أروع القصص والروايات قصة شريان الحياة

 #شريان_الحياة_

الجزء الأول:

بوسط الصيف… الشمس حارقة… بمزرعة فريد أويار… العمال عم يشتغلو بالأرض… رجال ونسوان وصغار… وبينن في صبية بعمر ال17 اسما دارين حاملة الشاكوش وعم تضرب الأرض… والغبرا عم تطير… لابسة جزمة كلها طين… حاطة طقية ع راسا ومخبية شعراتا… هيئتها هيئة شب… رفعت ايدا ومسحت عرقات جبينا… ضربت الشمس ع عيونا الزرق… وع بشرتا اللي صارت سمرا بزيادة فوق سمارها بسبب شغلا بالارض طول النهار تحت الشمس… قطبت حواجبها لما لمحت إبن الريّس فريد جاي من بعيد والشر بعيونو… حامل بارودة الصيد ع كتفو… ولابس تياب أنيقة بتناسب هالمكان… أسمر وعيونو زرق بأواخر العشرينات…

-دارين: الله يستر… رجعنا لذات السؤال…

-بلقيس: كملي شغلك بنتي هلأ بعصب…

-دارين: حاضر ماما…

وصل وصفق ايديه بعصبية… اتجمع الكل حواليه… وقربو منو… حوالي 50 عامل وعاملة… بدقايق كانو صاغيين لحكيو…

-أليكس: سؤال ما في غيرو… واذا ما لقيت جوابو حسابكن عسير…

كان عم يحكي من بين سنانو… والعمال بلش قلبن يدق متل الطبل… عارفين السؤال مسبقا وبيتمنو لو عندن جواب… كمل بنفس النبرة والعصبية…

-أليكس: مين منكن هيي إمي……..

-دارين: ههههههههههه…. أنااااا…

-بلقيس(بصوت خايف ومخطوف): اسكتي….

-أليكس: شو قلت إنت يا ولد………

قرب ع دارين… بدو يضربا… وقفت بلقيس بوجا واجا الكف بنص خدها…....

-بلقيس: سامحا يا ريس منعتذر بترجااااااك….

الصدمة بانت ع عيون أليكس… فات بالحيطان وتلبك… أد ما يكون قاسي ما بيقدر يضرب مرا أد إمو… واللي فاجأو أكتر انو اللي حكت معو بنت… ما كان مبين عليها…… بلشت عيون دارين تقدح شرار… ووجها احمر… حاولت تسيطر ع اعصابا بس ما قدرت… الحياة ومصاعبها كبرتها قبل أوانها وخلتها تتقمص شخصية رجل…

-دارين: انت شو عملت…

صفن بعيونا ثواني وكمل…

-أليكس: ما كان هدفي اضربها… ما بمد ايدي ع نسوان… وحضرتك مش مبينة بنت… ع كل حال انا ناطر الجواب منكن يا عمال…

-دارين: انشالله مفكر هالأمر بسهولة…. بدك تعتذر من امي…

-بلقيس: خلصنا بنتي….

-أليكس: انا اسف خالة……..

برم ضهرو وفل… وترك دارين مصدومة… كانت متوقعة انو يشوف حالو… او يعصب… ويرفض يعتذر… كانت ناطرة تعجرفو… ومجهزة حكي وصراخ لتبلش ترش فيهن… بس اعتذارو خرسها… هوي ما بيتصرف متل بيو المتعجرف… يمكن بميل لطينة امو البسيطة… بس الحزن بعيونو كان واضح… كل يوم كان يجي لعند هالعمال ويسأل ذات السؤال… ما مل ابدا…

-حكمت: اخخ ع هالشب…. ايمتا بدو يهدا… من شهور ع هالحالة… انا كنت حاضر ع وفاة امو… ليه عم يسأل عنا… ليه ما عم يصدق انها بديار الحق…

-يوسف: الله اعلم… بلكي عايشة…

-رقية: مستحيييل… انا غسلتها بإيدي… يوم مماتها… كان أليكس عمرو سنتين…

-نادر: شو فيقو هالفترة عالموضوع…

ورجع الكل ع شغلو… وحالة التساؤل بعيونن… والخوف معبي قلوب الكل… ليه مصر هالقد انو امو عايشة…

-دارين (بصوت واطي): امي ليه ما منقلو انو…..

-بلقيس: هشششش… ما تكملي… اوعك حدا يعرف… هيدا سر أمنتني عليه امو… ومستحيل خون الأمانة…

-دارين: بس من حقو يعرف… زعلت عليه…

-بلقيس: ما دخلنا فيه… بس يجي وقت الحقيقة لحالا ح تبين… وامو تظهر… وبعدينا انا ما بدي اخسرك يا بنتي…

بعد سكوت طويل… وشرود… وتمتمات العمال… بلشت الشمس تغيب… ويحملو حالهن ويروح كل واحد ع بيتو عال6 المسا…

-يوسف: بخاطرك يا شريك…

-دارين: ننننننننا…. (بهمس) العمى شو بكرهك….

-يوسف: شو بنا دارين…. بلا جولقة… ليه بتدايقي بس قللك شريك… ما انتي اللي عاملة حالك شب….

-دارين: اي اكيد لازم كون هيك وخصوصي بحارة الحيوانات المفترسة… بس انت بالذات ما بحب شوف صورة وجك ولا اسمع حسك…

-يوسف: وع شو شايف حالك يا حلو….

-دارين: ليك بكف واحد مني بهررلك كل سنانك… شو فهمت… روح من وجي…

-بلقيس: يلااا يا امي منا نروح…

-دارين(بمسخرة): بخاطرك شريك…

مشيت دارين مع امها…… وبلش العذاب التاني من النهار بهالوقت… وهوي تعبن بعد كل هالنهار يروحو مشي ع اخر الحارة عبيتن او بالأحرى ح كوخن البسيط….. برمو ظهرن وابتسم يوسف بخبث…

-يوسف: شو منعمل… ما فيني ع زعلك… علقت فيكي وخلصت… بس ح خليكي تحبيني ولو بالزور…. ورا هالشب اللي متقمصيتو… فيه أنثى بكل معنى الكلمة… انا متأكد… وما رح تكون الا الي…

-دارين: امي عطيني احمل عنك….

-بلقيس: خدي… تقال شوي….

بعد صمت قصير….

-دارين: امي….

-بلقيس: نعم…..

-دارين: انتي ملاحظة الشبه بيني وبين أليكس….

الجزء الثاني:

-بلقيس: اي… بتشبهيه كتير….… ليه بهدلتيه هيك امي اليوم… منيح ما طردك…

-دارين: رغم اني بحترمو كتير… بس ما هان عليي يضربك…

طلع الليل… والعالم بلشت تنام… لتفيق تاني نهار بكير ع شغلا… هاي الضيعة مِلك الريس فريد…. والسكان كلن بيشتغلو عندو بالاراضي او بالمعامل… مرتو توفت من 25 سنة… وتزوج بعد اربع سنين خانوم بكل معنى الكلمة بتصغرو ب 15 سنة… اجنبية… وربت أليكس بكل حب… أليكس بيحترما كتير… وبحبها…… وبيو بعيد عنو كتير… وعصبي… عانا كتير لجاب صبي يورثو… ولما جابو اهملو وما عرف يربيه…. اما دارين ولدت بهالحي… ودرست بالمدرسة كم سنة بس لتعرف تقرا وتكتب… وبعدا وقفت وبلشت تساعد امها بالمزرعة… ومن لما تكبر انعجب يوسف بشخصيتها ووقع بغراما وبطل يحل عنها……. وهيي بسبب الحيوانات الناطقة بهالحي اضطرت انها تكون بهيئة غير… ولانها وحيدة هيي وامها تعلمت القوة لتدافع عن حالا وتعلمت كمان فنون الكاراتيه واستعمال المسدس وغيرو من ابن خالتها اللي بيكبرا ب 6 سنين… من لما كان عمرا 13 سنة… بس من سنتين ونص هوي تركها وراح مع اهلو ليسكنو برا البلد… وضعن المادي ممتاز……

بالقصر….

-أنجلي: يلا أليكس… صار نص ليل قوم نام…

-أليكس: تركيني… ناطر الريس ليشرف في موضوع بدي احكيه معو….

-أنجلي: ما تحكي هيك ع بيك… يمكن ما يجي اليوم… عندو شغل بالمدينة….

-أليكس: ما بعرف ع شو بتحبيه… ع كُلن الأيام جايي…. تصبحي على خير……

تاني نهار عالساعة 8 الصبح كل العمال كانو جاهزين للشغل… وبنص النهار اختفت بلقيس… راحت دارين وصارت تدور عليها… توقعت تكون بالمعمل القريب عم تحكي رفيقتها اللي بتشتغل هونيك… مشيت ومشيت… وطبع نظرها بسرعة عليها من بعيد حد الشجرة عم تاكل كف سببلها وقعة عالارض…….. ركضت بكل قوتها… وتخبت ورا الشجرة القريبة….. وحاولت تشوف منيح مين اللي ضربها بس ما كان مبين الا ظلو لانو واقف ورا الشجرة…. ولما قامت امها عن الارض رجعت انضربت مرة تانية…. ووقعت…. هون ما تحملها عقلها دارين… هيي عايشة لتحمي امها من هيك ناس متوحشة… وركضت لتاخد حق امها… بس ما لحقت وكان هالشخص مختفي….. قربت ع امها وهيي عم تصرخ… ولمحت دم ع راسا بسبب ترقتها بصخرة عالارض….

-دارين: ماماااااااااااااااااااااااا……. شووو صاااير…. مييين عمل هييك…

-بلقيس(عم تنازع): بنتي اسمعي… اح اح… ليكي… بدي ياكي تكوني اد حالك…. اح اح… اوعك توثقي ب… اح اح اح… بحدا بهالكون… دقي لخالتك… اح اح… وهيي رح……….

غمضت عيونا…… وانتقلت لعالم تاني……… وتركت بنتها لحالها بهالحياة المتوحشة…… تركت امها بالارض…. وركضت بكل قوتها… لوصلت لدكانة قريبة…….

-دارين: ابو محمود بدي استعير التلفون شوي………

-ابو محمود: شو في بنتي……

-دارين: الووو……. مستحييييل افقد امي بسببك….. بدي اعرف مين ممكن يكون عمل هيييك…… بدي دفعو التمن غالي…… قتلا وبدي اشرب من دمو وحياة غلاوتك عندي………………….. لا لااااا ما رح اهدا احكيي شيييي…….. ميين عملاااا…. انت الشخص الوحيد اللي بيعرف مين عدوها………… مش وقت البكي هلأ بدي اسمع جوااااب……….

توت توت توت……

-دارين: الوووووووووو……. الله يلعنكن…..

ترقت سماعة التلفون…. وراحت ركض عند امها واتجاهلت أسئلة ابو محمود الكتيرة…… والتقت بيوسف….

-يوسف: شو في دارين….

-دارين: خراس ما دخلك….. مستعجلة….

ومشيت دارين لعند امها وتركت يوسف عم يحكي مع حالو…

-يوسف: اخ لو اعرف بس شو الاسرار اللي بينك وبين امك…. ما في حدا بالضيعة الا اسرارو عندكن….. شو هالغمووووض……

وصلت عند امها وبلشت تفيقها….

-دارين: امي بترجااااااكي قومييييي…… ما تتركيني لوحدي بهالدنيا القاسية……. امي رح اخد حقك وبكرا بتشوفي…….. (تبكي)… الله يوفقك…. قووووووووووميييييي….. بكفي بقاااااا….

التمو العالم ع صوت دارين…. وشافوا بلقيس سارحة بدمها….

بعد مرور ثلاثة ايام……………

-رقية: خلص يا بنتي اهدي…… ما تبكي هيك الله رايد….. هيدا القدر… اتركي الشغل وارجعي ع بيتك ارتاحي انا بكمل عنك….

-دارين بقلبا: هيدا مش القدر هيدا حقير قتلها…. بس رح لاقيه… خليه مطمن بالو انو القصة حادث عابر… بس ليطلع من جحرو رح دمرو…..

اجا حارس الريس فريد من بعيد…..

-الحارس: انسة دارين الريس بدو ياكي……..

مشيت دارين متفاجأة مع الحارس….. من وين بيعرفها…. هيي قليل ما بتشوفو…. تلبكت كتيير… وصلت لعندو… وشبكت ايديها ببعض… وطت راسا… وهيي عم تتسائل عن سبب طلبو الها…

-دارين: امرك يا ريس…….

الجزء الثالث:

-فريد: اسمعي يا بنتي…. انا دبرتلك شغل…. بالمدينة… ورح تسكني مع العمال بمبنى…. الله يرحم امك… بس انا ما فيي اتركك هون….

تغيرت كل ملامح وجها وعبست….. واتحولت لقطة شرسة….. بس قوت حالها وحكت بهدوء لما تبين ضعفا…

-دارين: اسمع يا ريس…. انا بحترمك…. بس ضيعتي ما بتركها…. واذا بدك تغطي ع حدا لاني شفتو عم يقتل امي وتبعدني بهالطريقة بتكون غلطان كتيير….. انا بنت 17 سنة بس الحياة علمتني كتير وما دقت طعم الدلال متل ابنك المدلل…… انا لحمي مر…… وبالوقت المناسب رح تشوفني شمرت عن انيابي…. ما عاد بقيلي شي بهالحياة اخسرو…. فعليي وعلى اعدائي……

-فريد(مبتسم وعم يزقف): اوووه…. برافووو… منك قليلة يا بنت… شو عندك شي تهدديني فيه….

-دارين: بعرف كتير منيح من قتل امي…

فريد: كان حادث ما في جريمة بالقصة….. وحتى لو فيه ما عندك دلائل…. عم بعمل معك خير احسن ما اشحطك من الشغل…

-دارين: انت شحطتني وخلصت بس بطريقة محترمة…. هههه… بس سبق وقلتلك لحمي مر…. وغصب عنك وعن اللي خلفوك ح ضل بالمزرعة…….

-فريد: قليلة زوق……. يا حارس تاع لملي هالزبالة من هوووون….

اجا الحارس ومسك ايديها ومشاها بالزور وهيي تعيط وتسب…. وباللحظة اللي نطقت فيها فات أليكس عالقصر….

-دارين: ناردين خانوم بانتظااااارك فريد أوياااار…….

رفع فريد ايدو وأشر للحارس يتركا… عقد حواجبو وانصدم…. فتح تمو ليحكي وانتبه ع وجود ابنو…. سكت ومشي لعند دارين بهدوء…

-أليكس: شو في بابا…… مين ناردين….

-فريد: الحقيني ع مكتبي….. أليكس خليك هون بعدين بشرحلك….

-فريد: من وين بتعرفيها لناردين……. شو قصدك انها بانتظاري….

-دارين: ههههههههاااااي….. قصدي عند ربك…. ناطرتك…… اذا سكتها بطريقتك هيي وامي ما رح تسكتني اناااا…. عم تفهم….

-فريد: كل هيدا بيطلع من بنت فصعونة….

-دارين: هالبنت الفصعونة ح تجيب أجلك يا بيك…… مفكر حالك ح تبعدني عن الضيعة بشوية مصاري وشغل بالمدينة… وهيك بتبعد الخطر عن عيلتك…. اي ما حزرت…

-فريد: بسكتك متلن يا حلوة…….

قربت دارين عالمكتب وترقت ايدا عالطاولة بعصبية وركزت عيونها ع عيونو….. وبهاللحظة وقف أليكس ع باب المكتب ليتسمع…. قالت دارين من بين سنانها….

-دارين: رح دمرك…… بقي 3 اشخاص بهالحياة بيعرفو مين ناردين… انت وانا… وشخص الجني الازرق ما بلاقيه…. سكتني لقللك وشوف كيف رح يفضحك بليلة ما فيها ضو قمر…. وخليني شوف ابنك المحترم وقتا شو رح يعمل……..

برمت ضهرا… وانشالت الطقية عن راسا…. لاول مرة قدام حدا… وطار شعرا الاسود المجعد اللي بيوصل عند اخر ظهرا……. وفحت ريحة عطرو لما ظهرت ولامس صدر أليكس……. تعجبها من وجودو ما بينتو…. وخوفها من انو أليكس سمع كل شي دفنتو بقلبا وكملت مشي بكل تعجرف وقوة…. ادي اتدربت لتكون بهالقوة… رغم الضعف الكبير جواتها…….. بقي ثواني أليكس صافن بالمكان اللي كانت محتليتو هالبنت اللي ابدا مش طبيعية…. اتذكر عيونا… شاف الشبه الواضح بينن… هيدا الشبه ببرروا بشغلتين… يا اما خلقو لبعض…. يا اما حملتن نفس البطن… بس احساسو الغريب اللي جواتو هوي اللي قللو هيدي اختي… يمكن حس احساس اخوّة……. او بالأحرى هوي صار يفكر كل ست كبيرة امو وكل بنت اختو او شب خيو… منع حالو من الحب خوفا من انو تطلع اختو… ينكن كان حابب بالفعل تطلع اختو كرمال ما يعاني بالتفتيش ع امو… بس الامور مش بهالبساطة وهوي عندو اب متل فريد… انتبه ع حالو فجأة… وبلش الصراخ بينو وبين بيو……. والأسئلة اللي ما خلصت عند أليكس…. بس فريد كالعادة عندو جواب لكل شي وطلع حالو متل الشعرة من العجين……
وصلت دارين لبرا وشافا يوسف……

-يوسف وهوي عم يلمس خصلات شعرا: الله الله عالجمال…. ليه بتخبي هالشعرات ما عارف….

