القصة الحزينة والواقعية| قصة موت الفيل في الهند

تريند اليوم مختلف تماماً.. وحزين جداً 💔
قصة الفيل اللي ملخصة بالصور.. 

هي أنو مجموعة من الناس بقرية بالهند من باب التسلية والأذى قرروا يطعموا الفيل أناناسة و أخفو فيها ألعاب نارية متفجرة💣🍍

الفيل أنثى و كانت حامل و أكلت الأناناسة .. و أثناء مضغها للأناناسة انفجرت المتفجرات بتمها قبل ما تبلعها .. مما أدى لتشوهات كتيرة بالأسنان و اللسان و الفك و نزيف شديد و حروق... وبعد عدة أيام من العذاب وتدور من مكان لمكان بالقرية ليساعدوها وما حدا ساعدها راحت للنهر لتخفف الألم لكن للأسف ماتت ! ومات الجنين..

القصة صارت قضية رأي عام و خاصة بعد وصف بعض الناس الموضوع بأنو غير مهم .. فلذلك أغلب نجوم بوليوود نشرو القصة بشكل كبير و أدانوا الفعل و طلبوا من الدولة معاقبة الفاعلين بحال مسكوهم...

ما بعرف أيمت رح نوصل لمرحلة نستوعب فيها إنه الحيوان إلو روح ونحنا محاسبين قدام رب العالمين عن هالتصرفات المؤذية لأي كائن كان ..

برأيك شو العقاب االلي بيستحقوه الناس اللي عملوا هالجريمة البشعة؟؟