...
قررت ياسمين تزور سلام بدها تطمن عليها  و بدها تعطيها الدروس يلي راحت عليهم ...
راحت لعند سلام عالبيت عم تدق الباب ..
مافي حدا
ضلت فترة واقفة عم تدق حتى فقدت الأمل
رجعت عالبيتها بيأس
دقتلها عالجوال ماردت
شو صاير معهم؟!
تاني يوم كمان ما أجت عالمدرسة
بلش يفور قلبها أكتر و أكتر
تالت يوم دقتلها و أخيرا ردت
ياسمين : مرحبا سلومة
سلام : مين عم يحكي؟!
ياسمين : انا ياسمين
سلام : ماعرفتك!
امها لسلام : اي حببتي ياسمين لا تآخذيها آخد عليها البنج
ياسمين : انو بنج شو صاير؟!
امها لسلام : سلام معها زايدة و هلأ خلصت العملية
ياسمين : انتو بأي مشفى؟!
ام

ها لسلام : بالمشفى يلي قدامكن
ياسمين : اي عرفتها..
خط الطريق و بوصل
وصلت ياسمين لعند المشفى يلي فيها سلام ضلت معها شي يومين
و سلام ماعم تحكي ابدا
بعدين صار معها حمى و سخنت كتير
ياسمين نامت عندها يومين تانيات
فجأة طلعت سلام ب ياسمين نظرة و عصت على ايدها عصى كتير قوية بعدين فلتتها
سلام
سلام 
يا دكتور تعال شوف شو صار
الدكتور طلع على الجهاز و غطا وجها عرفوا انها توفت من الحمى
ياسمين انفجرت بالبكا بعدين هدوها انو الموت حق و هيك
يالله ...
أهلها كتير زعلوا بس الزعل مابينفع
الدعاء يلي لح يساعدها
( نتبع في الجزء العاشر ...♥ )
الجزء العاشر ...♥
و الأخير...
بدهم يخبروهم
كيف؟!
ياسمين بدها تخبرهن
لانو اهلها ل سلام مو حسنانين كتير منهارين نفسيا
ضلت امها ل سلام منهارة بشكل مو طبيعي لان فقدت بنتها فجأة  لمدة تلت أيام ضلت على هي الحالة ...
اضطروا عائلتلها ل سلام انهن ياخدوا امها ل سلام لطبيب نفسي
و صارت تتعالج عندوا
ضلت هيك الام مصدومة نفسيا و ضلت عم تتعالج لمدة تلت اسابيع عم تتعالج بعد شهر من العلاج المستمر و اليومي بعدين خلصت علاج و تعالجت ...
منرجع ل ياسمين
ياسمين أول تلت ايام ما خبرت رفقاتها
لان هي كانت ماكانت مستوعبة الموضوع وكانت كتير تعبانة
بعد تلت ايام خبرت رفقاتها صبا و آلاء بالمكالمة الهاتفية الجماعية
ياسمين : مرحبا كيفكون
صبا و آلاء : الحمد لله كيفك انتي
ياسمين : الحمد لله
صبا و آلاء : شو ليش مالك مفوتة سلام معنا  بالمكالمة
ياسمين سكتت و خنقت بعدين طبت الجوال و انفجرت بكي
صبا و آلاء : وينك ياسمين
ياسمين : هاد الخبر يلي داقة مشانوا
صبا و آلاء : خير شبها سلام؟!
ياسمين : سلام توفت بسبب حمى
صبا و آلاء : شو عم تحكي الله يرحمها يارب و يجعل مثواه الجنة 
سكروا المكالمة
صبا عم تضب شنتايتها
امها لصبا : وين يا صبا؟!
صبا : رايحة لعند ياسمين
امها لصبا : مجنونة انتي شو نسيتي انو نحن مسافرين
صبا : لا مانسيت بكون مجنونة اذا مانزلت
نزلت صبا من السفر و نزلت آلاء من بيتها و تلاقوا عند ياسمين راحوا شوي لعند اهلها بعدين راحوا لعند ياسمين
اي لا تستغربوا سلام بالقبر بس هنن ماستغنوا عنها صاروا كل يوم يزورها اكتر من ما كانت عايشة كل يوم يزورها و يدعولها 
و استأجروا بيت هنن التلاتة سوى...
         ( النهاية )