-دارين: شيل ايدك والا بقطعا…..

-يوسف: روّق شريك……

طلع بهاللحظة أليكس معصب من القصر…. ومسك دارين مين ايدا وهيي عم ترجع الطقية ع شعرا….

-أليكس: مشي معي في امور بدنا نحكيها……. واهمن مين ناردين…

-دارين: اتركلي ايدي……. عم قللك اتركلي ايدي ما عندي شي قللك يااااه…….. خلي بيك يحكيلك….

-يوسف: أليكس…. لو سمحت تركا….

-أليكس: ومين بتكون حضرتك…

-يوسف: انا انااا……. خطيباااااا…..

-دارين: نعم نعم نعم….. انا مش خطيبة حدااااا…. تركلي ايدي يا…

-أليكس: اي بستغرب كيف وحدة متلك حدا رح يطلع بخلقتها ويحبها……..

-يوسف: اكيد ما حدا رح يحبها…. بس اللي بيعرفها من جوا يا ريس….. وورا هالهيئة اللي شايفها أنثى…….

-أليكس: انت خراس وانت مشي معي……

عضتو دارين من ايدو وهربت……. كان سهل عليها كتير انها تركض بسرعة قياسية…. وما يقدر حدا يلحقا……. بس يوسف قدر يوصل لبيتا وينطرا…. وصلت….

-يوسف: دارين والله بحبك…. رح تلفي العالم كلووو… رح تتعرفي ع رجال اد ما بدك… روحي اذا بدك جربي… بس اتأكدي انو مرجوك لعندي…

-دارين: اختفي من وجي…..

راح وهوي عم يتوعد… وحل الليل… واتسطحت ع تختا….. بكيت…. واتعذبت…. وطلعت كل اللي بقلبا اللي مستحيل تقدر اتطلعو قدام حدا…. لانها لازم تضل بهيئة القوة…… شالت صورة تحت مخدتها…. حملتها وتحسست وج الشخص اللي فيها……. غمرت الصورة لقلبها….

-دارين: اشتقتلك…. اشتقتلك كتيييير….. بعرف انك بحياتك ما رح تنتبهلي بس انا بحبك… انت اللي حركتلي شريان الحب من سنين…

الجزء الرابع:

وهيك مرقت الايام والاشهر…. واجت الايام… وفاتت دارين بال 18… بس متل كل سنة يوم ميلادها متل باقي الايام… وأليكس ما تركها بحالا ليعرف السر الكبير…. ويوسف بدو ياها تحبو بالقوة… وهيي ضلت تشتغل بالارض وما تعرضلا فريد ابدا… وهوي عم يتكتك لدمارا…. لحد ما اجا يوم…. كانت عم تشتغل بالارض واجا حدا من وراها……. وقلها مرحبا……. طلعت بسمة لا ارادية ع وجا… بتعرفو كتييير منيح لهالصوت….. والتفتت بسرعة وهيي خايفة يخيب ظنها…. بس ما خاب……. وحاولت ما تبين فرحتها…

-دارين: اهلا بـ قصي…..

-قصي: اهلا فيكي بنت خالتي….

-دارين: بعد زمان….. شو عدا ما بدا…

-قصي: امي بدا تشوفك…… تعي معي عالبيت… مبارح رجعنا من السفر ع بيتنا هون……..

-دارين: امرق وراي بس خلص شغل………

-قصي: تعي هلأ ضروري….

-دارين(بنبرة عالية): ما بدي انطرد بسببك…. المسا بشوفكن…… ما في نقاش…

-يوسف: هاي هاي شو فييي…. بعد عنا مين انت….

-قصي: هال3 سنين غيروكي كتيير دارين…… شكلك عم تتقني اللي علمتك ياه بسهولة…..

-دارين: قصي فل من هون…. اللي تعلمتو لحالي تعلمتو…. اكيد كل شي فيي ما تعلمتو بسنة منك يا ابن الخالة…… هول وجع السنييين علمتني ياهن…. خبر خالتي اني بمرق عال6 ونص بشوفا وانتهينا…..

-قصي: بعدك عنيدة….. براحتك…. انا رايح….

شغلت نار الغيرة بعيونو ليوسف……. وشك انو يكون هيدا الشخص اللي ماخد كل تفكيرا لدارين……. لانو هوي بيعرف تماما شخصية البنت اللي بحبها واتعرف عليها من 5 سنين…… وبيعرف تماما انو العناد هوي اسلوب ما بتستعملو الا لتخبي شي ما بدها تبينو… شي اسمو مشاعر……… بس استغرابو هوي كيف ولا مرة شاف هالشب من قبل………

-يوسف: شو بدو منك….. ولا مرة شفتو من قبل….

-دارين: خالتي بدا تشوفني…. بكون ابنا……. ما كنت بعرفو من قبل… اتعرفت عليه لما كان عمري 13 سنة……. اجا من السفر مع اهلو وامي عرفتني عليهن من بعد ما كنت بس اسمع عنن…. وبعد حوالي سنة وشوي رجعو سافرو وهلأ رجعو……. بعدين انت شو خصك…. ليه عم بحكيلك……

-يوسف هوي وحاطط ايديه بجيابو: دارين………….. بتحبيه…… ؟

-دارين: ههههههههه…… الله عليك يا يوسف…… روح ع شغلك الله يوفقك وحل عني………

بلشت تغيب الشمس…. والعمال تحمل حالا وتروح ع بيوتا….. ودارين اتأملت انو قصي يجي ياخدها…. بس خاب املها… نطرتو كتير…. وبعدا مشيت لعند بيت خالتها ودقت الباب…….

-دارين: خالتي انا اجيت…….

-سُلافة: اهلا ببنت اختي….. اهلا بريحة اختي…. تعي لقلبي تعي….

غمرو بعض…… وسهرو سوااا… وبعد دارين ما عرفت الموضوع الاساسي اللي اجت كرمالو !…. وعرفت كمان انن ح يستقرو هون للأبد لانو زوج خالتها توفى… ورجعو من برا البلد…. بس بقي ابنا الكبير هونيك لانو مزوج وعندو عيلة…. واجت هيي وقصي وبنتا تالا اللي عمرا حوالي ال18 سنة……

-دارين: طيب خالتي بالإذن انا صار لازم روح……. اتأخر الوقت….

-قصي: رح وصلك……. في ذئاب بشرية بهالوقت….

-دارين: انت ارتاح…. انا اخت رجال…. عشت 18 سنة من حياتي لحالي وبدافع عن نفسي وعن امي مش بحاجتك هلأ……

-سلافة: اسكتو يا ولاااد……. دارين حبيبتي تعي اقعدي حدي…. بدي احكيكي بموضوع….

-دارين قليلي خالتي….

-سلافة: انت من ريحة الغالية وامانة برقبتي….. بدي ياكي تجي لهون وتعيشي معي وبدي كملك دراستك ع حسابي…. ما عاد لازم تشتغلي وتعيشي لوحدك……… انا خالتك وهلأ صار الك سند…

-دارين: شو شووو شوووو………. خالتي انتي بوعيك شي…… مستحييييييييييل…..

-سلافة: انتي متل بنتي وواجبي كون حدك بعد وفاة امك….

-دارين: هلأ اتذكرتي والله…. وين كنتييي قبللللل…. فهمينييي…. لما امي احترق جسما من الشمس ومن الشغل…. ولما كبرت ع بكير بسبب التعب… وين كنتي لما ديها صارو فيهن مشاكل وتشوهات بسبب شغل التراب وشغل الرجال…. وين كنتي لما قعدنا لحالنا بكوخ منعزل…. ويتعرضنا اللي بيسوا وما بيسوا…… وهلأ امي راحت… شو الو داعي مجيئك…. فهمينيييي…. انا بقدر عيش لوحدي…. هلأ صار فيي كون قد حالي ومش بحاجة حدااااا…… 18 سنة من عمري بحرث متل الثور…. وبعض متل الكلب وبقتل متل الاسد…….. جاي هلأ وحدة متلك ما شفتا الا سنة بحياتي ع اساس انها خالتي وامي كانت تبكي ليالي ع اشتياقك…. تجي تصرف علي…. لا اسمحيلي فيها ست سلافة… اللي متلي ما بيسمح لحدا انو يصرف عليه……. بالإذن…

ما سمحت لواحد يتنفس فيهن… والصدمة معبية عيونن……. مشيت بسرعة لعند الباب بس عادت ادراجها لما سمعت قصي عم يصرخ…

-قصي: ارجعي لهون دااارين……. والا رح يصير شي ما رح يعجبك…

الجزء الخامس:

-دارين: شو قلت….. عيييد…. انا ما حدا بهالكون بيتأمر علي…

مسكا من ايدا بالغصب وفوتها ع غرفة وقفل الباب…

-دارين: فتحلي يا واطي……

-قصي: رح تضلي محبوسة لتتربي كيف تحكي مع امي… وما رح نتركك تعيشي لحالك بهالزمن الصعب…..

ضلت تخبط عالباب وتصرخ وتعيط وما كان حدا يفتحلا…. وحتى سلافة ما حكت شي عن تصرف ابنا…… لانو كانت بدها تحميها بأي طريقة بعد الوصية اللي وصلتا من بلقيس بحماية دارين من فريد اويار…. ملت من العياط وخفت ايديها عن الباب وبرمت… لزقت ظهرا فيه وصارت تنزل عالهدا لحد ما قعدت ع ركبها….

-دارين(بهمس وخيبة امل وبتبكي): طلعوني من هون… بترجاكن… عندي مسؤوليات برا….. يالله……. بتكون جوعانة هلأ…… بتكون عم تتسائل ليه لهلأ ما طليت عليها…. لو بيجي حدا بطلعني من هون…

وغفيت عالارض وهيي عم تهلوس……. وضلت محبوسة ليومين…. وتحاول تهرب بس بكل مرة تفشل… يفوتولا الاكل ويقفلو عليها….. وسلافة عم تتألم على حالتها بس ما في بإيدها غير حيلة لتحميها…

في القصر… كان أليكس عم يدور بمكتب بيو من بعد ما سافر الصبح… وأنجلي نايمة…….. لحد ما لقا وراق وصار يدور فيهن….

-أليكس: اوووووف…. ما في شي بفيييد هووون…… وين بخبي الاشياء المهمة…….. يا الله….

وقعت بإيدو ورقة…. صفن فيها وقراها وكان فيها اسم واحد غريب عنو……. انصدم….. سكر الورقة وربتها عالطاولة هوي وعم يفكر…

-أليكس: أليس ملك…….. انتي مفتاح اللغز… اللي رح افهم منا كل شي…. لازم لاقيكي….. بأي وسيلة…..

ببيت سلافة….

-دارين: طلعوني من هوووون بترجااكن…… في اشياء مهمة ضروري اعملااا….

-سلافة هيي وعم تشرب قهوتها: ما في شي اهم من حياتك…..

-دارين: مبلا فيييي…….

سكتت لما سمعت نقر خفيف عالشباك….. ركضت وفتحتو…

-دارين: يووووسف….

-يوسف: الي يومين عم دور عليكي……

-دارين: لازم اطلع من هوووون….. ساعدنييي…… كرمال….

-يوسف(قاطعها): ما تخافي عليها…. اخدتلا اكل….. لما اختفيتي رحت طليت عليها….. بعرف انها ممنوع تطلع من مكانها… ولسوء الحظ كان التلفون اللي تاركيتو معا خربان……

-دارين: شكراا يوسف…. شكرا كتيرر….

-يوسف: انا اللي بتشكرك لإنك وثقتي فيي…. من بعد كرهك الكبير الي….

-دارين: بعدني بكرهك…… ما تتأمل…. بس ما كان عندي خيار غيرك… كنت حاسة انو رح يصير شي من بعد مجية قصي…. منيح حكيتلك عنها…..

-يوسف: سبحان الله احساسك…. كيف حكيتلي الظهر واختفيتي بالليل…… هلأ المهم لازم طلعك من هون بأي وسيلة….

-دارين: اي بترجاك…. لو فيني شيل هالحدايد من محلن وارتاح…

-يوسف: هههه مش بهالسهولة….

-دارين: في حدا جايي رووح….

-يوسف: بالليل بجي وبكون لقيت حل…. باي….

سكرت الشباك دغري… وعدلت قعدتها…. وانفتح الباب….

-قصي: اكلك سينيورا…..

حطن عالطاولة وظهر….. وقفل الباب وراه…… وتركها مصدومة…

-دارين: شو قاال…. سينيورا……. ههههه….

ابتسمت بسمة خفيفة… وقلبا دق…… اتحرك عليها شريان الحب… حست انو يمكن بلش ينتبهلا… وطردت هالافكار دغري بعد ما اطلعت على هيئتها…. ورجعت لواقعها الأليم….
وبنص الليل بعد ما الكل نام…. سمعت همس حد الباب….. وقامت بسرعة….

-دارين: يوووسف كييف فتتتت……. هلأ حدا بحس عليك….

-يوسف: اسكتي هلأ وقليلي ويين ممكن لاقي المفتاااح….

-دارين: يا الله مااا تقلللي انوو مش بالباااب……. يووسفف وييين رحت….. عم تسمعنييي….

وبعد دقايق سمعت طرقات عالباب……. وفجأة انفتح….

-دارين: كيف فتحتووو…..

-يوسف: بالسكين…. مش وقت الحكي هلأ يلااا تعي بسرعة قبل ما يحس حدا علينا……

برمو بدن يروحو وسمعو تصقيف……

-قصي: برااافووو…. براافووو….. ارجعي ع غرفتك متل الشاطرة…

-يوسف: اوعك تحلم اتركلك ياها وفل بعد ما استنجدت فيي وصارت معي…

-قصي: انت خراس عم بحكي مع بنت خالتي……

قرب يوسف وخبطو لقصي بوكس ع وجو….. ومسك دارين من ايدا ومشاها وراه…….

-قصي: ارجعييي يااا دااريييين…… ح تندم يااااا حيوااااان….

فاقوا سلافة وتالا عالاصوااات…..

-تالا: شو صاير خيي….

-سلافة: وييين دااااريييين…….

وصلو بسرعة قياسية عالبيت……

-دارين: شكرا كتييير يوسف….. لازم انزل شوفا…. بتكون قلقت عليي…. الي يومين ما طليت عليها….

-يوسف: ولو واجبنا شريك….. ما تخافي انا قلتلا انك بشغل ضروري بالمدينة…

-دارين: اي منيح……

فاتت دغري عالبيت…… ونزلت عالقبو…… قبو كبير… ومرتب… وعتمة كتيير…. وبأخرو بالزاوية في تخت… قربت عليه…

-دارين: انتي منيحة ؟

الجزء السادس:

كان ماشي يوسف ع بيتو… حاطط ايديه بجيابو… مبتسم وعم يتذكر الحديث اللي دار بينو وبين دارين قبل 3 ايام…
______________________________

-دارين: يوسف…. تعا شوي معي…

-يوسف: عم تحكي معي…

-دارين: وين عم تتلفت حواليك… في حدا غيرك هون اسمو يوسف…

-يوسف: لا بس مستغرب…. شو بدك….

-دارين: امشي عالطريق منحكي….

بعد صمت قصير وسير متواصل….

-يوسف: اي وبعدييين… ما تحكي…… لوين رايحين….

-دارين: يوسف فيني اوثق فيك…..

-يوسف: اكيييد….

-دارين: انا تعلمت ما اوثق بحدا…. بس انا بعرف انك ما رح تإذيني ولا تنشرى بمصاري فريد بيك……. بس لازم يكون حدا غيري بيعرف هالسر……. لانو بخاف يصرلي شي ويندفن معي……

-يوسف: شو في خوفتينيييي……

-دارين: اوعك حدا يعرف… واوعك تاخد ابعاد للقصة وتبلش تعزف ع اوتار حبك ومدري شو…. خلي الحب ع جنب واوقف حدي كصديق….

-يوسف: امرك شريك…. ههههههه…. واخيرا ح تفوتيني ع متاهة غموضك يا صديقتي….

-دارين: يوسف بلا مسخرة…. انا كتير جدية…….. هاي وصلنا…. فوت….

-يوسف: ع بيتك….. شو في هون……..

-دارين: امشي بلا اسئلة…. وفوت……. انزل لتحت…… من هون… اي….

-يوسف (مصدوم): في قبووو هووووون……. من ايمتا…… شو هالمكان السري هيدا يا بنت……

-دارين: امشي بلا صوت……….. ع اخر هالطريق…. اطلع عالزاوية….

-يوسف: وين وي…….

انبلعت الاحرف معو…. وما عاد جمع….. انصدم…. وحاول يدقق كتير منيح………..

-يوسف: دارين مين هاي…..

-دارين: اي… اي… أليس ملك……..
_____________________________

وصل ع بيتو واتسطح ع تختو… هوي اعتبر انو هاي البداية مع دارين بعد كره وحقد ومشاكل 5 سنين…. ونام هوي وعم يحلم فيها…

ببيت دارين…..

-دارين: انتي منيحة…..

-أليس: اي منيحة….. وين كنتي….. اجا يوسف…. وقللي انك بالمدينة…. اول مرة بشوفو واستغربت انو اول مرة بتحكي لحدا عن وجودي…..

-دارين: بعدين بحكيلك تفاصيل…. انا تعباني كتير بدي اطلع اتحمم…

-أليس: براحتك منحكي بعدين…. نعيما سلف…

-دارين: جوعانة شي…

-أليس: لا جبلي يوسف اكل….

-دارين: اي عال….

تاني نهار…… راحت دارين عالارض وبلشت شغل…. فجأة انتبهت ع حدا وراها…. التفتت… واتفاجأت….

-دارين: اوووووه سينيور فريد بجلالة أدرو عنا…….

-فريد: الحقيني ع مكتبي يا بنت……

-دارين: يوووسف…. انا شوي وبرجع…..

في المكتب…..

-فريد: اذا بتجاوبيني على هالسؤال… رح عيشك ملكة….

-دارين: تفضل….

-فريد: بتعرفي وحدة اسما أليس ملك….

-دارين: اي…. شو بدك فيها….

-فريد: بدي ياها…..

-دارين: ما حزرت…. من قبل هددت فيها ناردين… وبعد موت ناردين… هددت فيها بلقيس…. ما رح اسمعلك تهددني فيها هلأ….

-فريد: ليه ما نكرتي…….

-دارين: عشان عذبك…… تعرف انو بعدلك خيط لتوصل ل أليس بس للأسف ما رح تقدر…….. حتى بالمنام رح امنعك تلاقيها….. بالإذن….. واه صحيح…. بلا تهديدات ومدري شو… اعلى ما بخيلك اركبو….

-فريد: غبييييةةةة…….

-كمل فريد حكي بقلبو: رح راقبك واعرف وين أليس لو بالقوة…

طلعت من المكتب…. وحست شي غدرا من الطرف التاني….. لحظات وبلشت تغبش الرؤية قدامها…. وهيي ما قادرة تنطق… ولا قادرة تقاوم…. وبعدا غابت عن الوعي……… فاقت بعد مدة طويلة لقت حالا بمحل مهجور…. وقاعدة مربطة ع كرسي….

-دارين: مييين فييي هوووون……!!!!!!!!………

طل من العتمة….. شخص طويل…… ولما بلش يقرب شوي شوي… ويجي النور ع وجو…… كانت دارين عم تصغر عيونا لتحاول تعرف مين……

-دارين: أليكس !!!!!!!!!…… شو بدك مني……

-أليكس: بدي اعرف مين امي….

-دارين: وانا شو دخلني بامك…..

-أليكس: انتي مييين؟؟؟…… ليه الشبه هالقد كبير بينا…. معقول تكوني اختي…. انا هيك حسيت لما ضهرتي هيداك اليوم من مكتب بابا……… معقول المرا اللي ضربتا كف وماتت من فترة تكون امي….

-دارين: غريييب…. كيف لاحظت هالشبه…. بشتت…. ما كنت بعرف والله….

-أليكس: بلا مسخرة وجاوبيني…….

-دارين: طمن بالك… تحليلاتك غلط…….

-أليكس: بتمنى…. لاني مشتهي شوف امي…. واحساسي انها ميتة عم يقتلني…

غمضت دارين عيونا بأسا…… وحست بالشفقة عليه…. شو بدها تقللو هلأ…. كيف رح تهرب من أسئلتو……

-دارين: طلعني من هون…. عندي اشغال انا….

-أليكس: مستحيل تحلمي تشوفي الضو قبل ما اعرف مين ناردين…. اذا جاوبتيني بيشفعلك جوابك…. وبتركك… وبدور ع امي…

-دارين:…………

-أليكس: احكي…..

-دارين: فكني بالاول…. بعدا بقللك…………..

-أليكس: يلا عم فكك احكي….

-دارين: ناردين بتكون…… بتكون هيي امك……

يتبع .......

#شريان_الحياة_بقلم_نسمات_الليل

الجزء السابع:

-أليكس:……..!!!!!!!

-دارين: يلا بالاذن….

-أليكس: اخر سؤال…….. مين أليس ملك……

-دارين: !!!!!!!!!!!!!

-أليكس: جاوبي…….

-دارين: شو عرفك فيها….

-أليكس: مش مهم…. جاوبيني…. اذا ما كنتي اختي….

-دارين: ما بعرفا منيح…. انت اللي بهمك امك وبس…. واللي متأكدة منو انو امك اسما ناردين وما تسألني عن مكانا لاني ما بعرف… وامي اناااا اسما بلقيس اللي ماتت من فترة….. يعني انا وانت مش اخوات…..

-أليكس: معقول بتقربيني…… بنت خالي او خالتي مثلا……

-دارين: بخاطرك…………. (وصلت لبرا واتطلعت حواليها)… يييييي شو هالمكان انا كيف بدي ارجع…

-أليكس: انا بوصلك…. تفضلي…….

________بعد مرور ثلاث سنوات__________

يوسف واقف مردد قدام باب دارين… بدق او ما بدق… عم يطلع الدخان البارد من تمو… وحاطط طقية ع راسو… ولابس جاكيت جلد…… واخيرا دق……

-دارين: شو عم تعمل هووون… مش شاايف الشتاااا….. لك كيف مبلل….

-يوسف: بدي احكي معك……. جيت بنص النهار لحتى ما تقيليلي حكي العالم ومدري شوو….

-دارين: طيب فوت…….

قعد حد الدفاية وصار يدفي ايديه ووجوو….. ودارين قاعدة عم تهز بإجرها… عم تلوم حالها كيف سمحت لهيك واحد يفوت بيتا… وهلقد اختفت الحدود…. من بعد ما كانت بتكرهو…… صمت طوييل ما حدا حكا….

دارين: اييي…. لقيت شغل بهالطقس…..

-يوسف: لا والله…. المعامل فُل… والله انو رغم كرهي للشغل بالارض بس كانت تعيشنا…

-دارين: يووسف بترجاالك فوووت بالموضوع دغري….. ما بحب اللف والدوران… شو بدك….

-يوسف: بدي اطلبك من خالتك بكرا……

-دارين: قوم طلاع من هون….. انت تخطيت كل الحدود…. بتعرف اني مستحيل اقبل…. امنتك ع سر واحد بحياتي وتماديت… رجاءا…

-يوسف: ليييه ما بتعطيني فرصة… 8 سنييين حب…..

-دارين: خليك متذكر…. من طرررف واااحد…….

-يوسف: متل حضرتك يعني…..

تلبكت دارين وفاتت ببعضا….. ووقفت واشرتلو عالباب ليفل… قام ووصل لعند الباب…. برم لعندا….

-يوسف: بتحبيه !!!!

-دارين: ميين !!!

-يوسف: أليكس؟…

-دارين: لاا…. الله معك….

-يوسف: كذابة !!!!!

دفشتو لبرا من كل عزما….. وطبشت الباب وراه…… وغرقت بدموووعااا……. بعد ساعة رجع اندق الباب…… وما في غير يوسف بضل يزورا بحجج كتييرة…..

-دارين: اوووف يوسف اووف…. شو بدك من……

سكتت لما فتحت الباب وشافت ميين…..

-قصي: مين فكرتيني….. حبيب القلب اللي هربتي معو من عندي…

-دارين: مش حبيبي… هوي بس ساعدني……

-قصي: صدقتك !!!!… ما رح تقيليلي تفضل….. الشتا قوي…

-دارين: قصي مش فاضيتلك هلأ…..

-قصي: امي ماتت…..

علقت الدمعة بعينو ومنعا تنزل…… انصدمت… وقلبا وجعا كتييير… هيي عطول بتجرحو بلا ما تحس بسبب حبها الزايد الو…. دائما بتخفي مشاعرا خلف القوة والخناق… لتثبت للطرف التاني انو هوي ما بيعنيلا….. حبها المفضوح بعيونا لهلأ ما حدا شافوا او قدر ينتبه عليه… لانها بتتقن منيح كيف تخبيه…. بس بهاللحظة بحركة لا ارادية… غمرتووو…. وفوتتو لحد الدفا… وقعدووو…. والصمت كان سيد الموقف….. الدموع هيي اللي عم تشكي…. والعيون عم تحكي…

-قصي: انتي بتحبيني !!!!

-دارين: اي اكيد…. انت خيي اللي ما ولدتو امي……

-قصي(بهمس): خيك !!!!!!

اتجاهلت اخر كلمة سمعتا…. وفهمتا…. بس قلبا كان عم يرقص فرح….. يمكن لانها حست انو بلش ينتبهلا……. وكالعادة طلعت من هالافكار باحترافية…… وغيرت الحديث….

-دارين: كيف ماتت…..

-قصي: اليوم الصبح دفنوها…. مبارح بالليل صابتا سكتة قلبية وماتت….. اخر رمق كانت عم تلفظ اسمك……..

-دارين:………..

-قصي: قومي مشي معي……. اختي بحاجتك…..

راحت معو بدون تفكير…. في شي جواتها مانعا تبكي… يمكن لانها ما بتحس بأي مشاعر اتجاه خالتها… يمكن لانو بكل حياتها ما شافتا الا سنة واغلب عمرن برا البلد… بكيت ع تالا ع قصي… بس الاكيد ما بكيت ع خالتها اللي فقدتها… لانها من الاساس ما كان إلها محل بحياتها…. وصلت ولقت تالا قاعدة عم تبكي…. قربت منا وغمرتا…… وشافت ست غريبة قاعدة… اطلع فيها قصي وفهم انها متسائلة….

-قصي: لانا…. مرت خيي قيس….. وهيدول الصبي والبنوت ولادن…… لانا هاي دارين بنت خالتي بلقيس…..

-دارين: اتشرفت بمعرفتك مدام….. والله يحميلك ولادك….

-لانا: تسلمي….. الشرف الي…. ويخليلك عيلتك…..

فجرت دارين عيونا…. وصار في لمعة دمعة…. وقفت وركضت عالحمام بسرعة……. وصارت تبكي…….

-قصي: بشرفك لانااا….. هيي وحيدة….. ما عندا لا اب ولا ام ولا اخوة ولحدا غيرنا نحن….

-لانا: شوووو… ييي حرااام…. رح روح احكيها……….

ظهرت دارين من الحمام…. واتظاهرت بالقوة…. وفوتتا لانا ع غرفتها وقعدو يحكو….

-لانا: انا اسفة…….

-دارين: ولا يهمك…. تعودت عالوحدة……

-لانا: ليه هيك هيئتك….. بيني جمااالك للعالم….

-دارين: وحدتي بهالحياة لازم تخليني هيك لقاتل الحيوانات الناطقة بهالحي….. ما فيني كون غير هيك…… انا اخت رجال وبدافع عن حالي…. وضعفي بأنوثتي….. رح اترك الانثى اللي جواتي لشخص واحد… بيستاهلا……

-لانا: متل ما بدك…. يلا قومي ارتاحي بغرفتك… اوعى تنطقي وتقولي لا… رح تضلي كم يوم بس… تحممي وبعطيكي تياب من عندي…..

-دارين: بس…..

-لانا: بلا بسبسة……

ابتسم قصي من ورا الباب… ورنت بإدنو عبارة الانثى اللي جواتي لشخص واحد….. بعد عن الباب… وعمل حالو هلأ جاي…. طلعت بدو حيلة دارين… حست بالاحراج…. شافت قصي وطلبت تحكي تلفون من عندو…. عطاها بلا تفكير….. اخدتو…. وراحت ع جنب ....

الجزء الثامن:

-دارين: يلااا ردييي…. اوووف……. رح دق ليوسف…. الو يوسف… عم دقلا ما عم ترد….. انا مضطرة غيب يومين…. بترجالك انتبهلا… شكرا يوسف…….. يوسف…. انا اسفة لاني عم بستغلك… واسفة ع طردك….. حسيت باحساس بشع من بعد ما رحت بسبب تصرفي الجارح…….. شكرا…. ههههه… باي شريك….

برمت ظهرا واتفاجإت بقصي……. عصبت كتييير… شو هالتطفل… بس من كلامو لاحظت انو اجا عالاخر بس….

-قصي: ما تنكري انك بتحبيه !!!!

-دارين: اووف قصي اووف….. ما بحبوووو….

-قصي: لكن مين بتحبي…. انا شايف بعيونك عشق لحدا… يمكن يكون صديق الطفولة اللي علمك تكوني شجاعة…

-دارين: لا ابدااا…. ما كان صديق طفولة… كان شخص علمني كون قوية ومن ضعفو رااااح…. انا وصلت للي وصلتلو من عذاب السنين مش من ورا كم درس تافهين عطيتني ياهن غصب عنك لما كنت عم تنفذ اوامر امك……..

-قصي: بوقتا اول مرة كنت بعرف بوجودك… ما قدرت تقبلك بسرعة….. ما ح تقيليلي مين مستوطن قلبك…

-دارين: لاا…

-قصي: يعني في حدا….

-دارين: اي….. بس اطمن مش يوسف…. حل عني رايحة ع غرفتي…

لحقا عالغرفة وسكر الباب ولزقا بالحيط…. وبلشت عيونو تقدح شرارة غضب….

-قصي: مين هوييي……

-دارين: ما خصك….

-قصي: احكيييي… انا اللي بخصني…..

اطلع بعيونا الزرق…. وقرب وجو اكتر….. وهديت النار اللي بعيونو… وهيي بلشت تضعف…. بلحظة حكت كلمة وبعّد عنااا مصدوم…

-دارين: أليكس……….

كانت حركة مقصودة منها ليبعد عنااا…. وما تغلط وتضعف…. وهوي بعّد والخوف بعيونو….. وضهر من الغرفة بدون اي كلمة…. قعدت عالتخت وبلشت تاكل باظافيرها والفرحة معبية عيونااا…. وتحكي حالا معقوول بحبنييي….. شو صار من شوي… غار عليي اكيد…. بس بلحظة قامت وطردت هالافكار… ووقفت بتعجرف وشموخ… لتتقمص دور امرأة من فولاذ……. لانو مش هيي اللي بتنجر ورا اقاويل شريان الحب…

قامت تحممت بعد ما اخدت تياب من لانا…. اضطرت انها تلبس هالمرة لباس انثى…. وقفت قدام المراي… مشطت شعرا… وانبسطت بشكلا….. هلأ هيي أنثى بكل معنى الكلمة…. وبهديك اللحظة قررت انها تتحول من اخت رجال لإمرأة من فولاذ…………..

-لانا: وينا لهلأ هالبنت….

-قصي: اكيد ما عرفت دور الماي…. لانها جاهلة وامية وما بتفهم شي…….

-لانا: ليه هيك بتحكي عنا…. قوم ساعدها……

قبل ما يخطي خطوة كانت دارين جاي….. فستان اسود لعند الركبة…. وشعر مجعد طويل اسود متل الليل…. كحلة بسيطة… وسمار ناعم……. انفتحت عيونن عالاخر… مستحيل هاي بذاتها تكون اخت الرجال اللي صوتا بضل عالي…. من بعد ما سمعو انوثة صوتا لما قالت (كيف شايفيني)…

-لانا: قمرررر…. ويين مخبية هالجمال……

-دارين: قررت غير حالي… صار عمري 21 سنة… كلن عشتن بهيئة حبيتا كتير وتقمصتا باتقان…. وهلأ رح اقلب الدور واخد هيئة مختلفة كليا…. صرت بعمر رح اقدر سيطر عالعالم ودافع عن حالي…… من دون قناع اخت الرجال……

حطو الغدا…. وقعدو يتغدو… حملت الشوكة والسكين واكلت… شاقلة ظهرا… وقاعدة قعدة منيحة…. الاستغراب واضح كتير على وج قصي…. كيف هالجاهلة تعلمت كل هالأتيكيت….... تحولت لأنثى كاملة….. هيي كانت بنظرو وحدة لازم الواحد يستحي فيها بسبب عدم قدرتها على عمل اي شي الا الصوت العالي والصراخ والقوة…. بس هلأ مختلفة…. اللي قاعدة عالطاولة شخص مختلف تماما…..
بس هوي ما كان بيعرف… انو دارين انسانة حربوءة… وقد حالها… وبتتعلم كل شي بظرف ساعات….. لو شافت مرة وحدة الاتيكيت بحياتها كفيلة انها تعلمها المستحيل….. لما فاتت تتحمم استغربت من الحمام اللي بيطلع قد كوخها كلو….. بس هيي حاولت تجرب انها تدور الماي ونجحت…. هيدا دليل ع امكانياتها وعدم يأسها… لانها من زمان تعلمت ما تتكل على حدا…. وهاي هيي من جديد عم تجذب الكل الها…. وهيدا سبب فضولها هيي وصغيرة لما كانت توقف ورا القصر وتشوف أليكس وعيلتو كيف بعيشو وبيتصرفو… وهلأ نفذت وبس…….

-دارين: بصراحة لانا انسانة رائعة… وتالا مش بحاجة لإلي بوجودا… انا ما فيي ضل هون… رح اتغدا وفل…. هاديك الحياة بكوخي البسيط كتير بحبها…….

خلص النهار ورجعت ع بيتا… نزلت عالقبو لتطمن على أليس… وتفاجإت بوجود يوسف عندا…. وصلت تماما عند اخر كلمة قالها…

-يوسف: بحبها كتييير….

نزلت عيونا وحست بغصة… يا ريت بتجي وحدة وبتنسيه وحدة اسما دارين…. عذابو بيقهرا لانها داقت من نفسو…… حس يوسف ع حركتها… وانشلت حركتو شل لما شافها…… ولما وعي ع حالو مسكا من ايدا وطلعا لفوق…. وقعدا عالكنباية بقوة…

-يوسف: شو هاللبس هيدااااا…… ارجعي متل ما كنتي…. شو هالكيس….

حمل الكيس وبلش يشيل اللي بقلبو…. كانو شوية تياب عطتا ياهن لانا قبل ما تجي…..

-يوسف: حلوو شريكييي تحول لأنثى…….

الجزء التاسع:


دارين: شو بك يوسف… انت شو دخلك بحياتي…. كل ما بيحرقني قلبي عليك بتقوم بتعمل شي بزيد كرهي الك….. بعدين شو معاجبك باخت الرجال هلأ صرت…

-يوسف(قاطعها): هلأ صرتي سخيفة…… ومعرضة لتلطيش…. كيف جيتي لحالك بهالمنظر بهالليل……

-دارين: طلاع لبرااا يووسف…… تعا خنقني كمان…..

-يوسف: طااالع طااالع….. بس اذا هالشي كرمال أليكس بحب طمنك انو مبارح سافر……

رح وخبط الباب وراه وتركها مصدومة….

-دارين: أليكس سافر !!!! عم قول ليه مش طالع حسوو… معقول فقد الامل من امو…….. ابصر فريد بيك شو مكذب عليه ومألف قصص….. من لما اجت هالشتوية وتركت شغل الارض بطلت اعرف اخبار حدا…

ببيت قصي…

-لانا: بدك تروح !!!

-قصي: اي رح ودع خيي وسافر…

-لانا: بس…

-قصي: بلا بس… انت بتعرفي انو قيس وضع قلبو ما بيسمحلو ركوب الطيارة بكترة…. رح روح صفي الشغل هونيك وارجع… وانقلو لهون…. خلص كلنا لازم نستقر هوون…. هياه ملقح فووق من الزعل وقلبو بيوجعو….

-لانا: اي والله انقهر كتير انو ما شافا بآخر اياما… وما حققلا امنيتا انو كلنا نجتمع هون…

-قصي: هيدا القدر…..

-لانا: والقدر شو ح يعمل بوضعك…. مش سهل تصفي الشغل هونيك بدك بالقليلة سنة…. بلكي ضاعت من ايدك دارين….

-قصي: هاي جوهرتي……. من لما كان عمرا 13 سنة برقو عيونا بشوفتي…. رح تضل تحبني…. بعرف اني لليوم لانتبهتلا…. بس زيادة سنة على سنينها ما بتقدم وبتأخر…. انكتب ع جبينا قصي… ما رح تكون لغيري… متأكد…

-لانا: بس ما تنسى يوسف وأليكس….

-قصي: أليكس مستحيل يطلع فيهاااا ولا بالاحلاام….. وبعدينا هوي مسافر…. اما يوسف الو اكتر من 8 سنين بحبها ولهلأ ما عطتو وج… ما رح تجي عدوري بهالسنة تحبوو… انا مضطر سافر….

بعد مرور يومين….

قاعدة ع تختا عم تبكي وغامرا اجريها لصدرا…..

-دارين: سااافر…… ساافر…. كيف هيييك…. ليه ما ودعني… ليه مش يوسف اللي بينقلع من حياتي…. ليه اكتر 2 بحبن سافرووو….. ليه هييك يا الله….. والله لولا وجود روحي بهالقبو اللي تحتي كنت من زمان انتحرت…… لشو حياتي…. شو هالوحدة هاي…. ليه مكتبلي يعيش شريان الحب بعيد عني كل هالوقت….

قامت ولبست تياب مرتبة… فردت شعرا…. ولبس جاكيت وبوط طويل جلد الو كعب… وطلعت…. بلشت تتفتل بهالحي…. وتبكي… وتتسائل عن كمية الهموم ورا كل باب من بواب هالبيووت…… لحد ما اجا حدا من وراها مبين انو سكران….
-شو عم يعملل الحلووو هووون…..

-دارين: انقلع من خلقتي…. ناقصني سكرانين…..

هجم عليها بوحشية…. وهيي ما قدرت تقاوم… عصبت ع حالا وشلحت البوط الطويل…

-دارين: العمى ما عم يخليني دافع عن حالي….

كبتو وضلت حافية… وبكم حركة منها كان عالارض عم يتوجع…. بس للأسف هيي وعم تهرب مسك اجرا… وهوي بالارض… اد ما تكون قوية… ما رح فيها تهرب من قبضة رجل…. غمضت عيونا… واتمنت انو يجي حدا يأنقظا…….. وتحققت امنيتا…. بلحظات كان صار السكران سرحان بدموو….. وعم يترجا بيوسف يوقف ضرب…

-دارين: خلص تركوووو…. رح تقتلووو… امشي يلااا….

-يوسف: شفتي عواقب هاللبس يا سينيورا…..

-دارين: سينيورا !!!! قصدك شرييك…. هههههه….

-يوسف: امشي قدامي….. وانت يا ويلك شوفك بهالنواحي…… انتي ما بتعرفي تصرخي وتلمي الناس عليه…. لو ما مارق بالصدفة ما حسيت عليكي…. وبتضحكي كمان….

-دارين: ما تعودت اني استنجدت بحدا…… العياط والبكي ما بجيب نتيجة….

-يوسف: طيب امشي قدامي…….

وقفت سيارة قدامن فجأة…. ونزل شخص….

-الشخص: انسة دارين تفضلي معي… الريس فريد بدو ياكي….

-دارين: اوووف يااااا… كل فترة بيطلعلي بدو ياني بموضوع… مااا مل….. مستحيل جاوبو ع ولا سؤال…. ليه عم يضل يحاول….

-يوسف: مين هيدا… اوعك تطلعي مع حدا غريب…

-دارين: ماني طالعة…… بعدين منو غريب هيدا حارس الريس… بعرفو من قبل…..

-الحارس: قال هلأ الموضوع مختلف….. وقللي انك ما رح تقبلي تجي بأي شكل…. فوصاني قللك بس كلمتين والباقي عليكي… (لقا ناردين)……….

انصدمت !!!!!! بس تمالكت حالا…. وهيي عم تتسائل…

-دارين: هههههههاااااااي…… روح قللو للريس تبعك… انو ناردين شبعت موووت من زمااااان……..

راح الحارس يوصل الرسالة…. ودارين لعبتا عالمزبوط… هيي بتعرف تماما انها لعبة منو لحتى يجرجرا لعندو…. بس خلص ما بقا في شي بيجبرا تروح لعندو مدام أليكس مش بالقصر…… وبالفعل قدرت تزتفزو لفريد كتير منيح……. وخطتو ما نجحت هالمرة… كان متوقعها تجي ركض لما تفكرها عايشة…

-يوسف: مين ناردين….. انتي ليه هالقد غامضة دارين…. كإنها بتقربك في شبه بأسمائكن… وما عم تقليلي كمان ليه أليس بالقبو وشو المشكلة معكن مع الريس الكبير….

-دارين: يوسف بكفي أسئلة ما فيني جاوب على شي….. وتشابه الاسماء صدفة……..

_________بعد مرور ثلاث سنوات____________

قامت تفتح الباب…

-دارين: أليكس !!!!!!

-أليكس: ما تعبتي من الصمت !!

-دارين: اي صمت………

-أليكس: عن الحقيقة….. ايمتا ح تحكيلي……

-دارين: قريبا كتير…… ما بقي الا القليل….. تفضل….

فات وقعد جوا وصار يبكي متل الولاد….. نام ع اجريها… وصار يحكي… مع دموعو اللي ما حسبلا حساب قدام دارين…

-أليكس: تعبت كتيير…. حاسس امي عايشة وبانتظاري اني انقظا من الجحيم…. انا بحاجتها كتيير… بحاجة للحنان اللي بحياتي ما حسيتو…. يمكن بتشوفوني غني ومدلل وكلو تحت خدمتي… بس انا مش مبسوط…. لا اخوة… ولا اب… ولا ام… ولا شي…..

ضل يحكي ويحكي لغفي……. قامت وحطت مخدة تحت راسو… غطتو منيح…. وقعدت بوجو تتأملو… مع ابتسامة عريضة ما قدرت تكتما……

-دارين(بهمس): أليكس………. يا ريت فيي اغمرك… وقللك اللي بقلبي……..

يتبع….....

#شريان_الحياة_بقلم_نسمات_الليل

الجزء العاشر:

تاني نهار وعيت دارين وظهرت من غرفتها وما لقت أليكس… ابتسمت وضبت محلو بهدوء… هوي والمكان معبى بريحتو…... اكلت وتحممت وحملت حالها وراحت تزور لانا متل العادة….

-لانا: اهلا اهلا…. طولتي الغيبة هالمرة…..

-دارين: اي والله شغل وهيك….

-لانا: ما عندك اليوم !!!

-دارين: لا تركت الشغل بالارض…. عم بشتغل بمكان تاني واليوم عطلة…..… مين اجا……… قصي !!!!!!!

فات قصي…. وسلم عليها….. كان الو يومين واصل من السفر بعد غياب 3 سنين……. انطفا الضو من عيون دارين لما قالت لحالا ليه ما طل عليي من لما اجا…. دفنت هالشعور… وابتسمت وقعدت…..
وهيك مرق النهار بين ضحك ومزح ومغامرات وشغل… لحد ما حملت حالا دارين بدا تروح….

-قيس: لوين…. حضرت الشياطين ذهبت الملائكة…..

-دارين: ههههه انت ايمتا اجيت…. لا والله بس لازم فل…

-قيس: خليكي كم دقيقة… سايريني…

-دارين: خلص تكرم عينك…

انصدم قصي من التعامل بين قيس ودارين…. معقول هالقد اتطور بهال3 سنين…. وهوي صرلو سنين بحاول يفك هالحدود بينن….
بس دارين ما قدرت انها تقعد اكتر من كن دقيقة وصارت تهز بإجرها ووقفت… واجت بدها تستاذن بس لانا قاطعتها…

-لانا: اقعدي حبيبتي في موضوع منا نحكيه معك…..

-دارين: بصراحة والله مضظرة اني فل ضروري كتيير… اجلوها ليوم تاني…..

-لانا: بس….

-قصي: شو بكيييي يا دااارين…. شو هالغمووض بحياتك…. شو هالسر اللي الي سنين ببحث فيه وما بعرفووو… ليه كل ليلة بكون عندك فرض واجب تعمليه… وهوي اللي خلاكي تهربي هديك الليلة لما حبسناكي انا وامي…

تجاهلت حكيو ومشيت لعند الباب…. وراحت….

-قصي: رح تجنني....

-لانا: بلكي عندا حبيب بتشوفو…… هيي ما كتير قريبة مني… ما بتحكيلي خصوصياتا…….

-قصي: مستحيل يكون عندا حبيب…. شوفيها بتحب كل العاااالم وتتعامل معن بحب… وشوفي تعاملا مع قيس بفترة قصيرة الها بالعادة ما بتختلط بالعالم….. بس انا اللي بتناكدني وبتخانقني… وهيدا بأكدلي انو في مشاعر عم تخبيهن بهالطريقة…..

-لانا: بشك….. قوم لحقا……

قام قصي متل الصاروخ ومشي وراها……. التقت بيوسف…

-دارين: عملت اللي قلتلك ياه…. لازم فوت عالقصر الليلة……

-يوسف: اي… والله خايف عليكي…. ليه هالقد عنيدة….. داااريين مين لاحقك….

-دارين: شوووو في حدا لاحقني…. مين….

-يوسف: ما تلتفتي…. بلا ما يشتلئ… انطري لدقق…. هيدا قصي….

-دارين: اوووف منك قصي…. صار عم يشك فيي…. لازم ابعد هالشك عنو بأي طريقة ممكنة….

-يوسف: عم يقرب….

-دارين: لا لااا…. لازم نوقفووو…. هلأ ما بعود بخلص منو… لازم الليلة فوت عالقصر….…

-يوسف: لقيت الحل…. بس بدي تسامحيني…..

-دارين: ع شو بدي…..

سكتها لما قرب وباسها…. وبهاللحظة قصي جمد بمطرحو…… وجفن عينو اليمين رجف…. عقد حواجبو…

-دارين(بهمس من بين سنانها): شو عم تعملللللل…..

ضل يوسف قريب منها وقصي شايفن مستمرين بالقرب من بعض… وكازز ع سنانو…. وايديه….

يوسف: اسف… ما رح يفل الا بهالطريقة… هياه وقف…. لازم نبعد شكو… ليعرف انو سرك هوي موعد غرامي…… هياه برم ضهرو…. فل…..

برمت ضهرا وشافتو فل…. رفعت ايدا وطبعتلو كف طبع ع خدو ليوسف…..

-دارين: بكرهك…….

-يوسف: اسف دارين…. بس انتي مصرة الليلة نعمل الخطة….

-دارين: وين بصرف الاعتذار هلأ…… اي اكيد مصرة… تعبت من السر اللي مطبق ع قلبي…. لازم ينكشف بقاااا…..

-يوسف: لو بتحكيلي ياه بترتاحيييي…….. يلا امشي…..

وصلو عالقصر…. وكان يوسف مجهز كل شي مسبقا ليفوتو بأمان…. فاتوا وطلعو ع مكتب فريد بهدوء……. ركضت دارين وصارت تدور بالوراااق…..

-دارين: وينااا…. وينااا يا الله…….

-يوسف: لو بتقيليلي شو هيي لدور معك………

وفجأة اتشغل النور…….. وكان فريد اللي ما بقي شعرا سودا براسو ودقنو داكك عالباب…. وعم يزقف ويضحك بهستيرياااااا…….

-فريد: وقعتي بالفخ يا ست أليس………… هههههههااااااي…….. أهلا بأليس ملك…..

-يوسف: أليس !!!

-دارين(ملبكة): كإنك مشبه علي استاذ فريد….

-فريد: انتي ملاحظة اني كشفتك بالجرم المشهود…. وفيني احبسك….. ليه عيونك ما فيهن خوووف…. متأكد انك عكس امك الخويفة تمامااااا…… كانت ترجف لما تشوفني….. ربيتا ع ايدي لحضرة امك المصون أليس خانوم… بس الظاهر ما عرفت تربيكي…

-دارين: انا ما بخاف الا من اللي خلقني……. وانا مش أليس….

-فريد: كذاابة….. انا عملت هالخطة ونشرت الاشاعة لتجي أليس باجريها لعندي واتخلص منها وعيش بأمان انا وابني…. وليك كيف نجحت خطتي دغري… وطلعتي أليس بذاتها… ما بخبي عليكي صدمتي انو دارين اللي بسألا عن أليس تطلع أليس بذاتها… عم دور عليكي وانتي قدامي… وهلأ حان الوقت لتلفظي اخر انفاسك… بس شكلي ح اضطر خلص ع حدا تاني معك……

-دارين: انت غلطان استاذ فريد…. ويوسف تركو ع جنب ما خصو بحربنااا….

-فريد: خصوو انوو عم يشوف الحقيقة…. وهالسر لازم يندفن….. معك ومع ناردين للأبد….. نهايتك متلا يا أليس ملك……

غمضت عيونا وتنهدت…. فتحتن ولقت مصوب مسدس بوجا…..

يتبع… #نسمات_الليل…

الجزء الحادي عشر:

-فريد: ما رح تعترفي……. طلعتي اقوى من ناردين بكتيييرررر…. ناردين الهشة والضعيفة…..

-دارين: خراااااس………

كانت واقفة حد الشباك هوي ومفتوح….. اطلعت لتحت… صعب انها تنط من مسافة طابقين……. لمحت أليكس….. جاي…. اطلعت بيوسف نظرة اخيرة……

-دارين: يوسف انا بعتذر منك كتييير…… بس انا واثقة انك ح تكون بخييررررر……. يووووووسف هروووووب……… أليييييكس مسكني…..

ونطت بين ايدين أليكس اللي واقف تحت وانصدم وفتح ايديه فورا…… ويوسف ركض ليهرب….. وفريد عصب وضرب ايدو بالباب…

-فريد: غبيةةةةةةةةةة……….. انت لوييين رااايح…. تاع لهوووون….. ما بقي غيرك ورقة رابحة هدد فيها أليس… احسا ما هالمعتوهة تخبر أليكس بشي….

-دارين: أليكس اركض بسرعة….. حان الوقت….. لازم تعرف الحقيقة قبل ما يصرلي شي…..

-أليكس: شو صااااير داارين احكي…. شو في بينك وبين بابا…….

-دارين: اسكت وامشي هلأ…..

وصلو ع بيتا… وقعدت ساكتة…. وأليكس ناطرها تحكي…… وهيي بتحكي حالا….

-دارين بقلبا (ما فيي قللو شي هلأ ابدا….. كان لازم خليه يجيبني بأمان لهون وما لقيت غير اني قللو بدي قلك الحقيقة ليمشي بلا أسئلة…. ما فيني قللو قبل ما تكون الصورة والورقة بين ايدي…. اوووف)…

-أليكس: ما رح تحكي شي…

-دارين: أليكس بصراحة كذبت عليك كرمال تجيبني لهون…. ما في شي اسمو حقيقة….

قام هجم عليها وهوي يعيط…

-أليكس: كزااااااابةةة…. احكي لشووف…. انااا مش لعبةةةة بين ايديكي يا محترمة….

-دارين: ما فيك تجبرني…..

-أليكس: وحياتك بقدر…. مستعد ارتكب جريمة لاعرف الحقيقة….

-دارين: ما عندي شي اخسرو… خود روحي….

-أليكس: في اهم من روحك…..

-دارين: !!!!!!!

-أليكس: شرفك……..…

-دارين: عم تمزح !!! ما بتعملا…..

-أليكس: كرمال اعرف الحقيقة بعمل كل شي… ومادام شفت هالخوف بعيونك معناتا انتي عذراء…. وراح اخد هالشي منك اذا ما بتحكي…..

-دارين: ما فيك تعملا…… ما رح احكي شي….

-أليكس: مبلا بعملااا…. وهوه….

زتها عالكنباي وقرب منها….. وبلشت تحس بأنفاسو القريبة…..

-دارين: ولكككك اناااا اختككككككككككككك………….

بعد عنا فجأة…… اتذكر الشعور اللي حسو من قبل… شعور الاخوة… صلة الدم… وشعورو قبل ما يسمعا كان انو مستحيل يقدر يقرب منها… بس كان اسلوب للتخويف مش اكتر…….

-أليكس: كنت حااااسس…. يا دارين خانوم….

-دارين: مش دارين !!! انا أليس……………. أليس ملك……

-أليكس: !!!!!!!……… انتي قدامي وانا عم ببرم الدنيا عليكي وسافرت لاعرف مين هالمجهولة وصلتها فيي…… بتطلعي قدامي… واختي !!!…… يلا عم بسمع كل شي يا سينيورا….. اشرحي…

تنهدت أليس وبلشت تحكي بهدوء….

-أليس: دارين اسم بنت خالتي بلقيس…. ماتت لما كانت بحدود السنة… لانو خلقت في مشاكل بقلبا وما كملت بهالحياة… فانا اخدت مكانا…. لانو ناردين اللي بتكون امي واخت بلقيس… كانت مهددة من قِبل بيي اللي بس عرفها انها مش عذراء زتها وانا عم اتكون بداخلها…… ومن قِبل بيك كمان انو ممنوع تتجرأ تحكيلك اي شي…..

-أليكس: ليه سكتي…. كملي…..

-أليس: لما خلقت سمتني أليس… لانها عرفت انو بيك سماك أليكس… وحبت يكونو اسمائنا قراب وخصوصي الشبه بيننا لحتى اذا ماتت هالشبه يدلناا ع بعض… سمارنا والعيون الزرق اخدناهن منا…… وبعدا بيك قتلها لناردين……. ليخرسها…. وانا اخدتني بلقيس تربيني وتعبي فراغ بنتا بقلبا…. وما حدا عرف بهالسر الا هني التنين… حتى خالتي سلافة ما كانت بتعرف فيه…..

-أليكس: وانت من وين بتعرفي كل هالشي…

-أليس: من فضولي الزايد بطفولتي…. خلاني انزل عالقبو واكتشف كل شي…… ومع هيك خالتي بلقيس امي التانية ما حكتلي الحقيقة كاملة الا بعمر ال13 سنة….

-أليكس: ليه بهالعمر بالذات…… وشو في بالقبو….!

-أليس: لاني كبرت وبلشت يتكون داخلي شي اسمو مشاعر…. وانت ظهرت عالساحة كتيير….. فما كان منها الا تنبهني من اني اوقع بغرامك….. ولما سألت طلعت خيي وعرفت كل شي… وصرت انا الشخص التالت اللي بيعرف السر….. من وقتا عشقتك بشكل رهيب… انا ولا مرة حسيت اني بحبك او شي… بس ما بعرف ليه خالتي بلقيس خافت انو يتكون شي بيننا…. حبيتك… خيي… كلمة حلوة وكتير بحبا… سندي…. يا الله شو فرحت… ضليت سنين اتأمل اتخايل لحظة تعرف انو عندك اخت…. لحد ما كرهتك بلحظة ما ضربت خالتي بلقيس كف……. بس بعدا عذرتك لانك اعتذرت اولا وثانيا لانك خيي…..

-أليكس: ليه ما حكيتي من قبل….

-أليس: في عندو ورقة…. ما بعرف شو مضمونا بالزبط… بس اللي عرفتو من خالتي انها مهمة كتييير… وفيها دمااار شااامل للضيعة وخصوصي النا…… والي انا بالتحديد…. واذا انت بتعرف شي…. رح تنفتح هالورقة عالملأ……. وفي كمان صورة الك انت وصغير مع ماما…. تصورتا سرقة لما كنت عم تلعب بالجنينة…. قربت منك واتصورت لتكون ذكرى اذا صرلا شي… وتعرف انها بتحبك كتييير… وكانت مضطرة انها تتركك…..

-أليكس: انا شااايف امي من قبل !!!!!!! طيب ليه تركتني…. وليه انا ابن حرام…… انا لما بلشت إسأل عن امي وقتا سمعت حديث دار بين بابا ومرتو أنجلي… كانت عم تقللو (ما عم خوووونك،، لاا انا مش حامل، انشالله فكرك ح جيب ابن حرام متل حضرتك… وحتى لو بدي اعملا مش مع عامل بالحقلة متل ما حضرتك عملت مع وضيعة وجبت أليكس)…. وقتا سفا كف….. وانا من وقتا عم حس انو امي بحاجتي…….. وانها مظلومة…. مستحيل تعمل حرام….. صح؟ او بتعملا…..

-أليس: بيك اغتصبها…..

-أليكس: شووو !!!!!!!!!!

يتبع…

الجزء الثاني عشر:

-أليس: امك اللي ربتك…. اول ما تزوجت هيي وبيك… ما كانت تحبل الا ببنات…….

-أليكس: عندي اخوةةة كماااان !!!!

-أليس: لا روق……. ومجرد ما يعرف انها بنت كان يخليها تأجهض غصب عنا وتبكي ليالي…. وهيك حوالي الاربع مرات….. لحتى قرر يجيب وريث بأي شكل كان….. وجاب… اسفة أليكس عهالحكي…. بس لازم تعرف…. جاب عشر نسوان وحبسن…… واغتصبن وحدة وحدة…… بتلات ايام……. وبعد شهر ونص….. طلّع سبعة لانن ما حملو… وترك تلاتة…… ناردين وتنين غيرا…… هوليك التنين بعد اربع شهور قتلن الولد ببطنن… لانن ببساطة بنات…. وترك ماما ناردين عندو اللي كانت الفرحة مش سايعتو انو حامل بصبي…. كان خطر عالكل الاجهاض بالرابع… بس هوي كان لئيم وما بيحسب حساب لشي…. امك اللي ربتك اول سنتين من حياتك ماتت بسبب كترة الاجهاض بالرابع…. ومن هالنسوان شي انتحر شي انجن وشي حالات نفسية والى اخره… وامك بقيت محبوسة عندو لخلفتك… بعد ما حاولت كتيير تقتلك لحتى ما تربى مع هيك اب… ولا تعيش راسك بالارض لانك ح تكون ابن حرام…… بس هوي كان مشدد الحراسة عليها….. وانت كنت مصر تجي عهالحياة… وبعدا خلقت انت…. وزت ناردين متل الزبالة عالشارع…. وهيي حملت حالا وسكتت كرمالك انت…… وخصوصي لما عرفت انك ح تربى بدون عار كلمة ابن حرام…. ضلت بعيدة لتحافظ عليك…. وخوفا من بيك… ضلت هيك ل 9 سنين… ولما جمعت اشلائها وقويت لتواجهو وتجيبك منو….. راحت وتصورت معك صورة…. وراحت لحربها مع فريد اللي ما كان الها بداية… بس للاسف بيها اللي هوي جدنا… جبرا تتزوج من زلمة كبيير بالعمر… لانها تأخرت بالزواج وعم تضل ترفض عرسان….. بعد ما تزوجت انكسرت من جديد…. وكل مخططاتها راحوا عالفاضي… وتاني يوم تركا وراح…. لما عرف انها مش عذراء…. وحبلت فيني بهديك الليلة….. وجابتني عالدنيا…. وبعد فترة بيي اخد جزاتو ومات موتي بشعة… وصار بيك يهددا فيي وأخد منا الصورة اللي انت وياها فيها……. وهيي لتحميني عطتني لبلقيس…. لحد ما يضللا شي تخسرو…… ونجحت خطتها وما حدا شك انو دارين ماتت وانا اخدت محلها…. بس لما اتطمنت عليي… بيك ليحميك سلب منها الحياة…. ودفشا عالوادي…. وخبط راسا بصخرة……

-أليكس(يبكي): هيدا مش بشر…….. بكرهوووو… هيدا ابليس بذااتو……. قتل اميييييي…. قتل الحناااان….. كييف قدر….

قربت منو أليس وحضنتو……

-أليس: فيني قللك خيي…. كتير بحب هالكلمة…. رغم اني كنت اخت رجال ع رأي الناس بس كنت بحاجة سند واخ….

-أليكس: وانا طول عمري بحلم يكون عندي اخوات اتزانخ عليهن… ما كنت بعرف انو بعد 34 سنة من عمري رح يطلع عندي اخت اول نظرة شفتا فيها من 7 سنين فكرتا شب….... ادي كان عمرك وقتا….

-أليس: ههههه…. 17 سنة…. وهلأ فتت بال25… .في بينا 10 سنين……

-أليكس: اخخخ يا امي لو قدرت شوفك…. لو مكتبلي شوفك نظرة…

-أليس: مكتبلك هالشي…

-أليكس: !!!!!!!

-أليس: قوم معي….

قام معا ومشيو بصمت…… ونزلو عالقبووو…… ومشيو لأخرو عالزاوية…… والشخص اللي عالتخت… نط بسرعة……

-ريييحة ابنيييي…… أليكس هوووون…… أليس امييي جبتيليييي ابنيييي… أليسسسس……

كانت عم تمشي وايديها قبلا…. عم تحاول تلامس اي وج قدامها…. او اي شي كرمال ما تتفركش بشي… أليكس انكسر بشوفتها……. امو ما رح تقدر تشوفو بحياتا… هيي بس رح تلمسو رح تشمو… بس ما رح تشوفو…… صار يتأملها… الشيب معبي راسها… تجاعيدها بيحكو عن معاناتها… عيونا الدبلانين…. جسما التعبان…. يمكن اللي كان مصبرها كل هالسنين عالحبس بهالقبو هوي خسارة عيونها ما رح تقدر تشوف مخلوق… بكفيها وجود بنتا حدها…. وانتظارها لابنها هوي كان الامل بحد ذاتو لتعيش….

-ناردين: أليس بنتيي ردي علييي…. حاسستك عم تبكي….. جبتيلي أليكس ما هيييك…. انا شامة ريحتوووو….

-أليكس: اي ما…. ماماااا…. اجيت…..

ركض لعندا وغمرها….. دموعن هيي اللي حكت عن الشوووق بقلب ناردين….. والحنان اللي بحاجتو أليكس وحاجتو لكلمة ماماا…… ابتسم وهوي عم يهدي امو…. اطلع بأليس وفتح ايدو كدعوة للانضمام للغمرة…..

-ناردين: يا حبيباااتتييي…. الله حققلي امنيتي وجمعنا سواااا….. نحن التلاتة…… اخخ شو بحبكن…. سااامحوووني ما قدرت كوووون الكن ام ابدااا…….

أليكس: ما تقولي هيك امي….

-ناردين: عيدا كمان….

-أليكس: مامااا…… ماما يلا تعي نقعد…. انتبهي… بعد خطوة… اي هون……

قعدت وقعدتو حدا… وصارت تلمس دقنو وايديه وعيونو وكل تفاصيلو….

-ناردين: تقبرني…. صرت شب… وعندك دقن…. وطويل… ايديك الصغار صاروا اكبر من ايديي…… يا روح امك شو بحبك….

-أليس: رح غار انا هاا…..

-أليكس: سكتي انت….. الك 25 سنة معا…. دوري هلأ……

ضحكو كلن سواااا…….

-أليكس: ليه قاعدة بهالمكان…. وليه الكل مفكرها ميتة…. بعيد الشر عن قلبها….

اجت بدها تحكي أليس… قاطعها….

-أليكس: قبل ما تجاوبي… في حدا بيعرف بهيدا المكان غيرك؟

يتبع…

الجزء الثالث عشر:

-أليس: اي……. يوسف بيعرف…. انا اضطريت خبروا… كرمال اذا صرلي شي…. وهيي متل ما شايف ما رح تعرف تعمل شي لحالا…. بس ما قلتلو انها امي ولا اسمها….. وقت سألني مين هاي ما كنت مجهزة حكي تلبكت وما لقيت حالي الا قلتلو أليس ملك……..

-أليكس: ما كان لازم تخبريه…. قوليلي الي كنتي….… معقول القدر…امي اللي الي سنين بدور عليها طلعت قريبة مني كل هالقد…. ونمت ليلة كاملة بنفس مكان امي وما شفتا…. شو هالظلم….

-أليس: كنت من زمان حابة قللك…. بس ظروف…. شكلا نامت قوم نحكي فوق… ما تستغرب هيي هيك عالادوية فجأة بتنام بلا ما تحس….

-أليكس: خليني حدا ما بدي تركها بعد ما لقيتا…. خلينا نحكي هون ع صوت واطي….

-أليس: متل ما بدك…….. لما وقعت امي… او بالاحرى لما انقتلت… فريد تركها وراح…. ولحسن الحظ كان في جثة تانية هونيك… كبيرة بالعمر وفقيرة مبينة ميتة من الجوع…… امي بلقيس حطتها مكانها وجابت امي لهون عالقبو وعالجتها بحكم انها داية وبتعرف بالطب نوعا ما…. ولما بلشت ترجع صحتها للاسف اكتشفنا انو الضربة مأثرة على عيونا وسببتلا عمى… ومن وقتا هيك…. ولما عرفت بالموضوع وانا بهتم فيها وبطعميها… هي بتفوت لحالا عالحمام اللي هونيك… حافظة الخطوات وبتستعين بالعصاية…. وبس كون انا بفوتها…. وتاركتلا تلفون هون ارضي بس كتير قديم كل شوي بيخرب وبيصلح لحالو…. ما بتعرف دق لحدا… بس لما بدق بترفع السماعة وبترد…. وهيك اندفنت هديك الختيارة ع اساس انها امي…. وانخدع بيك بالقصة…. وهالاشيا اللي عم قللك ياهن عرفتن ع دفعات انااا مش مرة وحدة… واخر شي عرفتو بعد وفاة امي بلقيس هوي انو القاتل الحقيقي فريد بيك…… والورقة اللي عم يهددنا فيها ما بيعرف المضمون فيها ابدا الا خالتي بلقيس…. بس كانت تنبهنا منيح من انو نفشي الحقيقة او تطلع ماما من القبو….. وانا كنت ناوية جيبا وبعدا احكيلك…. وكمان الصورة…. كرمال تشوف امك….

-أليكس:…………. (حزين)……

-أليس: هلأ بيك ما لازم يعرف انك عرفت ابدااااا…. خليك عم تمثل انك ما بتعرف شييي…. لنحصل عالورقة…… ماشي خيي…

-أليكس: ماشي اختيي….

-أليس وأليكس: ههههههه…….

-أليس: هششش…. هلأ بتفيق……..

فجأة في صوت خبط عالباااب فووق قوييي كتييير….. طلعت ركض أليس وفتحت هيي وعم تلهث…. ودقات قلبا تجاوزت الطبيعي لانها حست انها رح تسمع خبر سيء كتيير…..

-دارييين دارين لحقي يوووسف اتصاااوب…….

-أليس: شووووووووو… كيف !!!!!

-ما بعرف كان ملحوش بالحقلة….. واخدوه عالمدينة من شوي… وضعو خطير……

بعد مرور ثلاثة ايام…………………..

-أليس: الووو…. مستشفى الباشا؟… بدي اسأل عن المريض يوسف نالجي……. كيف يعني وضعو بعد مش مستقر…… ماشي شكرا……………. اوووف يا يوسف…........ ضروري تعيشني بعذاب الضميير…. شو صااار معك بس فليت انا من عند الريس فريد…… قلتلك اهرب ليه ضليت……. الله يشفيك…

-قصي: مرحبا….. عم تحكي مع حالك !!

-أليس: شو عم تعمل هون….

-قصي: دكان ابو محمود وجاي اشتري… ممنوع؟…… ما اشتقتيلي…

-أليس: منو كل يوم بشوفك….

-قصي: حتى لو….. سمعت انو يوسف متصاوب….

-أليس: اي… للأسف….

-قصي: بيستاهل…. اكيد زعرنتو ما بتخلص….

-أليس: قصي لزام حدودك….. هالازعر هيدا اللي عم تحكي عنو هوي اللي حماني من اخطر شي ممكن امرء فيه……

-قصي: وانا كان بدي احميكي بس انتي رفضتي…..

-أليس: انت كنت بدك تحميني بسجنك يا ريس… بس هوي حماني وانا ببيتي….

-قصي: بفهم منك انك بتحبيه……………

غمضت عيونا…. وتمنت يرجع الزمن لتمسح كل شي حكتو…. ما كان لازم دافع عن يوسف قدام اكتر شخص بتحبو… قدام الشخص اللي نطرتو سنين….. بس فات الأوان….

-أليس: اكيييد لااااااا…. هوي مجرد اخ… مش اكتر….

-قصي: اخ متلي يعني !!!!!!!!

التفتو لزمور سيارة قوي قاطع حديثن…..

-أليكس: يلااا أليس تعييي…. نروح عالمدينة….

التفت قصي حواليه… وعقد حواجبو لما ما شاف حدا….

-قصي: مين أليس !!!

-أليكس: أوبس……. داريين يلاااا…

بدون تردد ركضت عالطرف التاني من السيارة… وحطت اول اجر لما سمعت قصي عم يحكي….

-قصي: ما تروحي…. في شي مهم بدي قولو……

-أليس: مش وقت الحكي هلأ…. لازم روح….

-قصي: لا أليكس ولا يوسف رح يحبوكي اديييي يا داارييين….. مشي معي… انا بحبك…..

شالت اجرها من السيارة ووقفت مصدومة…

-أليس: بتحبني !!!!

-قصي: يلا مشي معي…… مسكي ايدي… نتزوج… ونعمل عيلة…

ابتسمت أليس… خطفت نظرة ع أليكس… وبعدا ع قصي…. وبعدا صافنة….

-قصي: يلااا دارررييين…. مسكي ايدي وامشي….

-دارين:…………

-قصي: ننسا الدني كلها….. يلاااا…….. والله بحبك….

-أليكس: دارين رح نتأخر…….

-قصي: دارين قرري…. القرارر السليم…. انا بعرف انك بتحبيني وكتير…. ما تنكري……

-دارين(بنبرة حزينة): أليكس…..

-أليكس: نعم ؟……

يتبع…

الجزء الرابع عشر:

-أليس: تأخرنا….. لازم نروح……

-قصي: دااارررين…… ما تروحي…. بحبك انا…..

-دارين: فات الأوان قصي…. فات الأوان…….. الكلمة اللي نطرتا 11 سنة سمعتا هلأ…. وما حسيت بشي…. غير انها اتأخرت كتير…….. يلا أليكس…..

ركبت بالسيارة….. وغرقت بدموعا…… ما بتعرف شو لازم تحس….. الفرحة جواتها عم تقلها انتصرتي……. طلع بحبك….. هاي شريان الحب قطع تذكرة لعندك…. ورح يستوطنك….. ما عاد رح يكون بعيد بعد هلأ……. للحظات ندمت…. وللحظات تذكرت انو هيي ما لازم تندم ع قرار بتاخدو بحياتها….. في شخص عم بنازع الموت بسببها…........

-أليكس: كان القرار الصح اختي…..

-أليس:………….

وصلو بعد ساعات عالمدينة…… وفورا عالمستشفى……. وطلعت طوابق ونزلت غيرن لتلاقي غرفتووو…..

-أليكس: كنا طلعنا بالأصنصير…..

-أليس: ما الي جلادة عالنطرة………… هاه هاي العناية المشددة….

-الممرض: ممنوع تفوتي يا انسة…..

-أليكس: منا نشوف دكتور هالمريض لو سمحت….

-الممرض: بمكتبو…. بآخر الممر……

بمكتب الدكتور….

-الدكتور: الو 3 ايام بالغيبوبة…. الخطر لهلأ ما زال… الطلقة كانت حد قلبو مباشرة…. حطو كل الاحتمالات….. صعب كتير يعيش…. نحن عم نحاول والباقي ع الله……. وفي عندن خيارين هلأ ما إلن تالت… يا بعدلو ساعات وبفارق الحياة… يا إما رح يضل بغيبوبة بعيدة الأمد… ومنفضل فيها سحب الاجهزة عنو ليموت بسلام…. لانو بكون عم يتوجع كتييير….. ونحن منخلصو من العذاب…..

-أليس: هههه…… ههههه….. ههههه………. تسحبو الاجهزة عنوو !!!!!! تقتلووووووه….. هيدااا روووح…. لو الامل 0.1% ما لازم نشيل الاجهزة…….

-الدكتور: انتي فهمتيني غلط يا انسة…..

-أليس: ايا غلط ايا بطيخ….. بدييي فوووت لعندو…..

بعد دقايق كانت لابسة ابيض ومغطية شعرا وحاطة كمامة…. وقاعدة حدو عطرف التخت…..

-أليس: يوسف…. انا دارين…… ما اشتقتلي… قوم شوفني… اجيت لعندك………. يوسف انا كتير قلتلك بعّد عني… وعن مشاكلي وعن متاهتي الغامضة لانك رح توه… بس انت اصريت… يا ريت لو انقطع لساني قبل ما اطلب منك نفوت عالقصر هديك الليلة…..

توووووووت………. تووووووت…..

-أليس(تصرخ): شو عم يصييير……. دكتوووووووووور…… يووووووووسفففففففف……. قووووووم……

ضربتو ع صدرو وهيي عم تصرخ…….. الخط كان عم يستقيم وتخف دقات قلبو شوي شوي…. وأليس قلبا عم تتسارع دقاتو وعيونها مفتحة عالاخر عم تراقب الجهاز وتطلب من الله هالخط ما يستقيم كلو…. تفيقو من جهة… وتنادي للدكتور من جهة تانية… ولما وصل الخط للآخر… رجع طلع من جديد…. ورسملو الحياة……... فات الدكتور….. وقلها تطلع…. بس ما ردت عليه….. وضلت ماسكة ايد يوسف……… كز ع ايدها….. وبعدا صار يرمش…….. فتح عيونو بهدوء وهوي عم يهمس (دارين)…… ابتسمت من قلبا…. بدقيقة كانت رح تفقدووو……. رجع ابتسم وغمض عيونو…

-أليس: شو صرلو؟

-دكتور: شي طبيعي…. يلا فضو الغرفة لو سمحتو…. وانت يا ممرض انقلو ع غرفة عادية…..

بعد ما جهزولو غرفة… نقلوه ع غرفة عادية… وضل نايم ساعات على اثر الادوية والمخدر…….. ولما وعي…. كانت بعدا الرؤية مغبشة قدامو… شوي شوي بلشت توضح…. ولقا صبية قداموا…….

-أليس: يووسف فقتتت…..

عقد حواجبو… وطلع الحكي معو بصعوبة…. صار يحكي كلمات مش مفهومة… لبالأخير ركز صوتو….

-يوسف: مين انتي ؟…

-أليس: !!!!!!!!!!!!!!!!!

بعد ساعات بغرفة الدكتور… أليكس وأليس قاعدين….

-الدكتور: عملنالو كل التحاليل… وللاسف هوي فقد الذاكرة جراء اصطداموا بشي بظن انو حديد… لما اتصاوب فقد توازنو وخبط راسوا بقوة… وحاليا حتى اسمو نسيه….

-أليس: لا دكتووور… ما تقوولاا…

-أليكس: ادي ح يضل هيك…

-الدكتور: للاسف يمكن يضل كل عمرو هيك… ويمكن بكرا يتذكر… وحالتو مستقرة فيكن تخرجوه…

بغرفة يوسف….

-أليس: يووسف انا دارين ما تذكرتني….

-يوسف: مين دارين…..

-دارين: البنت اللي حبيتا 9 سنين يا يوسف…. ما لازم تنساني….

-يوسف: يعني نحن متزوجين…..

-دارين: لا……

اجا أليكس من برا….

-أليكس: يلاا…. نرجع عالضيعة….

عالطريق….. أليكس عم يسوق… وأليس ويوسف بالمقعد الخلفي…

-أليس: ما بتتذكر من لما كنت بعمر ال 13 سنة منشتغل سوا بالارض كل النهار… وبعد سنة انت بلشت تلحقني…..

-يوسف: وليه بعد ما تزوجنا…. انتي ما بتحبيني يعني… كان حب من طرف واحد….

-أليس: اسفة…. كان حبك من طرف واحد ل 9 سنين…. بس انا ما عرفت قيمتك الا لما كنت رح افقدك…. عشت تلات ايام بالضيعة بلاك بعد ما كنت كل يوم شوفك…. وقتا عرفت انك انت اللي كنت تحميني…. وانا كنت فكر بقناعي الرجولي القديم بحمي حالي بحالي…. طلعت انت شريان الحياة اللي الي… اللي بيحميني دائما…

-يوسف: ووين شريان الحب…..

-أليس: عشت بلاه 11 سنة…. وكملت حياتي عادي…. بس بلا شريان الحياة ما قدرت عيش……. يعني انت اهم منو… ومن كل شي….

بلا وعي غمرها…… اطلع على أليكس بحزن عمراية السيارة…

-أليكس: وانا بكون خيها لأليس…

-يوسف: مين أليس…..

-أليكس: قصدي دارين…..

غمضت عيونا بحضنو…. وحست بالامان… ولأول مرة بتبكي وبتشهق هيك قدام حدا….. خوفا من انو يكون خلص نسي حبو الكبير الها عم يقطعها من جوااا….. تذكرت قصي… هيي كانت بتتمنى هالغمرة تكون معو… بس هلأ اللي عم تحسو اجمل بكتير من اللي كانت رح تحسو مع قصي………

-أليس: ع بيتي خدنا أليكس…. انا بدي اهتم فيه…. وانت ارجع عند بيك بلا ما يحس بشي……

-يوسف: لا بدي روح ع بيتي…. بلكي بتذكر شي…. وبعدينا بلكي اهلك ما حبو وجودي….

-أليس: انا عايشة لحالي…….

وصلو ع بيت أليس بعد ساعات…. فاتت دغري وزبطتلو مكان ينام فيه…. وجهزت شوربة وجابتلو ياكل…..

-أليس: يلا كول….. ما تذكرت هالمكان….

-يوسف: لا…… فيني اطلب طلب….

-أليس: اكيد……

يتبع…

#شريان_الحياة_بقلم_نسمات_الليل

الجزء الخامس عشر:

-يوسف: طعميني بإيديكي…..

استغربت طلبو كتير….. بس لبتلو ياه بصمت…. وصارت طعميه… وهوي مركز عيونو ع عيونا…..

-يوسف: خلص بكفي….

-أليس: يلا اخر ملقعة…… اي وااا…. صحتين….

-يوسف: شكرا إلك….

-أليس: قوم معي بدي فرجيك شي يمكن تتذكر….

-يوسف: تعبت كتييير من فراااغ ذاكرتييي…..

-أليس: يلا امشي…. ما رح اتركك لتتذكر كل شي….

-يوسف: ما رح تملي ؟…

-أليس: لا ابدااا…. يلا تاع من هون….

غمض عيونو وركز منيييح بتفكيرو…. ذكريات عم تروح وتجي بلحظة…. بتكة……

-أليس: شو صار… اتذكرت شي….

-يوسف: في قبو هوون مظلم كتييير…. صح…. حاسس حالي بعرف هالمكان…..

-أليس: اييي يوووسف حاول كمان تتذكررررر….. يلا امشي لتحت…

-ناردين: بنتي انتي اجيتي…. طولتي عليي….. لو ما تاركتلي اكل كنت متت من الجوع…. بنتي ليه ساكتة…. ما جبتي أليكس معك… اشتقتلو كتير….

يوسف صافن فيها… ومصدوم…… قرب منها….. اتمعن بالنظر فيها… صارت تجيه مقتطفات قعودو ع كرسي وحكيو المتواصل عن شخص…… كيف كان يقعد ويشبك ايديه ويحكي عنها بحب…. بس مين هيي….. ومين هااي….

-أليس: يوسف معي يا امي….

-يوسف: امك !!!!!

-ناردين: اهليين يا ابني…. طولت الغيبة علي….. اشتقت لاحاديثك… قلتليلو أليس انك بنتي وانا مش أليس….

-يوسف: !!!!!!!!!……

-أليس: امي مشي معي فوتك عالحمام وغيرلك تيابك وتاكلي… وبعدن منحكي…. يوسف اطلع ارتاح شوي….

قامت أليس وساعدت امها بكل شي وبعدا جهزت عشا…. طعمتا ونيمتاا… وطلعت لتحط العشا عالطاولة…… جهزت كل شي… وقربت من يوسف وتأملتو هوي ونايم….

-أليس: اخ ادي عانيت بسببي……

-يوسف: نعم….

-أليس: شكلو نومك خفيف كتيير…. هههه….

-يوسف: أليس مدري دارين احكيلي كل شي…. شو صاير…

-أليس: من زمان لما حسيت بالخطر ع حياتي قررت قللك عن امي كرمال اذا صرلي شي تحميها…. بس ما كان فيني عطيك المعلومات كلها وخصوصي انك كنت سامع باسم ناردين من قبل… ما كان فيي اعطيك كل الثقة فأول شي خطر ع بالي قللك انها أليس ملك اللي هيي انا……

-يوسف: انا ما كنت بعرف اسمك….

-أليس: ييييي اللي عشنااه بدو شرح طوييييل……. انت ليه هيك عم تحكي….

-يوسف: كيييف….

-أليس: انو ما كنت هيك…. كانت عيونك تفرح لما تشوفني وصوتك يرجف… و… (اندق الباب)…. هيدا اكيد أليكس…… يلا جاي…. اهلين خيي… حماتك بتحبك…. فوت رح جبلك صحن….. راجعة…

-أليكس: كيفك شريك…..

-يوسف: عم بختنق…. معاش قادر خبي عليها….

-أليكس: لك لاا لازم….

-يوسف: هشش اجت……

-أليس: شو عم تحكو…. عم تخبو عليي شيي….

-أليكس: لا اختي شو منا نخبي…. يلا تعو ناكل…… لك اختي الاكل باارد…… ما بعرف اكلو هييك…. تؤبرينيي سخنيه….

-أليس: تكرم عينك……

حملت الاكل وفاتت عالمطبخ….

-أليكس: شو صرلك…. ما كان اتفاقنا هييك….

-يوسف: صرلي تسع سنين ناطر هاللحظة… اجت بالوقت اللي ما فيني عبر فيه وغمرها وصرخ….

-أليكس: يوسف اهدا….. رووق…. لولا هاللعبة اصلا يمكن كنت ببيتك هلأ…. صرت عالاخر بالمعركة… الطابة بملعبك…. اخر خطوة بعد….

-يوسف: أليكس بس هيي مستحيل تحكي قدام حدا او تزلق… صرلا سنين ساكتة عن امكن…. هلأ عن هيك موضوع بدها تحكي….

-أليكس: ما بأثر… ما منا تكبر الدائرة……. بعدين تعاني شوي متل ما خلتني عانيييي….. هههه….

فجأة التفتو ع صوت تكسير…. كانت أليس واقفة ووقع من ايدا كل الاكل…. كانو مسترسلين بالحكي وما حسو ع وجودا….

-يوسف: دارين……

-أليس: عم تكذبوو عليييي….. قومووو طلعو من بيتيي…. شو هاللعبة هااي….

-يوسف: دارين حبيبتي اسمعي انا قلتلو نفوتك عاللعبة وكنا رح نخبرك هلأ….

-أليكس: اختي روقي…

-أليس: انا مش اختك وانا مش حبيبتك انت التاني….. وسمعت كل شي بلا كذب…… انا عم عاني ودموعي عبت الاكل انا وعم سخنو لاحساسي بس انو كل حبك اتبخر وانت عم تمثل عليي… بحب خبرك انك ممثل شاطر يوسف بيك….

-يوسف: دارين اسمعي شوي… خليني اشرحلك…

-أليس: انا أليس… انسى داريييين…. دارين مااااتت من زمان وخلقت محلها أليس اللي واقفة قدامك هلا….

-يوسف: اي بعرف أليس اللي حبتني واقفة قدامي ودارين اللي كرهتني ماتت….

-أليس: غلطان التنين بيكرهووك…. خلص طلعوو…

-أليكس: قوم يوسف…. مننطرا لتهدا…..

-يوسف: مش طالع…..

-أليس: هههههاااي ليك السيد يوسف رجع لطبعووو….. رجاءا طلعو تركوني لحالي….

قاموا ليمشو… وصلو عالباب… ناطرين تناديهن….. ضهرو وسكرو الباب…. وهيي وقعت عالارض وبلشت تبكي…. فجأة قامت ومسحت دموعا… ركضت عالباب وفتحتو…. كانو بعدن واقفين….

-يوسف: قللتك يا أليكس خلينا ننطر… كنت بعرف انها ح ترجع… حافظ شخصيتا عن غيب….

الجزء السادس عشر:

ركضت لعندو بلا مقدمات وغمرتو…. بقي لحظات مش مستوعب… البنت اللي حبها سنين هلأ بين ايديه عم تبكي عليه… رفع ايده وغمرا… دفن وجو بشعرا… وكز عليها… شمت عطرو… وغابت عن الوعي بين ايديه…..

-يوسف: دااارين شو صرللك…. أليكس ساعدني….

-أليكس: اختييي فيقيي…

فوتوها لجوا…. وسطحوها عالتخت…. رشو عليها شوية ماي… وبلشت توعى….

-أليس: يوسف……

-يوسف: عيونو….

-أليس: ما نسيتني ما هيييك….

قرب عليها وغمرها بقوة…

-يوسف: بنسى الدنيا كلها وما بنساكي….. معقول انسا حب حياتي… واذا ذاكرتي نسيتك…. قلبي كيف رح ينساكي…….

اجا بدو يبعد عنها… بعد شوي واطلع بعيونا وقلها (بحبك)… رجعت غمرتو مرة تانية وما سمحتلو يبعد… وتشد اكتر عليه… ع شريان الحياة… عالامان….

-أليكس: اووو… نحن هنااا…..

-كلن سوا: هههههههههههههههههههه…….

-أليس: يلا واحد منكن يقوم يعمل قهوة… وتعو احكولي اساس اللعبة مين…. انا بدي ادلل اليوم….

مع بعض أليكس ويوسف اطلعو ببعض واشرو ع بعض وابتسمو وقالو سوا (هوي)…

-أليس: مين الكذاب….

-مع بعض: هووي…….

-أليس: هوهووو….. مين بدي صدق….

-أليكس: ههههه… انا الكذاب… وصاحب الفكرة… وما بعرف اعمل قهوة…..

-يوسف: امري لالله قايم….. اوعكن تحكو شي بغيابي…. ضهرو نقعد بغرفة القعدة… بدكن نشرب القهوة بغرفة النوم !!!

-أليس: ههههه يلا….

فاتت أليس وقعدت عالكنباي… قرب منها أليكس ونام ع اجريها… وصارت تلعبلو بشعرو….

-أليكس: كتير بحبك….. وبحب حنانك……. منيح انك بحياتي… قومي ننزل عند امي اشتقتلا………

قام دغري قبل ما تحكي… ونزل لتحت…. وأليس لحقتو… وتمدد حد اموو…. وصارت تتحسسوو…

-ناردين: حبيبي ابني….

-أليكس: ما ضل غير القليل وح تطلعي من هالمكان… ونعيشك بنعيم امي…. اصبري بس شوي…..

-ناردين: ما بدي غير تضل انت واختك حدي… ما بدي اكتر…

-يوسف(من فووق): وينكننن القهوة جااهزة….

-أليكس: روحي لعند يوسف هوي بيحكيلك كل شي… انا بدي اشبع من امي….

طلعت أليس لعند يوسف… وأليكس ضل بحضن امو يحكيلا عن معاناتو مع الاب الظالم… وهيي تحكيلو عن الشوق والعذاب اللي عاشتو ع فراقو……..

-يوسف: وين أليكس….

-أليس: تحت مع امي…. يلا احكيلي كل شي….

-يوسف: يا ستي هاي بس فقت وشفت صورة وجك قدامي ورجعت غمضت… وفضيت العناية ليجهزولي غرفة… فات أليكس لعندي…. انا كنت واعي بس عيوني تقلانين……
___________________________
-أليكس: اسمع يوسف…. نحن كلنا بخطر… لازم نلعب لعبة… رح تفيق فاقد الذاكرة…. وانا بعدا بشرحلك كل شي….

شال يوسف الاوكسجين عنو بهدوء… وبصعوبة طلع الحكي….

-يوسف: أليكس…. اح اح… شو ام تخبص… فكرك رح اتركلك اح احح الساحة الك مع دارين…..

-أليكس: ولك يا بهيم دارين اختي….

-يوسف: اح اح… ش… اح… شوو…..

-أليكس: اي اختي وهيي بخطر… من قبل فريد…. ونحن ما منا نفوت الشرطة ونفوت بسين وجيم لانو فريد ح يطلع حالو متل الشعرة من العجين… ما في دلائل…. كرمال هيك رح تفقد ذاكرتك وتقول انك ناسي القاتل…. وهيك نحن منتكتك عالدلائل ومنبلغ عنو…

-يوسف: بدك صدقك… اححح اح هيدا بيك اذا ناسي….

-أليكس: خصو بكل شي… الا بالابوة…… يلا شكلن اجو ياخدوك غمض عيونك ونفذ…. كرماال دارين….
___________________________
-أليس: والله منك قليل يا اخي…. ايي وهلأ شو خطتوو….

-يوسف: ما بعرف… ليه حضرتك تركتيني من وقتا ثانية لافهم منو…

-أليس: هههههه…. غلييظ…… هلأ بناديلو يحكيلنا…. هه ابن حلال اجا….

-أليكس: نامت…….

-يوسف: تاع قلنا خطتك….

-أليكس: جبت كاميرا معي من المدينة…. وقررت حطا بموقع استراتيجي بالقصر… وجرجر فريد بالحكي….

-أليس: فكرة ممتازة…. بس ما ح تزبط معك….

-يوسف: ليه !!!!

-أليس: لانو فريد اويار اكبر من انو يعترف قدام ابنو شي….

-أليكس: هيدا اللي كان مرددني وعم فكر فيه…. كرمال هيك نطرت يوسف ليتعافى وهوي يقوم بالمهمة….

-أليس: وحتى يوسف ما رح يقدر…. انا رح روح…

-أليكس: مستحيل ما بخاطر فيكي….

-أليس: أليكس…. ناسي اني كنت اخت رجال… ولهلأ هيك داخليا… مش اذا لبست فستان وفردت شعري صرت ما بعرف اتصرف…..

-يوسف: اي انا بوثق فيها كتيير… متأكد ح تجيب نتيجة…. انت حطيت الكاميرا….

-أليكس: اي اليوم الصبح….

-أليس: لكن انا رايحة….. اوعى حدا يعارض اسكتو…. باي….

-يوسف: مجنونة….

-أليكس: غبية كمان… تعي لقللك مكانا يا هبلة… كرمال توقفو قراب منها…. ونحن ح نكون قراب منك اذا صار شي…

وصلت عالقصر…. فتحتلا الخادمة…. وفاتت بدون استإذان وهيي عم تصرخ….

-أليس: فريييد اووويااااار…. انزل لعنديي… في حساب بدي صفيه معك…. يا سينيوووور……

مشيت وصارت تطلع محل ما قلها أليكس انو الكاميرا موجودة… لمحتها ووقفت قريبة منها…. نزل فريد من فوق….

الجزء السابع عشر:

-فريد: حظك حلوو لو متأخرة دقيقية ما كنتي لقيتني… هههه… جيتي بإجريكي عالمووت….

-أليس: حظك هوي السيء لانك بعدك هون… وواقف قدامي…

-فريد: شو بتريدي يا انسة… او بتحبي قللك أليس او دارين….

-أليس: خليها ناردين احلا شو رأيك….

-فريد: اخرسي…. رح اقتلك بايديي لحتى ما خليكي تحكي حرف لابني ودمريلو حياتو….

-أليس: ع اساس ناردين عايشة…. هيك قللي حارسك من فترة…. وبعدين ما بدي اذنك لافضح كل شي….

-فريد: وبذكائك عرفتي انها خدعة لجرجرك لهوون… توقعتك ذكية بس مش هالقد….

-أليس: وبلكي كذبتك كانت حقيقة….

-فريد: مستحيييل…. بإيديي قتلتلك ياااهااا لامك يا أليس… شفتا كيف عم تووقع وكنت عم بستلذ لما دفشتا وشفتا سارحة بدمها…. شو ليه خفتي…. بتحبي اشرحلك دمها كيف انتشر بكل مكان…

-آليس: بلا قلب…. انت بتستلذ بأذية الناااس….. كم وحدة اغتصبت لتجيب أليكس وما قدرت تحافظ عليه وتكنلو اب…

-فريد: نحن ما عم نحكي عن الابوة…. عم نحكي عن موتك انتي يا انسة…. اللي بعد شوي ح يحملوكي عالقبر….

-أليس: ههههههاااي…. بتحب قللك جرايمك…. واللي كلن معي ادلة عليهن….

-فريد: ما فيكي تهدديني… مستحيل اترك اثر وراي…. بتوقع خالتك المصون تكون حكتلك سخافاتا… بس ما رح تحكيلك الوحشية الحقيقية متل ما هيي… لانها ح تخاف ع قلبك الضعيف….. ما بتعرفي اكتر من اني قتلت امك…..

رفع مسدسوو…

-فريد: بهالمسدس قتلت فيه حبيب القلب…. حرام كيف حاول يهرب من وراي ليوصل عالباب… بس انا لقطو وما سمحتلو… وشوفي الكاتم اللي فيه… ما حدا ح يسمع او يحس فيكي…. تماما متل يوسف اللي لحشتو بالحقلة… بس للاسف حظو كان حلو وعاش… بس عاش بلا ذاكرة… وهلأ قليلي كيف رح تثبتي اني قتلتو يا صغيرة….

-أليس: اغتصبت 10 نسوان… وحبست 3 منن… كنت سبب بموت مرتك الأولى بسبب كثرة الاجبار عالاجهاض… قتلت ناردين… وقتلت بلقيس… وقتلت يوسف كمان……

-فريد: ههههههههههااااي…. زيدي عليهن كمان موت بيك المصون….

-أليس(بصوت مخطوف): شو….

-فريد: هههههههه شرير انا ما هيييك….. وهلأ زيدي كمان موتك يا حلوة…….

وفجأة بدون سابق انذار كانت الشرطة معبية المكان ومحاوطة فريد من كل ميل…. اجو من كل مكان متل السحر… القصر كبير… ودهاليزو اكبر….

-الشرطي: سلم حالك فريد اويار…. النهاية هاي صدقني… ما تحاول تهرب….

كمشوه وكبلو ايديه….. ومشيو فيه لبرا… برم راسو…

-فريد: رح ندمك أليييييس…. بتشوووفييي….

رجع عدل راسو وانتبه ع وجود ابنو قدامو….

-فريد: كذب كذب ابني… ما تصدقن… فيه سوء تفاهم….. يوسف انت هون…

-يوسف: جيت اخد حقي يا فريد…. ورح اشهد ضدك…

-فريد: تركني هييك بعرف امشييي… بس انت فاقد الذاكرة…..

-يوسف: بعرفك اذكى من هيك… كيف مرقت عليك التمثيلية….

اخدوه وطلعوه عالسيارة…. وهوي مصدوم وخايف من اعتراف يوسف… وقعد أليكس بالارض يبكي…. بضل بيه… صار يبكي ع وحشية فريد… والناس اللي ظلمن… نزلت أليس لمستواه…. وتحسست خدوو…

-أليس: روق….

-غمرها بقوة وقال: ليه يا أليس بيي هيك…. كنت بتمنى يكون عندي اب حقيقي… اب بكل معنى الكلمة… يحميني… مش يإزيني…

بعد مرور أيام…. في المحكمة…

الكل قاعدين وناطرين القاضي يجي لينطق بالحكم…. أليس قاعدة وعم تفرك بإيديها ونظرها عالباب…. أليكس عيونو ع بيو اللي واقف والكلبشات بإيديه… ويوسف ما اهتم لحدا غير أليس… ما قام عيونو عنها…. وأنجلي عم تبكي ع حال زوجها… وغيرو وغيرو… واخيرا عم ينفتح الباب…. فات القاضي… الكل وقفلو… قعد وطرق بمطرقتو بقوة… رنت بإدن الكل… ناطرين المستقبل المجهول….

-القاضي: جلوس…… الشاهد الأول… يتفضل لهون…

-أليس: أليس ملك…

-القاضي: حضرتك بنت ناردين ونعيم… (هزت براسها اي)… شو بتعرفي عن المتهم…

-أليس: قتل امي… قصدي اللي متل امي… بتكون خالتي بلقيس… شفتو عم يدفشا ووقعت وترقت راسا بالارض… وكمان امي ناردين من قبل زتها من العالي…. وقتل بيي كمان… هوي اعترف بالفيديو المسجل عند حضرتك…

-القاضي: ارجعي لمحلك…… الشاهد التاني….

-يوسف: يوسف نالجي… المتهم حاول يقتلني من حوالي كم اسبوع… واطلعت من الموضوع باعجوبة….

وهيك سمع القاضي للكل… ومن ناس كتيرة عن ظلمو وتعجرفو…. وساد الصمت… قبل ما يطلب المتهم ليدافع عن حالو….

-القاضي: وانت بشو بدافع عن حالك….

-فريد: كلو افتراء….. والفيديو مركب….

-أليس: ما تصدقو… كذاااب…

-القاضي: هدووووء…. ممنوع التدخل والكلام اثناء المحكمة…

الكل سكت بعد ما اسمعوا اقوال الكل… صار في مشاورة بين القضاة… والكل ايدو ع قلبو… لحد ما ترق القاضي بمطرقتو ليأعلن الحكم

الجزء الثامن عشر:

-القاضي: سجل عندك يا ابني…….. المتهم فريد أويار… وﻻنه أخل بالعدالة… ولأنه أخفى الأدلة… ولأنه أيضا قام بالقتل العمد لكلٍ من بلقيس وناردين ملك ويوسف نالجي وأيضا نعيم ملك… ولأنه أيضا قام باغتصاب عشر نساء بدون اية رحمة وسجن ثلاث منهم… وايضا لأنه كان سببا في موت زوجته مسبقا بسبب اجبارها على الاجهاض… حكمت المحكمة عليه بالسجن المؤبد…… رُفعت الجلسة…..

الكل تنهد… والابتسامة بانت ع وجوه الكل… ركضت أليس وغمرت أليكس وهي تروقو… وتطمنو انها حدو…. ومشيت معو ومع يوسف ليروحو عالبيت…. والتقو برا بسيارة الشرطة اللي عم طلع فريد عليها…

-فريد(يصرخ): ابنييي ساااامحنيييي…….. كلو كرمالك وحييياتكك…. والله كل شي عملتو لشوف مبسووط… كل مملكتي الك يا وريثي….

-الشرطي: خراس وطلاع….

-أليكس: ما بدي شي منك ومن مالك الحرااام…… امشي اختي….

وصلو عالبيت وال3 زتو حالن كل واحد بمحل وتنهدو وسكتو… وراح تفكير كل شخص بميل….

-يوسف: ما بدكن تخبرو امكن وتفرحو قلبا…. طلعوها عالضو بقا…

-أليس وأليكس: ………

-يوسف: هوهوووو مع مين عم بحكي…..

-أليس: يوسف انا بعتذر….

-يوسف: ع شو…

-أليس: ع استغلالي الك… انا استغليتك واستغليت حبك وحمايتك… وانت كنت عم تعطيني بكل لحظة بلا مقابل…. وكنت عم فكر بأنانية لما دعيت الله توعى من الغيبوبة كرمالي وكرمال عذاب ضميري… انا بعتذر عن كل هالسنين اللي اذيتك فيهن… انا ما بستاهلك… وما بستاهل حبك الكبير الي….

-يوسف: هلأ ما عدت شريان الحياة اللي حكيتي عنو !!!!

-أليس:………..

-يوسف: او شريان الحب اقوى…. انتي بتعرفي انو اذا اتمسكتي بشريان الحياة رح يخلق بعدا شريان الحب….

-أليس: يوسف انا ما……….

قاطع حديثهن دقات عالباب… قامت أليس لتفتح… لمعو عيونا من دون ما تحس….

-أليس: شو جابك قصي…..

-قصي: فوتيني لشووف مين في جوا….. سيرتك ع كل لسان…. اوووه حلو حلووو…. لك مين عندك… شو عم تختاري مين تتزوجي منن… زتيتيني كرمال هالجوز….

-أليكس: احترم حالك وطلا برا البيت…..

-أليس: أليكس اهدا…. انا بتصرف معو…. قصي فل من هون وانسى اني بنت خالتك… خلصنا بقا…... واللي ما بيوثق فيي مني بحاجتو بحياتي….

-قصي: مش هيك قصدي…. بس انا والله بحبك… تعي معي…

-يوسف: أليس ما تروحي….

-أليكس: أليس فوتي ع غرفتك انا بعرف اتصرف معو….

-قصي(مصدوم): مين أليس !!!!

-يوسف: اوهووو… اخونا بعد ما بيعرف شي… بشرفكن خلوني احكيلو انا…… هاد يا سيدي هيدا المحترم اللي واقف قدامك بكون ابن خالتك ناردين اللي توفت من سنين….. اووه ليه مصدوم انطر لتسمع الباقي…. وهاد يا سيدي بنت خالتك بلقيس اللي اسما دارين ماتت من زمان من لما كانت طفلة…… فبنت خالتك المصون اللي اسما أليس اختو لأليكس اخدت محلها….. جيبولو ماي هلأ بغط ع قلبوووو….. وهلأ انقلع لبرا ما دخلك بعائلتنا يا شاطر… الأخ والإخت وخطيب الاخت عنا مواضيع اهم من حضرتك…. اه وصحيح والام ناردين كمان….…

-أليس: يوسف خلصنا بلا مسخرة….

-أليكس: بتحب ساعدك تطلع لبرا….

-قصي: انتو شو عم تخبصو…. كيف هيك… خالتي ناردين عايشة… وانتو اخوااات…

-أليكس: اي اي يلا روح من هون يا ابن خالتي…. هههههه…..

-قصي: مش قبل ما تمشي معي يا دارين….

-يوسف: اوووه ميين دارين…. روح خدها من القبرر يا حلو….

قربت أليس من يوسف وطبعت كف مرتب ع وجو….

-أليس: خلصنااا يوووسف زودتها….. بلا مسخرة….. وانت طلاااع لبرااا يلااا قصييي……

ضل يوسف مصدوم لثواني…. وحاطط ايدو محل الكف وعيونو العسليات عم يطلعو شرارة الغضب…. بعّد كم خصلة من شعرو البني الكثيف عن عيونو…… وعقد حواجبو… حمل جاكيتو… وراح مسرع بلا ما يلتفت وراه…..

-يوسف: انا اللي طالع…….

-أليس: يوسف لحظة…. يوووسف…. اوف منك قصي اووف…. ما بدي روح مع حدا…. بدي ضل مع خيي….. روح من هووون…..

راح قصي….. وراح يوسف قبلو…. واتسكر الباب….. وغرقت أليس بدموعا بحضن أليكس….

-أليس: ليه هيييك…. لييييه…..

بعد مرور يومين……… كانو هاديين لابعد حد… لا يوسف ولا قصي بينو…. وأليكس وأليس وناردين ما طلعو من البيت…. ع احاديث وضحك ومزح……

-أليكس: يلاا جاهزين…

-ناردين: جاهزين ابني….

-أليس: لحظة لجيب جزداني…….

وصلو عالسجن بعد طريق طويل…. ونزلو من السيارة….

-أليس: امي اذا ما بدك منرجع…..

-ناردين: لاااا امي…. مع اني مشتهية شوف وجو كييف…. بس بكتفي بسماع رجفة صوتو من صدمتو اني عايشة….

-أليكس: يلا لكن…..

فاتو لجوا… ناطرين يسمحولن بزيارة لعند فريد……

-الشرطي بالزنزانة: فريد اوياار زيااارة…..

-فريد: نعم…. إلي…. اكيد هيدا ابني… أليكس.. ما هان عليه بيو….

وصل عغرفة الاستقبال… وشاف ابنو واقف… ركض ليغمرو… حط ايديه ع ظهر ابنو… مغمض عيونو ومبتسم… عم يربت ع كتفو… وأليكس ما عطا اي ردة فعل… كان سلامو جاف…. فتح عيونو فريد وهوي ضحكتو لدينيه…. فجأة طبع نظرو عالباب… وبلشت تختفي الابتسامة شوي شوي عن وجو… بعّد ايديه عن أليكس… ووقف بأرضو… وأليكس برم ناح الباب وابتسم….

-أليكس: ما جيت لحالي…. جبتلك معي امي واختي….

عقد فريد حواجبو… وضل واقف ليركز… بلشت الذكريات تقتحم ذاكرتو باليوم الزي زت فيه ناردين… والدم اللي منتشر حواليها… هوي بحلم او بعلم… بعدا حكا بهمس بدل على عدم تصديق….

-فريد: نااااردييين…….

الجزء التاسع عشر:

قرب اكتر… وصل لعندن….

-فريد: انتي عايشة…..

-ناردين: صوتك ما تغير….

-فريد: جاي لتشمتي فيني…

-ناردين: انا ما جيت اشمت فيك بس جيت لفرجيك اني بعدني عايشة… وانو الله يمهل ولا يهمل… وكل انسان لازم يحصد نتيجة اللي زرعو…

-فريد: اخرسييي يا حقيرة….. هول ولادك جابوا اجلي…

ورفع ايدو ليضربا…. بس منعو أليكس… واجا الشرطي مسكو دغري من ورا…. وقللو يتفضل ع زنزانتو….

-ناردين: للاسف تمنيت انو السجن وهالعقاب يعلمك بس انت مستحيل تتغير…… طبعك ما رح يتغير…

-أليكس: من قبل ظلمت امي… كنت صغير…. بس هلأ ما تحلم بهالشي وانا بهالحياة…. على جثتي…... (باستهزاء)… يا… يا بابا……

رجعو عالبيت…. ولقت قصي ناطرا قدام البيت…. عصبت وفاتت عالبيت بدون ما تحكي….. وامها قعدت بغرفة القعدة…. وأليكس وقف ليساعد اختو بتجهيز الاكل…. صار يصرخ قصي من برا…

-قصي: دارين انا مسافر….

ركضت لعند الباب وفتحتو… اطلعت فيه… بعيونو… ابتسمت…

-أليس: بتمنى……. تروح وما ترجع…. وما بدي شوف صورة وجك… رجاءا طلاع من حياتي….

-قصي: وين حبك إلى دارين….

-أليس: اتبخر يا قصي…. مات مع دارين…. وخلقت أليس…. انت ما بتستاهل…. نطرتك كتييير…. وصلت متأخر كتييييير….. الله معك….

-قصي(الدمعة بعينو): بخاطرك بنت خالتي……

برمت ضهرا وسكرت الباب…. مسحت دمعة هاربة من عينا… وقوت حالا…. وما سمحت لدمعة تانية تنزل….. مشيت خطوة… رجع اندق الباب…… فتحتو….

-أليس: شو قص…….. يوسف !!!!

-يوسف: ناطرة قصي؟

-أليس: لا لا بس….

-يوسف(قاطعا): على كلن مش مهم…. جيت ودعك….

-أليس:……….

-يوسف: نازل عالمدينة…. وما رح ارجع… خلص…. ما ضللي شي هون… فرص عملي هونيك اكتر….. بخاطرك أليس….. يا شريك…. (بشهقة ضحك حزينة) ههههه…

وبرم ضهرو ومشي… ضلت واقفة مصدومة…. بنفس اليوم التنين فلو…. ضغطت ع قبضة الباب…… هروا دموعا…. وما تحركت…. ويوسف مشي بعدوء…. حامل شنتة بإيد… وعم يمسح بالايد التانية دموعو…. هيدا الشب الفقير والحلو والقوي… واللي بدو كل شي الو… اللي قرّف حياة دارين بالبداية ووقف حد أليس بشجاعة عم يبكي هلأ……… غمض عيونو مجرد ما حس بأنفاسا القريبة… وقف… وابتسم…

-يوسف: أليس…….

ما ردت… بس هوي ضل متل ما هوي ما تحرك…. غمض عيونو مرة تانية لما قربت منو وغمرتو…. وحطت خدها ع ضهرو العريض… وحاوطت خصروا بإيديها الناعمين…. مسك ايديها…

-أليس: قلبك عم يدق بقوة……

برم ضهرو لعندا…. اطلع بعيونا….

-يوسف: البنت اللي حبيتا من سنين غمرتني لأول مرة… كيف بدك يكون قلبي….

-أليس: لا مش الأولى….. في لما رجعت من المستشفى بالسيارة…

-يوسف: لا هديك مش محسوبة….

حط ايديه ع خدودا…

-يوسف: بحبك يا مجنونة….

غمرتو وهيي عم تبكي….

-أليس: ما تروح يوسف…… يوسف انا بحبك…….

تنفس بعمق…. حاول يسيطر على دقات قلبو الغير منتظمة… حاول يخفف من شدة الغمرة…. بس عبس…. اصابعو ابيضت من الشد ع ضهرا…. احساس غريب اقتحمو لما سمع لاول مرة الكلمة اللي نطرا سنين… بصعوبة طلع من احلامو… وحكا…

-يوسف: ما تتركيني ابدا……. بحبك كتير……

-أليس: يمكن اتركك اذا الموتى طلعو من قبورن واذا النهار اتحول ليل واذا السما نزلت عالارض…….

-يوسف: ما عم صدق انو هالحكي عم يطلع منك…… انتي جوهرتي… انت حياتي…. انتي كل شي بالنسبة الي… انتي الحياة….

في دمعة بعيدة نزلت عالارض… وبلش يلحقا دمووووع… شلال… من عيون ندمانة… عم تراقب ورا الشجرة…. اتذكر حديثو مع لانا لما قلها انو سنة زيادة ع سنينا ما رح تفرق…. تمنى لو انو ما حكا هيك… تمنى لو انو ركض لعندا وقلها تتزوجو وسفرها معو…. بس فات الاوان…. ما في يرجع الزمن لورا… هلأ هيي ضاعت من بين ايديه…… برم ضهرو… مطأطأ راسو…. وخدودو معبايين دموع…. عم يتمنى لو يكون كابوس ويوعى منو…… اطلع نظرة اخيرة لورا… شافهن ماسكين ايدين بعض وعم يفوتو عالبيت…. مسح قصي دموعو ومشي… لازم يحصد اللي زرعو….. 11 سنة ما شافا وما عبرا… هلأ لما نسيتو وقررت تعيش صار بدو ياها….. هيدي انانية….

فاتو يوسف وأليس عالبيت……..

-أليكس: اووووه….. امي حزري ميين في قدامي…. حزري المنظر اللي شايفو شو…..

-ناردين: اكيد يوسف وأليس سوا…..

-أليس: نعمممم…. شو عرفكككك…..

-أليكس: اكيد احساس الام….

-ناردين: من اول يوم اتعرفت فيه ع يوسف عرفت انو ح يكون صهري…. كنت عم حس ولامس حبو الكبير الك يا بنتي… وكنت متأكدة انو ح يجي اليوم اللي تفهميه فيه وتحبيه… واجا….

-يوسف: بعيوني رح حطها… انا وحيد وما عندي حدا…. بتمنى تكونو عيلتي…. وهلأ انا رح اطلبا منكن على سنة الله ورسولو….

-أليكس: هدي شريك لشو العجلة…

-أليس: شكلو مل من الانتظار….

-يوسف: مستحيل مل من انتظارك… ولا من شي بخصك… رح انطرك ولو لاخر العمر

الجزء العشرون والأخير:

-ناردين: عطيتك….

-أليكس: لحظة لحظة انا خيها الكبير وما بدي اعطيه…

-أليس: لحظة لحظتين انا العروس وما بدي ياه…

-كلن سوا: ههههههههههههه….

-يوسف: يعني كلكن جيتو ضدي هلا… امي ناردين قليلن عم يستلموني….

ابتسمت ناردين وفتحت ايديها كدعوة ليوسف ليقرب منها…. قرب منها وحضنها… وهيي همستلو بعبارات لحماية أليس… والاهتمام فيها… ويقدرها… وهوي يطمنها بعبارات رايقة انها بعيونو واغلى شي بيملكو….

-أليكس: اختي هيدا يوسف بلش ياخد مكاننا…

-أليس: يوسف قوم من حد امي لشوف…

-ناردين: هههههه….

-يوسف: رح تغاري عليي هالقد متل ما بتغاري ع امك…

-أليس: انتو التلاتة اغلى ناس بحياتي… وما عندي غيركن… بحبكن كتيييير….

-يوسف: يعني بفهم انك موافقة ع عرض الزواج…

-أليس: موافقة……

بيوم العرس……………………….

الحي كلو كان معزوم عالعرس… عاملنو بوسط الضيعة…. والابتسامة ع وجوه الكل…. وبالوسط الكل عم يدبك ويرقص…. وصوت الطبل والزمر بكل مكان… وصوت الرصاص معبي المطرح ليعلن عن فرحة كبيرة…… والغرسان قاعدين عالمرتبة عم يوزعو ابتسامات…

-يوسف: اووف… مليت… قومي نروح ع بيتنا…..

-أليس(من بين سنانها): يوسسسسف…

-يوسف: خلص خلص سكتت… محضرلك مفاجأة…

-أليس: مفاجأة شوو… اه واناااا قول ليه اخر يرمين ما خليتني فووت عبيتك…. يلا قوم نمشي هلأ….

-يوسف: ههههه لا ما حزرتي… قبل شوي كان عيب وصرت طالب منك ميت مرة وما كنتي تقبلي…. والله واكتشفت فيكي شي جديد…. وهوي الفضولية ست أليس….

-أليكس(بوسط الدبكة): يلاااا عرييييس تاااااع عالدبكة…..

ما تحرك يوسف من محلو وأليس تعمل حركة بعيونا انو يلا قووم… وهوي يرفع بكتافو… لقرب من أليكس وسحبة ع نص الدبكة… قامت أليس بفستانها الابيض… ومشيت مع طرحتها اللي لاحقتها… لوصلت لحد امها… وقعدت… ومسكت ايديها بالم وحزن ع فراقها…..

وسط الضحكات والزغاريد والناس المبسوطة… والابتسامات العريضة… دمعة وقعت عالتراب… بعيدة… لحقتا دمووع…… ورا الشجرة…. عيون عم تراقب… برم ضهرو قصي ومشي… مشي بلا هدف… رجع برم راسو بحزن عالعرس… لقا الكل مبسوط… شاف الضحكة ع وج أليس…. رجع مشي… وصل عسيارتو…. وساق بطريقة جنونية…. فجأة بدون سابق انذار شحط فرام… ومن عزم الضربة ترق بالدركسيون…. وبدون اي ردة فعل منو ركز عيونو الحمر عالشجرة اللي بوجو… وكإنو عم يطلع بفراغ… وعقلو مش معو… حرك ايدو للتابلو… فتحو… وطلّع مسدس… ابتسم ونظرو بذات المكان مقابيلو…. رفعو… وحطو ع راسو…. وبدون تردد كبس عالزناد…… وفارق الحياة وترش الدم حواليه ع ازاز السيارة كلها… بنفس التكة اللي البنت اللي بحبها عم تنزف لغيرو… عم تطلع بسيارة العرسان وعم تلوح بإيديها لأغلى تنين ع قلبا… امها وخيها…. ابتسمت بعين عم تدمع وطلعت مع يوسف بالسيارة… انتحر قصي بدون ما يدرك عواقب هالشي… بدون ما يعطي نفسو فرصة انو ينساها ويبدا حياة جديدة مع بنت تانية… يعطي فرصة لقلبو يلاقي البديل… وكإنو اختصر ع نفسو العذاب بهالطريقة….

غمر أليكس امو… وودع اختو وراح ع بيت أليس… وسكن هونيك هوي وامو… بعيد عن قصر بيو… ومالو الحرام….

وصلت أليس عالبيت بتوتر…. فركت ايديها هيي وناطرة يوسف ليفتح الباب…. فتحو… واطلع فيها… حملها وفوتها ع بيتو….

-يوسف: صرتي إلي… الأنثى اللي جواتك هلأ ملكتا…..

-أليس: يوووسف شوو عااامل بالبيييت….

-يوسف: حبيتي المفاجأة !!!!

كان يوسف مغير عفش البيت التعبان… وداهن ألوان فرحة…. وهيي كتير فرحت بهالشي… غمرتو من قلبا…… واخيرا عاشت بأمان…. مع شريان الحياة… اللي ولّد شريان الحب……

_______بعد مرور عشرون سنة___________

أليس امرأة اربعينية… مرتبة وانيقة… امرأة من فولاذ… مبتسمة… قاعدة حد الشمنيه ببيتا…. مقعدة بناتها التوم حدها… وعم تحكيلن حكايتها مع بيهن….

-أليس: وهيك سماكي انتي دارين لانو حبني سنين ع انو اسمي دارين… وانتي سماكي حياة لانو اللي خلاني اعترفلو بحبي هوي احساسي بفقدان شريان الحياة اللي هوي بيكن….

-حياة: طيب امي هوي ما زعل انو اجينا بنات….

-أليس: ههههههه اكيد لا يا امي… مش شايفي ادي بحبكن… هوي بالاول صار يستلمني… وبعدا يقللي شو بدي احلا من 3 أليس بحياتي… بعدين بلع ريقو وقللي انا بوحدة مش مخلص….

-كلن سوا: هههههههههههههه…….

-دارين: تأخر خالو…..

-أليكس: اجيييت….

فات أليكس حامل ولد ع كتافو… وجارر الولد التاني بإيدو…. واجت بنت صغيرة ركض لعندو من بعد ما نزلت من حضن امها اللي جايي من المطبخ… وهيي عم تنده…

-باباااااااا… اجااا باباااااا…..

-أليس: تيم ماما انزل عن كتف خالك… صرت شب هلأ بينهد ضهرو….

-أليكس: تركيه اختي… مبسوط فيه…

-أليس: وجارر ابنك كمان…. هلأ بغار…. تالا شفتي زوجك وعامايلو….

-تالا: هههههه……

-أليس: لكمللكن الحكاية يا بنات… وهيك خالكن الاهبل تزوج تالا بنت خالتنا سلافة وجاب هالمجانين التنين… رامي وناردين… سماها ناردين ع اسم ستكن الله يرحمها…_____________النهاية_____________